俺之沾麵專門店

今日同Mr C 食lunch，想去食一間響天后附近有間聽朋友講咗好耐既沾麵店。以為都差唔多1:30-2:00冇咁多人，錯啦。都係要排隊。唔緊要啦，排隊都應該係好味既～見裡面唔多位，大概12個位咁。我哋等咗大概二十分鐘左右。同其他拉麵店一樣，排隊嗰陣俾張紙我哋寫定，入去嗰時店員同我哋確認落單detail，同埋到時先問你揀湯底- 有原味，黑蒜味，或者番茄湯底。如果有小朋友，店員會問需唔需要走辣，因為全部都有少辣（大人可能唔多覺）。我叫咗原味，普通份量，梅肉叉燒，走荀走蔥，日本半熟煮蛋。另加紫菜同可樂。嗰麵好彈好有質地，夠煙韌。嗰湯好濃好香。唔太鹹，啱啱好。唯一覺得嗰肉瘦咗D。可能叫咗梅肉關係吧。本身嗰麵已經包一塊紫菜，所以其實唔需要另加$10 紫菜（個人覺得唔太抵，因為紫菜好細塊）。嗰半熟煮蛋OK！夠入味。食完嗰麵可以自行加清湯，等你可以飲埋嗰湯底。但係如果齋飲既話，始終都係鹹咗少少。所以我都係試咗幾啖～Mr C叫咗黑蒜味。佢話俾想像中酸咗啲，可能放咗啲醋。湯底好夠味，比較濃。同我嗰原味一樣，食完後可以加清湯溝淡去飲埋嗰湯底。我之前食過其他店既沾麵，唔係覺得太鹹就唔知點咁。但呢間嗰湯真係OK，嗰麵又真係夠煙韌，好啱我口味！推介！…查看更多

店舖較小，位置不多，好彩一嚟到就岩岩有位！繼上次當我食緊蕃茄湯底時，對面個男人話『識食梗係食原味！』，心有餘悸，今次必試原味到底有幾正！ 原味都唔錯，食到濃濃嘅木魚，好香，腩肉依舊肉質幼嫩，唯獨係餸太少啦～ 最多得３塊，寧願少d麵，多幾塊肉！仲有塊檸檬係度調味！酸酸甜甜，幾開胃！反而覺得黑蒜湯底仲突出哦～！超香濃黑蒜 流心雞蛋也造得很出色呢！…查看更多