嚐喜大不同特式餐廳小廚 (已結業)

大不同時時排長龍，見食評又唔錯，終於有d凍，可以試下煲仔飯。一坐低侍應就提醒我要叫左煲仔先，整要30分鐘。等左10分鐘先上個咕嚕肉，幾大盆，有好多冰，下層係d溶左既冰水，防止d咕嚕肉濕dead dead 可惜食落d咕嚕肉都係濕濕地，外層好脆，個粉雖然好厚，但口感唔錯。不過入面舊肉就顯得好細舊，又冇咩味，相比李公x既冰鎮咕嚕肉仲差好遠🙈 d生果都好酸，所以唯一可取既外層真係好脆，其他方面都令人失望。隔左一陣上埋個飯，侍應幫手倒豉油合埋個蓋焗一陣。有臘腸潤腸各三條，臘腸超級咸，肉質怪怪，我食左一條頂唔順。潤腸好少少，但都唔好味。豉油唔香，飯冇飯焦。整體仲失望過食咕嚕肉煲仔飯我都係食返西環坤x算⋯⋯…查看更多

這次嘗的是一間位於北角的餐廳，主打是港式小菜。在吃飯前的一天便先致電餐廳預留一客竹籠肉蟹蒸糯米飯及一客胡椒豬肚包雞。當天下菜時，更點了冰鎮咕嚕肉及黃金金針菇。餐廳的上菜速度也很快，下單後大約等候十至十五分鐘便有東西可以吃了。首先說說竹籠肉蟹蒸糯米飯，肉蟹肉質鮮甜彈牙，糯米飯配上豉油後，味道一流，果腹感十足。其次胡椒豬肚包雞表現也不錯，湯汁胡椒味不會太重，喝下去也滿暖胃，如天氣稍冷一點，這個湯也不錯的。至於冰鎮咕嚕肉，表現稍遜，雖然冰粒可令咕嚕肉的外皮變得更脆口，可是溶掉冰粒會令咕嚕肉的表面較濕，什至令味道沖淡。而黃金金針菇是把金針菇配上咸蛋黃而炸成，吃下也十分香口，用來佐酒也是一個不錯的選擇。…查看更多

聖誕平安夜同老公阿囡去咗食餐簡簡單單嘅聖誕餐。叫咗冰鎮咕嚕肉，個皮好脆、好好食，不過我覺得一上碟就好攞晒出嚟，否則啲冰就會整到佢凍哂。芝麻雞又係推介，連啲雞胸都可以整到咁嫩，真係好少有！脆皮鍋貼小棠菜，油膩左少少，最好放啲紙巾去索走啲油先好食，好大碟，最好有五六個人分來食。等左好耐先至來的白鱔拼肉餅煲仔飯，真係好值得等！唔識形容！其實睇隔離食啲嘢都好似好好食，呢間一定有下次！不過要預多少少時間等候！…查看更多

          今日甘岩經過北角街市,順便同班仔女落附近揾野食。行過見到間餐廳名叫嚐喜大不同,見大家都行到餓就入去食飯。入內餐廳光線充足,整整齊齊,菜式種類多,估吾到有賣煲仔飯添！！！香酥腐皮墨魚卷外皮鬆鬆脆脆,咬落彈口,墨魚味濃,應該係新鮮整。加埋酸甜醬就更加好。＄88 就不過不失。清蒸石海斑石班新鮮,肉質嫩滑彈牙，而且沒有腥味黑豚肉崧生菜包  其實個賣相就普普通通,勝在分量夠多,食落口感有點像免治豬肉,微辣,配搭幾有趣,又有創意。脆皮芝麻雞 雞皮香脆,肉質嫩滑,再灑上芝麻粒,就令到隻雞更加香大不同招積肉(豬頸肉) 醬汁酸酸甜甜,有少少似食叉燒 ，不過餐廳選用了豬頸肉整作,所以食落好爽口，而且那些焦位幾脆口,成味餸好開胃，餸飯一流。冰鎮咕嚕肉整體配搭十分新鮮,上面有車厘茄以及青藍提子點綴,而且分量夠多。食落外層是冰凍的, 但咬下去卻是熱呼呼!!!  外冷內熱,外脆內軟, 沒有肥肉, 一點也不膩。       整體食物質素吾差,侍應態度友善,價錢合理,建議一家大細一齊食,下次經過都會幫襯。…查看更多