小肥不好名牌只愛食，慶祝家人生日及過時過節都會選擇豪飲豪食一番
，今個聖誕X新年就請父母同哥哥去中環擺花街，齊齊去試小表弟極力推介o既「燒乜」。據悉，新店正式開業未到一個月，大廈翻新工程明顯仲需時去完成，唔怪得知週五晚都唔係咁多客，XO仔早一日以網上訂座一啲都冇難度。佔用面積全層o既「燒乜」環境開揚，設計和風得黎都幾摩登吓，雖則貴為燒物專門店，室內卻一絲燒味都冇，抽氣做得非常好
。近窗o既一排散座全為四人枱，另一邊則為以吧位圍繞著o既開放式廚房。肥肥家族一向嗜杯中物，埋位第一刻當然係要開返樽日本清酒啦
！請留意，如貴客有意自攜靚酒，店子收取o既開瓶費分別為$300（750ml或以下）及$600（750ml以上）。「Cheers！聖誕節快樂，新年進步！」
用上靚女武士作商標o既餐店晚市主要有三頁餐牌。除此之外，極之友善o既服務生仲呈上及續一講解每日由日本空運到港o既特色燒物食材，當晚包括兩款菇物、甜蕃薯、青椒、蕃茄等。點好菜式後，意外地哥哥仔先送上新年賀歲小食拼盤
。
小食拼盤（免費贈送）：小食上枱時已經凍哂，其中炸雞軟骨又腍又冇味，而兩件燒金目鯛魚仲帶點腥味添
。豆腐海藻沙律/大葉酸汁（$98）：沙律中o既三色海藻爽脆非常，豆腐則幼嫩滑溜，如果淋面o既麻醬可以再多少少就更加完美。水菜/雜菌/無花果/柚子胡麻醬（$98）：碟底o既水菜形似火箭菜，食落都好清爽。沙律混入咗雜菌及無花果，成功提升咗口感同味道，再拌入惹味醒胃o既柚子胡麻醬，組合新穎得黎極之討好。厚揚豆腐燒/蒜香牛油味噌（$68）：金黃色o既炸豆腐鬆爽彈牙，面層塗上香濃帶甜o既蒜香牛油味噌醬，吃畢確真令人精神為之一振
。日本椎茸釀豆腐/鯷魚醬油（$68）：日本椎茸菇本身軟腍芳香，可惜釀入咗爛碎o既豆腐即變得黏住個口
，質感同味道都一樣奇奇怪怪，絕對唔係細佬杯茶囉。自家製雞肝醬/脆炸海苔（$88）：雞肝醬乾乾嚡嚡，而且陣味呷到連出哂名能耐高o既哥哥都話唔掂，也太重口味了
！反而配角脆炸海苔就好夠鬆化香脆。四口子從是日推介o既項目中揀咗三款黎試。唔知係咪因為要集齊三樣一次過以拼盤形式上所至呢，大肥爸爸搖哂頭咁話精選貨色居然唔夠熱，難怪會被稱為「燒乜」
，可想而知其不滿程度。燒乜之京都本菇（$40）：京都本菇香潤帶爽，如果可以熱辣辣咁食就好得多。燒乜之大冬菇（$40）：冬菇軟腍厚身，敗筆在於咬落過份油膩
。 燒日本甜粟/粟米慕絲（$58）：粟米色澤金黃，食落又爽又甜又多汁，超
！杯中o既粟米慕絲滑就夠滑，不過食完一小口已感膩滯非常。串燒雞腎（$38/串）：雞腎雖則爽口，但大肥話齋，串燒只要入口唔夠熱就足以令菜式大打折扣:(，大家一同再度搖頭。厚切牛舌芯（$98）：燒至外脆內粉紅o既限量厚切牛舌芯爽潤中帶點腍滑
，伴碟o既蒜片脆薄惹味，各有各美味，必吃推介也！串燒手羽先（$32/串）：雞翼可以話係當晚食咁多款串燒中唯一夠熱力o既一道:)。雞翼皮層香脆有光澤，肉質嫩滑可口，簡單鹽燒已夠美味。手作免治雞肉串（$45/串）：由於免治雞肉串本身已經唔夠熱，點埋另上o既蛋黃豉油黎食就有啲凍上加凍o既效果
，可謂失色之作。日本雞腿肉（$38/串）：雞腿肉雖然皮光肉滑，無奈上枱已唔再熱辣，食時更開始有硬化之感。串燒蒜鹽牛舌（$48/串）：因有比較下，串燒牛舌明顯唔及厚切牛舌芯咁潤，不過其質感都好夠爽脆
。燒飯團茶漬飯/香蔥味噌白雞湯（$108）：以小石鍋即場燒煮o既燒飯團茶漬飯就真係夠哂火候啦
！新鮮滾熱辣o既茶漬飯個香蔥味噌白雞湯底芬芳香濃，窩心暖胃，飯粒飽滿且半帶脆口，小表弟真係冇介紹錯
！親子丼/鵝肝茶碗蒸蛋（$158）：香噴噴o既親子丼同石鍋茶漬飯一樣夠哂熱辣辣。丼丼個白飯底好軟熟，除咗雞件同滑蛋之外，仲加咗兩件免治雞球，食落香滑之餘又多咗份脆卜卜
，如果調味可以咸多少少就更完滿。跟丼丼o既燉蛋本身好嫩滑，只可惜頂面件鵝肝又老又嚡又苦澀，結果就等同畫蛇添足咁
。串燒雞皮（$35/串）：估計師傅應該係漏咗單後急忙用猛火即燒，所以燒到成陣燶味o既雞皮要吹咗三次先有得食
。黑芝麻奶凍/抹茶糖漿（$78）：黑芝麻奶凍清香柔軟滑溜，輕巧微甜。抹茶焦糖燉蛋（$78）：配上豆腐雪糕及抹茶朱古力o既抹茶焦糖燉蛋感覺上好似甜上加甜。燉蛋面o既抹茶忌廉o既賣相仲要係鴨屎綠X 小雲成日手持o既米田共，請恕細佬直言，未食都有少少反感。。。位於中環一家旺場酒吧樓上o既「燒乜」裝修時尚，地方闊落舒適，而且抽氣非常好，服務生態度亦極之誠懇。新店開業未夠一個月，菜式賣相大多都唔錯，無奈主打燒乜燒物唔多夠熱，略欠火候，反而「石鍋茶漬飯」更顯特色及水準，唔計酒水，每人平均消費都要$500，細佬覺得仍有好大改進空間囉！…查看更多
，今個聖誕X新年就請父母同哥哥去中環擺花街，齊齊去試小表弟極力推介o既「燒乜」。據悉，新店正式開業未到一個月，大廈翻新工程明顯仲需時去完成，唔怪得知週五晚都唔係咁多客，XO仔早一日以網上訂座一啲都冇難度。佔用面積全層o既「燒乜」環境開揚，設計和風得黎都幾摩登吓，雖則貴為燒物專門店，室內卻一絲燒味都冇，抽氣做得非常好。近窗o既一排散座全為四人枱，另一邊則為以吧位圍繞著o既開放式廚房。肥肥家族一向嗜杯中物，埋位第一刻當然係要開返樽日本清酒啦！請留意，如貴客有意自攜靚酒，店子收取o既開瓶費分別為$300（750ml或以下）及$600（750ml以上）。「Cheers！聖誕節快樂，新年進步！」用上靚女武士作商標o既餐店晚市主要有三頁餐牌。除此之外，極之友善o既服務生仲呈上及續一講解每日由日本空運到港o既特色燒物食材，當晚包括兩款菇物、甜蕃薯、青椒、蕃茄等。點好菜式後，意外地哥哥仔先送上新年賀歲小食拼盤。小食拼盤（免費贈送）：小食上枱時已經凍哂，其中炸雞軟骨又腍又冇味，而兩件燒金目鯛魚仲帶點腥味添。豆腐海藻沙律/大葉酸汁（$98）：沙律中o既三色海藻爽脆非常，豆腐則幼嫩滑溜，如果淋面o既麻醬可以再多少少就更加完美。水菜/雜菌/無花果/柚子胡麻醬（$98）：碟底o既水菜形似火箭菜，食落都好清爽。沙律混入咗雜菌及無花果，成功提升咗口感同味道，再拌入惹味醒胃o既柚子胡麻醬，組合新穎得黎極之討好。厚揚豆腐燒/蒜香牛油味噌（$68）：金黃色o既炸豆腐鬆爽彈牙，面層塗上香濃帶甜o既蒜香牛油味噌醬，吃畢確真令人精神為之一振。日本椎茸釀豆腐/鯷魚醬油（$68）：日本椎茸菇本身軟腍芳香，可惜釀入咗爛碎o既豆腐即變得黏住個口，質感同味道都一樣奇奇怪怪，絕對唔係細佬杯茶囉。自家製雞肝醬/脆炸海苔（$88）：雞肝醬乾乾嚡嚡，而且陣味呷到連出哂名能耐高o既哥哥都話唔掂，也太重口味了！反而配角脆炸海苔就好夠鬆化香脆。四口子從是日推介o既項目中揀咗三款黎試。唔知係咪因為要集齊三樣一次過以拼盤形式上所至呢，大肥爸爸搖哂頭咁話精選貨色居然唔夠熱，難怪會被稱為「燒乜」，可想而知其不滿程度。燒乜之京都本菇（$40）：京都本菇香潤帶爽，如果可以熱辣辣咁食就好得多。燒乜之大冬菇（$40）：冬菇軟腍厚身，敗筆在於咬落過份油膩。 燒日本甜粟/粟米慕絲（$58）：粟米色澤金黃，食落又爽又甜又多汁，超！杯中o既粟米慕絲滑就夠滑，不過食完一小口已感膩滯非常。串燒雞腎（$38/串）：雞腎雖則爽口，但大肥話齋，串燒只要入口唔夠熱就足以令菜式大打折扣:(，大家一同再度搖頭。厚切牛舌芯（$98）：燒至外脆內粉紅o既限量厚切牛舌芯爽潤中帶點腍滑，伴碟o既蒜片脆薄惹味，各有各美味，必吃推介也！串燒手羽先（$32/串）：雞翼可以話係當晚食咁多款串燒中唯一夠熱力o既一道:)。雞翼皮層香脆有光澤，肉質嫩滑可口，簡單鹽燒已夠美味。手作免治雞肉串（$45/串）：由於免治雞肉串本身已經唔夠熱，點埋另上o既蛋黃豉油黎食就有啲凍上加凍o既效果，可謂失色之作。日本雞腿肉（$38/串）：雞腿肉雖然皮光肉滑，無奈上枱已唔再熱辣，食時更開始有硬化之感。串燒蒜鹽牛舌（$48/串）：因有比較下，串燒牛舌明顯唔及厚切牛舌芯咁潤，不過其質感都好夠爽脆。燒飯團茶漬飯/香蔥味噌白雞湯（$108）：以小石鍋即場燒煮o既燒飯團茶漬飯就真係夠哂火候啦！新鮮滾熱辣o既茶漬飯個香蔥味噌白雞湯底芬芳香濃，窩心暖胃，飯粒飽滿且半帶脆口，小表弟真係冇介紹錯！親子丼/鵝肝茶碗蒸蛋（$158）：香噴噴o既親子丼同石鍋茶漬飯一樣夠哂熱辣辣。丼丼個白飯底好軟熟，除咗雞件同滑蛋之外，仲加咗兩件免治雞球，食落香滑之餘又多咗份脆卜卜，如果調味可以咸多少少就更完滿。跟丼丼o既燉蛋本身好嫩滑，只可惜頂面件鵝肝又老又嚡又苦澀，結果就等同畫蛇添足咁。串燒雞皮（$35/串）：估計師傅應該係漏咗單後急忙用猛火即燒，所以燒到成陣燶味o既雞皮要吹咗三次先有得食。黑芝麻奶凍/抹茶糖漿（$78）：黑芝麻奶凍清香柔軟滑溜，輕巧微甜。抹茶焦糖燉蛋（$78）：配上豆腐雪糕及抹茶朱古力o既抹茶焦糖燉蛋感覺上好似甜上加甜。燉蛋面o既抹茶忌廉o既賣相仲要係鴨屎綠X 小雲成日手持o既米田共，請恕細佬直言，未食都有少少反感。。。位於中環一家旺場酒吧樓上o既「燒乜」裝修時尚，地方闊落舒適，而且抽氣非常好，服務生態度亦極之誠懇。新店開業未夠一個月，菜式賣相大多都唔錯，無奈主打燒乜燒物唔多夠熱，略欠火候，反而「石鍋茶漬飯」更顯特色及水準，唔計酒水，每人平均消費都要$500，細佬覺得仍有好大改進空間囉！…查看更多
