Hunger Point (已搬遷) 新店位置

Harujuku Taco Rice Bowl • HKD$88成碗飯有好多配菜，包括味噌三文魚、牛油味醬、溫泉蛋同雜菜～舊三文魚就咁食會偏咸，配飯食就啱啱好，加埋溫泉蛋漿就更香😌整體感覺係健康又好味😋Mexican Chicken Crispy Taco • HKD$46個雞肉好惹味，而且都幾多，但會辣左少少～配埋蕃茄粒同牛油果醬好滋味😋原味雞蛋仔 • HKD$24外脆內軟，又好香蛋味👍🏽同朋友傾計，食下食下就冇晒🤣餐廳環境都幾乾淨，而且有少量位置比客人買完即刻坐喺度食～

星期六下午同男朋友去完舂磡角，出返中環食野，今次我地新嘗試，去食墨西哥Taco。Taco分左軟皮同脆皮，於是叫晒兩種黎食，再叫個原味雞蛋仔當甜品食。手撕羊肉Taco揀左軟皮，包住手撕羊肉、枝豆、烤粟米番茄同酸辣青汁。食落好清新，羊肉唔羶，幾好食。墨西哥辣雞Taco就揀左脆皮，我自己就鍾意脆皮多啲，食落香口啲。呢個包住墨西哥辣雞、牛油果醬、番茄莎莎同芝士。口感好豐富，好惹味，好食。原味雞蛋仔幾香蛋味，外脆內軟，唔錯。

在中環放工後未回家前突然覺得好餓，經過這間小舖就入去買點小吃。原來這是一間墨西哥風味舖頭，店內亦佈置得好有心思。因為回家還要吃飯的關係，只是簡單點了2款小食。原味雞蛋仔外脆內軟，而且味道不會太甜。十五味豬腩味道taco頗特別的，很喜歡由番茄莎莎和牛油果醬調製出的醬料，配上軟香的豬肉，有多層次的味覺享受。taco外皮亦好香脆而且薄片，不會感覺好「粉」走出餐廳外同樣好有藝術風，好適合假日⬅️下文青來打卡！