南越南咖啡廳

約了友人旺角睇戲順便食Lunch，上網見到間特色餐廳，主打南越南風味的Fusion菜，好似幾正就試下，假日1點多去到冇乜人。餐廳以深綠色及木系為主調，綠色植物的布置感覺自然舒適，同時燈箱裝飾亦有時尚感，有天花板有隻大熊仔坐係，好可愛！餐牌，都係手機落單。茘枝雲朵咖啡，$38，賣相精緻，頂層有舊雲朵棉花糖及玫瑰花瓣作點綴，配上咖啡及荔枝的漸變色更美，有咖啡味同時有荔枝香氣，味道平均又清爽好適合夏日。南越蛋咖啡(熱)，$38，友人的。NVN 咖啡骨，$78。見個杯咁細預左份量少的打下卡系列，賣相特別，就咁睇以為係杯飲品，杯上有舊雲朵棉花糖，倒入咖啡，棉花糖即溶好治癒，排骨肉質鬆化，肉骨茶味濃郁，有淡淡的咖啡味及少許甜味，味道上都可以幾有特色。鹹檸豬頸肉撈檬，$72，夏日最好食撈檬，豬頸肉惹味，倒入碌冧(魚露酸甜汁)伴食，檬粉爽口，味道酸酸甜甜微微的鮮辣，清爽又開胃。越式咖哩牛肋條配斑蘭椰香飯，$88，咖哩質感唔算好稠身，味道偏向似叻吵帶有椰香味少許辣同時有種清香的味道，牛肋條軟腍，斑蘭椰香飯，好出的青綠色，食落有淡淡的斑蘭味，不俗。南越蟹肉醬配脆球餅，$68，賣相有特色，釀入蟹肉食，口感香脆，味道鮮味，有蘿蔔絲伴食增添清新。脆米紙薄餅，$58，米紙卷食得多，米紙薄餅就第一次見，用米紙造餅底，面層材料十足，有肉乾粒、青瓜絲、蘿蔔絲、脆脆及醬汁等，口感酥脆香口又清新。食物味道不俗價格中等。…查看更多

放假前夕既Lunch time，終於同同事試咗討論咗好幾次嘅越南餐廳🍴無令我哋失望呀👍🏻越式惹味粟米條 $48粟米粒粒飽滿鮮甜，甜辣醬汁好惹味同時比例控制得啱啱好，唔會搶走粟米本身嘅甜味。南越蟹肉醬配脆球餅 $68好鐘意個脆球餅唔會太油膩，有两粒放到最後食都仲系脆！！蟹肉味道都幾岀，夾埋紅蘿蔔青瓜口感好豐富！越式咖哩牛肋條配蒜蓉法包 $88賣相吸引好IGable📸 牛肋條超軟腍入味!! 系惹味嘅香辣咖喱🤤 仲有唔少牛筋、粟米芯、茄子、翠玉瓜！蒜蓉包幾香入口脆，蒜味好濃郁🧄配咖喱湯汁好食惹火上身鹹檸豬頸肉 $70老闆好nice好幽默😹一上枱就會問你準備好相機未，準備火燒豬頸肉啦。雖然只係一兩秒短暫時間，但係都好震撼😼豬頸肉肉質好嫩滑有肉汁👍🏻NYN 咖啡骨 $78一層棉花糖喺面，倒入咖啡，每嚿豬軟骨都好入味，系香濃嘅咖啡焦香。幾得意特別👍🏻烤萋葉雞配青蘋果條 $90烤雞真係做到外脆內嫩，萋葉味道適中唔會太重。青蘋果條味道好濃烈，適合重口味人士，入口清脆。香茅青蘋果茶 $25好欣賞佢哋嘅自家製飲品。包裝好靚好有特式，健康得黎唔會淡而無味嘅感覺。飲到茶嘅清香同天然果香嘅青蘋果、香茅，隻味好夾好清新，微甜，本人好鐘意🙌🏻🙌🏻我自己系覺得越飲越好飲。柑桔檸檬綠茶 $25柑桔檸檬綠茶比例調配得非常好👍🏻三隻味都好突出，酸甜酸甜咁好開胃…查看更多

這間越式餐廳位於旺角726號，主打南越Fusion菜，羅具南越特色的街頭美食及飲料，並注入嶄新概念。店內環境寬敞舒適，裝潢以寶綠色為主調，配搭文青系木椅餐桌，適合約會或多人聚會。脆米紙薄餅 - $58薄透的米紙餅底香脆鬆化毫不油膩，鋪滿清爽的醃蘿蔔及青瓜絲，還有油香的越南香腸粒，再淋上辛香的沙律醬。南越蟹肉醬配脆球餅 - $68大量香甜的蟹肉絲，配上清新的紅蘿蔔及青瓜片，放入金黃酥脆的炸球中，口感層次豐富。炸萋葉雞配青蘋果條(半隻) - $90半隻肥美飽滿的炸雞嫩滑多汁而不乾柴，吸飽越南特色藥葉的香氣，還有香脆的炸姜葉絲，青蘋果條以蝦頭油炸，酸酸甜甜好解膩。惹火上身鹹檸豬頸肉 - $70上碟時會點燃食用級魔術紙，油花分布均勻的豬頸肉鮮嫩緊實，有港式鹹檸檬的鹹甜味。越式咖哩牛肋條配斑蘭椰香飯 - $88越南咖哩有濃厚的咖哩粉香氣之餘，又有椰奶和香茅的獨特香氣，牛肋條帶有豐富的油脂，有豐富的牛肉味，又有爽彈的牛筋富膠質，還有翠玉瓜及青茄子仔等。接骨木花茶青蘋果 - $30接骨木花茶具有獨特的花香味，還帶青蘋果的微甜果香，口感清爽宜人。荔枝雲朵咖啡 - $38綿密細膩的泡沫如雲朵般，醇香的咖啡帶天然的豆酸，伴隨香甜的荔枝果香，互相平衡。…查看更多

又到咗Happy Friday，即係打卡日🤣今日同朋友去咗旺角NAM VIỆT NAM CAFÉ 南越fusion菜主題餐廳，位放彌敦道726號1樓，鄰近地鐵站交通十分方便，𨋢門一開就見到餐廳名稱的燈箱，和接待處的啤啤熊公仔，非常搶眼。到達時未到2點，餐廳仍然非常熱鬧，人氣十足。是日菜單如下：-南越蟹肉醬配脆球餅$68，和上星期食的印度脆球餅一模一樣，只是餡料不同，這裡的餡料是蟹肉、紅蘿蔔絲和青瓜片，蟹肉味道幾突出。惹火上身鹹檸豬頸肉$70，真係估佢唔到食越南菜都有火焰打卡場面🤭，濃濃嘅香烤味道，肉質好嫩滑。脆米紙薄餅$58，喺網上見到時已經覺得好靚，原來實物比相片效果更靚，口感豐富唔油膩，醬汁超惹味。烤蔞葉雞配青蘋果條$90，份量唔少喎，有半隻雞，皮脆肉嫩 非常滑溜，青蘋果條都唔錯，清新爽甜。南越蛋朱古力$38，食過焦糖蛋，亦飲過朱古力無數次，都未試過過這樣的配搭，有點小驚喜☺️班蘭奶蓋咖啡$45，粉綠嘅班蘭奶蓋，為苦澀嘅齋啡加上了色彩，還加了一點甜💕苗族椰汁淡咖哩湯米線（扎肉配炸蝦卷）$ 76，湯底味道濃郁 好正，少少辣，有淡淡椰香和咖哩味，扎肉 炸蝦卷充滿濃湯味道，推薦！…查看更多

NAM VIỆT NAM CAFÉ 😘😘😘南越特色菜旺角彌敦道、樓上特色、南越創意餐廳！精緻食品、店內牆角有一巨型bear bear 裝飾、超可愛😻*南越蟹肉醬配脆球餅$68蟹肉絲混醬汁成為脆脆球饀料、填滿脆球、咬一口、金黃香脆球爆於口腔內、濃濃蟹醬香味充塞味蕾！*扎肉心內美米紙卷$65煙靭的米紙皮包裹着扎肉、鮮紅蘿蔔絲、青瓜條、醃漬的薑片、蘸點袐製花生醬汁、fresh 又清爽、煙煙韌韌有嚼囗！*越式咖喱牛肋條配斑斕椰香飯$88粒粒沾🈵️班蘭色彩的米粒、綠油油、充滿椰香、有嚼口、黃咖哩牛肋條及牛筋、炆煮入味、軟綿綿、牛筋夠彈牙、配搭一流！*參參愛梨（熱）$30雪梨片、加入花旗參、清甜又潤喉、帶點甜、掩蓋花旗參的甘味、更易入口！*香茅青蘋果茶（冷）$25香茅消腫效果、加青蘋果、清新怡人、選用酒瓶裝、更具玩味😄*越式發酵茶葉沙律$54新鮮蔬菜混合了發酵茶葉的獨特風味、帶出味蕾新口味、探索味蕾新層次！*惹火上身鹹檸豬頸肉$70fusion菜、烤香豬頸肉燃點火🔥、營造視覺效果、非常吸睛！豬頸肉軟腍又彈牙、菠蘿片墊底、賣相更出色💯NAM VIỆT NAM CAFÉ旺角彌敦道726號1樓港鐵旺角站B3出口、步行約2分鐘#越南#新派特色菜#fusion#創意玩味#打卡一流#…查看更多

和朋友booked 7:00 3位，所以不用等✌️（想吃，記得book位）個人不常吃越南美食，因在印象中 越南沒有什麼好吃，大多都不同河粉、金邊粉但這家越式cafe shop, 讓我嘗試到不同的越南美食食物價錢偏貴小小，但座位很舒適，裝修掛了不同霓虹燈，有大玻璃可以看到旺角景觀😆首先是它們 招牌金邊粉 $88份量十足，大大碗，搭配了牛肉丸、牛肉🥩、牛筋同油炸鬼等配料🍜湯底濃郁，整體很不錯然後，南越蟹肉醬配脆球餅 $68把蟹肉醬放入脆球餅一同食用，口感脆口、特別在加上青瓜🥒和紅蘿蔔🥕，口感智會在清新爽脆。是不錯的小食其次，惹火上身鹹檸豬頸肉 $70上一桌，服務員就在的我們面前點火🔥，很適合打卡，讓這豬頸肉有點睛之筆效果🤩烤豬頸肉🐽＋烤菠蘿，都充滿炭烤味烤菠蘿，不一咬下去就在嘴裏爆汁。再者，扎肉心內美米紙卷$65米紙卷扎肉，當中扎肉很大，配上濃稠的花生麻醬，感覺不配花生麻醬吃也可以😂不配吃起口感更清爽，豐富✌️最後，烤雞肉串 $35普普通通的烤雞肉串🐓，不會很柴，雞肉有汁水，味道還可以🤪…查看更多

「南越南咖啡廳」旺角新式性價比高🇻🇳越南菜食物好靚好適合打卡💕🔸南越蟹肉醬🦀配脆球餅將蟹肉放入脆球一齊食，口感豐富蟹肉鮮味份量亦都算唔少當作前菜好開胃😋🔸惹火上身鹹檸豬頸肉一放低店員會問影唔影相📸因為佢要準備點火🔥記得準備好電話影相😆豬頸肉同菠蘿🍍都好入味又juice🔸NVN 咖啡骨棉花糖下面放左咖啡骨有個小茶壺🫖準備俾你自己親自倒咖啡去咖啡杯入面又係一碟要打卡既茶式😆咖啡骨味道少少甜味非常特別🔸烤蔞葉雞半隻配青蘋果條雞皮🐓燒到脆脆地 可以配埋特製醬汁或者夾埋青蘋果條🍏一齊食🔸「嫲嫲南越湯」招牌金邊粉果然係招牌😋湯底超級超級濃郁配料有：牛肉片，牛助條，牛筋，牛尾，牛肉丸，油炸鬼油炸鬼吸收左湯汁好好味牛丸仲好彈牙tim👍🏻🔸香茅青蘋果茶（冷）柑桔檸檬綠茶（冷）兩款果茶味道都好清甜唔係落左好多糖水個種而且仲可以解油膩✨📍南越南咖啡廳 (旺角)旺角彌敦道726號1樓…查看更多

之前經過旺角，看見有越南餐廳，越南料理真的不是吃了很多次呢，看見了當然要進內試一下吧😋環境相當闊落，亦頗具特色🥸五香豬腩伴鍋巴豬腩肉香軟，鍋巴有點像以前的暴暴飯焦🤪南越蟹肉醬配脆球餅蟹肉味重，配餅像像點醬一樣，可多可小🦀烤蔞葉春雞配青蘋果條這個烤雞非常嫰滑，很入味，非常好吃，推介😍😍烤牛肉串及順化豬肉串牛肉香口，豬肉串不是一般的樣子幾特別，不錯的串燒🍢南越南咖啡廳旺角彌敦道726號1樓…查看更多

平時我對越南菜既印象都係撈檬，生牛肉河之類，所以平時唔會簡越南菜食😂直到我發現左呢間越南越餐廳，見到佢既相已經好想試下，happy Friday 係OpenRice book19:00，上到去唔係太多人，店舖唔太大，但都坐滿晒，裝修好有特式😂坐低左手機自己落單～❤️Shake shake 雞軟骨 $52上菜時好似M記啲薯條咁，倒啲辣粉落去shake ~Shake完倒返碟上面，份量都好多，大大粒，味道唔錯～❤️南越蟹肉醬配脆球餅 $68我鐘意呢個啊😍將啲蟹肉塞落個波波到食，好似印度其中一個菜式😂好新奇又好味，加埋青瓜，好清新🤤❤️烤雞肉串$35呢個就冇咩特別，但個醬就好好味😂點晒啲醬黎食🤤❤️烤牛肉串 $42❤️火龍芒芒蝦仁配脆蝦片 $58食完唔係好記得個味道😂唔太出眾，但個蝦片好脆，上菜要即刻食，唔係好快林左😂❤️越南惹味粟米條 $48我既最愛😍好好食啊，唔好睇佢好似得粟米好似好單調，其實佢脆脆地，又酸酸甜甜，唔知佢用左咩醬呢🤔自己食多碟都仲得😂❤️Tear of Mermaid $48(無酒精） 有酒精+$10由藍柑橘，荔枝，梳打調配而成既tear of mermaid,個名好似好靚咁，仲有個波波，個樣都好飲好靚咁，不過好快就爆左😂佢唔係得個名同埋得個樣，仲好好飲😂❤️香蕉薄餅 $48甜品係另一個胃，呢個香蕉薄餅點解可以咁出色😍個餅底脆之餘，仲有勁多香蕉，分開左4舊，每份都有一大堆香蕉，落重料先收得$48，好抵啊😍總結：我地2個女仔食，唔好睇全部都係小食，其實都好飽，好彩冇叫粉😂唔係會食唔晒😂呢間越南菜創新又好食，價錢又適中～下次再試埋其他野食～出色😍😍…查看更多

去旺角食咩好?  Nam Viet Nam係我第二次去既越南fusion 餐廳， 食物菜式依然有驚喜，環境氣氛有越南既氣息，藍綠色調配木系傢俬設計。食物份量與價錢成正比，款式不少，味道亦很不錯，食完亦冇口渴既感覺， 性價比好高嘅餐廳。 正呀！今次，我和朋友就叫左三款小食同兩杯飲品。五香豬腩伴鍋巴 $68， 腩肉煮得好腍又入味， 肥肉🐖 分布有層次。 用咗酸菜碎去解油膩嘅感覺，再加上藏紅花醬汁調味， 搭配脆脆鍋巴，多重口感層次 ，一啖一個享受。南越蟹肉醬配脆球餅 $68， 空心脆球搭配獨家製餡料，好好味嘅冷盤小食。 餡料有蟹肉🦀、蟹籽、蘿蔔絲、青瓜片和千島醬。 兩者搭配，口味酸甜爽脆， 開左個胃又可以食多啲嘢。脆米紙薄餅$54，脆米紙 做Pizza底，好薄好脆。放滿臘腸、青瓜絲🥒同蘿蔔絲再加埋千島醬， 意想不到嘅配搭， 但又出奇地令人回味。鹹鹹香香又脆脆， 都係一個開胃嘅菜式。越南雞蛋咖啡 $35， 好特別嘅咖啡☕️未試過， 但係又好似飲落冇乜特別， 就係蛋同越南咖啡。Deep Sea 🍹$68，以Rum酒做底 加上梳打，再配埋石榴同海葡萄， 甜甜地又易入口。 最特別係侍應會加個煙燻泡泡佢係Cocktail上面， 打卡之餘又有噱頭。❤️整體來說， 菜式很特別， 食物口味有層次感， 性價比很高。環境氣氛適合傾偈， 店員態度親切有善， 值得一試嘅越南餐廳。❤️…查看更多

五香豬腩伴鍋巴 $60這個和想像中一樣邪惡，豬腩幾乎九成是肥肉，鍋巴很香口，豬腩入口即溶男朋友很喜歡，我不太好豬腩肉就覺得有點膩，比較愛吃下面那塊鍋巴。南越蟹肉醬配脆球餅 $68蟹肉醬帶有一種海水鹹鮮味，有些人可能會覺得有點腥，味道幾特別。嫲嫲南越湯招牌金邊粉 $88這個一定要吃！由湯底到牛配料到金邊粉都是一百分！💯湯底很濃很好味，多款牛肉配料都好稔好入味金邊粉吃起來很滑溜，我們最後還把湯完全喝光了。唯一不足就是份量傾向有點小，尤其是小食類，不過試一次也無妨的，味道和特色搭夠。…查看更多

越南是一個華洋集處的地方，不同民族生活的軌跡影響了飲食文化上的「南」轅「北」轍，今次就來到位於旺角的南越 Fusion 菜主題餐廳 - NAM VIET NAM CAFÉ南越南咖啡廳。餐廳裝潢時尚休閒，不過枱與枱之間距離較近，坐得比較擠。南越菜由多國文化結合而成，南越 Fusion 菜式為傳統越式美食注入嶄新概念，融入各地具代表性的食材。最近還新推出含有酒精的特色cocktails飲品。扎肉心內美米紙卷 $58作為越南傳統美食之一，煙韌米紙緊緊捲著心內美蘿蔔片、扎肉、青瓜的豐富餡料。米紙卷色彩繽紛，五味紛陳，爽脆輕盈，沾上花生麻醬份外醒胃。南越蟹肉醬配脆球餅 $68單是賣相已充滿玩味，食法是將蟹肉醬和配菜釀入脆球餅，帶來了多重的口感層次。脆球餅金黃脆身不油膩，夾雜著絲絲蟹肉，混合酸酸甜甜的配菜，喚醒沉睡的味蕾。NVN南越法式麵包 $78法包都會先用紙包覆好，工整對稱的切口盡現配料豐富的橫切面，也可避免一口咬下便散落一地。在鬆軟的法包上塗抹自家製黑啤酒豬肝醬，佐以酸瓜、豬耳、燻蹄、扎肉、香葉、蔥花等6款餡料，即使法包外表看來很「法式」，但吃起來其實很「越南」，盡現殖民文化下誕生的混血特色。嫲嫲南越湯招牌金邊粉 $88金邊粉是這裡的招牌菜，當晚看見差不多每枱都有點，我們專程來到又怎能錯過呢？！豐盛配料包括牛肉片、牛面頰、牛尾、牛筋及牛肉丸，配以油條亦是南越河粉獨有風格之一。用上大量牛骨、牛面頰、牛尾等長時間熬煮的湯頭清澈呈深啡色，牛味濃醇，金邊粉入口爽滑而彈牙，既易掛湯又不會一挾即碎。Tears of Mermaid $58泡泡造型玩味十足之餘，又可帶來視覺與觸覺的感官刺激，揉合藍柑橘、荔枝、蘭姆酒及梳打，酒精濃度不高，平易近人，冰涼清爽。斑蘭龍眼茶 $23包裝成扁身的威士忌酒瓶，其實內裡盛載著養生茶飲，味道天然純樸而清甜。…查看更多

咁樣2021就過咗一半啦，呢一吓眨眼又長但又短今日喺旺角收工，去咗食一間好特別嘅越南餐廳，有別於平時嘅越南菜，佢加入咗唔同嘅元素當中必推兩款脆米紙薄餅同SHAKE SHAKE雞軟骨脆米紙薄餅餅底係平時食開嘅米紙，炸過後薄脆香口，上面配咗啲腸仔粒酸蘿蔔絲，重點係啲蝦米仔同個微辣嘅千島醬，平時食開基本配搭嘅米紙卷，原來炸一炸個感覺係唔同哂，而且好好食！SHAKE SHAKE雞軟骨配埋炸過嘅九層塔、香茅同蒜粒，加少少辣椒粉一齊shake，嗰陣香蒜味令你都食唔停口，再滴幾滴檸檬汁，嗰一口油蒜香帶開胃嘅酸正呀。…查看更多

越南野就食得多啦~新派越南菜都真係第一次食☺️環境仲超有feel 超級推薦大家去😏———————————————————🍴嫲嫲南越湯招牌金邊粉($88)中意牛🐮既朋友真的不能錯過😍因為入面全部都同牛有關🤣湯底超重牛味但又唔會好膩👍🏼加埋啲青檸落去仲帶點清爽添入面全部餸都係牛 有牛肉片 牛面珠 牛筋 牛尾同牛丸真係超級豐富🤓而金邊粉係偏幼身個啲 又唔會話煮到淋晒 幾好~———————————————————-🍴南越蟹肉醬配脆球餅($68)呢個又係估唔到幾好食👍🏼蟹肉醬幾fresh 唔會好膩唔好睇佢細細碟 但都夠實滿咁多個波波不過可能價錢上 比起主菜就貴少少但都值得一試既~———————————————————🍴Shake Shake雞軟骨($52)有名你叫shake shake雞軟骨梗係有得自己shake啦 上碟個陣會連埋個紙袋你可以自己加辣粉嚟shake食落都幾惹味 因為連埋啲香料一齊shake幾推薦大家嗌呢個☺️———————————————————🍴烤蔞葉雞配青蘋果條(半隻$88)呢個都係招牌菜之一食落有啲香茅味 個皮都幾脆😏雞又唔會好柴👍🏼青蘋果條超fresh 覺得太油既話食一條既話 好唔錯酸酸甜甜 夠晒醒胃！———————————————————🍴南越蛋咖啡($35)大推呢款飲品‼️‼️‼️飲落有啲似cream brûlée 但飲到尾又會有陣咖啡味☕️味道甜甜地 怕咖啡苦味既朋友完全唔洗怕啊😉…查看更多

💎總評分：6.5/10－小店舖面唔算大，星期六2PM到70%滿座。食物充滿玩味🤡，價錢抵食但唔大件，睇反個份量同考慮到 D 小食基本上唔太飽肚，同男士們嚟食可能要叫多D🙇🏻‍♂️！1️⃣ 招牌金邊粉 $88金邊粉幼身，配料有牛肉片，牛丸，油條等。睇過幾編食評都話湯底熬咗24小時⏰好濃郁，滿滿期侍下去到，可能今次有D失手😣，小編反而覺得唔太入味，肉同丸都無咩特別。2️⃣脆鮮紙薄餅 $48賣相特別，係餐廳signature之一，每枱都有點。紙薄餅的確好薄，唔飽肚但係高卡路里😖，toppings有青瓜蘿蔔絲同越南臘腸粒，一啖食落去其實只係食到 D 千島醬(應該係)，不過脆脆哋都幾得意👌🏻。3️⃣ 南越蟹肉醬配脆球餅 $68個樣有D似印度料理嘅pani puri ！一開始以為咁細碟蟹肉醬實塞唔滿咁多個波波啦😹。點知又啱啱好喎🤭~ 個醬都幾清新唔會好多沙津醬🙆🏻‍♀️，食到蟹肉，感覺上比較健康，但係蟹迷們都係睇價錢set standard啦~4️⃣ 南越炸豬肉春卷 $38不過不失，呢個價錢咁嘅份量同質量可以接受。5️⃣ 南越蛋咖啡 $28呢個反而係最值得推介😙！寶寶一向抗拒加咗蛋嘅野飲,不過食VIET佢一定要飲咖啡☕️呢度得一款係熱嘅....待應一上咖啡就提我哋唔好攪佢，要直接飲！大啖D飲落去會品嚐到最頂層嘅焦糖同底層嘅咖啡味，加埋D蛋香🥚好好味💯！6️⃣ 香茅青蘋果茶 $22用個樽上，自己倒出嚟，味道好refreshing🍎 ~ 不過可以多反D香茅味！-環境服務：⭐⭐⭐食物質數：⭐⭐⭐打卡指數：⭐⭐⭐⭐…查看更多