野玩海店 (已結業)

老朋友就是很久不見，但一見如故，至少於我心中是這樣定義的。一向甚宅的我，也深明要約我外出不易，今晚可以早一點放工，便與老朋友吃個好西。今晚來到這間新開不久的餐廳，以海做主題，風格特別! 餐廳的面積頗大，餐桌之間的有一定的空間感，讓人坐得舒適。主打西式食物，亦有海鮮餐，款式實在不少，最後還是決定要一份二人餐，免卻選擇的煩惱。選來的是焗原隻波士頓龍蝦海鮮拼盤($428)，套餐包括例湯，加錢可升級要其他湯；還有一款薄餅，是日甜品和飲品，以正常的食量相信是夠飽的。先來有沙律，蔬菜算不上十分新鮮，一般貨色，加上粟米和淋上千島沙律醬，味道保險。友人點的是周打海鮮湯(+28)，而我是跟餐的是蕃茄忌廉湯。周打海鮮湯以一農夫包盛載，海鮮配料都填滿於包中，有青口，魷魚，蝦肉，洋蔥，蘿蔔等，尚算豐富；友人表示湯亦頗濃郁，麵包因湯浸過是偏腍身的，把它吃完都飽了一半。而蕃茄湯是偏酸的味道，質感尚算幼滑，喜愛酸的人應該會喜歡。是日薄餅是野玩雜錦手造薄餅! 薄餅是長身的，餡料都是基本款，有芝士，粟米，甜椒，辣椒，腸，洋蔥和千島醬。熱辣辣的Pizza，香氣撲鼻! 把薄餅拉起時仍有拉絲效果，芝士份量不少呢! 加上千島醬

唔係朋友約黎都唔知始創下面有間咁有特色嘅餐廳，成間都係以滑浪為主，裝修好靚好特別，店內仲有兩間大房，有privacy得黎又好似係bathing house入面咁。呢間餐廳主打海鮮，大部份嘅菜式都係以海鮮為主嘅。首先前菜我哋叫咗個周打海鮮湯，同外國食個d一樣都係成個包上嘅，海鮮湯好creamy,亦都係好多海鮮,有魷魚、蝦、蜆、青口等等，而最尾個包吸晒啲湯切開出嚟食亦都好好味，包變得好林好香。最近鍾意左食蠔，見到佢有蠔set就叫咗半打,我哋揀咗貴果款＄288有六隻再加兩杯飲品,我哋當然叫咗白酒啦。蠔都幾鮮甜， size係呢個價錢來講算係咁，再加埋兩杯白酒呢個套餐簡直抵到爛啦。之後開始到主菜啦，見到佢寫個Menu都係龍蝦冇理由唔買嗌啦，咁就叫咗一個有fusion特色小小嘅餐飯，龍蝦泡菜炒飯。其實泡菜炒飯點樣炒都好食，再加埋啖啖龍蝦肉，又有口感又有味覺嘅刺激，呢個組合一流。淨係呢個炒飯嘅龍蝦當然滿足唔到我地啦，所以我哋都帶咗一個芝士焗波士頓龍蝦，真係成隻上架，新鮮焗出嚟，芝士仲做到拉絲嘅效果添。龍蝦嘅size唔算好大不過勝在夠多肉，蟹鉗亦都係滿滿嘅，呢個比起炒飯嘅龍蝦肉質地更好更鮮。好似已經叫

夏天終於嚟到喇，好想去沙灘著住我件比堅尼show下我性感嘅身材呀！之但係星期一至星期五又要返工，星期六同星期日又……又……又成日落雨！原來想『閉著眼聽一聽海風』真係咁難？M佬今日放工帶我去太子始創中心嘅野玩海店Something Wild The Sea，佢話沙灘就無喇（仲提我千祈唔好著比堅尼呀），不過，至少可以畀我視覺同味覺上感受一下漁人碼頭啦！呢間位於太子始創中心嘅野玩海店Something Wild The Sea，門口已經有大大隻龍蝦同碼頭嘅路牌，而餐廳入面真係整到成個碼頭咁，有船、滑浪板仲有水泡等等，而店員仲著到成個水手咁添！如果你鍾意食海鮮，呢間餐廳真係啱晒！而逢星期四同星期五晚上8點，仲有Live band唱歌！我就好鍾意佢地今晚唱『目黑』喇（命運就地改寫，只因你我當天那一眼……）！烤焗長腳蟹餐：呢度除咗À la carte，仲有唔同嘅套餐，其中二人套餐就有焗波士頓龍蝦餐、烤焗長腳蟹餐、凍食海鮮拼盤餐，真係啱晒我同M佬啦。我哋今日就揀咗烤焗長腳蟹餐，仲可以揀大蒜汁或雙重芝士醬。點餐後，水手店員鋪上大餐紙，畀埋圍裙、手套同用具，真係夠晒貼心呀。拼盤有3隻長腳蟹腳、2隻大蝦、

男朋友話帶我去食龍蝦原來係野玩海店。之前行過已經想試試佢，估唔到男朋友仲記得！餐廳走海灘度假風，色彩繽紛嘅門、天花嘅滑板裝飾、海灘嬉戲嘅壁畫，令人感覺好夏日好放鬆。另外，餐廳環境好闊落，座位比較多，有卡位、圓枱及長枱，好適合一大班人聚會！法國生蠔 LITTLE SPECIAL $32/隻生蠔雖然細細隻，但好新鮮無蠔碎，食落好鮮甜。秘製德國豬手 $168豬手皮脆肉嫩，豬肉一啲都唔鹹，唔需要點醬都夠味，略嫌豬皮炸得比較硬身。薯蓉口感好綿密，味道鹹淡適中，值得一讚酸椰菜一啲酸味都無，味道普通。沙律菜好新鮮，配沙律醋好開胃。掙扎左好耐，究竟食波士頓焗龍蝦餐定散叫芝士焗波士頓龍蝦。最後都係叫餐，因為抵食啲是日餐湯&沙律餐湯係忌廉湯，好普通無特別。沙律係芝麻醬沙律，食落感覺好清新。周打海鮮湯跟餐可以+$20升級。如果散叫係$78份。周打海鮮湯係用農夫包做碗，裡面嘅海鮮好豐富，有蝦、青口、蜆肉、墨魚。海鮮全部都好新鮮，蝦肉彈牙。湯味道比較偏淡，飲到咁上下，切開個農夫包黎食，農夫包吸滿湯汁，幾好味。野玩手造薄餅 8吋薄餅餡料有粟米、洋蔥、甜椒、辣椒、芝士等。餅底係薄身有口感嘅，芝士係有拉絲效果嘅，千島

香港人生活繁忙，平日放工已經日落西山，想出走戶外簡直係奢侈！位於太子始創中心的「野玩海店」是一間以陽光與海灘及水上活動為主題的餐廳，周圍都放滿與戶外運動有關的東西，好似滑浪板、水泡等等，喺餐廳一角重有一個供人夾band表演的地方，非常特別！餐廳提供的食物十分大眾化，二人餐都只係$398，「性價比」非常合理。除此之外，a la carte的食物選擇亦非常多，由幾十蚊的小食、一百蚊有找的意粉以至二百蚊唔駛既肉眼扒都有提供！Sunset ($45)︰這杯以西瓜、薄荷、檸檬及蜜糖炮製而成的沙冰非常解渴，最適合喺食完煎炸野之後飲返啖中和返果種熱氣既感覺。美中不足的是薄荷的份量好似重手左少少，令到薄荷的香味蓋過其他水果的味道，有D似食緊薄荷糖咁怪怪的！炸蠔配他他醬 ($68)︰蠔上面薄薄的炸粉厚度剛好，入口鬆化香脆得黎之餘又唔會「漿」住晒個口，令到蠔能夠保持juicy的感覺，配埋惹味的他他醬一齊入口時感覺更佳！炸軟殼蟹 ($78)︰可能因為蟹本身冇蠔咁juicy，所以整體感覺相對平實，同坊間經常食到的感覺差唔多，相對較為失色。不過，伴碟的醬料真係一流，蕃茄粒混合芒果的甜酸醬非常惹味，配埋軟殼蟹一起