聚點坊點心專門店 (已搬遷)

聚點坊點心專門店 #上環見到有好多外國遊客係呢一間點心鋪度食，基本上有成七成都係外國人，本身都驚係呃外國遊客生意，點知又幾好喎，仲唔算好貴，都算食得過喎！細個唔特別鍾意食點心，覺得呢啲係老土野，大咗又反而幾鍾意，識得欣賞呢啲香港傳統食物。呢一間都幾適合二至四個人食吓點心傾吓計，不過就冇大枱，唔係for一大班親朋戚友。蘿蔔牛筋金錢肚🍲$48冇諗過喺點心鋪會食到呢啲煲，仲要份量多，無論係蘿蔔、牛筋定係金錢肚都好入味，仲要煲到好淋，大滿足。炸流沙奶皇包🍞$19好少見到炸嘅流沙包，都炸得幾香脆，多咗一陣油香，一咬開啲流心奶皇仲流曬出嚟，都算幾高質嘅流沙飽。四寶滑雞扎🐓$27講真其實真係好難難食，只要舊雞就滑脫脫已經好正，佢仲配埋軟綿綿滑脫脫嘅魚肚、好厚身嘅冬菇、同埋平時較少見嘅螺片，雖然冇咗我好鍾意嘅芋頭，但係成個雞扎都好足料！北菇滑雞飯🐓$32滑雞夠滑就不在話下，仲有個飯都好香，每一粒飯都好分明，俾啲油香包住，誇張到就咁食個飯都唔錯。炸鮮奶🍶🍼🥛炸鮮奶真係買少見少，第一次食係喺新興度食，當時真係覺得係世界級美食！呢一間炸鮮奶相比之下，口感比較淋較䊢，但係都幾香奶味，而且炸得幾香脆，係另一種口感但都唔錯。味道: 4.2/5性價比: 4.2/5 見到上網有人話呢間餐廳嘅服務態度好差，當日又唔係好覺，收銀嗰個同我地有講有笑。不過都目擊到因為餐廳入面好多姐姐都唔識英文，經常有雞同鴨講嘅情況出現🤣幾搞笑！聚點坊點心專門店 (上環)上環禧利街27號富輝商業中心地下…查看更多

PJ公司呢排參加咗一個比賽，所以成日都係上環office準備講稿，做到暈暈地，又到3點3，係時候食茶餐。公司樓下有間長龍點心店，食物水準同環境一向都幾好，不過有一位阿姐態度好差，所以我已好少幫襯，今日行過，見她不在，又唔洗等位，決定嚟個quick tea。聚點坊開咗4年，4年來都賣緊一樣的menu，以前有好好味的豬潤腸粉，而加無做了。這裡的北菇滑雞蒸飯一向都做得好好，最欣賞啲白飯好香米味，唔會蒸到一pat pat。雞肉大大舊，夠滑，冬菇夠香，是美味飽肚之選，才$28元。豆苗餃亦幾好，啲餡唔會好油，餃皮煙韌。燒賣就不太好，蝦得好少，完全食唔到蝦味，豬肉也無豬肉味，no good。以為阿姐唔係度，service會好啲，點知真係一山還有一山低。啲新嚟嘅姨姨好大聲、好嘈、好粗魯。成間餐廳比佢地整到好嘈，好stress。食完9秒9埋單走！…查看更多