元朗合隆潮州粉麵 (德仁街)

🍭元朗合隆潮州粉麵🍭某日見到一道綠色大閘外排曬長龍😗本住「要排隊食既通常係好西」既心態去試😝點知又真係俾我發現到好西🤩🍜豬什湯粉麵 (大 $50)湯底係default既白胡椒湯~ 湯底微辣香濃😍完全唔油, 加少少芫荽已經將香味提升🍀豬什有豬潤, 豬大腸, 豬粉腸, 豬肺, 豬肚, 豬耳, 豬心, 豬肺, 豬肉青同豬脷🐖超級足料🐷😍😍特別想讚既係所有豬什都洗得超乾淨👍🏻完全無豬腥味, 仲吸收白胡椒湯既味道, 正🥰🐙冰鎮墨魚頭 ($40)帶有dd海水味🌊 爽口彈牙, 蘸wasabi食, 正😋雖然係內藏, 但減肥人士都可以食豬肺同豬潤😬湯底又唔肥, 絕對唔洗驚有罪疚感😉評分: 🍀🍀🍀🍀🍀…查看更多

第一次黎唔知食咩好，就叫d有手指公推薦個d啦潮州珍珠蠔仔泡飯好大碗，Default胡椒湯底，可以驅風🤣冬天食好正，食完暖笠笠， 但食唔到胡椒辣既朋友可以要求轉清湯，因為胡椒味都真係好濃，食第一啖陣胡椒味燒到喉嚨😂，完全感受到有幾咁足料用幾多胡椒粒，鍾意食胡椒既朋友要試下，我隔離個個就唔洗溝清湯都食得好爽😂而我第一次去唔知道，個到既叔叔好好，知道我地食唔到俾一大碗清湯撈住食，撈住食好好食，因為完全清湯一定冇咁好食，拎個平衡好好多😋珍珠蠔仔量多，豬肉粒仲多，好似食極唔完試埋兩個小食，冰鎮墨魚頭同花雕醉雞中翼(一客3隻)，冰鎮墨魚頭爽口彈牙，點豉油wasabi好快清哂，花雕醉雞中翼大隻又淡淡酒味放飯想食到依間餐廳就要爭分奪秒，感覺遲少少要等多兩三張檯，去到都冇哂牛柏葉，一路食一路望住條隊愈來愈長...目測餐廳10張檯，不過d檯流動算快，個到既叔叔咁忙都有禮貌同埋好快手😬…查看更多

假期日中午1點嚟到合隆潮州粉麵店，大排長龍，等了 20分鐘左右入坐，不寧我失望等得有價值店舖內環境舊式粉麵店裝潢，似是家庭式經營，店舖內位叔叔見我身水身汗係到排隊，都安慰我好快可入坐，多謝你地等咁耐～其實當日雖然有太陽，但唔算猛烈都有陣陣涼風吹嚟，係我行鈄路上去，行到身水身汗同好肚餓豬潤、粉腸、豬肺、豬心湯米，胡椒湯底唔會過火咸辣適中，粉腸軟淋鮮嫩，豬肺軟綿嫩口，豬心原來係爽口，豬潤簿片但放湯內耐咗有少少硬，米粉唔會散，豬什米粉份量都唔算少，食一碗夠飽肚～胡椒湯係精華好味豬油撈河粉+豬耳+魚皮餃胡椒湯底～豬油撈河甘香可口，豬耳爽脆，魚皮餃新鮮有咬口，加上一口胡椒湯，美味非常冰鎮墨魚頭～出奇地爽脆鮮嫩，唔韌唔鞋，帶有墨魚海鮮鮮味唔沾豉油芥末也好味柱候牛筋腩～炆得非常入味，牛筋淋滑彈牙，牛腩入味唔痴牙～回味無窮不枉排隊入嚟食， 每樣食物都好味，店舖的叔叔姐姐都有禮貌，亦好窩心，我拎住個大袋店員主動比多張櫈我放袋，因當時人山人海店員都好忙，都有留意客人需要，值得一讚希望出名多人光顧後，往後水準仍然要保持…查看更多

九龍人星期日過海活動，當然想食好埋西才回家，地膽告知元朗合隆潮州粉麵在灣仔相當有名，當晚入座將近8時，剛好有一吉枱，隨即入內。由於用餐時較晚，沽清項目較多，包括我很想試的炸魚皮（老闆表示魚皮是連骨炸，所以比一般的厚身），飲品都只剩罐裝汽水。先來前菜，冰鎮墨魚頭，夏天食冷盤無得輸，墨魚頭溫度剛剛好，不會雪太凍令其過硬，吃起來很彈牙，推介！友人主菜自選了三拼麵，黑豚肉餃、豬粉腸及豬脷，每樣餸我都偷來試食：黑豚肉餃正常味道，不過不失；豬粉腸不是每間粉麵舖頭有賣，即使有賣亦擔心不夠衛生，這間我卻吃得很安心，最少從外觀上都不會見到有污垢，如果喜愛內臟的朋友必食；豬脷超爽口，我禁不住手偷食多了；還好餸的份量都不算少，即使被我偷食了，友人仍吃得滿足。我的主菜選了蔥油花彫雞米，雞肉很嫩滑，花彫味道不會太濃烈，吃下去聞到花彫的香，而又不會搶走雞肉的味道（本人食雞很有要求，要在雞蛋裏挑骨頭的說，雞肉鮮味不是太出，似是冰鮮雞），餐廳很貼心給了碗仔裝雞骨。整體而言，是次用餐感覺很愉快，有機會絕對會再幫襯。…查看更多

第一次黎既時候晏左少少，夜晚好多野都沽清了，於是今日放工就直撲過黎主打豬雜，做得多不如做得精，呢度既豬雜非常之唔錯上次試左豬油撈飯，今次就食呢個豬雜銀針粉呢個雖然係細size，但已經好大碗，豬雜份量非常之多，有齊豬肺，豬心，豬肉青，豬粉腸，豬大腸，豬潤，豬耳，豬肚，豬脷，物盡其用呀大半碗都係豬雜其實出街食豬雜最怕係唔乾淨，但呢間真係清理得好好，豬腸洗得好乾淨，食得放心終於食到上次沽清既冰鎮墨魚頭，凍冰冰墨魚頭好爽，加啲wasabi，好味呀食物好味而且價錢仲好抵添，希望小店keep到水準啦…查看更多