諾亞半熟蛋糕專門店 (已結業)

諾亞的半熟蛋糕, 吃過後屋企人都大讚, 當知道佢地出左蛋卷, 乖乖女既我, 星期日早點起身去排除買來孝敬老媽子, 蛋卷分別有原味, 抹茶及草莓味, 心想抹茶味的半熟蛋糕上次吃過流心效果唔太明顯, 今次我俾多次機會抹茶味, 所以選了京都抹茶鮮乳卷 ($88), 店員把蛋卷小心包好入盒, 蛋卷是沒有乾冰的, 在街上如果是2~3小時是可以的, 如果唔係, 可以先付錢留起, 晏D去拎都可以店員更叮囑蛋卷放在雪櫃, 保鮮期是3日, 如放在冰格, 更可保存到5日, 但食之前, 要拎出來放係室溫地方, 令蛋卷"抖下氣"嘩.........蛋卷內有好多cream, 分別有白色有綠色的cream, 切開後, d cream冇吱哂出來 xDD 蛋糕質感尚算鬆軟, 淡淡抹茶味, 不算是濃郁, 如果是抹茶控的話, 可能覺得唔夠, 白色忌廉是蛋白+海澡糖打成, 幼滑得來唔膩, 綠色忌廉是加入抹茶打成,所以抹茶味比蛋糕更濃, 唔講得笑丫~老媽食過後, 大讚好過美x 或者 東x堂既蛋糕, 拿, 早一輩既人好少會讚, 加上諾亞的蛋卷售價在百元之內, 絕對是親民, 要知道依家D連鎖餅店分分鐘都過百元, 質素唔成正比, 綜合起來, 諾亞屬性價之上, 值得一試的…查看更多

今日約左朋友去彭福放狗，去九龍城食ｌｕｎｃｈ經過好耐無食過嘅諾亞…見到出左新野，有三個口味！記得朋友最愛抹茶…好啦！就買件去同朋友開心ｓｈａｒｅ啦！個包裝盒好可愛，有對貓耳朵！依個卷卷嘅名堂係：京都抹茶鮮乳卷（價值＄８８）個蛋卷面頭鋪滿抹茶粉，厚厚嘅抹茶味蛋糕包裹住超級多嘅ｃｒｅａｍ！一行三人，所以將佢大分成三件…目測可以6個人分享都夠！蛋糕質感好厚實，超濃郁抹茶味！ｃｒｅａｍ好香滑…同蛋糕一齊入口個感覺出奇地夾，本身咁多ｃｒｅａｍ應該會好＂溜＂…但夾埋抹茶蛋糕同蛋糕上面嘅抹茶粉就岩岩好喇！喺陽光下，草地上用左５分鐘就清晒成個蛋糕，好滿足呀！己決定下次經過要試埋佢另一個味道，士多啤梨！！…查看更多

甜品係人生中不可或缺嘅美食，四出搜尋特色又好味嘅蛋糕不知不覺便成為左我嘅興趣！聽朋友介紹九龍城有間半熟蛋糕同特色蛋卷，聽到「半熟」呢個名已經好吸引，今日終於有機會試下喇！真係眼花撩亂，個個都好好味咁樣，云云之中挑選左「」，外賣回家慢慢享用！其實所有貓貓形的東西都吸引到我注意，真估唔到個蛋糕盒竟然係貓貓形狀，實在太驚喜喇！忍唔住要同貓貓合照才打開！香濃嘅抹茶蛋卷，用刀切下去時已經感覺到好幼滑。除了蛋卷上面有抹茶粉之外，蛋卷入面都混合了抹茶，所以超香抹茶味！夾心的cream又香滑，蛋糕同cream嘅比例啱啱好，甜度又適中，完全唔會有膩的感覺！一下子便食左三件！下次再試埋個「香蕉溶心芝士蛋糕」先！…查看更多

諾亞半熟蛋糕店繼半熟蛋糕後，於昨天(21/3)再次推出的新產品——鮮乳蛋糕卷！京都抹茶鮮乳卷 $88 (6/10)蛋糕抹茶味略嫌有點不足，很鬆軟有蛋香，甜度自然但有點乾，配上忌廉剛好彌補。白色牛奶忌廉很滑，但可以再輕盈一些，奶香都不夠重，綠色部份抹茶味比較濃郁，如果忌廉都是茶應該會更得人心！此外還有原味蜂蜜鮮乳卷($79)及草莓王流心鮮乳卷($98)，蛋糕一律只限外帶，建議致電訂購免得落空心儀口味哦。* * * * *諾亞半熟蛋糕專門店九龍城衙前圍道64號地下2號舖 | ☎️ 2382 6438荃灣大河道22-28號榮安大廈地下7B舖 | ☎️ 2460 0090星期一至日 11:00-21:00…查看更多