餐廳名真係令人好印象深刻 一句簡單嘅開場白 喺度做乜😂 就已經透露咗呢間cafe係好chill嘅 我呢晚約咗友人喺度傾吓大家最近做緊乜啦 一人叫咗一份晚市套餐😉前菜有是日精選沙律 餐湯同埋蒜香牛油法包 沙律係兩人份 上面都有幾片風乾火腿🐷 黑醋係分開上 唔會淋埋一齊 幾貼心 啱晒我唔鍾意太重味😮 餐湯係甘筍湯 包就係類似餅乾咁脆嘅🥖 香草燒法國原隻春雞呢隻雖然叫春雞 但係size都唔細啊🐥 外皮燒到金黃色 雞髀嘅位置肉質幾嫩滑 雞下面仲有啲蔬菜伴碟 例如茄子同翠玉瓜 比較特別嘅係有紫薯蓉 味道有淡淡嘅甜味 係天然嘅美味 幾特別🥔卡邦尼意大利天使麵配溫泉蛋呢碟份量一樣係好多😳 忌廉汁味道偏淡 撈咗蛋汁 煙肉同雜菌一齊食 就多啲味道 天使麵麵身偏幼 所以麵條中間可以掛到好多creamy嘅汁啊🍝白松露忌廉炒野菌叫咗套餐可以半價加配呢個小食 呢碟非常有驚喜 又有野菌 又有白松露 菇味真係爆晒出嚟啊🍄🟫 配埋忌廉汁真係非常match 鍾意食菇菌嘅朋友一定要試呀鹹蛋黃橄欖油脆炸洋蔥圈同樣係加配嘅小食 每件洋蔥圈都有層薄薄嘅炸粉 外面再有層鹹蛋黃 真係非常香脆🧅 炸完嘅洋蔥圈唔會好油淋淋 鹹蛋香味道好香是日飲品有紅茶同埋白桃烏龍茶🍵 揀咗凍白桃烏龍茶 有微微嘅果味 飲落幾清爽🍑 呢餐晚餐真係幾飽 主菜嘅份量絕對對得住佢嘅價錢 加配嘅小食抵食得嚟又有驚喜 如果一大班朋友嚟就啱晒啦☺️…查看更多
