茶木‧台式休閒餐廳 (德福廣場1期)

茶木係我成日去既台式美食店，不過通常都係去將軍澳那間。今日經過九龍灣德福發現呢度既茶木好特別，好新淨，裝潢有別其他分店。原來連餐牌都有少少不一樣，所以一試！未到平日7pm都幾乎滿坐，應該幾好食。今日同行朋友唔太愛好甜品，所以唯有影相當食左。真係好想試個茶味蜜糖磚塊呀！點了兩款台灣小吃，香腸甜甜地，皮脆内juicy,唔錯唔錯。同生蒜及生菜一齊食好夾，食唔停口！滷水拼盤有我最愛既溏心蛋同牛肚，牛肚牛展好入味，好食😋溏心蛋煮得剛剛好，只是麻油落重手了一點。其他就中規中矩。到主菜上場，見OpenRice 好多人都讚呢度既手作麵，所以就試下啦，估唔到真係幾特別、幾好食。唔好以為係意粉口感，佢係台灣麵、煙煙韌韌咁，龍蝦汁夠多夠味。有成隻軟殼蟹，脆卜卜，點少少汁會更好食。另一主菜係甜酸肉，之前好幾次都好想試，但最後無揀，今次終於揀左。果然無揀錯，甜酸肉外脆内有口感，肉質結實彈牙，配上各種水果真的好滋味。加$10有肉燥飯，味道也不錯。呢間店有幾款特製既茶款，這款高山巨峰烏龍茶吸引了朋友的眼球，茶香味道不太濃，有淡淡的巨峰香味，但飲落又無巨峰味，幾特別。個設計幾似飲緊酒仲點了一杯櫻花特飲，呢個外表好靚，只是怎麼會用了膠杯？我想要靚靚玻璃杯呀！面頭有好香好好味既櫻花奶蓋，下邊係燕麥奶，焦糖掛在杯邊，點了少甜，感覺似「微甜」，所以其實可以不用少甜。今餐好滿足，會再來丫！…查看更多

好耐冇食台灣菜，經過德福，見到座位都坐得幾舒服，於是就入咗去。餐牌有好多選擇，我地二個人，叫咗兩款小食同兩碗麵。金黃鹽酥雞$48鹽酥雞好香口，如果配酒就一流，可惜要揸車，唔飲得。台式滷味拼盤$86台式拼盤樣樣都有啲，包括滷水雞翼、牛腱、豬腩、滷水蛋，不過我覺得味道偏鹹。紅燒牛肉麵$88紅燒牛肉好淋，好入味，麵條好有𡁻頭，呢款好食。不過我個人覺得個湯底都偏鹹。紅䓤醬燒豬軟骨麵$82呢款都好食，豬軟骨同樣好淋好入味。原本叫咗兩杯果茶，可惜等得太耐，最後取消了，唯有下次再飲😅…查看更多

適逢冬至，我同屋企人嚟咗德福嘅茶木食台式冬至飯，靚靚裝修，幾鐘意餐廳光光猛猛。餐廳選擇唔少，今餐叫了主食、飲品、甜品古早杏鮑三杯雞、配地瓜米粉，用咗紅燒牛肉麵嘅湯底，有兩舊地瓜，米粉細細份😆 雞肉亦都好入酒味。👍🏻👍🏻台式滷味拼盤，滷水豆腐好嫩滑，有雞翼、牛肚仲有半隻流心蛋，係台式小食風味啊~~紅蔥地瓜燉無骨牛腩+珍珠飯，牛腩好林，婆婆唔駛點咬都食得🙈凍飲要了四季青萱茶，清新的口味；仲有熱的有機臺灣高山巨峰烏龍茶，好香，我們都好喜歡飲。甜品就點了搽茶鮮果流心歐軟，個人就比較喜歡草莓香草磚塊蜜糖歐軟。家人就覺得這個都好好食。甜品我們仲安排了之後食完主食後聯絡服務員後上製作。搽茶鮮果流心歐軟入邊裝住滿滿嘅抹茶醬，抹茶味好香，出邊有生果，鮮果就有士多啤梨🍓、芒果🥭、藍莓🫐、奇異果🥝同埋無花果乾。是日滿足…查看更多

好耐無食茶木原來而家轉曬menu, 多左好多fusion茶, 都幾有驚喜烏魚子元貝手作麵呢款手作麵嘅烏魚子醬好惹味, 手作麵硬度幾好, 唔會煮到過淋keep到有咬口, 元貝有兩大粒, 面頭有輕輕煎到金黃色, 另外配料都幾多元化, 有枝豆、紅腰豆、唔同種類嘅菇etc墨魚鮮蝦茶香藜麥飯一上枱就覺得好靚🤤飯mix左藜麥, 茶香味出, 食落類似risotto但就無咁creamy, 墨魚餅同鮮蝦都新鮮, 尤其係墨魚餅入面有大量墨魚肉好彈牙, 配料同樣都係有好多蔬菜類嘅野, 呢款藜麥飯係健康+飽肚之選👍🏻台式滷味拼盤滷味款式都幾豐富, 有雞翼、牛肚、豆腐、糖心蛋、牛筋etc, 全部都滷到好入味, 舊舊都沾滿左滷水汁, 而肉類個啲又唔會韌, 抵食~四季青萱鮮果茶呢款果茶好似係季節限定, 四季青萱茶味比較濃, 除左有水果嘅甜味外都唔會話好甜好人工味, 飲落都幾fresh👍🏻…查看更多

老老實實，因為出面實在太多台灣餐廳，覺得食台灣野都唔一定要食連鎖店所以都有一段時間無食茶木，但食完呢餐我想改口，因為感覺同以前好唔同。首先啲裝修唔同哂，以前木枱木凳係傳統啲既感覺，但而家係梳化、又cafe啲，啲位都好寬敞好舒服。我同朋友叫左個二人餐，有一個小食，2個主食，2杯飲品。我地仲跟餐追加左2個小食同甜品。首先個(熱)有機台灣高山茉莉龍珠茶同 (凍) 有機台灣高山巨峰烏龍茶真係好驚喜，特別係凍茶，完全無Expect過佢咁上枱，好似飲酒咁。佢粒波波冰都係用茶整唔係水，所以個茶味從頭到尾都無變淡，而且個茶真係有巨峰提子味~ 至於個(熱)有機台灣高山茉莉龍珠茶，茶味好香，而且佢一直都用個蠟燭熱住，坐左個幾鐘，到最後一滴茶都仲係熱，正!另外想講下個滷味拼盤，其實都好大份，除左眼見既豆腐，雞翼、牛肚、牛𦟌同滷肉，下面仲收埋左啲腎~~香煎沙朗肉燥飯都好好食(即係西冷)，3大塊扒，好滑好juicy~ 但係最好味係個微辣半筋半肉手工拌麵，佢有少少麻同少少辣，好開胃。半筋半肉係分開上，就算唔將啲汁加入個麵，個麵本身已經好夠味。呢個仲要跟埋個鴨血同素鴨，好抵食~~今餐真係好滿足呀!! …查看更多