鼎皇臭臭鍋 (已結業)

星期六同女朋友係尖沙咀係the one睇完戲就搵野食，想食啲辣野，行行下見到臭臭鍋，價錢又合理門面幾靚幾新就試下:)個陣6點幾，人流不算多，食食下就好多人入黎了我叫左台式麻辣鍋：肥牛、鴨血、鳴門卷、豬大腸、公仔面、牛柏葉、米糕、金菇、娃娃菜，等等泡沫紅茶：茶味香濃，幫助消化女朋友唔食辣叫了黑麻油雞鍋，乳酸綠茶乳酸綠茶好正入面有好多豚肉、雞比肉、蕃茄、粉絲、嗚門卷仲追加左個細細鹵肉飯，驚唔夠飽又想試下！啲鹵肉好大塊，個汁送飯一流…查看更多

去紅館睇演唱會之前一定要醫咗肚先～ 之前都會係紅磡食，今次試下過一個站，係尖沙咀食，只要係近尖東個邊食都幾方便打邊爐我成日都會打，但食呢種鍋都係第一次，首先唔知點解會稱呼自己做臭臭鍋🤣 上網search原來係解有兩種臭味係入面，臭豆腐嘅臭同肉臟嘅臭，但係佢臭臭得嚟又養生架喎😧 究竟果什麼葫蘆賣什麼藥呢？餐廳好近尖沙咀站同尖東站，門口好易認，大大兩隻字鼎皇，入面主要係幾排卡位，卡位空間闊落唔怕同張枱好近，同埋啲枱都好大，因為要擺兩個鍋藥膳羊肉鍋呢個係朋友叫個款，上菜嘅時候仲會焗一陣先嘅，入面有粉絲、羊肉等等嘅配菜。藥膳嘅味道未必人人入到口，但以自己一年都唔食一次為例，呢個味道絕對可以🤙🏿 用粉絲煮仲可以吸哂啲湯好正🤤 羊肉塊有好多，見佢轉咗色一陣就可以食，否則會變韌。份量多到可以俾一個男人飽肚！台式麻辣鍋自己食得辣嚟講，呢個鍋唔係咁易handle! 仲要個火一路滾下滾下，啲嘢食會keep住熱辣辣🌶 最後頂唔住叫侍應幫我蓋熄個火🤣 入面嘅配菜有好多內臟嘢，例如米血糕、鴨血、豬大腸，鴨血嘅味道吸咗湯嘅麻辣特別正，肥牛片都係特別多，成座山咁樣，真係食唔哂😛最尾趕時間入場睇演唱會所以好衝忙就走咗，飲品本身已經係外賣包裝，方便拎走，自己個杯係紅棗桂圓杞子茶，飲落唔會太甜，飲到底仲有成杯桂圓肉可以食，養生就係呢啲啦😌…查看更多

放工喺尖沙咀做完facial有d肚餓時間又已經去到宵夜時段心諗應該好多餐廳都已經截左last order咁啱行過金馬倫道見到呢間新開嘅台式火鍋店開到晚上12點就走入去試下喇香港人真係一年四季都會打邊爐事關可以食到多款火鍋配料 一次過滿足多個願望對於我呢類有選擇困難嘅人黎講呢類已經set好哂火鍋配料只要揀個湯底就得，的確係幾方便呢度總共有8款鍋底可供選擇今次同朋友分別試咗養生系列嘅【藥膳羊肉鍋】以及滋味系列嘅【台式麻辣鍋】【藥膳羊肉鍋】一直鍾情台式嘅藥膳湯底有養生價值啱哂女士們個鍋份量十足 但食材方面略嫌質素遜色咗少少尤其蜆肉細小同欠新鮮羊肉亦比較韌而湯底味道略嫌偏淡 如果藥膳味濃返d會更好至於【台式麻辣鍋】同樣食材質素一般由於朋友本身係麻辣愛好者食落覺得湯底味道偏淡 不麻也不辣 又唔夠香加上佢喺台灣食過鼎皇臭臭鍋有比較下覺得香港呢間質量相差太遠 有點失望另外，爐具係用固體酒精蠟燭加熱由於上菜時湯底只係微暖而餐廳冷氣開到好大個鍋需要等好耐先滾起個蠟大約半個鐘就已經燒完熄滅食到一半就要搵侍應換蠟再食下半場值得一讚嘅係呢度嘅室內環境唔錯 坐得幾舒服服務員態度亦好友善同細心見我地覺得凍同個鍋等好耐都未滾專登幫我地較個冷氣總括而言只能說呢餐絕對可以醫飽個肚但以$118嘅價錢嚟講可以食到咁多款食物嘅火鍋都算抵食就算一丁友食飯都可以過下打邊爐癮現時食肆經營成本咁高 真係好難要求又平又抵食如果講究食物質素的話建議都係去返專營海鮮火鍋店好d…查看更多