樓下冰室 (已結業)

🍅樓下冰室最出名既就係佢既蕃茄滑蛋通粉，連個招牌都印住舊蕃茄。佢既蕃茄湯係無味精既，配埋牛乳炒滑蛋同埋自由選擇既配菜，好啱我口味🥰  1⃣️特色蕃茄濃湯通粉配牛乳炒滑蛋 配招牌瑞士雞髀（$50）蕃茄湯好濃郁，食到啖啖蕃茄蓉，啲蕃茄粒粒煮到淋曬變曬蓉狀，同埋啲通粉一啖食落真係好香甜好香蕃茄味🤤通粉中間攝曬啲蕃茄湯，每一啖都係滿滿既蕃茄味😍湯底有得揀辣或者唔辣，呢碗揀左中辣，中辣唔會太辣，反而有啲辣味感覺令到湯底感覺更加濃郁惹味。牛乳炒滑蛋份量都唔少，食極都好似仲有咁，個人覺得滑蛋同茄湯真係perfect match！有冇都咁覺得🙌！呢度啲滑蛋都炒得好唔錯，一啲都唔老，仲保持住有啲流質滑捋捋既感覺😋  至於配菜揀左佢既招牌，好多人推薦既瑞士雞髀🍗雞髀都真係幾大隻，瑞士汁鹹鹹甜甜咁，好入味！而且雞髀既肉仲好滑，唔怪之得咁多人推薦！  2⃣️特色蕃茄濃湯米線配牛乳炒滑蛋 配吉列豬扒（$50）個人覺得通粉正過米線，米線冇通粉咁食落啖啖爆汁咁爽既感覺，但係蕃茄湯一樣係好濃郁好香甜好好味🤩  吉列豬扒好厚切，真係啖啖厚肉！而且吉列面頭既炸漿夠脆，而且唔會食到成口粉既感覺，點埋啲沙律醬食真係好正😚  3⃣️黑椒牛扒腸仔飯（$49）所有野份量都唔少，牛扒都幾大塊，黑椒汁係超～多，夠曬撈飯食😌  4⃣️炸韭菜餃子（$30） 下午茶餐既炸韭菜餃子有五大隻，包野飲，三十蚊算好抵。韭菜餃子睇得出係真係即炸既，上檯既時候熱辣辣♨️而且每一粒都真係好飽滿，真係超級足料😳咬落係塞滿曬料既入面，有少少肉汁，炸得超級脆，韭菜同豬肉餡既份量都超多，食完都幾飽下🙈 …查看更多

鋪頭內裡很懷舊架原來，但食物質素很有驚喜同事推介食吉列豬扒，係厚切果種，配個沙律汁係非常好食架跟餐仲有炒滑蛋配湯麵另外要夾好下午茶2:00食個花生西多士，好味估唔到在荃灣難得有間咁高質既冰室，以後午餐又多個選擇了👍🏻👍🏻…查看更多

每次lunch time 經過樓下冰室都好多人，今次我記晏少少去啦！星期四下午兩點去到，lunch人潮依然未退，但好彩搵到位聽聞呢度最出名係雞脾同蕃茄通，我緊係點黎試下啦！瑞士雞脾Size幾大隻！ 一見到佢嘅色,同埋有點骨肉分離嘅狀態，就知佢鹵嘅時候好夠。果然無令我失望！ 皮固然係入口即溶，雞脾肉亦夠嫩滑同入味真係忍唔住用手拎起隻脾，大啖大啖咁食先夠爽！蕃茄濃湯通粉，再加$8牛肉意想不到嘅係牛肉都幾多，肉質算唔錯蕃茄通真係名不虛傳！！！勁足蕃茄，係食到好多蕃茄肉，湯係好濃而無「假」或味精嘅感覺！牛乳炒蛋好滑！ 如果鐘意蕃茄湯底嘅人真係唔會失望！吉列豬扒、厚切牛乳蛋治拼粟米沙律成碟有張枱咁闊，個蛋治勁厚身，朋友食完已經覺得6成飽 沙律有好多菠蘿同粟米吉列豬扒炸得很脆，皮薄唔乾身點左杯招牌飲品綠椰冰原來係綠豆加椰汁，差唔多有1/3至1/2綠豆蓉，椰香味濃。咸檸7欣賞嘅係一罐7喜自己慢慢加，但咸味唔夠，變左檸7...呢間冰室人流旺，但食物質素不減，係真心好食嘅平價美食！！…查看更多

每次來到荃灣都會在路德圍食食食，今次輪到食樓下冰室🍅。冰室其實在環境方面有比d心思，望上去那些圍欄就如有上層，就像形成了"樓上"和"樓下"兩層的感覺。另外牆身一邊以懷舊咖啡室為主題，另一邊有如西式cafe的裝潢，幾得意。繁忙時間都會安排同邊坐，少少逼。看過餐牌，還是點招牌吧！蕃茄的滋味，好多人都喜歡，因為夠醒胃又健康養顏，果然一上桌，望落已覺濃郁，再加上霧煙，熱乎乎的，要吞口水啦。-蕃茄濃湯通粉配牛乳炒蛋+吉列豬扒 ($48)湯底酸中帶甜，令人一口接一口，又有蕃茄肉，十分足料，簡直可以飲到見底🙈！而炒蛋想不到又幾幼滑，不過通粉略嫌不夠軟身，如果林少少應該蕃茄味會更入味。另外如碗子可以不破舊就會更提升賣相呢⋯吉列豬扒薄身，不算油膩，亦不會炸至乾身，不過不失。有點建議是碟子能大一點就好，切的時候總會飛到枱面上呢(汗顏)。很後悔沒有點瑞士雞脾，大大隻，朋友讓我吃了一口，超好吃！又入味，又幾嫩，如果下次再來一定要自己吃一隻！😋…查看更多

作為半個荃灣友，每次都係夜媽媽去路德圍「掃街」同食糖水，經過呢間樓下冰室已不下N次，今次終於正正式式入去幫襯下。冰室主打懷舊路線，店內裝修顏色鮮明，走復古風格，一邊牆上掛著些招牌菜水牌、六七十年代的海報畫、更有不少復古的裝飾品和小擺設，另一面牆身更標誌著“ i love tomato” （我愛蕃茄），可想而知冰室必然是主打蕃茄的菜式。此時隨手翻閱餐牌，已知道餐廳的主打食物乃蕃茄通和瑞士雞髀。我們點的蕃茄濃湯通粉配搭牛乳炒蛋$40，除了配搭炒蛋外，也可配搭其他食材，如牛肉、豬潤、叉燒和午餐肉等…蕃茄湯底濃郁，有陣陣鮮味，味道帶甜又帶微微的果酸，非常開胃，通粉是小顆小顆的那種，吸收了香濃的蕃茄湯，每口都混合著蕃茄蓉，再配上嫰滑的牛乳炒蛋，口感香濃滑溜。加$8配搭的吉列豬扒，即$48就可有一碗招牌蕃茄通+一份吉列豬扒，份量絕不欺場喔~吉列豬扒表面炸得金黃香脆，切開的時候可見到內裏還是粉粉嫩嫩的，肉質口感非常嫩滑， very juicy~朋友點的招牌瑞士雞髀 配蒜蓉牛油脆豬仔包 及粟米雜果沙律 $52瑞士汁乃係香港豉油西餐中的代表作，用薑蔥、豉油和冰糖而調製，味道甘甜。這裡的招牌瑞士雞髀，雞皮表面吸盡瑞士汁之精華，非常軟綿之餘仍有彈性，而且肉質還是嫩滑的，可見烹調時候掌握得宜，不會過火。最後我們還追加了瑞士雞翼（3隻）$30，雖然雞翼同樣都係皮軟肉滑，但不知為何，雞翼的瑞士汁好像帶有輕微的苦澀味。我猜應該是這鍋瑞士汁的香料更足，但朋友說嚐著沒差， 反笑說我當自己係金舌頭…套餐飲品，其中轉紅豆冰加了$10兩個人餓鬼咁衝入黎，食到肚漲漲咁走都係每人$70，咁既價錢可以食到雄霸尖沙咀蕃茄麵既星x冰室，同佐敦太x館既質素，重有咩說話好講？最後送大家一個冰室小智識（選自網路）：【冰室本來是以提供咖啡、奶茶、紅豆冰等飲品為主，同時提供三文治、奶油多士等小食。部份冰室更設有麵包工場，製造新鮮菠蘿包、蛋撻等揉合了本地和西洋特色的餅食。後來冰室提供的食品種類逐漸增加，演變成為今日的茶餐廳。】 …查看更多

難得星期日有得瞓耐少少，一起身就已經成點鐘，唯有出荃灣食個下午茶。講到荃灣覓食嘅好地方，唔使問都知道，一定係路德圍。喺路德圍兜左個圈，發現呢間餐廳有好多人排隊，心諗咁多人排都應該唔會太伏，於是就等左一陣位。 入到去被安排坐卡位，比一般茶餐廳舒服，樓底算高，夠光猛又夠冷氣！  蕃茄濃湯通粉配牛乳炒蛋 $48。雖然下午餐時段有$42嘅茄牛通，但係被吉列豬扒同招牌瑞士雞脾吸引著，於是選擇一個貴啲啲嘅套餐。首先講下個蕃茄濃湯，蕃茄味係濃，不過係茄膏味濃多d，感覺好人工，無左蕃茄嘅鮮味。通粉就不過不失，唔會太淋或太硬；如果選用老麥的凹凸紋通粉，口感會更佳。牛乳炒蛋香、滑、嫩，但食唔出有香濃嘅牛奶味。:) 吉列豬扒。呢到嘅吉列豬扒係原塊上，所以可以肯定佢無偷工減料。豬扒炸得香脆，不過覺得麵包糠落得有啲多；豬扒口感尚算鬆化。味道方面有點淡，而且偏乾，要靠沙律醬搭救。 招牌瑞士雞脾。話明係樓下冰室嘅招牌，又點可以唔食佢嘅瑞士雞脾呢？果然，呢到嘅瑞士雞脾無令我失望！雞脾size算大，所以啖啖肉；瑞士汁好入味，但唔會過鹹或過甜，味道適中；食物溫度夠熱之餘，仲會俾多少少瑞士汁食客，方便雞肉蘸上瑞士汁。 熱奶茶。呢到嘅熱奶茶就麻麻地，茶味同奶味都唔夠濃，但勝在夠熱同夠大杯。 總而言之，樓下冰室所有食物質素都唔差，勝在所有食物都夠熱，但仲有進步嘅空間；環境就比較迫，坐得唔太舒服；抵食度就可以接受，但接近$50一個餐就不可以說是平價。…查看更多

好有懷舊味道既膠牌，坐位都唔算迫😚😚幾舒服叫左一個番茄湯麵餐，瑞士雞翼下午茶，再加隻瑞士雞比😋😋😋番茄湯通粉配埋個牛乳滑蛋，仲揀埋吉列豬扒做餸，超好大碗！兩個女仔食都得呀！豬扒仲要唔係hea底薄切豬扒，係厚豬扒，炸完入面又唔乾！瑞士雞翼既擺盤好靚，好有heart，並非一般既茶餐廳！不過係雞全翼，令我呢d懶人食得有d麻煩，有d攰！下面隻雞比就正啦，啖啖肉！人地下面個d鹵完就會變成好細隻，但佢仲係好大隻！…查看更多

星期日同家人行完城門水塘，去荃灣搵食，行到路德圍十間着左八間都係食米線，突然老公發現有一間門口既menu好吸引，D鷄肶紅卜卜，佢以為係炸既，睇真D原來係瑞士汁，好啦就食呢間！我同個女食蕃茄濃湯通粉配吉列豬扒，飲綠豆冰，紅豆冰，老公同個仔食蕃茄濃湯公仔麵配瑞士汁雞肶，凍奶茶，凍朱古力，再加多個焗芝士肉醬薯角。蕃茄濃湯湯味濃郁，加上通粉煙韌，再伴以鮮奶炒蛋，豐富又健康!吉列豬扒鬆脆，瑞士汁雞肶略嫌咸左D綠豆冰用椰汁作底，綠豆煮得粉稔起沙的，而紅豆冰則以椰汁加淡奶作底，紅豆亦夠粉稔，兩杯都好飲~焗芝士肉醬薯角剛焗起熱辣辣的，肉醬芝士下得豪不客氣的，啖啖滋味~食飽飽，就這樣~…查看更多