泰 (銅鑼灣廣場二期) (已結業)

朋友話想食泰菜坐得舒服😌我揀左間Fusion特色泰菜Thaiology，門面格局裝修簡單，入面枱空間闊落，舖內以墨綠色及木飾面為主調。食物款式選擇都幾多，食泰菜當然必點馬拉盞炒椰菜苗，幾爽口不過略嫌不夠鹹香。再來冬陰功海鮮湯好足料，辣酸味剛好，前菜先飲一碗湯好開胃👍🏿😬最正兩隻大蝦🍤啖啖肉好多膏。鮮蝦柚子沙律🥗面係滿滿嘅青瓜絲，打開凍蝦同柚子肉加上醬汁，酸酸甜甜好開胃，有啲似撈起，幾有特色。炭燒雞腎燒得好香加上秘製泰式醬汁，讚! 🤩青咖喱雞🐔加香酥薄餅🍕簡直絕配，青叻喱甜甜地少少辣一點薄餅好入味，薄餅本身好香口就咁食都不錯☺️，加埋青咖喱錦上添花。飲品叫左個鮮椰青，大大個好鮮甜夠新鮮，椰子肉都易食😍。…查看更多

忙碌工作過後最想就係舒服地食個晚餐。今晚特別想食泰菜。來到開業不久的泰菜餐廳，環境幾舒適，坐低既感覺令人放鬆，其中一面仲有落地玻璃，望街外的風景就更享受。呢度多款泰菜任你揀，但Shake shake 海鮮的餐牌你絕對會望多兩眼。Shake shake 海鮮 (扇貝，鮑魚，大蜆) $298泰菜食shake shake 海鮮都係第一次，配醬仲可以揀番泰式既生蝦汁或者冬陰功汁，而且可以揀既海鮮亦有好多款。扇貝，鮑魚，大蜆都吸晒冬陰功汁，非常惹味。冬陰功海鮮湯 $108用料足，濃香湯底香噴噴，入口酸辣味剛好，加埋特大虎蝦啖啖肉，仲有其他海鮮，開胃好吃。生菜包 $78惹味的肉碎，有肥有瘦，配合脆口的西生菜，口感得到平衡。香酥薄餅 $38薄餅熱辣，口感煙韌，最正係個咖哩汁好夾，少少辣夠開胃。泰式奶茶 $38茶味香濃帶少甜，嚐辣的好伙伴。…查看更多

之前食過屬同一集團嘅Mini Friday同埋「日本野」, 兩間分別供應西餐同日式嘅食物質素味道唔錯。原來集團又再多一間泰菜餐廳「Thaiology」開左係銅鑼灣二期, 今晚就約丫妹去食dinner。只係平日晚, 接近7點多, 餐廳已經坐滿食客, 果然很有人氣。其中最抵食嘅當然係二人餐, 每項自選款式都好岩心水【晚市二人餐】$398冬陰功海鮮湯: 冬陰功湯熱辣辣上檯, 依然有個小火爐慢慢興住, 入面有兩大隻鮮甜爽口大蝦、青口等海鮮, 湯底酸酸辣辣, 味道濃郁惹味又開胃。醃酸辣鳳爪: 無骨鳳爪跟軟筋位相連, 口感爽脆, 酸味味又有少少辣。海南雞(半隻): 雞件已被去骨, 肉質很嫩很有雞味, 而且好厚肉, 雞皮富彈性, 配上三款海南雞醬油, 正!  泰式炒雜菜: 炒得頗有穫氣, 菜蔬、青豆類, 樣樣有d泰式鮮蝦炒金邊粉: 金邊粉有彈性, 唔會一pat pat, 味道甜甜地, 有大量炒蛋碎, 蝦很大隻又爽口, 再加入左類似素叉燒、芽菜, 食落很有層次。 套餐包兩杯 --- coffee/tea/汽水 (價值$18)補差價可轉特飲, 補左$20 order 泰式奶茶質感幼滑, 奶比例較重, 有泰國地道風味+$28 任選甜品一款芒果糯米飯: 芒果香甜多汁, 糯米飯濕潤有黏度, 再多少少椰奶會更好另外想試試呢度嘅咖哩, order左【咖哩炒軟殼蟹】HK$168咖哩份量好多, 蓋過了所有軟殼蟹, 大約有3隻軟殼蟹原隻開邊, 索左個咖哩汁, 甜甜地, 有淡淡椰香味, 唔食得辣嘅丫妹話有微辣, 但平時食得辣嘅我就唔太食得出。…查看更多

對某樣嘢太着迷？對泰國菜太着迷？睇個名 Thaiology就知，泰迷必到，我自己都真係幾鍾意食泰國嘢，網上見到呢間舖頭裝修又幾靚，就揀咗紀念日來。環境以墨綠色做主調，配上燈光，設計都幾有格調。餐牌餐牌一張過，泰菜必吃嘅菜式都有。 冬蔭公海鮮湯 $108 又係一嚟到就要飲冬蔭公湯，好有誠意，因為用爐坐熱上枱，有兩隻大蝦，湯底味道唔會好濃郁，酸度足夠，再辣啲就更好。鮮蝦柚子沙律 $88 除咗青木瓜沙律係泰國菜必食之外另一款係柚子沙律，呢度特別之處在於佢嘅柚子沙律係辣嘅，加咗乾辣椒，都係第一次食辣嘅沙律，做前菜真係醒神開胃！泰式沙嗲(半打) $88 豬、牛、雞各2串，燒得好靚仔，而且每串都好大串，食起上嚟果然冇令我失望，每串都有焦燶嘅香味，但又唔會燒到肉質好嚡好老，必點！青檸明爐魚烏頭 $188 烏頭都可以話係泰菜嘅招牌之一，同樣以明爐上枱，烏頭鮮嫩度十足，擠少少青檸令到鮮味更加突出，前菜食咁多重味嘅嘢，結尾食返比較清淡嘅烏頭都係唔錯嘅選擇。泰式奶茶 $38 睇色水就知夠正宗，味道都係！椰汁珍多冰 $48 夠晒多料，鍾意飲椰汁冰嘅一定要點。總括而言，喺銅鑼灣來講，仲要裝修靚，以呢個價錢來講好抵食，食物亦都唔錯，同另一半會再嚟。…查看更多