前菜：賣相好精緻，有魷魚、炸蟛蜞等。其中最特別既深海魚魚肝，質感有d似鵝肝，原來係有益既食品，當然要食清佢啦！ 佐酒小食：－ 味淋雞泡魚魚乾：名副其實魚乾上搽左味淋再燒，表面比一般魚乾無咁乾，增加左小小甜味。:)－ 燒魚骨：聽個名好似好特別，其實都係將d小魚骨炸左，無添加任何調味，有小部份帶有小許苦味，個人覺得麻麻地。 一人套餐：－ 魚生：感覺生鮮，但部份本身欠缺甜味，比預期差遠。－ 田螺配水雲子(海藻)：田螺ok，水雲子夠醒胃又可以清一清咀裡複雜既味道，好似法國菜中段 Sherbet 既功用。－ 煮 "魚立" 魚：肉質嫩，但偏甜。－ 燒魚鮫：提到魚鮫都感覺天然油份會較多，但呢個又唔係喎，完全唔油，但亦都唔乾，肉質保持細嫩，但無其特別之處。－ 壽司：一共有6 件。除新鮮外，並唔感覺特別出色。－ 青瓜卷：反而平時唔起眼兼好普通既青瓜卷能夠將飯香同質感帶出黎，確實奇妙。:) 極級海膽壽司 + 帶子壽司：海膽係我既至愛，聽到極級則極品啦，一定要試。海膽味濃，但可惜海膽鮮甜味欠奉，有d失望！帶子壽司則夠鮮甜，水準達到。 赤貝壽司 + 白象拔蚌壽司：兩者都夠新鮮，夠鮮甜。:) 雜菜烏冬：烏冬較煙靭，配上爽脆雜菜絲，食完魚生最佳暖胃食物。:)個人單以壽司而論，包括魚生本身甜度，厚度，以及壽司大細都未夠理想 (雖然知道非下價貨色）。除食物外，當晚試到一枝味道不錯既清酒，入口舒暢，香味持久，係當晚一個驚喜！環境：雖然地方小小，氣氛不俗，佈置同燈光配合得宜，亦充滿日本風味，有花過心思！服務：可以用服務水平高黎形容，客人唔會感到拘緊，恰到好處！…查看更多
