寶琳冰室 (新都城中心三期)

營業中

休息中

星期日多人外出食晚飯，所以早早地去食個tea就算。今日去咗寶琳冰室食tea，呢間餐聽第一次幫襯，我本身都預計同佢上一手果間啲食物質素差唔多。我哋點咗《X0雞柳炒公仔麵》加凍檸茶，另外係《乾炒豬扒意粉》加咖啡紅豆冰。《X0雞柳炒公仔麵》响茶餐廳算係基本嘅菜式，正正因為係下午茶餐，份量唔算好多，味道就唔錯，有食得出嘅鑊氣，而且唔會過咸，雞柳亦好滑；佢個凍檸茶亦唔太甜，茶味都夠冇澀味。《乾炒豬扒意粉》同樣地都好夠鑊氣，可惜嘅係佢個豬扒啖啖骨，肉所佔嘅比例極少，味道雖好但得堆骨食，實在係有點身那個。我哋跟餐叫咗杯《咖啡紅豆冰》，呢個飲品出奇地好飲，紅豆同咖啡好match，兩樣加埋一齊亦唔會過甜，飲品令成個餐拉高咗個分數。價錢方面埋單一共係$117，以下午茶餐嚟講唔算話係好平，睇過佢嘅晚餐嘅菜單，人均消費平均$100左右，有機會都想試下佢嘅晚巿係咪咁利害。