仙滿堂

😎 依日平日下晝約咗住喺新界嘅年輕朋友短聚一下～ 天氣炎熱，最適合食下消暑甜品做下午茶，就喺沙田新城市廣場有新發現！🤗🧇 焦糖香蕉黑糖麻糬牛角包窩夫 配3.6牛乳雪糕 😋😋😋😋😋首先擺盤簡約得嚟又吸引！🤩 香蕉片上嘅焦糖呈現醒神嘅橙黃色🔶，鋪喺搽咗黑糖麻糬嘅牛角包窩夫上🧇，顏色相當突出！旁邊嘅忌廉亦灑上薄薄朱古力粉，望上去好似tiramisu。😋 味道方面都唔錯！牛角包窩夫夾得好香好脆，配黑糖麻糬食有兩重口感。甜味好有層次，分別嚟自黑糖、香蕉同焦糖，喜歡嘅仲可以點埋忌廉食！另外仲配有3.6牛乳雪糕🍦，口感軟滑、奶香味濃！同朋友happy share的確好開心！😚 🍧 仙草1號 (仙草、紅豆、薏仁、奶茶凍 & 珍珠) 😋😋😋😋選擇困難症下，終於揀到1號！😆 仙草又甘甜又滑溜！薏仁同紅豆一粒粒好分明，唔會糊晒，仲食到軟綿口感，有其自然甜度。☺️ 奶茶凍有陣陣茶味甘香，質地較挺身，而珍珠軟硬啱啱好！可以自行添加奶油令整碗甜品更奶滑。😚下午茶 💵💵 約港幣$80/人 💁🏻‍♀️ 除咗傳統台式糖水外，依間甜品店會提供部分大家喺坊間較少見到嘅台式甜品，小編同朋友試嘅牛角包窩夫就係其中一款。😉 店舖用咗創新啲嘅方式呈現台式甜品味道，啱晒幾個朋友一齊食完飯去試下。最後，留意返：設有加一服務費。🙆🏻‍♀️ 最後，喜歡嘅話，歡迎follow @foodirectory.hk！…Read More

嗰日行過沙田見到呢間甜品鋪開業無耐，裝修又夠光亮精美，就比佢吸引咗入去食個飯後甜品😂😂仙草1號 $55好大碗又足料🤩 配料豐富，有招牌仙草、珍珠、紅豆、薏米，食完真係會飽🫢 本身以為奶茶凍口感似布甸，食落有啲似奶茶味嘅大菜糕，幾得意🤣 茶味都幾濃😚招牌麻糬牛角包窩夫配3.5牛乳雪糕 $98擺盤賣相相當精緻，牛角包窩夫切落去係微脆，唔甜嘅，口感相當唔錯，而表面嘅忌廉都相當綿密，麻糬亦都夠哂煙韌，奶味偏重，好似🐻好奶味嘅就食上癮喇🤣 雪糕係雲呢拿味，超級甜🥴呢款係一次過滿足你三個願望😂整體嚟講，價錢同份量成正比，味道都有中上嘅水準，而且擺盤方面都幾啱打卡，新城市入面甜品鋪選擇亦唔算多，佢會係一個相當唔錯嘅甜品選擇👍🏻…Read More