竹青亭 (已結業)

單係睇餐牌已經充滿驚喜，大部份名都好好笑，又表達到個食物。除左食物名特別之外，賣相都好吸引，而且餐廳環境都好特別。辣根薯蓉湯啲湯喺個清酒樽倒出黎, 一開始仲以為係冷盤, 但原來係熱湯。牛肝菌濃湯個人更喜歡呢個湯, 菌味好濃。蝦蝦粑粑 泰脆泰惹味, 粑粑好脆, 個汁都真係泰惹味。薑撞豆腐好特別ge凍飲, 有豆香味又夠薑。茉莉很清楚收兵好過嫁人一開始真係唔清楚會係點, 味道幾清新的。京蔥芝士焗扇貝 紅花忌廉燴意大利飯飯汁同味道好豐富，扇貝大大粒。鱈魚粟粟你好嗎原來真係有爆谷，仲配粟米汁，配魚肉亦幾清新。

香港打卡食店「竹青亭」新開張了💜作為一間打卡餐廳，打卡位置一定唔少得，未入座前已感感到濃濃嘅熊貓﹑竹葉＆綠色系風格，門口兩個大青花瓷呼應返姊妹店「青花亭」👍🏻牆壁壁晝仲係本地畫家Carol Mui親手手繪，相當花心思！★★★茉莉很清楚收兵好過嫁人 $56茉莉茶加上檸檬同無花果調製而成嘅冰沙，酸酸甜甜夏天飲非常消暑★★★★遺失的龍珠 $59飲落似mojito帶點Passion fruit微甜得嚟又夠fresh★★★★★牛肝菌濃湯 $48牛肝菌濃湯配雜菌薄脆長法包，牛肝菌愛好者絕對要試！湯濃得嚟仲要食到菇菌蓉嘅質感，再用外脆內軟嘅法包沾上濃湯一齊飲，香氣十足😋★★★粉紅西冷牛 可遇紅菜頭 $298馬上入戲肉試試呢塊極級美國黑毛西冷牛扒，切開果然透出半熟粉紅，肉質相當好，食落夠juicy無筋，配上紅菜頭薯蓉及芥末牛肉濃汁，非常惹味★★★★★鱈魚粟粟你好嗎 $258打卡味十足嘅菜式😻嫩滑嘅黑鱈魚柳以芝士牛油焗成，肉質鮮美嫩滑，再伴以香辣粟米汁，清清甜甜又帶少許辣，最有趣係配菜有香脆爆谷？！估唔到又幾夾wo！★★★★★京蔥芝士焗扇貝 紅花忌廉燴意大利飯 $168鍾意食Risotto嘅我都好滿意呢

自從買咗呢件衫，陳先生就成日女僕女僕咁叫我，特別係昨晚晚餐🙃...家陣興娃娃領，Fusion嘅嘢，佢絕對識條鐵！😒​言歸正傳，最近我都有周圍試新黃店～尋晚就去咗竹青亭！呢間係太子著名黃店青花亭嘅姊妹店，疫市開店咁勇，當然要支持下！​▲中西混搭嘅設計，竹青亭環境幾特別。▲金屬框架、綠SOFA、幾何地磚，帶美式老酒館感覺。▲青花亭個環境，比我個feel係中式＋希臘風情；竹青亭個環境，則係中式＋英式老酒館格調吧！​店內有由本地畫家Carol Mui繪畫嘅壁畫，竹紋木屬邊框、吊燈、雲石餐桌及幾何圖案地板等裝修，細節滿滿，好啱影相打卡。另外，店名竹青亭除咗有「竹性直，直以立身」嘅意念，亦有「竹報平安，青金開運嘅意思，店主表示，取其諧音 ，寄望年「青」人，真係平平安安。​講返竹青亭有咩食～其實呢度餐單真係好搞笑，菜名加好多潮語元素，呢點同青花亭一樣！好似「食羊柳 養番狗」、「阿梅進來了」、「人生總會遇上幾粒山楂」 、「茉莉很清楚收兵好過嫁人」... 要估估下先知係咩，超搞笑！不過，有啲菜真係get唔到係咩，唯有睇英文～建議Menu有埋圖就更好啦～唔洗下下問店員～今次我係晚餐時間嚟，我哋就簡單點咗個