名苑酒家 (已結業)

中午同家人去試下呢間係酒店內的中餐館，菜式設計中西合璧，有啲點心造型唔錯。我最喜歡，下次一定會encore 的點心係 蜂蜜小米糕，熱辣辣，底面脆卜卜，淡淡的蜂蜜味.加濃郁嘅小米味，真係食唔停口。另一樣會再叫嘅點心係山竹牛肉，大大粒，有馬蹄粒喺裏面，爽呀😊。仲有它的黑蒜炒飯，幾特別，唔係周圍都咁樣嘅配搭，炒飯加黑蒜粒，心理上好似健康d🤪。粉果都大大粒，好足料，不過，個人問題唔係好鍾意佢嗰個「金邊」，畫蛇添足，食得唔安心。