每次經過熨烤達人，都會畀佢入面好得意嘅裝修所吸引， 入面嘅裝修好似卡通片裏面嘅基地一樣， 彷如置身於太空 ，座位都以唔同英雄角色為主題， iron man，美國隊長等， 仲有好得意既Minion公仔。 大人細路一齊食， 同樣都咁開心。坐低店員就會奉上幾碟韓式嘅前菜， 有涼拌茄子、甜薯仔、 醃青瓜、 同埋醃白蘿蔔。 尤其喜愛甜甜地既醬油薯仔， 同埋涼拌茄子， 兩款都十分之好味開胃。除此之外喺爐邊仲有一個坑洞 ，用來到入蛋漿， 再加入芝士同埋粟米粒， 一路燒嘅時候蛋漿就會慢慢熟， 芝士溶液蛋漿裏面， 做出拉絲既感覺， 配埋粒粒甜甜嘅粟米， 幾好食又好玩。食韓燒又點少得靚嘅牛肉同埋五花腩？ 我哋叫咗特級雪花牛，$180。 雪花牛嘅油脂分佈平均， 濃濃嘅牛肉香再配搭上油脂， 燒好嘅時候， 再點少少嘅醬油， 食每一塊都簡直係享受。個人推介如果鍾意食洋蔥嘅朋友一定要點洋蔥絲，$28， 洋蔥絲混合咗醬油， 食落酸酸甜甜， 最啱就係連埋燒好嘅肉一齊放上生菜包裹來食， 咁嘅食法 食落更加juicy。仲有厚切五花肉，$105， 五花肉分量十足， 有成八塊， 最啱就係一大班人一齊share。 燒呢個厚切五花肉有獨門秘笈， 就係用熨斗壓住燒， 將兩邊燒好後， 再剪成一塊塊燒， 令燒起上嚟更加香口。最後即將推介就係好得意嘅大園卜卜脆手攪飯， 呢個手攪飯入面有白飯， 吞拿魚， 青瓜絲，蟹子，沙律醬， 雞蛋絲同脆米。 攪拌好之後， 可以用紫菜包住食， 又或者好似食雪糕咁， 用雪糕筒載住嚟食。 味道方便唔洗講， 真係好好味， 可能有大量沙律醬， 食起上嚟嘅感覺就好似小時候食嘅沙律壽司， 酸酸味味， 又飽肚又好味。今晚真係相當之飽， 可以話係捧住個肚返屋企。 無論係情侶拍拖， 定係一家大細嚟食， 都適合不過。 價錢合理之餘，食物份量亦相當之大。…查看更多
友人介紹我黎元朗食韓燒.佢話間野好有特色..一場入到元朗整野,米即刻去試下~我地入去果陣仲好...只係6點幾,,所以都唔係太洗等位~但大概7點幾已經FULL晒啦~~~登登登登~呢個鋪GE特色~~~熨斗!!!!用黎熨住舊肉燒~一來可以燒得平均D~二來石以鎖實D肉汁~三來有得玩!!!!!燒完一輪~~~我唔客氣啦~~我揀左用生菜包住黎食~~咁樣會無甘"流"~~五花腩好有肉汁~一咬落去咇出黎呀
果舊肥野燒到脆脆地~~咬落去脆卜卜~~正呢~~再黎個龜形GE韓式撈麵~係店員推介~~外面係脆卜卜GE蛋塊~打開入面係蛋包麵~~~初初仲以為D麵係凍~~~原來係熱架~~~好得意~~調味做得好好~~唔會太咸~而且我食到好濃芝士味
嗌左個調味牛排肉 / marinated boneless beef short ribs HKD110.00=120g-------------------------之後再嗌埋厚切五花腩...好好味呀呢個真係...仲要再夾埋佢D菜呀...韓式醬呀..咁食...燒到濃濃地..我知道係好肥..但有時真係好難抗拒架!!!!之後再嗌左個車站見麵..老實說...呢個之前係旺角果間食完已經好懷念..今日再係元朗呢間嗌..冇失水準..超讚好呀..店員講到明要即刻食 ,我諗係怕芝士 會結哂。佢有腸仔,肉碎 同埋蝦子 係入面 !超好味! 我自己覺得其實可以再辣 啲架 
