NUTTEA (灣景廣場)

Aeon shopping後，見到有nuttea 係隔離，忍唔住飲左杯Best seller - 伯爵朱古力堅果奶蓋茶。好濃郁嘅朱古力堅果奶蓋，奶蓋有朱古力味得嚟又唔係太甜，厚身嘅堅果奶蓋好好味，比普通奶蓋還要厚身，仲要食落冇咁罪疚感🥰🥰🥰伯爵茶好清香，好有茶味，我叫咗走甜，清香嘅伯爵茶配上濃郁嘅朱古力堅果奶蓋，簡直是絕配，果然係Number one嘅選擇我欣賞佢哋唔用膠飲管，係用木製嘅嚟食奶蓋🥰🥰仲有愛護環境同動物嘅理念💕💕感覺上每一次光顧，都係用行動來表示支持，仲要好好飲，同感覺冇咁肥😂😂🙈🙈…查看更多

今次我哋去荃灣睇戲，等睇戲嘅時間嚟到灣景廣場行下及食野😊在超級市場部的一層，旁邊有啲食店，我哋去nuttea買咗一杯伯爵朱古力堅果奶蓋茶飲。飲第一啖嘅時候即刻感覺幸福！好濃郁好柔滑奶蓋呈朱古力啡色，細密泡沫浮係朱古力伯爵茶上。輕輕溫柔地飲出層次感。奶蓋係用堅果造成，有果仁嘅香味。朱古力及伯爵茶味道都幾夾，茶中佛手柑嘅味道及紅茶嘅味道令飲品聞落去更有果香，朱古力及堅果嘅豆果味道加埋好豐富😊一杯味道濃郁嘅茶飲真係令呢個weekend 加上一份滿足感😊如果之後nuttea有分店可堂食就更好😊 有個地方慢慢坐低，如可以用玻璃杯裝着堅果奶蓋茶，先用小匙羹品嚐鹹鹹甜甜嘅奶蓋味道，再喝一口茶，感覺更幸福！…查看更多

Nuttea最近喺香港擴展得好快。早前喺金鐘見到有商舖圍左Nuttea嘅圍板，可惜一直未有機會試。今日喺荃灣行緊百貨公司咁啱見到Nuttea分店，即刻買一杯試一試。今次叫左一杯伯爵朱古力堅果奶蓋茶。飲品由底到頂分別係茶底、碎堅果層同埋朱古力粉。伯爵茶底茶香茶味俱備，即使飲品中嘅冰塊隨時間溶化，依然能夠品嚐茶味。碎堅果層被打碎得非常幼細，口感上無法聯想到原本係一粒粒嘅堅果。堅果層味道取代左奶蓋，但又免卻左奶蓋嘅肥油膩感。飲用時用飲管將飲品搞勻，味道嘅層次感令人喜出望外。過去十年，香港茶飲店越開越多，已經開始有種千篇一律嘅感覺。Nuttea從口感、味道以至用料上進行創新突破，畀消費者有更多嘅選擇，實在值得一讚。…查看更多

12點做咩好，最近天氣開始好熱 ，每次經過飲品店我都會去買返支嘢飲，今次揀咗吉之島呢間飲料， 今日揀咗100杯限定，伯爵朱古力堅果奶蓋茶， 佢係凍飲number one， 不過係咪值48蚊一杯，試下先?到企咗喺度睇咗好耐揀左呢杯飲品， 店舖嚟只係賣茶品飲料成主。我呢杯飲品最特別嘅地方， 睇咗呢個9個步驟畀我知道真係得來不易。放心，天氣咁熱，好難唔干杯。評論下點解佢比一般飲品貴一倍，1. 飲品都多層次2. 有口感, 有厚感3. 有感官娛樂， 可以跟指示揀傾斜飲， 或者係攪勻佢再飲4. 堅果成本貴，唔係到到有賣，同朱古力夾5. 有厚厚朱古力粉末令奶蓋唔會因為黏住係嗰個蓋度，而冇得飲…查看更多