香港華商銀行公會

返工日，廿多三十年老朋友東哥突然叫到出嚟食晏，當然應約啦。加上因為工作關係，佢唔喺成日晌香港，就更加珍惜呢啲短聚嘅機會。餐廳就由佢揀，就番小弟返工地點，都喺晌番中環，而佢對食都有少少要求，亦唔介紹使多少少，又避免太逼人嘅地方，所以，就揀咗嚟「香港華商銀行公會」。小弟就唔喺銀行業從業員，掹佢衫尾嚟到試吓。餐廳嘅環境就如一啲中式會所酒樓咁，唔會好富麗堂煌，但又不失氣派，嚟嘅人都喺斯文客，交談都唔會太嘈炒，更顯得靜侷清幽。點心紙亦喺餐牌，底面兩頁就一眼睇晒，有點心、湯水、小食、廚師精選、粥粉麵飯，以及商務午餐，茶位就收$15，最後睇番張單，無收加一，仲有85折添，唔知喺因為會員吖，抑或依家市道唔好，打啲折嚟吸客，因為呢度嘅定價都唔平架。家常老火湯 $48店家每日都提供老火湯，是日就喺潤肺抗疫嘅西洋菜羅漢果陳腎生魚煲豬踭湯，例牌就$168，位上就$48。我哋一人一碗，每碗嘅份量就等同家常飯碗嘅兩碗，而撈一撈，確喺幾真材實料，飲落的確滋潤清甜。鮮蝦燒賣皇 $48叫得燒賣皇，就梗喺包得夠大粒啦，再加埋大大隻鮮蝦上面，感覺就好似一個價，又食蝦餃、又食燒賣，哈哈！呢度收得咁嘅價，用料有番咁上下，啲蝦好鮮爽，有濃濃蝦鮮味；而裡面嘅豬肉餡打得鬆化，有少少彈牙感。蜜汁叉燒腸粉 $42一睇就知啲腸粉皮拉得夠薄，透出裡面嘅叉燒餡，而腸粉皮入口確喺又薄又滑，裡面塞滿叉燒餡，叉燒鬆化得嚟又唔會太多肥肉，絕無欺場。生磨杏汁焗雪山包 $38雖然呢個雪山包晌點心紙定為甜點，但我哋都喺當一般點心嚟食，睇外觀，個「雪山」有啲曬燶咗少少。包面焗得香脆，但又唔易散，包身好軟熟，最正喺裡面有好多杏汁忌廉，杏味非常濃郁香甜，喜歡杏汁嘅客人應該幾鍾意。蒜香軟骨軟鴿 $78都話老友食嘢有要求，就算喺午餐，都要食得好啲、豐富啲，就加咗一客乳鴿。咬落時熱辣辣，外皮酥香脆口，睇落覺得仲有少少細隻同瘦，不過，肉質都算嫩，而且，仲頗嗒落有絲絲蒜香！五代同堂炒飯 $138何謂「五代同堂」，就喺蝦仁、蝦乾、蝦米、櫻花蝦、蝦籽，炒埋一齊大大碟，賣相幾靚仔，而且，好足料，貨真價實，最正喺啲飯粒炒得爽身，唔會好油，此外，味道、口感亦豐富有層次，喺一道甚具水準嘅炒飯。始終食晏得一個鐘，未能暢談得好多，但來日方長，總再有機會嘅，到時又跟東哥食啲好嘢。至於今餐，點心唔錯，炒飯高質，招呼亦都好好，尤其招呼我哋呢邊嘅肥仔哥，極之好禮貌:)。…查看更多

肥肥家族一向愛飲好食，與親朋好友相聚時總離不開談食經。有一晚食飯時，其中一位長輩突然提起話近排都只會揀喺中環「香港華商銀行公會」同屋企人做節，因為啲套餐又抵又正。得知席上未有人聽過個會，更未有機會試過會所餐廳o既中菜，長輩就好客氣咁即場擇日請大家拆餐勁o既。顧名思義，會所餐廳只招待會員。據悉，會員全部都要通過會員銀行入會，而現有o既二十間會員銀行亦好清晰地列咗喺門外塊大玻璃牌上。主人家早已安排派對於廂房內進行，有電視睇，私人空間足，成晚仲有專人服務，十分周到。眼見菜譜上印出九道菜，出名反應快o既大肥爸爸即以「九大簋」黎形容，也實在太恰當了！桌上餐具齊備，整潔企理，衛生非常。餐前小食之金磚豆腐：炸豆腐真係成個金磚咁大件架！講真菜式賣相未必特別吸引，但食落外層極其鬆化香脆，豆腐餡心軟嫩無比，超！松茸螺頭燉水鴨湯：水鴨湯熱辣暖胃，芳香鮮甜，濃而不俗。足量o既湯料中有腍滑o既雞腳，但個人最愛必選清脆潤甜o既松茸菇。上湯焗海蝦伊麵：上湯焗海蝦伊麵金黃橙美，海蝦量足，每人可分成對，外觀夠哂震撼，意頭又好。海蝦不單樣靚身材正，咬落就知蝦隻厚脆彈牙，鮮甜爽潤，配上軟腍且入哂味o既伊麵可謂正爆！焗釀鮮響螺：焗釀響螺顏色就靚啦。。。但個人覺得師傅用得太多粉去煮，加上落唔夠菇粒，效果就變得好嚡口，而且仲比較溜滯，係全晚最為失色之作。芹香炒鴿甫：如果哥哥仔唔介紹的話，仲以為面前嗰碟炒鴿甫係炒牛肉添。切得夠薄o既鴿甫雖未比得上陸X出品咁堅，但其質感腍中帶脆，鴿皮又夠滑溜，肉香甜濃，已經算係好唔錯。燒汁安格斯牛柳粒：安格斯牛柳粒細細粒，容易食，牛肉鬆軟有光澤，且肉汁豐盛，伴碟o既雞脾菇粒都同樣惹味。花膠柚皮鵝掌：嘩，碟上三味當真各有千秋，原隻鵝掌柔軟腍滑，花膠厚潤有韌度，柚皮則香甜厚腍。古法八寶鴨：因八寶鴨內含果仁，XO仔就乘機主攻滑嘟嘟而又索哂味o既鴨皮。杞子圓肉浸勝瓜：勝瓜爽腍脆口，清香甜味，極易入口。五代同堂炒飯：所謂「五代同堂」原來係指食材中用上五種蝦類，XO仔對眼唔係太好，只係睇得出有蝦子、蝦仁、櫻花蝦，不過其實入面仲有蝦膏同蝦乾o既。連名都好聽過人o既「五代同堂炒飯」炒得好夠乾身香口，一啲都唔油膩，師傅果真有料到！杏汁雪山包：正當大家都話食唔落甜品時，哥哥就呈上金黃吸睛o既雪山包。杏汁雪山包鬆軟脆巧，微甜可口，大家分吓分吓好快就食哂成碟，美味程度不言而喻。當真感激長輩於「香港華商銀行公會」設宴款待，令XO仔有幸見識到銀行商家o既「九大簋」晚餐。會所餐廳高雅大方，服務貼身稱心，多款中式小食、小菜、大餸均色香味俱全，長輩話得抵，相信小弟以「價廉物美」黎形容都應該唔會錯得去邊。…查看更多

CS group 又聚頭啦, 今次扮野尊又去潛水...在銅鑼灣日本菜跟中環中菜系列中, 點選了後者.在中環吃樓上舖的中菜有不少有好評的地方, 嶺南, 蘇浙, 華商等等. 自己吃過了校友會, 寧波等, 也滿有驚喜的.最近 ET post 的album 華商的 feedback 倒是不錯, 八點正就來華商銀行公會一試其巧手菜式.大千蝦球, 汁醬醮滿大蝦, 蝦勁大隻肉爽~!香芒子薑咕嚕肉, 有子薑青紅椒, 雖然是肉片級數, 但咕嚕肉炸又得脆又香口, 汁醬份量適中, 送飯佳品.生菜蝦醬煲, 生菜售罄變作通菜蝦醬煲, 通菜過大, 生菜應該好一些, 熱騰騰的一煲份量跟新鮮度卻是十足的.脆炸田雞, 大大件很多肉, 送酒良品. 我倒喜歡那薄薄略炸的薑片, 薑片雖炸但仍有點點餘韻在口中徘徊.五代同堂炒飯, 清淡的一味, 蝦乾蒜頭蔥段炒過的, 四個人也幾夠吃的.一如其他樓上中菜, 要入會的. 幾味小菜跟一個炒飯已經很滿足, 傾不夠還走到銅鑼灣繼續聊天. 要挑剔的就是十時準時收工, 我們仍未談個夠, 還走到銅鑼灣繼續聊天.這頓生日飯很滿意, 謝謝各位~! :)…查看更多