百樂潮州酒樓

是日懶懶地唔想煮午餐 一家三口試下去呢度飲茶先 11點幾黎到 等5分鐘內就有位啦餐前功夫茶 連埋壺茶同餐前小食一齊到 清清喉 老公話功夫茶可以再苦啲 但我覺得OK咸菜小食 $12 調味及軟硬度都剛剛好餐廳有BB凳提供 而且仲係夢幻粉紅色家鄉銀針粉 $58 銀針粉脹卜卜爽彈好味 湯底帶有蝦乾香但又不會過咸 嬰女皇都好愛吃椒鹽魷魚鬚 $48 粉漿不會過厚 魷魚彈牙 再肥美啲就好了香滑布拉腸 $31 老公粉碎完先影不夠滑 食落很實 平日很愛腸粉的嬰女皇也不encore芋茸珍珠露 $26 呢個好唔好味就見仁見智 事關佢個味係椰汁芋頭西米露走椰汁 係好淡口而帶有陣陣芋香既 西米亦晶瑩彈牙 個人同嬰女皇都愛反沙芋 $108 唔係度度有得食 有亦唔代表整得好食 呢間真心好味 外層甜度剛好 芋頭亦夠香夠粉雀巢芋香盒 $48 我想用「juicy」黎形容真心唔乾又香口 陳皮牛肉球 $31 OK牛肉球普普通通 腐竹變左椰菜 唔太愛鵪鶉蛋燒賣 $35 OK正常味道 不驚艷鹵水凍千層峰 $48 千層峰（豬耳）重重紋理睇落係幾靚 而且製作仲好考功夫 可惜鄉民如我們 還是對有鹵水汁 實實在在的鹵味更有興趣今餐好豐富 店子亦較一般酒樓有空間感 傾計都唔會嘈到聽唔到 係舒服滿意既…查看更多

對潮州菜, 總有一股鍾愛情意結, 而近在咫尺的Yoho Mall百樂潮州酒樓, 更是與家人晚餐的首選。 大紅燈籠仍舊高高掛, 喜歡這兒幽雅的環境, 不像中式酒樓般嘈吵, 沒有高談闊論的喧嘩, 也沒有刺耳的碰杯聲, 跟家人閒話家常適合不過。 功夫茶、鹹酸菜、花生, 每次都不會缺少的前戲。 鹵水鵝片 $188/例每次吃潮州菜不能不點的鹵水鵝片, 老人家們飲食不能三高, 所以今趟捨棄了十分鍾愛的拼盤, 只點上鵝片。 美味的醇鮮鹵水, 配上嫩滑的鵝片, 脂肪酥香總是令人愛不釋手, 墊底吸滿了鹵水精華的豆腐當然也是不可錯過的目標。 胡椒咸菜豬肚湯 $108/例又是必點的項目, 雖然每次都點上這湯品, 感覺上有點沉悶, 不過每當喝下濃郁而又不嗆喉, 清澈而又不腥的暖胃湯水, 百喝不厭的惹味, 悶氣也給退散了。 碧綠川椒雞球 $108那股香濃的川椒味道, 到來時已俘虜了我的鼻孔。紫蘇葉炸得十分輕盈薄脆, 嫩滑的雞肉跟雞皮黏附著炒香了的川椒絲, 味道與口感都是相當惹味不俗, 是伴飯一流的菜式。 沙爹牛肉炒芥蘭 $98經過上一回於圓方店失望的版本後, 發覺這碟是於元朗店非點不可的名菜!爽甜的芥蘭淋上惹味濃郁的沙茶醬, 濃稠程度控制得恰到好處的配搭, 成為整碟菜式的靈魂也是焦點所在, 牛肉片的份量令人也吃得很盡興。 糖醋伊麵 $128/例來到尾聲又怎可錯過的糖醋伊麵, 又是另一必點的名菜。煎得金黃的麵條有著香脆與柔軟的口感, 跟陳醋砂糖這甜酸的惹味組合, 嚐過一口就知道實至名歸的定義。 反沙芋 $108/8條酥脆乾身的反沙芋, 是心目中佔一重要席位的潮式甜品, 脆糖外層與香糯芋頭令這巧手甜食成為我的喜愛。 椰汁西米露 $35意猶未盡, 再多來一碗椰汁西米露, 甜而不膩的椰汁與彈牙的小號西米, 雖不是潮州甜品的主打, 但也是令這頓家常便飯畫上完滿。 名菜的水準每次光顧都能保持平穩的演出, 人均百多的消費, 價格也適宜, 加上人多人少的份量選擇亦可悉隨尊便, 這能再三俘虜我的出色潮州菜, 也許已令我這廣東人也成為了潮州菜的忠粉呢!…查看更多

元朗是一個我甚少踏足的地方，今天適逢假日天氣很好，跟愛人去了南生圍影相，影完後順便約了住在元朗的朋友吃潮州菜。古色古香的百樂潮州掛滿中國式的畫像，鮮紅色的吊燈，以及各式屏風，令整間店很有韻味，我最喜歡牆上的紅花。枱上已經預先放有酸菜及功夫茶。潮州菜之中，我其中一樣最喜愛的就是功夫茶，細細杯但味道苦苦澀澀，喝後茶的甘香還留在嘴邊，順便可以清清味蕾。至於這裏的酸菜不太酸，帶有微甜味，令我吃不停口。滷水鵝片鵝肝拼掌翼 $220食潮州野點少得滷水併盤，併盤內有鵝肉、鵝肝、掌翼及豆腐，鵝肉薄切得黎啖啖肉，配上白醋汁味道更突出，滷水汁好入味，滲入在鵝肉及掌翼內，掌翼肉質軟腍，咬開軟骨之時亦可品嚐到滷水的味道，最底的豆腐吸收了滷水汁的精華，好有滷水味，而且滑滑的，此滷水汁定必製作需時。最特別的是鵝肝，平時都是煎香才吃，想不到加入了滷水汁的鵝肝還是一樣香口，入口軟綿綿的。潮陽炸雙棗 $104一款係蝦一款係蟹，蝦棗係由蝦膠加肥豬肉釀成，入面仲有馬蹄，食落幾爽口，而蟹棗入面充滿蟹，咬開可看到一絲絲蟹肉，外層炸得非常香脆，配上潮式甜醬更加好吃。明爐鮮烏魚 $240這個烏頭的煮法有點像泰式，以大鑊呈上，下面再用慢火煮，可見鍋內有大量配料調味，鮮烏魚嘅肉質軟滑，不消一會就被吃清光。杏汁白肺湯 $150湯底奶白色，一上枱已嗅到杏汁的味道，先嚐一口湯，味道十分濃郁，入口香滑，杏汁的味道不會蓋過上湯的味道，再吃一口豬肺，豬肺爽口亦很容易咬，喝完覺得很滋潤。乾煎糖醋麵 $128糖醋麵的食法是一面加醋，另一面加糖，一拿起糖醋麵已經感覺外層好脆，咬入口麵質腍腍的，雖然經過油炸但是卻不油膩，酸酸甜甜令人好開胃，想不到吃最簡單的食材都可以這麼滋味。反沙芋 $108反沙芋是我最愛吃的甜品之一，芋頭外面鋪滿已炒的白砂糖，一咬落口先是感覺脆，再吃到入面熱辣辣的芋頭，因為沾了白糖所以感覺清甜，外脆內軟，原來這麼好吃，製作過程亦很考功夫。鴛鴦水晶包 $42水晶包有蓮蓉及紅豆兩款，晶瑩剔透，作為甜點又不會過甜。店員周不時幫客人斟茶，服務不錯，值得一讚。…查看更多

形點二期近日有不少品牌進駐，又是逛街購物的好時機了。這兒前身是新元朗中心，經歷數年的翻新工程後，加入不少大眾化的品牌，也有好些餐廳開業，既有中式酒樓，也有粉麵小廚，元朗開飯又多了個選擇。  百樂潮州酒樓位處二期三樓，鄰近西鐵站十分方便。曾嘗過百樂銅鑼灣店，一道糖醋麵實在是滋味難忘，既然是近水樓台，逛街過後便與友人嚐嚐新店的水準。元朗店店面不大，與銅鑼灣店相比風格迴然不同，陳設相當雅致，垂吊的燈籠，水墨風書畫、深木的屏風，貴氣卻不落俗套。  百樂主打高雅潮菜，加上米芝蓮的光環，友人猜想價位自是不低，事實不然。翻開餐牌一看，既有貴價的鮑蔘刺肚，也有平價的家常小菜，加上侍應沒有硬推貴價菜式，說到底還是豐儉由人吧！   滷水鵝片($120)百樂的滷水，絕對是必食推介。滷水香料複雜，吃着只覺清香，不會過濃偏咸。鵝片切得厚薄均稱，入口鬆軟帶點嚼勁，很有鵝香，微帶鵝脂令鵝片更顯甘香。炸豆腐吸盡鵝片的滷汁，不可錯過。    梅子蟠龍鱔($220)潮洲菜講求手工，也講究刀功。原條白鱔盤捲成形，賣相也美。鱔件外皮嫩滑，肉質細嫩，豉汁梅子醤微帶清酸，輕輕帶出魚肉的鮮香。  沙爹牛肉炒芥蘭($98)傳統潮州家常菜，牛肉片掛上甜甜的沙茶醬，大大片的讓人吃得滿足，加上爽脆嫩綠的芥蘭，健康又美味。 乾煎糖醋麵($128)看似平平無奇的煎麵餅竟賣上過百，但當你嚐過一口，再了解它的製作過程，便會明白箇中道理。用的是潮州鴨蛋麵，既取其色也取其香。糖醋麵一面煎得金黃香脆，挾起一片，脆面仍保持堅挺，底部微微軟身。放一點白糖香醋才吃，表層脆身得很，內裡軟腍入味，集酸甜脆嫩於一身，水準依然。 反沙芋($108)來到潮州酒家，潮式甜品絶對不得不嚐。雪白的反沙芋飾以彩星碎糖，令傳统甜食添上一點夢幻感。粉稔乾身的芋頭，切得比一般的都要粗身，表層覆上厚厚的糖霜，表層乾爽之餘没有半點油膩感，一口咬下，糖面脆感十足，也没有零碎散落，足顯大廚的手藝。即使明知糖份超標，也要吃上兩、三件才肯罷休。  馬蹄片綠豆爽($35)馬蹄粉熬煮成的甜湯不會太稠，馬蹄片不多但清脆爽甜，顆顆綠豆仁澎湃得很，十分清爽的甜品。  人均不過二百的一頓晚餐，吃的都是傳統手工菜，感覺是物有所值的，這米芝蓮的光環不是浪得虛名的吧！…查看更多

元朗食店雖然非常之多, 但數到潮州打冷來來去去都只是坐於街頭的的風味小店, 環境當然亦較為地踎, 腸胃不算太好的, 真叫人卻步。隨著新元中翻新改名變成Yoho Mall後, 開了不少新食店, 其中一員就是老字號百樂集團旗下的潮州酒樓。摩登新穎的裝潢行走中國風, 大紅燈籠高高掛非常搶眼, 傑作竟是出自日本設計師的手筆, 細節地方也顯示了日本人一絲不苟的作風。時間尚早, 食客未算多, 坐得舒服。一開始當然少不了的潮州菜特色 - 功夫茶。 茶味甘醇, 是叫醒味蕾享受美食的開始。 還有前菜: 鹹酸菜, 鹹香清爽, 是潮州菜的基礎。潮州白烚凍花蟹 $2040稱得上是潮州菜代表之一, 夏天吃凍花蟹是最好不過。 差不多有斤半重的花蟹, 份量十足, 肥美而顏色鮮明, 店員等我們拍照後, 為我們分件。蟹殼半開了的蟹鉗下, 蟹肉很豐滿地呈現, 每口盡是蟹肉, 肉質飽滿紮實, 味道鮮甜, 非常美味, 沾上蟹醋, 令蟹肉更提升層次, 突顯鮮甜。蟹腳內的蟹肉亦不遑多讓, 花蟹肉可不少呢, 水準之作, 非常滿足!滷水鵝片 $188鵝片是潮州菜的名物, 簡直是我的最愛! 鵝肉切成薄片層層疊放著帶獨有的羶香, 每口都充滿鵝肉的腍軟, 甘香醇厚的滷水汁入味又惹味, 加上鵝肉連少許脂肪的誘惑味道, 總是抵擋不了。沾上白醋的鵝肉更多了份清香感。 鵝肉下面還埋有滷水豆腐, 滑溜的豆腐吸收了滷水的精華變得深色, 很入味! 不愧為食店的必食菜式!胡椒鹹菜豬肚湯 $108同樣是深得我心的其中一款潮州菜式。 一鍋熱騰騰的湯品呈上, 已聞到散發甚濃的胡椒香味。 清澈的湯頭其實胡椒落得不留手, 很辣但亦很惹味, 製作豬肚湯工序非常繁複, 顯然這功夫做得很好, 豬肚沒有腥味, 湯水也沒有油份, 加上咸酸菜的味道, 縱然豬肚不是我會放進口的食材, 但煲出來的濃郁湯水, 確實是好飲到要多添幾碗! 梅子蟠龍鱔 $220之前看三色台電視劇而認識的一道菜式: 下刀切得太薄, 鱔就會縮起翻開, 切得太厚就難熟, 亦難以盤旋成餅形, 所以非常考師傅的刀工和火喉控制, 還有講究的賣相, 這巧手菜式於百樂竟然可以嚐到。原條鱔魚切得厚薄均等, 片與片之間藕斷絲連, 皮肉僅僅相依, 鱔肉爽脆鮮甜, 甘腴鮮美, 灑上淡淡的梅子蓉醬汁令味道更加助興。香煎蠔仔烙 $98又是少不了要叫上的經典潮州菜。 剛煎好的蠔仔餅, 蛋香味確是令人垂涎, 縱使差不多到尾聲, 香味亦叫人多吃幾口。 飽滿的蠔仔份量多且鮮甜, 蛋餅外表煎至燶香內裡仍嫩滑, 平常打冷檔的蠔餅是非常油膩, 而百樂這片沒有多餘的滲出, 不錯。反沙芋 $108到甜品時間, 潮州菜中的甜品多以飽肚類別為主, 反沙芋就是其中一種。 灑上七彩星星作伴, 令這傳統潮式甜食添上可愛。以繁複工序見稱的反沙芋, 先將芋頭炸得酥脆乾身, 再放入糖水中不斷地炒, 炒至芋頭呈反沙狀態, 使芋頭沾上粒粒脆糖。食落好香口, 外層是鬆脆的糖衣, 內裡是香甜的芋頭, 這巧手甜食, 令人一塊接一塊吃上呢!福果甜芋泥 $35芋泥十分香濃而且質感很細膩綿滑, 甜而不膩, 每口慢慢滲出芋泥的香甜濃郁, 加上新鮮白果點綴, 很滿足。不愧為潮州馳名甜品之一。完結之時同樣呈上功夫茶一減油膩, 清清喉嚨。食潮州菜原本看似很麻甩, 喝著啤酒食著大眼雞, 但經過包裝脫胎後, 傳統老字號加上創新菜式, 令潮州菜換骨地呈現, 高級地品嚐正宗潮菜的滋味。…查看更多

NBA 同潮菜究竟有咩關係？其實完全無，但今日容讓我先分享喜悅。今日雖然係星期一，但我請左假，唔係去旅行，又唔係有咩頭暈身慶，而係今日係NBA 總決賽既Game 7，重要程度絕對不下於歐國盃既冠軍戰。對於兩隊都鐘意既我，如果騎士贏，James就可以為自己母歷史性奪冠；如果勇士贏，就係成為兩連冠，同樣寫入歷史。個人情感上，我比較想騎士贏。結果當然不負我所望。難得心情要好，天氣亦好，外出走走就更加好，咁就入左南生圍親親藍天白雲。至於晚餐，當然要食餐好既慶祝下，由南生圍出番嚟，揀左食潮州菜。呢度舒適又闊落既環境，岩晒一班人傾計分享。大量潮州小菜，大家share食岩晒。餐前先飲一口功夫茶，打開味蕾。惹味前菜係潮菜既特色之一。滷水鵝片拼掌翼+鵝肝 $220鵝肝，我食開煎，以滷水既食法又真係未試過。開頭仲擔心用滷水會唔會浪費左個鵝肝，原來滷水同鵝肝味道都幾夾，而食落無煎鵝肝果種"漏"既感覺，厚厚既鵝肝入口又腍又啖啖肉。鵝片同埋掌翼反而鹵味更強烈，鵝片雖薄，但鵝味一樣出眾。潮陽炸雙棗 $104雙棗分別用左蝦同蟹製成，用料新鮮，所以兩者同樣爽口又彈牙。咬落去會感覺到有咬口，因為係蝦蟹既肉身加入馬蹄，令到口感提升。明爐鮮烏魚 $240有種似曾相識既感覺，因為同泰式既食法一樣，只係小左泰式既辣味。雖然明爐鮮烏魚可以一路加熱一路食，令魚肉更腍身，但我發現自己始終鐘情凍烏頭結實既魚肉。杏汁白肺湯 $150滋潤之選，滋陰又養顏，但整得好絕對要技巧。豬肺要洗得乾淨，同時杏汁與湯既比例又要拿捏得準確。而呢個湯入口有杏香，豬肺無羶味又爽口。乾煎糖醋麵 $128好有驚喜既糖醋麵，一般街外食到既糖醋麵都未如理想。一係過左火候，煎得太硬；一係火候未夠，煎得太淋。而呢度既糖醋麵面頭脆，底層淋，口感一流。再加埋糖醋調味，更加滋味。$108外觀似足鳥結糖既反沙芋，食落一d都唔鳥結糖。表面有糖包圍住，咬落脆口，內裡既"芋"夠粉，令人難忘。食完呢餐，我發現原來潮州菜都幾博大精深。我以為得果幾味，原來都好多變化。難得既一日大假就咁就放完，聽日番到公司一定又大把野做。…查看更多