御品·千之味 (振萬廣場)

🙋🏻‍♂️餓底探員去觀塘查呢間日式放題，210分鐘任食多款壽司刺身，炸物燒物，一品料理等，另可升級任食海膽，藍鰭吞拿魚系列及鵝肝，更可升級𣈱飲生啤清酒，非常吸引🤩🍽️210分鐘放題 $368/位🆙海膽，藍鰭吞拿魚系列及鵝肝 +$198/位🍺任飲生啤清酒 +$18/位🙋🏻‍♂️表示放題升級除咗有海膽，藍鰭吞拿魚，鵝肝，仲有松葉蟹同和牛多種高級食材，更有生啤同清酒可以無限暢飲，冰涼清爽感覺超正🟠海膽🙋🏻‍♂️表示海膽甘甜，人口即化，充滿濃郁鮮味，帆立貝海膽黃金燒，帆立貝口感香軟，配上甘香海膽燒製成，鮮味double up，仲有海膽軍艦供應，同樣甘香鮮味🐟藍鰭吞拿魚🙋🏻‍♂️表示吞拿魚分別有大拖羅，中拖羅同赤身，大拖羅口感肥美，入口即溶，魚油甘香，中拖羅肉質粉嫩，甘香細膩，赤身肉質結實有咬口，魚香濃郁，三款部位各有特色🪿鵝肝🙋🏻‍♂️表示焦糖鵝肝壽司表面經焦糖化，外脆內軟，口感香軟細膩，味道甘香濃郁，配上壽司飯有助平衡油感🦀松葉蟹🙋🏻‍♂️表示松葉蟹肉玉子燒口感香軟，食落有蟹肉嘅鮮味同玉子嘅蛋香，迷你蟹肉蟹膏杯，有鮮味蟹籽，鬆軟蟹肉，甘香蟹膏加上香軟蟹鉗，層次豐富，蟹肉蟹膏軍艦食落有蟹肉嘅鮮甜同蟹膏嘅濃厚甘香，雙重口感🥩和牛🙋🏻‍♂️表示鐵板蒜片和牛粒，口感鬆軟多汁，配上洋蔥同蒜片，食落惹味，火炙柚子胡椒和牛壽司，和牛表面經過火炙處理，味道濃郁帶焦香，配上柚子胡椒，清爽辛香令和牛鮮味更突出🦐刺身🙋🏻‍♂️表示放題有多款刺身供應，有爽滑嘅赤蝦，香軟嘅磯煮鮑魚，彈牙嘅八爪魚，甘香細膩嘅油甘魚等，各款刺身都新鮮清爽，鮮味十足🍣壽司🙋🏻‍♂️表示有手握壽司，火炙壽司，卷物同軍艦等多款壽司種類，蔥花三文魚吞拿魚蓉卷係餓底最愛嘅其中一款，融合三文魚嘅細膩同吞拿魚蓉嘅綿密口感，集兩款魚油嘅脂香，層次豐富🍤炸物🙋🏻‍♂️表示有外脆內軟嘅海蝦天婦羅，酥脆彈牙嘅炸魷魚鬚，焦香皮脆嘅雞皮餃子，入面包住明太子餡料，香口惹味🍖燒物🙋🏻‍♂️表示有多款串燒供應，香軟爽口嘅串燒牛舌，爽口香脆嘅鹽燒雞軟骨，香脆嫩滑嘅鹽燒雞中翼，全部都燒到焦香，啱晒佐酒🍮甜品🙋🏻‍♂️表示每位奉送「想甜嚐甜」自家製雪糕一杯，燒焦糖燉蛋雪糕表面有香脆焦糖，雪糕香滑充滿甜蜜燉蛋香味，開心果雪糕味道濃郁，表面有焦糖同開心果粒，提升口感層次⚠️自助吧有沙律，小食，甜品同飲品供應📈吃貨指數😋好味度 9/10🔙返啅度 9/10…查看更多

今日和同事去觀塘聽講座，還以為要入夜才可回家，點知….早完了成個半鐘，正! 同事心血來潮話要去我屋企參觀下，咁就順便買埋收賣，邊食邊傾。就在附近見到一間日本店的大型餐牌，我倆都是日菜愛好者，一於試下。店子門口擺放了多大大塊的餐牌，主要是套餐組合，有手打烏冬套餐、丼飯套餐、定食套餐、迷你自選魚生飯餐等等，仲可追加小食，都幾多選擇。正想點餐之際，店員就請我掃QRcode，原來係電腦化落單。細閱一翻，下單表設計得好清晰細緻，方便易用，讚！******************見迷你自選魚生飯餐相當豐富吸引，就在五款飯餐中揀了迷你厚切鰻魚丼配刺身拼壽司 ($128)，要再豐富一點，加配埋沙律和螺肉($8)，兼追加赤蝦刺身 ($20)，仲奉送飲品，大滿足！迷你厚切鰻魚丼份量都好足，兩件鰻魚都挺厚身，底面都燒得金黃，沾滿甜甜地的鰻魚醬汁，烹調入味。肉質相當嫩滑肥美，伴着粒粒圓潤的米飯同吃，吸收了魚油香和甜甜地的鰻魚汁，很滋味。所配的刺身有三文魚2件、北寄貝2件、甜蝦1件和帶子1片，再放埋追加的赤蝦刺身，睇落就更豐富。肥美的三文魚色澤亮麗，油脂分佈平均，肉質柔軟油潤，鮮味十足；帶子就味道鮮甜，質感柔軟且富黏性；北寄貝亦挺爽口，質素不俗；甜蝦都唔細隻，鮮甜黏滑，滿意！輪到赤蝦刺身 ($20)，兩大隻都只係加二十蚊，仲要係高質，好超值！巨大的赤蝦拿起來差不多有我手掌般長，仲好墜手添！肉質稍稍爽彈，且富黏性，味道鮮甜，最愛是大蝦頭中滿藏甘鮮的蝦膏，黏在口中，甘香味久久留存口中，啖啖教人回味！仲有5件火炙壽司呀! 包括三文魚腩、三文魚、鰻魚、左口魚邊和熟蝦，每件都大大件，好有份量。最愛當然是火炙左口魚邊壽司，由於是經常郁動的部位，所以特別肥美，加上經火炙後，滿有魚油香。火炙三文魚腩壽司也討我歡喜，腩位本身已很肥美，再經火炙後迫出魚油，肉質油潤兼柔軟，配埋沙律醬更添美味。火炙鰻魚壽司也很好吃，挺厚身，結合了鰻魚汁和沙律醬，正!加$8還有沙律和螺肉，又係好抵！辣味螺肉入口微涼，爽口而不硬實，沾滿微辣的醬汁，味道不錯！沙律有清爽的雜沙律菜和甜美的粟米粒，面頭舖滿卜卜脆的蟹籽，雖沒有配上醬汁，但有蟹籽的鮮味，色彩亦豐富，見到都令人胃口大開。******************還點了一客三文魚冷麵($58)加配沙律和螺肉($8)，再追加花之戀 ($20)，是勁多蟹籽的配搭。份量十足的冷麵伴上青瓜絲和蟹柳絲，再用鮮嫩肥美的三文魚圍邊，中間就灑滿亮麗的蟹籽，好吸晴! 先淋上胡麻醬，再將所以食材拌勻，食得! 冷麵入口微涼，煮弄時間剛好，挺有嚼勁，胡麻醬緊緊掛在冷麵上，再伴上鮮味的三文魚和蟹籽，簡單而美味。兩大件花之戀就一人一件，開心share。三文魚相當肥美油潤，加埋沙律醬和蟹籽，好味的配搭。******************難得友人探訪，當然要飲返杯。月桂冠白桃果酒 ($58)一支200ml，每人少少地，淺嚐一下就滿足。酒底是清酒，酒度含3％，配以桃、糖、酸味料等。入口冰凍，味道香甜，淡淡酒香，極易於入口，幾好喝。------------------------------某些大型連鎖壽司店雖然質素唔錯，價錢又實惠，但閒閒地都要排隊等候一個鐘，何別咁辛苦呢? 有時去一些日式店子，同埋有質素和經濟實惠，就好似今日遇上這店，真係抵食兼好食。…查看更多