北京老家

想同朋友聚一聚，朋友介紹呢間北京老店，環境設計以中國風木質傢俬為主，燈光暗暗的，瀰漫着古色古香嘅氣息。#北京填鴨 嚟到當然要食北京填鴨，一行3人叫半隻都夠食，皮脆鴨肉嫩，肥瘦分布均勻唔油膩。#涼拌萵筍個人都比較喜歡，清清地又爽口。#四喜烤麩麵筋混合冬筍、雲耳及菇，軟綿多汁。#醉雞酒香撲鼻，濃濃酒湯汁浸著滑雞肉。#小籠包有湯汁皮薄餡靚。#炸芝麻湯丸炸得金黃粒粒飽滿，熱辣辣，口感酥脆煙靭，皮唔厚芝麻餡多。#拔絲士多啤梨最注目一定係佢，一上枱賣相好吸引，麥芽糖拉絲再加埋士多啤梨，酸甜適中，外脆內軟，拎嚟打卡一流。坐得舒服唔趕人走，一班朋友食吓傾吓好滿足。#北京老家地址：旺角西洋菜南街218-220號生發大廈3樓…查看更多

北京填鴨 雖然個人鍾意平時普燒味店那種食法～ 覺得個味道好味d...不過北京填鴨食法都有它的特色～不會被醬汁遮蓋sai 鴨的味度，會更清晰食到鴨肉香味😋.一皮，一京蔥，加上京醬（甜甜的）一齊食😁.老家炒年糕用老干媽醬去炒年糕的味度。。都幾惹味😁😁.小籠包入面好juicy....多汁。。👍🏻.回鍋肉真的好喜歡回鍋肉中的菜，覺得個菜其實才是主角，吸收肉汁加醬的味道😋😁.拍青瓜.拔絲香蕉個人覺得一般，應該拔絲地瓜會好味d 🤔🤔😁..環境佈置及枱都好有特色。。…查看更多

北京填鴨半隻+北京炸醬麵套餐(湯+韭菜餃)一共消費金額：💰330片皮鴨唔知點講，一見到隻色就覺得好似同平時食開嗰啲唔係好一樣，啲皮唔知係咪因為太多脂肪，真係勁厚….又唔係話唔好食，就係口感差啲啲，摸摸餅皮比一般嘅細塊少少，個質感都OK~炸醬麵 個人覺得麻麻地⋯⋯得個鹹字。餐湯比想像中大碗，兩個人分到六小碗😂成個環境都幾好嘅，Lunch time 去嘅時候滿坐，同個朋友傾計傾到下午三點，然後餐廳話要清場……查看更多

🔸北京填鴨(半隻) $150每片鴨都切到好薄，而且份量都好多。隻鴨唔會覺得太油太肥，每片大小都剛剛好。不過包鴨果啲皮就有啲少，最尾啲鴨就齋食，但係都係有皮包住會好食啲。感覺依度既北京填鴨比較正宗👍🏻🔹小籠包(6隻) $78小籠包就麻麻地，啲皮唔夠薄，同埋個餡味道都一般。不過咬落去入面都係好多汁，所以就算個皮有啲厚都唔會覺得好乾。🔸炒刀削麵 $88平時係其他餐廳好少食到炒刀削麵，而且係店員推介，所以就試下。比想像中好食，所以有驚喜👍🏻個麵食落去好彈牙，口感唔錯。茶位：$12/位兩個人去食所以試唔到太多野，不過主要都係想食北京填鴨所以先黎食。黎到一定要食北京填鴨😆…查看更多

這次團年飯選定這間飯店，原本是被有金魚的枱吸引而來，可惜訂枱時因爲做節所以無得指定，到場時亦安排唔到，諗住俾小朋友開心下，有點美中不足。一如往常，我們一向不會點餐廳提供的套餐，只會點自己愛吃的。這次人多，我們點了11樣菜式。北京填鴨：主打菜，鴨皮比例比例港式，肉多皮少，用來包鴨的皮有點乾，作為招牌菜有點失色。P.S. 鴨身可以打包帶走，都幾多肉松仁魚：很鬆脆，酸酸甜甜的汁很開胃胡同炸脆雞：一D都唔脆囉😅，味道還好小籠包：多湯汁，算合格家鄉春卷：味道不錯，但可以不點🤣老娘炒飯：本來叫個炒飯俾細路食，點知係炒藜麥，一粒米都無，個個都食唔慣鐵板牛肉：一家牛魔王，無肉不歡，呢個香辣惹味，十分正京燒羊肉：羊羶味香口，合口味的會很愛京燒排骨架：同樣叫京燒，但就像是煲了很久的肉排，隨便淋上一些汁炒刀削麵：這個很正，炒刀削麵原來很好食拔絲香蕉&拔絲蘋果：叫了兩款，比較喜歡蘋果，個個爭揀蘋果…查看更多

北京老家在香港有三間分店由於地方便利 選擇了旺角分店來吃個團年飯太多人訂座關係，正日的團年飯就book不到了，提早了兩天去吃今次成功透過OpenRice訂座提早了10分鐘到已經見很多人客在等候入座慶幸book了枱不到10分鐘便可以優先入座了一坐下便開始選餐送餐速度挺快的店員服務態度也不俗後來五人點了12個餐和三支啤酒🍻整體味道不錯👍🏻味道偏重、鹹，喜歡重口味的朋友可以一試！環境方面有中國風的感覺、燈光幽暗，聊天很有氣氛。是次我會推介糖醋魚片和宮保雞丁😜…查看更多

尋晚同朋友慶祝生日，選址旺角呢間食北京菜餐廳：「北京老家」呢度有2個王牌，第一係北京填鴨🦆，第二就化俗稱「乞丐雞」既「叫化雞」🐔因為要預先訂既關係，所以驟眼望得我地呢枱有得食，而佢上台個陣幾霸氣，有個鎚仔俾你扑開佢，好可惜呢味菜，好玩唔好食，雞肉太林，無左口感，而是d肉散修修。想叫既朋友真係諗清楚！第二味就係今日既另一個王牌「北京填鴨」啦，呢味菜完全無令大家失望！d鴨肉肥瘦適中，d肉亦都唔會好「鞋」，真係會一塊接一塊咁食。另外，片哂d肉個鴨殼都唔會哂，可以+$80-煲個鴨湯，不過有d羶味！除此之外，我地仲叫左一定要叫既餐前包點。就係鍋貼同小籠湯包啦！皮薄餡靚，湯汁同肉汁混合起來非常滋味！另外，我地仲叫左幾道小菜。我就唔中意食豆腐既，評價唔到😂😂呢個蝦球就堅啦，差不多有拳頭咁大粒，食一粒已經打爆左個胃😂😂不過好彩個汁係酸酸甜甜，唔會太滯！食左咁多重口味既野，真係要叫番清清地既野平衝一下！呢個上湯浸時蔬濕濕地，仲有d雜菇同蝦仁，個湯仲好清甜👍🏻👍🏻好食！我地仲叫左個刀削麵！個湯有好濃郁既牛肉味，超重口味👍🏻👍🏻成個感覺就好似京葱爆牛肉加刀削麵，估唔到係咁正！又唔會太油膩！最後當然係甜品時間啦😍😍因爲食得太飽既關係，就叫左個酸酸甜甜既「拔絲士多啤梨🍓」，個感覺好似冰糖士多啤梨👍🏻呢餐真係好完滿，不過可能會有d油膩同滯。…查看更多

晚上9點差不多10點入去問店鋪幾點收，職員話11點收10:30pm last order,同朋友食野都算快就入去食啦。點知到10:30pm時尾2大圍果枱客收左後，得返我同朋友2個差不多食完，職員就勁趕客咁關左一半店燈，最離譜係連冷氣就關埋！我地食緊辣野佢關冷氣，佢擺明趕我地走咁坐响度啤住我地！咁你不如講明10:30pm關咪算囉！間店食物味道一般又唔算平，咁既趕客態度以後我寧願去返連鎖大鋪食算！以下係食評：北京填鴨：13片薄餅，皮完全唔脆，不過不失水煮魚：勁少魚片，咁大個碗得10塊都冇，魚片似炸過的魚柳，無魚味炸漿又淋晒，入面有少量菜同粉皮士多啤梨糖：士多啤梨唔算酸又唔算甜，跟埋糖絲食都唔會過甜最後係小籠包唔記得影，皮有d厚但都有肉汁的4碟菜埋單加一$562，食既時間一個鐘都冇，咁既趕客態度下次絕不幫襯！…查看更多

一班朋友約食飯今晚約左去北京老家食去到門口都幾懷舊下喎入到去坐低邊睇景邊睇菜魚樂無窮喎叫左以下菜蒜泥白肉,北京填鴨,小籠包,家鄉春卷,京東肉餅,韭菜雞蛋餃,北京爆炒麵,陽春麵不過E度都幾熱,冷氣唔夠WOR蒜泥白肉--蒜蓉加入好香不過可以再多D,碟肉都辣既,不過好食....北京填鴨--鴨肉都幾有鴨香味,皮夠香夠晒熱,加埋青瓜,韭王,配醬汁都幾好食小籠包--夠晒熱不過肉汁唔算太多,整體都算好食家鄉春卷-好熱,外面都幾脆口京東肉餅--一般啦,唔算好好食韭菜雞蛋餃--咸到核爆,唔知係加太多鹽定咩,咸到一入口就唔想食北京爆炒麵--好似上海粗炒,冇咩特別陽春麵--清清地都OK既食完野大家再加多一個甜品,拔絲山葯拔絲山葯--甜甜地,幾好食..感覺都OK…查看更多

人少少，但又想食北京填鴨？北京老家幫到你我同兩個女子叫咗四樣嘢，埋單都係每人$180開心！首先推介食素鵝，鍾意食腐皮嘅朋友一定會好開心！因為成舊都係，同埋個面煎得勁脆前菜仲叫咗蒜泥白肉，都幾好味，雖然同平時又辣又油嘅上海版本唔同～ 佢會配粉皮墊底，個醬帶有麻醬feel，唔錯主菜叫咗朋友好想食嘅北京填鴨！無好出色！唔油～  最緊要皮都脆！正！不過雖然叫半隻，但皮皮都嫌唔夠多～仲叫咗個菜食「四季豆炒土豆條」熱辣辣！重口味！yummy餐廳環境舒適、乾淨、裝修仲充滿中國特色餸菜無傳統北京/上海菜咁油膩或者甜整體性價比很高！P.s. 餐廳提供個烏龍茶好香！…查看更多

日本表弟同朋友黎香港玩幾日， 同細佬決定同佢地食北京填鴨。 諗一大輪後決定去一間連我自己都未去過嘅北京老家， 貪佢裝修精緻坐得舒服兼比少少新意自己！ 5個人諗咗一輪決定叫一個4人餐另加其他冷盤同宮保大蝦球， 志在比表弟同佢朋友試多少少款！ 套餐包兩款涼菜可以任轉，我keep蒜泥白肉但將香辣海蜇轉咗䓤油海蜇， 再加咗烤麩同素鵝。䓤油海蜇好香夾埋蘿蔔絲好爽！蒜泥白肉豬肉係爽嘅，但醬汁未免太杰，味道似係咸嘅芝麻醬再加過多嘅蒜蓉， 唔識欣賞！ 還好烤麩冇令我失望，溫度甜味都啱啱好，啱哂日本人口味！ 至於素鵝，上枱已經好後悔，因為我以為佢入面會係夾咗菇、紅蘿蔔絲咁， 點知係全腐竹, 其實還可以嘅，只係同我期望不符... 主菜係個宮保蝦球上先， 講真有d失望, 佢個汁真係好濕， 還好個脆醬冇浸到淋哂，味道還ok...或者我唔應該攞佢黎同xx樓比！ 再黎鐵板羊肉，少少羶加埋d䓤，即刻要叫番兩條炸銀絲卷黎夾住食！ 好味到食咗半至記得影相！ 填鴨因為係4人餐所以得半隻，皮幾脆， 只係嫌個醬有少少咸咗d.. 餐包柚子魚， 叫餐時姐姐話可以改松子魚，但由於我叫咗宮保蝦， 所以決定試下佢個招牌菜。 上枱賣相少少嚇親表弟， 因為條魚係企响度兼被摟到彎咗.... 😅😅 魚唔鯹， 個汁因為用椂柚肉煮幾清甜， 之前道道菜都濃味，清一下都好～ 其實食到呢度都已經好飽！ 佢突然放低一大碟麵我至記得餐包咗個炒刀削麵！ 其實大家嗰一下有少少反白眼, 但大家試咗一啖之後反應唔同哂！ 我叫咗碟辣醬跟住食咗兩碗麵！ 對... 食哂所以唔記得影相！ 😂😂😂我諗我仲會返黎食過， 因為呢度幾啱三五知己慢慢食又幾好坐！ 當然我下次會識得叫咩食啦~~ …查看更多

大拉翅~花盤底~大鑲滾馬甲~會想起古裝劇中，滿清宮中的生活。但對於吾等老饕，就會比較關注劇中是否出現<滿漢全席＞等美饌。這是滿清盛世之時，各民族的美食大薈萃呀。北方菜的豪邁，南方菜的細膩，再加入不同菜系的特色，成就了北京菜!而今晚和朋友在旺角嚐北京餐廳，真是印象很深。踏入店門，即被其裝潢吸引。門口一抹紅扇，大紅燈籠，古琴，精緻木雕，夠誇張吧！看枱面有金魚缸，馬上想起隔離的金魚街。就連洗手間的洗手盆都很古色古香。視覺效果好豐富!剛才買了很多, 1袋2袋的, 幸好有籃子放東西. 但我們是來醫肚，先看看menu吧!點菜後, 職員呈上一壺茶,是陣陣焦香的東北大麥茶呀!北京填鴨北京菜當然要食北京填鴨，來一份吧。每片都以皮為主，鴨肉比例不多。鴨皮只是略烤過，鴨皮下脂肪還是厚厚的，未有在燒的過程中溶化。不似廣東明爐燒鵝燒鴨，在燒的過程中, 皮下脂肪完全溶化至薄薄一層。即是脆皮燒鵝燒鴨囉！熱烘烘的薄餅上放上鴨片加上青瓜條 大葱段 再沾甜麵醬， 一次放進口中品嚐。鴨皮不太脆，但鴨油很香，大葱特有的辣味及甜麵醬的甜，趙呀趙, 鴨油滲出來了!幸好有青瓜條 大葱段中和, 多虧前人研製出這種美食。可是鴨油真係好香。聽說北方人喜歡鴨油的酥香。還特地在烤鴨時，收集滴下的鴨油來制作糕點。希望有機會嚐到這種糕點。鍋貼六粒(津菜)是我喜歡的小食, 所以點了。鍋貼好熱，真係要小心。可是鍋貼2邊未有完全封口，肉汁容易流出。如果有封口就好了。拔絲地瓜這是我喜歡的甜點之一。傳統做法是先把糖煮溶，倒在剛炸好的地瓜/蘋果/香蕉, 再拌勻。要在糖漿未凝固時夾出地瓜/蘋果/香蕉，夾/拔出來的時候，糖漿拉出來馬上變硬, 而成糖絲一拔出一絲，所以稱之為拔絲。放涼後，糖漿變硬，痴住隻碟, 這就又篤又鏟都無用了。這家新做法又頗方便。地瓜在下，面有薄薄一層糖漿。大部份糖漿都已拉成絲，在頂部形成一個巢，輕輕一夾便可折斷。可以避免傳統糖漿會變硬的缺陷。這個拔絲地瓜是即點即制, 中間地瓜很燙, 但糖絲卻入口即溶. 加上傳統拔絲是大大碟上菜，仲要即刻品嚐，人丁興旺就可以快快搞掂。然而, 香港人通常都是三數個朋友聚餐，食量不多，又要食得斯文，慢慢嘆得來，食物都冷卻了。這碟拔絲新做法，剛好配合香港人的飲食習慣。涼拌土豆絲爽脆的土豆絲，辣少，但香, 酸及麻較重。每條土豆絲切得很幼細，是刀功還是刨刨?另外亦點了蟹粉小籠包.可以在旺角這地段，裝潢如此精緻的餐廳內品嚐到美味的北京菜。真的以為自己身在北京。…查看更多

「大紅燈籠高高掛」… 不知道，大家對此有印象麼？BeautySearch 突然想起這電影的名字。平日，經常途經太子始創一帶時，總會看見一幢樓高只有數層的唐樓，外牆掃上中國傳統喜慶的紅，並且懸掛了不少大紅燈籠，具有濃濃的中國氣息。店子名為《北京老家》，確實充滿了公公婆婆老家的感覺。還記得，十多年前，公公婆婆還健在的時候，他倆曾帶我來到兩老的北京老家遊覽，當時他倆也年事已高，為求圓夢，所以往老家一趟。如今踏足《北京老家》，突然令我想起兩老，掛念與他倆往日共聚的美好時光。《北京老家》老家的店內設計，充滿了中式味道，而且還帶有點點古色古香，一枱、一椅，以及一磚、一瓦，都非常雅致！在店裡，不難找到令人懷念家鄉的小點子。而 BeautySearch 最欣賞的，要算是枱中的小魚缸。相信不少人也體驗過在海洋公園內的大型水缸旁進餐，非常有氣勢；而《北京老家》的小魚缸，則是置於枱下，食客可透過枱面隔著玻璃觀看，BeautySearch 覺得這樣邊食邊觀賞，確實又多了幾分詩情畫意。連茶杯以及碗筷，也是一絲不苟，同樣充滿中式格調。食物方面，當然也是傳統的中式菜餚，當中，最吸引我的，當然是「北京填鴨」。我們點選了半隻來品嚐，揣上來時，薄餅以傳統的蒸籠上桌，份外有風味，加上薄餅與鴨皮還是熱烘烘的，入口時就沒有油膩感覺，鴨皮只粘了小許鴨肉，而且非常脆口。BeautySearch 包裹鴨皮時，喜歡打孖上，鴨皮兩片、青瓜條兩條、京蔥兩條，大大件，食落口感就雙倍滿足啦！而且，薄餅厚薄適中，包裹後亦沒破口，吃時就更為滋味！除了「北京填鴨」，「小籠包」也是BeautySearch 的心頭好，平常一籠多數只有4粒，而這裡竟然有6粒，而且，只售$48，真的非常超值。「小籠包」外皮軟滑，內裡包裹著豐富的豬肉，吃時要當心，因為還有熱騰騰的肉汁，非常鮮味。 BeautySearch還是第一次品嚐刀削麵，腦海中的刀削麵，廚師是拿著刀把麵團削成一片片的，但今次親試，發現刀削麵也是一條條的，只是長度沒有那麼長，闊度，與廣東河粉差不多，而麵質則較厚身，咬落煙煙韌韌，滿有口感。麵上的牛肉，經過醃製，份外多汁之餘，亦保留了牛肉鮮味！「蟹粉扒豆腐」上桌時只看到蟹粉，豐盈程度確實叫人驚嘆！蛋黃色的蟹粉，滿佈雪白的豆腐上，令平淡的豆腐豐富起來，用來伴飯，一流！不過，因為BeautySearch點了刀削麵，怕再添飯會太飽，所以，只能伴麵，效果也不錯呢！蟹粉內清晰可見一絲絲的蟹肉，而且非常鮮味，唯薑味較濃，差點把蟹肉的鮮味也蓋過呢！甜品時間，請放心，不是一般中式酒樓的紅綠豆沙，而這裡最多食客點選的，相信是「拔絲」，我們雖然有點飽，但也點了一碟「拔絲地瓜」。地瓜上，用糖絲拉了一個小山丘，一絲絲如金線般，非常美！而且甜而不漏，還有點點脆口，非常味美。…查看更多