八戶屋

熟我嘅朋友都知道我係八戶屋嘅捧場客，平時我哋都係夜晚先會嚟食晚飯，今日就嚟咗食午餐啦！估唔到呢度假日都有午市套餐，價錢都唔係非常之貴，係可以接受嘅！我哋一行四人分別叫咗四個套餐，包括叉燒拉麵同埋吉列豬扒拉麵，呢度嘅拉麵就比較遜色，但係吉列豬扒嘅炸份就好薄，炸得好好啦！另外我哋仲帶咗網燒牛扒定食，牛扒味好濃郁啊。牛肉鍋定食有好豐富嘅配料，例如粉絲，魚片，雞蛋，配飯食真係一流！牛肉鍋定食同埋網銷牛扒定食呢都有豐富嘅前菜同埋有茶蒸碗，食完一個定食真係飽到上心口！除咗定食之外，我哋仲叫咗少少壽司，包括海膽軍艦同埋帶子壽司，一如以往，呢兩款壽司都冇令我地失望，海膽同埋帶子都好肥美同好新鮮呀！每一份午餐都可以配飲品，本身餐就跟咗免費嘅凍熱飲，例如奶茶，檸檬茶，柑桔檸檬等等，我哋分別帶咗兩杯金橘檸檬同埋兩杯凍檸茶，味道就正正常常啦！…查看更多

今日嚟到良景邨商場內的八戶屋吃午餐， 在良景輕鐵站步行約5分鐘就會到達在商場1樓麥當勞旁的八戶屋， 今天雖然是紅日但不算太多人，我和太太兩人不用等位便可直接進入餐廳。 餐廳裝修還算有日式風格，座位亦都寬敞不會太逼狹。我們兩人分別是了一個日式叉燒拉麵吉列豬扒拉麵帶子壽司和海膽壽司， 拉麵的湯底口味偏淡 ，若果喜歡濃味的食家就要自行落一點七味粉去調味，另外配菜中粟米份量稀少 ，但值得一讚的是吉列豬扒的外皮十分之鬆脆，而豬扒十分之鬆軟和有點肉汁， 不會太乾身。 帶子壽司十分之鮮甜肥美， 海膽壽司就有正常的水準， 整體來說這間餐廳的性價比還是不錯的。…查看更多