百樂潮州酒樓

今日難得放假，同屋企人去咗元朗形點嘅「百樂潮州」飲茶。去到之後，等咗一個鐘頭左右就有位，對於禮拜六嚟講算快㗎喇！前菜………味道調教得非常 ，我非常之 L ike 鮑汁浸鳳爪…………味道與其他酒樓嘅有差別，比較潮式風格。潮式糯米卷………… 依家非常少酒樓有這個點心， 通常係潮式酒樓先會有。好鍾意食！！潮州靚粉果………… 餡料比較碎，味道可以，粉果皮可以厚 D。珍珠糯米雞…………內裏沒有蝦米、冬菇，同一向酒樓唔同。餡料只有少量瑤柱絲 + 肉碎。家鄉炒麵線…………味道偏咸，但材料👌雙色水晶包…………🈶奶黃、豆沙兩種口味，味道🆗功夫茶………… 每檯茶客叫完埋單，侍應就會送上。p.s. 呢個係洗手間嘅洗手盆，因為我覺得好有趣 …查看更多

對潮州菜, 總有一股鍾愛情意結, 而近在咫尺的Yoho Mall百樂潮州酒樓, 更是與家人晚餐的首選。 大紅燈籠仍舊高高掛, 喜歡這兒幽雅的環境, 不像中式酒樓般嘈吵, 沒有高談闊論的喧嘩, 也沒有刺耳的碰杯聲, 跟家人閒話家常適合不過。 功夫茶、鹹酸菜、花生, 每次都不會缺少的前戲。 鹵水鵝片 $188/例每次吃潮州菜不能不點的鹵水鵝片, 老人家們飲食不能三高, 所以今趟捨棄了十分鍾愛的拼盤, 只點上鵝片。 美味的醇鮮鹵水, 配上嫩滑的鵝片, 脂肪酥香總是令人愛不釋手, 墊底吸滿了鹵水精華的豆腐當然也是不可錯過的目標。 胡椒咸菜豬肚湯 $108/例又是必點的項目, 雖然每次都點上這湯品, 感覺上有點沉悶, 不過每當喝下濃郁而又不嗆喉, 清澈而又不腥的暖胃湯水, 百喝不厭的惹味, 悶氣也給退散了。 碧綠川椒雞球 $108那股香濃的川椒味道, 到來時已俘虜了我的鼻孔。紫蘇葉炸得十分輕盈薄脆, 嫩滑的雞肉跟雞皮黏附著炒香了的川椒絲, 味道與口感都是相當惹味不俗, 是伴飯一流的菜式。 沙爹牛肉炒芥蘭 $98經過上一回於圓方店失望的版本後, 發覺這碟是於元朗店非點不可的名菜!爽甜的芥蘭淋上惹味濃郁的沙茶醬, 濃稠程度控制得恰到好處的配搭, 成為整碟菜式的靈魂也是焦點所在, 牛肉片的份量令人也吃得很盡興。 糖醋伊麵 $128/例來到尾聲又怎可錯過的糖醋伊麵, 又是另一必點的名菜。煎得金黃的麵條有著香脆與柔軟的口感, 跟陳醋砂糖這甜酸的惹味組合, 嚐過一口就知道實至名歸的定義。 反沙芋 $108/8條酥脆乾身的反沙芋, 是心目中佔一重要席位的潮式甜品, 脆糖外層與香糯芋頭令這巧手甜食成為我的喜愛。 椰汁西米露 $35意猶未盡, 再多來一碗椰汁西米露, 甜而不膩的椰汁與彈牙的小號西米, 雖不是潮州甜品的主打, 但也是令這頓家常便飯畫上完滿。 名菜的水準每次光顧都能保持平穩的演出, 人均百多的消費, 價格也適宜, 加上人多人少的份量選擇亦可悉隨尊便, 這能再三俘虜我的出色潮州菜, 也許已令我這廣東人也成為了潮州菜的忠粉呢!…查看更多

這間食店不是第一次光顧了，之前曾經和朋友仔來過吃晚飯小菜，環境優雅舒適，食物質素好，所以今次帶屋企人來試試這個12人的圍菜~一坐下便送上每人一杯功夫茶，茶味甘而香醇~好茶~還有花生及咸酸菜醒醒胃~胃口即時大開~經理便馬上送上不同餐牌給我們選擇，經過他了解我們的口味後，很快便選出這個餐了~鹵水拼盤鹵水入味而不會死咸，剛好的鹵水味~鵝片肉嫩，豆腐豆味香濃，當然唔少得我最愛的豬大腸~絕對沒有臭豬味，什麼是臭豬味？鍾意食豬腸的你定必懂的！香炸XX，已忘記了菜名一邊是魚球，一邊是蝦片，炸得香口不油膩，不錯麵醬走地雞用麵醬及馬蹄薈雞，超入味，而且雞肉很滑，但因用麵醬煮成，較飽膩而帶少許咸，吃不落太多，但這個餸菜跟飯食一流鮑魚東菇鮑魚東菇炆得入味之餘，有咬口，絕不是林patpat那種上湯浸潮州魚旦時蔬潮州魚旦夠彈牙，這個菜來得合時，剛好調解之前幾味餸菜的油膩~乾煎糖醋麵（俗稱雙面黃）簡單煎麵餅，原來可以這樣特別及好食，加入砂糖及大紅浙醋一起進食，未食過一定要試這個【潮】物~其實這個餐還有其他餸菜，但食完先發覺沒有為它們留倩影，哈～以上這幾道菜已經令我們食得很滿足~雖然價錢比一般打冷地方貴，但這裡的環境舒適得多，尤其有老有嫩，他們食得開心又輕鬆，絕對是值得的~最後要讚一讚經理的專業好客態度，清楚介紹餸菜，又著緊他們們上菜的進度，全程不敢怠慢，那熱誠招待的精神，絕對要給讚讚讚!😘😘😘…查看更多

NBA 同潮菜究竟有咩關係？其實完全無，但今日容讓我先分享喜悅。今日雖然係星期一，但我請左假，唔係去旅行，又唔係有咩頭暈身慶，而係今日係NBA 總決賽既Game 7，重要程度絕對不下於歐國盃既冠軍戰。對於兩隊都鐘意既我，如果騎士贏，James就可以為自己母歷史性奪冠；如果勇士贏，就係成為兩連冠，同樣寫入歷史。個人情感上，我比較想騎士贏。結果當然不負我所望。難得心情要好，天氣亦好，外出走走就更加好，咁就入左南生圍親親藍天白雲。至於晚餐，當然要食餐好既慶祝下，由南生圍出番嚟，揀左食潮州菜。呢度舒適又闊落既環境，岩晒一班人傾計分享。大量潮州小菜，大家share食岩晒。餐前先飲一口功夫茶，打開味蕾。惹味前菜係潮菜既特色之一。滷水鵝片拼掌翼+鵝肝 $220鵝肝，我食開煎，以滷水既食法又真係未試過。開頭仲擔心用滷水會唔會浪費左個鵝肝，原來滷水同鵝肝味道都幾夾，而食落無煎鵝肝果種"漏"既感覺，厚厚既鵝肝入口又腍又啖啖肉。鵝片同埋掌翼反而鹵味更強烈，鵝片雖薄，但鵝味一樣出眾。潮陽炸雙棗 $104雙棗分別用左蝦同蟹製成，用料新鮮，所以兩者同樣爽口又彈牙。咬落去會感覺到有咬口，因為係蝦蟹既肉身加入馬蹄，令到口感提升。明爐鮮烏魚 $240有種似曾相識既感覺，因為同泰式既食法一樣，只係小左泰式既辣味。雖然明爐鮮烏魚可以一路加熱一路食，令魚肉更腍身，但我發現自己始終鐘情凍烏頭結實既魚肉。杏汁白肺湯 $150滋潤之選，滋陰又養顏，但整得好絕對要技巧。豬肺要洗得乾淨，同時杏汁與湯既比例又要拿捏得準確。而呢個湯入口有杏香，豬肺無羶味又爽口。乾煎糖醋麵 $128好有驚喜既糖醋麵，一般街外食到既糖醋麵都未如理想。一係過左火候，煎得太硬；一係火候未夠，煎得太淋。而呢度既糖醋麵面頭脆，底層淋，口感一流。再加埋糖醋調味，更加滋味。$108外觀似足鳥結糖既反沙芋，食落一d都唔鳥結糖。表面有糖包圍住，咬落脆口，內裡既"芋"夠粉，令人難忘。食完呢餐，我發現原來潮州菜都幾博大精深。我以為得果幾味，原來都好多變化。難得既一日大假就咁就放完，聽日番到公司一定又大把野做。…查看更多