泰妹餐廳 (The Wave)

觀塘實有太多好嘢食，今日我就去咗位於The Wave 1樓嘅泰妹食泰國菜。由於一早就到餐廳，所以都未有好多顧客。餐廳環境好舒適，服務員態度和藹親切。冬蔭海鮮湯：食泰國菜最中意叫嘅菜式，都莫過於冬蔭功。泰妹嘅冬蔭海鮮湯除咗大大隻嘅大頭蝦，仲有大大隻嘅青口添。冬蔭功不算太辣，而因為有海鮮嘅原故，味道更為鮮味。蛋花黃咖喱軟殼蟹火山包：依個火山包賣相夠哂一流，軟殼蟹感覺要係個包度爆出嚟。軟殼蟹份量好多，而且每隻都有蛋醬包住炸熟，非常之香。切開火山包，蛋花黃咖喱傾瀉出嚟。黃咖喱混合蛋花，令咖哩增添蛋香，不論點麵包、又或者係點軟殼蟹，都別有一番風味。椰汁芒果糯米飯：泰國菜甜品嘅首選當然係椰汁芒果糯米飯啦。有別於其他泰菜餐廳，其中一款糯米飯係綠色嘅斑斕糯米飯。糯米飯煙韌軟糯，，配埋新鮮芒果，好好味。…查看更多

終於嚟食泰國嘢啦，好掛住泰國嘅生蝦同芒果糯米飯呀～所以放工就嚟到觀塘嘅泰妹，搵返泰國嘅味道！呢度嘅位置都有空間感，啱哂三五知己嚟傾下計。我哋叫咗生蝦刺身、冬蔭海鮮湯同泰式蝦炒金邊粉。生蝦呀～好鍾意生蝦嘅口感同醬汁，新鮮爽口！而金邊粉炒得夠乾身，仲酸酸甜甜，好味呀~海鮮湯兩個人份量啱啱好，雖然唔喺好食得辣，但喺又鍾意冬蔭嘅味道最後點少得椰汁芒果糯米飯，糯米同芒果真喺絕配嚟架，仲有必叫嘅椰青同珍多冰，咁先叫完整嘅一餐呢！…查看更多

去開觀塘辦事，順道晚餐。友人想食泰菜，我們就揀了這間。一上電梯就見到，較開揚；以為只有咁少位，原來另一邊仍有座位。我們不想諗食乜好，不用想就點了「泰妹二人套餐」。泰式小食拼盤：有炸蝦餅、春卷、魚餅及班蘭葉包雞。樣樣都香口、惹味！冬蔭海鮮湯，材料豐富，夠辣！泰式炒雜菜，可以食到多款菜，不錯 泰式海鮮乾炒河，有蝦、大大隻青口、魷魚等，材料豐富，河粉入味。一杯泰式奶茶，少甜，茶味濃；一杯青檸梳打，酸酸地，幫助消化。傾得太開心，忘記仲有甜品未食就走了，店員又沒有提我們，我們最想吃的椰子雪糕冇得食 -_-…查看更多

今日去左觀塘接朋友放工, 經過大間老麥原來搬左去對面 the wave, 諗住過去八卦下, 一上電梯見到大大個泰妹招牌, 餐廳分左2邊, 一上到去就係open area, 對面又有另一舖位, 見仲未太多人就決定試下睇左陣餐牌, 有選擇困難症ge 我地都係揀2人餐好了, 至尊二人套有齊泰國菜必食ge 冬蔭海鮮湯, 馬拉盞炒芥蘭 同泰式原隻菠蘿海鮮炒飯冬蔭海鮮湯成窩上, 而且仲好足料雜錦串燒小食拼盤泰式海鮮粉絲沙律馬拉盞炒芥蘭蜂蜜洛神花茶 & 香茅蝶豆花檸檬梳打上菜速度都好快, 成檯野食樣樣都想試唔知食咩先好直到泰式原隻菠蘿海鮮炒飯都上埋, 先發現我地叫左幾樣都係海鮮~ hahaha眼闊肚窄, 呢個2人餐足夠3個女生份量呢~…查看更多

今日系apm 行完街，就行過去官塘工廠大廈果邊食泰國菜。點左呢個$338二人餐。冬蔭海鮮湯真是材料十足，仲要隻大頭蝦超大隻，肉又爽口彈牙，仲有蝦，魷魚菇等。湯底微辣鮮甜，每人可以飲2碗飛天通菜炒到好夠味道，又微辣又香。香茅雞翼燒到外脆內嫩，炸蝦餅，魚餅又香又彈牙，雞肉串，豬頸肉又燒到好香口配埋醬汁更加入味。泰式海鮮粉絲沙律，粉絲索晒汁的味道好入味，幾開胃又酸酸辣辣。泰式原隻菠蘿海鮮炒飯，有魷魚，蝦，青口，提子乾，腰果和肉鬆好足料，飯粒又炒到好乾身又好夠味道。呢個套餐真抵食，份量又多兩個人真是食唔晒，足夠三個人吃，仲要系$338唔使加一。…查看更多

經過炎炎夏日，我快要變「泰妹」了這晚相約了朋友吃泰國菜，待她下班後就到她公司附近的觀塘The Wave覓食泰妹至尊二人套餐我們選擇了這個套餐泰妹二人套餐Menu超開胃的冬蔭海鮮湯好足料，大大隻蝦！兩大隻青口！這個雜錦串燒小食拼盤包括了香茅雞翼、牛油雞翼、雞肉串、蝦餅、豬頸肉串、魚餅、牛舌串，好豐富清爽生菜包著香葉肉碎香辣的飛天炒通菜原隻菠蘿有菠蘿的香甜味道加上肉鬆、腰果等好有風味好多港人都很喜歡的泰式甜品黑糯米白糯米加上椰汁和香甜芒果好滿足的晚餐…查看更多

係呢個場開餐次數，數數手指都唔少，但依加先比我發現一樓原來新開左呢間泰國菜餐廳開放式坐位，燈光柔和，一路播住泰文歌，加多幾分泰式風情有散叫亦有套餐供應今晚選擇呢個抵食超值二人套餐 ($238)黎食泰菜，必然之選緊係冬蔭海鮮湯，原先以為會就咁"畢"2碗湯出黎就算，見到侍應放低火爐，之後再送上呢鍋海鮮湯，功架十足!鍾意飲熱湯，等佢再煲至有煙先飲，材料多到嚇左一跳，有青口，蝦，魷魚，蟹柳及菇類再"畢"低D，原來仲有隻大頭蝦，好大隻呀，肉質唔算好彈牙，但蝦頭部份仍然有多肉湯味道酸辣度岩岩好，連唔係好食得辣嘅友人都添飲，確係難得!送埋2杯飲品，有多種泰式飲品選擇，就算係咖啡/奶茶都係泰式，點了杯青檸梳打，選用環保飲管(暗地裏加分)，一解冬蔭海鮮湯嘅濃味!為慶祝餐廳新店開張，食滿$200可以加$1送客生蝦刺身一客4隻，擺盤吸引，絶不馬虎夾住辣椒及生蒜一齊食，口感爽口，蝦身夠凍，點埋生蝦醬汁，酸酸辣辣好惹人胃口呀!串燒拼盤 : 鷄中翼，鷄肉，豬肉，毛茄，圓茄，海鮮菇各一串每串都燒得香口，肉類分別點3款醬汁增添惹味; 首次食燒圓茄，外乾內軟，"泰"得意啦!原本選飛天炒通菜，要求少辣，侍應細心提議用馬拉盞炒，會無咁辣但一樣惹味!  又得姐，通菜食落無渣，好味!主食要泰式海鮮乾炒河粉，又係大大碟，海鮮料基本上係冬蔭海鮮湯見過河粉加埋鷄蛋一齊炒，加多份蛋香味，神來之筆呀!  問埋侍應加埋辣椒油一齊食，唔太辣但好香，今次由鷄蛋河粉勝過海鮮料啦........哈..哈.......!散叫紅咖喱牛腩 ($52)，咖喱味道偏甜，幾重椰奶味道; 牛腩煮得夠腍身，但切得比較細件，個人覺得大件番少少會比較有口感!  既然有咁香咖喱汁，點可以浪費?! 於是就叫左呢客層層疊蒜蓉包 ($38)黎"索"汁比起蒜蓉法包，呢個外脆內軟，包芯鬆軟更能索到多D醬汁，一條咁揸住食都好方便!  幾香蒜味，呢客無得輸呀!原本想食埋甜品，但佢食物份量超對眼，肚皮頂唔住，唯有下次先食!  仲要食埋佢呢個推介 :呢個"妹"食物價錢已經唔貴，仲要唔收加一，點可以唔黎多次呀?!…查看更多