二悅

［元朗高質抵食台式小店😝二悅🤍］-今日同大家介紹呢間我經常幫襯嘅小店🤍佢逢星期一唔開😛間中會休息想試就留意佢哋嘅社交平台😝咁就唔會碰門釘啦-小店不大😙淨係容納到五六枱客左右平時都會大排長龍🥺門口都多蚊🦟排隊嘅朋友仔要小心啲😣我好惹蚊所以我通常都會係佢一開門準時6:00黎到咁就唔洗排隊了😎🫶🏻-餐廳裝修純白簡約🤍半開放式廚房見到老闆用心煮麵餐廳彌漫着牛肉麵的香氣😋老闆娘負責落單😙記得第一次黎食仲好細心咁介紹餐牌同埋食法非常親切😗-😋手工肉燥乾拌麵定食 $64呢個餐可以自選兩款小食我就揀咗台式香腸和糖心蛋定食仲附上一碟通菜🤣淋上甜豉油😎食落滋味😌台灣腸外皮香脆係台灣嘅味道😍糖心蛋夠入味🥚入面流心生熟度控制得啱啱好至於個麵就彈牙😗肉燥肥瘦適中仲有啲冬菇撈埋乾拌麵一齊食🤪唔錯👍🏻最後介紹埋個豬骨湯🥣飲落去比較清帶有豬骨香味平衡返比較濃味嘅麪😜yum🥰好味指數：🌕🌕🌕🌕🌗-😋二悅紅燒牛肉麵 $70精緻嘅茶壺盛滿香濃嘅牛肉湯牛肉湯以十斤牛骨配以胡椒洋蔥熬製兩日而成入口香濃牛骨味，飲到香甜紅蘿蔔味😗超級讚建議先倒少量牛肉湯於碗內細品呢個餐含牛腱及牛肚，每樣兩件牛腱煮得夠腍，筋腱位食落有膠質😗牛肚都煮得好入味😜麵可以乾濕兩食😛麫底係手工台灣麵，拌上自家製香蔥油和豉油非常夠味😚大家可以先嚐拌麵再按個人喜好加湯變湯麵🍜推薦推薦😝好味指數：🌕🌕🌕🌕🌖-😋香炸花枝丸 $34花枝丸有六粒😌每粒都炸到金黃色食落口感彈牙多汁😝入面仲有花枝粒唔錯嘅小食😛好味指數：🌕🌕🌕🌕🌑-💸人均消費：$80…查看更多

A famous beef noodle restaurant in Yuen Long. My friend and I waited for 30 minutes for a table. The shop is small but warm.I ordered the recommend dish - 二悦紅燒牛肉麵. It is so eye catching and creative to put the soup in a tea pot, so there will be two ways to taste the noodles, in soup or dried noodles. I think it can also keep warm of the soup, when you pour it little by little.…查看更多

元朗出名的牛肉麵小店，據聞湯底每日用新鮮熬製而成。由於鋪頭位置係細行，搵路都花左少少時間。店面空間吾大，好彩咁岩吾洗等位就可以入坐。*二悅紅燒牛肉麵 $68配前菜、自選小食兩款:牛展同牛肚店鋪招牌麵，提供乾濕兩種食法，最欣賞係湯另上，放在壺裹面即使依到最後都可以保持到溫度。店員推薦可以先飲啖湯，試口撈麵，然後隨個人喜好加湯。蔥油伴麵食法味道偏淡，倒入香濃湯底反應味道好好多。牛腱炆得好腍、牛肚口感好爽，兩者都滷得好入味。*手工肉燥乾伴麵定食 $62配前菜、牛骨湯、自選小食兩款: 炸花枝丸、台式香腸本人少食伴麵原因吾鐘意麵質太乾身，但呢款既滷肉汁又多又香，仲帶有少少甜味，肉燥肥瘦均勻，整體好有驚喜。牛骨湯味道好清甜，麵質軟硬適中，食落仲有少少煙韌。小食相對就普普通通。…查看更多

⿻⿻ 二 悅 𓏲𓏱𓏭𓏭今次介紹嘅呢間元朗小店超級有人氣 加上鋪頭細細好少座位 基本上長期處於要排隊嘅狀態 不過因為好食又唔貴所以係值得嘅 𓉱好中意佢陽光好充足同埋簡潔嘅裝修風格 嘢食主要都係紅燒牛肉麵同肉燥/蔥油乾拌麵 叫咗招牌嘅二悅紅燒牛肉麵 入面有牛腱同牛肚 全部都滷得軟淋入味 最正係個湯 超級香超級濃嘅牛骨味道 ( ´͈ ᗨ `͈ )◞︎♡⃛︎肉燥拌麵嘅套餐好豐富 有牛湯同菜 仲可以加兩款小菜 叫咗花枝丸同台式香腸 花枝粒粒有咬口 𓏲𓏱𓏭𓏭二悅紅燒牛肉麵 $68手工肉燥乾拌麵定食 $62…查看更多

二悅係一間專食台式牛肉麵同拌麵嘅餐廳～不過從外到內嘅裝修風格，都係行白色嘅簡約清新路線，唔睇餐牌嘅話真係會以為係一間cafe😆 餐廳亦都比較細，只有10個位左右，用餐時間限時45分鐘，一開始無咩人，唔使排隊，但食咗一陣就開始滿座兼門外有人龍喇🙈•🥢二悅紅燒牛肉麵 $68呢款牛肉麵係招牌菜之一，有兩種食法，佢哋建議我哋先試蔥油撈麵，然後再加湯變成湯麵咁食～ 佢哋仲將紅燒湯裝喺茶壺入面保溫，有心思又令到食法更有特色😆紅燒湯味道微辣，就咁飲就飲到好濃嘅鮮甜甘荀味，紅燒味唔算好出～但將湯加咗落麵之後就有另一番風味，紅燒味更出😋蔥油拌麵好香蔥味，有啲醬油，但比較淡，所以加埋湯就啱啱好～牛腱同牛肚都好淋，牛腱中間啲筋淋到啫喱狀，好正🤩 但牛肚的牛騷味比較濃。•🥢手工肉燥乾拌麵定食 $62佢哋嘅食物擺盤都比較精緻同有心思👍🏼 呢個定食包咗2款自選小食、一小份通菜同埋一碗牛骨濃湯。牛骨濃湯味道比較淡，但都幾清甜～自選小食我哋揀咗台式香腸同埋雞翼。台式香腸嘅蜜糖味好香；雞翼炸得香脆，但醃得唔入味。呢個定食嘅主角：肉燥拌麵，麵質軟硬適中，肉燥入面嘅肉碎肥瘦均勻，份量幾多，夠拌勻成個麵，而且唔會太濃味同油膩👍🏼…查看更多

餐廳嘅位置比較隱蔽，喺後巷而唔係大街，所以都搵咗一陣。去到嘅時候見到有好多人等緊，加上呢間餐廳算係小店，座位唔多，我地都等左一陣。諗到我哋嘅時候，店員好細心拎定menu同落單嘅紙比我哋order左先，唔使我哋坐低嘅時候再等😆我哋叫咗一個二悅紅燒牛肉麵🍜一個手工肉燥乾拌麵定食🍲，同一杯蜂蜜柚子茶🍹。牛肉麵有特定嘅食法，除左menu上面有寫，店員都會好詳細咁講解一次。牛肉麵原本係蔥油拌麵，隔離有一碗牛肉湯，餐廳建議食客先試咗個麵，再試呷下個牛肉湯，最後將個湯倒入碗麵度，當湯麵食。原本蔥油拌麵都已經夠味，香口得嚟唔會太油膩，好開胃；牛肉湯好濃，好香牛味，倒入去個麵到成個感覺更加昇華，變成好香濃嘅牛肉湯麵。而且麵配有兩片牛腱兩片牛肚，都好入味，口感軟熟。🤤手工肉燥乾拌麵定食比較豐富，包括麵同兩個小食、前菜、同牛肉湯。前菜係微暖嘅菜，清新得嚟又唔會有草青味。小菜朋友點左牛肚同埋糖心蛋，糖心蛋溫度同流心程度啱啱好。重點係手工肉燥！份量同麵配合得啱啱好，唔會太多太漏，而且味道都唔太鹹，同熱辣辣嘅面好match😋價錢便宜，環境衛生，食物配搭得好適合，令味道更加提升到另一個層次🤩，加上服務態度良好，絕對係值得推薦嘅小店！…查看更多

#中意嘅請分享請點讚🍻----------🐮二悅紅燒牛肉麵 $68呢款特別之處係有兩款食法，可以揀拌麵或者湯麵。先試拌麵，拌麵麵條已經有濃濃嘅醬汁，就咁食已經好夠味。之後可以用湯碗試下紅燒湯底嘅味道，在慢慢加湯變湯麵。湯底用茶壺裝住，唔怕好快凍曬。牛腱厚切肥瘦適中，牛肚爽口入味。-重點係 #黃店💛有黃店推介可以inbox我，要大大力推薦北更多人去懲罰佢！！！----------🔎二悅🚩元朗合益路9-15號紀業樓地下G號舖…查看更多

二悅紅燒牛肉麵（$68）有兩種食法：拌麵同湯麵。厚切嘅牛腱屬半筋半肉，富含膠質，甚至有少少黏口嘅口感。牛肚亦非常入味，爽口唔韌。建議大家先食拌麵，之後就可以用湯碗試下紅燒湯底嘅味道，最後按自己口味加湯變湯麵。湯底聞落有好香嘅蕃茄同香料味，而且用茶壺奉上有助保溫。帶蔬菜嘅自然甜味，無油膩感，香濃討喜。手工肉燥乾拌麵定食 ($62)肉燥瘦肉有咬口而唔柴，肥肉入口即溶。醬油嘅鹹香、豬肉嘅油潤，同冬菇嘅香味拌以滑溜嘅手工麵條，食落味道啱啱好。奶白色嘅牛湯聞起嚟已經相當香，味道帶牛骨嘅淡淡甜味，滑而唔膩。手工肉燥茄子（$25）茄子炸過再加肉燥，配搭很好#CP值高 #支持小店 #有心理準備要排隊…查看更多

新年假期最後兩天，我在想我有甚麼想做或吃，腦海就浮現出二悅紅燒牛肉麵，之前生日吃不到，正遇上休息，之後都沒來過二悅。難得仍有空，當然要一圓我的嘴饞心願。二悅紅燒牛肉麵一定是本餐的主打，我再另加糖心蛋一顆及凍洛神花蜜一杯。店員問我來過這裡吃過麵嗎，我答沒有，然後她向我詳細介紹吃法。她說此麵有兩種吃法，首先可以以拌麵方式品嚐，然後再從湯壺裡倒少許湯於碗中，細細品味湯的原味，最後將湯壺的湯倒進蔥油乾拌麵裡一同品味。蔥油乾拌麵蔥香十足，麵條採用日曬麵，挺有彈性具嚼感，並充份吸收蔥油的精髓，好吃。蜂巢牛肚爽口彈牙，滷得淋漓盡致，入味非常，一吃便愛上。牛肉配料真材實料，牛腱超有重量，看看它的厚度，目測有1.5至2cm，且有三份之二掌心般大。雖然牛腱厚重，但入口絕不老韌，意想不到的軟腍，牛肉味濃重，令人驚喜萬分。熱呼呼的紅燒牛肉湯頭喝進嘴裡，湯底濃郁而不油，帶有紅蘿蔔的鮮美，微微香辣，滿嘴順口，讓我動舌不已。喝畢碗中的牛肉湯，我開始「加工」，將酸菜，壺裡餘下熱湯注入蔥油乾拌麵中，使它們合二為一，成為真正的紅燒牛肉麵。此時，紅燒牛肉湯起了微妙變化，變得比剛才柔和，麵條上的蔥油跟湯底互相融合，原有的微辣滋味消失，牛肉，蔥花風味取而代之，不得不說這湯太神奇吧。糖心蛋同樣出色，茶色的蛋白一看就知滷汁透徹地滲入當中，絲絲鹹香，回味無窮。咬開蛋白，橘紅的流心蛋黃映入眼簾，視覺效果一流，味道甘甜。店員在送上凍洛神花蜜的時說，若果對凍洛神花蜜的甜度或冰度有何意見可跟她馬上反映，這是小店才有的貼心服務。個人覺得凍洛神花蜜酸甜度恰到好處，亦能一解飽膩，沒甚麼可挑剔。…查看更多

最近到元朗一帶行街，今次想介紹既餐廳位於元朗，大馬路轉入又新街，b仔涼粉的後邊。今次餐廳感覺較偏遠，附近都是裝修店，估計是小店為了節省成本不得不選擇較靜的鋪位。我們一行二人到達餐廳之時已經入夜，加上左右的裝修店已經關門休息，以白色調作為裝修主色的餐廳顯得格外突出。從外觀察，小店空間不大，坐位也有限，幾乎只有二人座位，氣氛和外面的黑夜構成強烈對比。餐廳人流不少，即使是平日的晚上，我們到達之時，也有人在外輪侯，但很快我們也能入座點餐。餐牌的選擇不多，基本的就是幾款牛肉麵和伴麵。我們點了二悅紅燒牛肉麵和手工肉燥乾伴麵定食。二悅紅燒牛肉麵上菜時若未曾進食此餐，店員會講解此麵的食法。據店員的講解，既能倒上濃湯進食，但建議食蔥油麵底試味， 麵底味道其實已經足夠 ，配上湯後，個人認為味道偏濃；牛肚則處理得十分好，雖然只有兩塊，但處理得十分整潔，而且有咬口；牛肉也處理得宜，厚度夠，煮的時間足夠，非常容易咬開。手工肉燥乾伴麵定食此定食能選擇兩款小食作為配菜，我們點了牛肚和花枝丸作為配菜。花枝丸不過不失，牛肚切成碎片，但口感依然不俗，質素頗佳；肉燥則頗為特別，口感不像一般台式餐廳吃到的肉燥，更似紅燒牛肉的肉碎。湯的味道則較牛肉麵的湯淡。以上兩款定食質素不俗，味道不錯，相信即使在台灣也中上水平，外觀也十分吸引，顯示出店家製作的用心，惟食物份量不足夠，若能稍為增加份量，相信會更為吸引。…查看更多

剛跟友人看完紅葉，就想起日前的雅虎新聞，推介這個首創的二食牛肉麵，就決定去試試。店子有點難找，皆因是位於小巷。但好不容易找到，初初還以為找錯店鋪，皆因在遠處看，店鋪名稱是小悦😆但看見吃的東西是牛肉麵，就覺得自己對了。門外只有7人排隊，所以等待時間也不長。15分鐘後，店員安排我們進入店內。店鋪裝飾不俗，很有小店風味。餐牌上選擇不多，但仔細畫分，令客人容易下單，且背面有温馨提示，提議客人少用紙張，真是一所很有社會道德的小店哦～我們隨即點了二悦紅燒牛肉麵和手工肉燥乾拌麵定食。先上了二悅紅燒牛肉麵，店員先詢問我們有沒來過，然後解釋了此道菜的吃用方法。主要可分為兩食，可以先吃麵，然後加一點牛肉湯，再吃餘下的麵。牛腱及牛肚各兩塊，牛腱是厚切的，牛肚也很爽，很想再吃哦～至於牛肉湯，我覺得有點鹼，但有著濃濃的牛肉味。後上了手工肉燥乾拌麵定食，附送魚湯，小菜，牛腱及花枝丸。麵質很好，吃下去跟紅燒牛肉麵當中的麵有點不同。另外，肉燥真不負手工之名，粒粒的肥豬肉，吃下去有吃驚的感覺。魚湯應該是新鮮的，且不含任何味精，因為我吃畢後沒有一點想喝水的感覺。總括而言，很好吃！我一定會再來！二悅牛肉麵值得吃！…查看更多

又係係元朗搵食的日子 落住雨門口都排左一堆人不過真係因為小店的關係 等候時間都過長少少但好食的話係值得等待的 心大心細 左揀右揀 選擇了101 二悅紅燒牛肉麵(含牛腱) $68 另加一隻滷蛋 第一次食 職員教可以先飲個湯 試下味之後先食個麵 最後將加湯 一次過食到幾個配搭 正用上牛大骨、蔬果及中藥材烹煮的湯頭清甜飲哂個湯都唔會覺得好咸同口渴厚厚的牛腱及牛肚各兩塊而且入味 唔痴牙 仲會食到有少少漿口 另外再點了個小吃︰台式蜜糖腸 $25 全店只有2個職員 是需要再多少少耐性等待價錢實惠 食物有水準相比大集團出品 絕對有過之而無不及…查看更多

台灣牛肉麵係賣飛佛之一, 去親台灣都一定食返幾餐紅燒牛肉麵先肯收手。 講真香港無乜幾間做到我好鍾意食紅燒牛肉麵既味道。二悅係元朗小店, 身為九龍人入元朗搵朋友, 朋友問我想食乜, 第一時間就諗起想食呢間既牛肉麵, 朋友之前都食過都推介。店舖位於新B仔附近後巷, 平日1點去到門口已經有6個人排緊隊, 之前睇食評已經有心理準備要排隊等, 可能係lunch time, 我同兩位朋友等咗45分鐘先有位, 咁啱仲要好猛太陽, 曬住太陽咁排隊其實都幾辛苦。店舖環境偏向簡潔裝修, 店面只有十零個位, 確實係精緻小店無誤。。。我叫咗二悅紅燒牛肉麵加蜂蜜菊花露, 另外仲加咗個手工肉燥燙青菜, 全店只有一男一女招待, 男既煮麵, 女既點菜同傳菜, 係需要少少耐性等待的。野食黎到, 會見到湯底會另外一小壼上, 未加湯已經係牛肉蔥油乾拌麵, 一味兩食既方法, 完全解決哂我既選擇困難症。首先要食蔥油乾拌麵已經好好味, 蔥油好香, 牛腱同牛肚都好腍好入味, 再黎係加埋紅燒湯底一齊食, 湯底偏甜好重紅蘿蔔味, 非常濃郁。 但就一定要先享受咗蔥油乾拌麵先, 因為加咗 湯底會遮曬啲蔥油味, 但都好好食我個人係喜歡偏甜既紅燒牛肉麵, 所以二悅好啱我, 下次去元朗都會諗起食牛肉麵💕…查看更多

元朗吉列牛隔離間台灣牛一直都想試埋佢 呢日中午經過竟然兩間都冇乜人 唔洗排成個鐘先食到😎🤟🏻店員話紅燒牛肉湯係喺牛骨濃湯之上再加入唔同材料黎熬煮 所以比較深色香濃重口味😈 先飲一啖 幾rich幾濃厚 絕對唔係平日稀liaoliao既感覺 仲有蔬菜既甜帶微辛🔥牛腱牛肚各有兩件 牛展超級厚肉的 一咬落去係超軟熟 筋位煮到好淋好膠好啫喱! 比我搵到少少坐忘既感覺😇 邊位仲有d脂肪 連埋牛肉湯一齊飲好正😍 迫不及待試埋第二舊 可惜冇頭先果舊咁多筋位咁神級 肉質亦都冇咁軟淋 即刻由天堂跌返落人間🙈 不過都幾入味既 牛肚相對上薄身 爽彈唔韌幼身麵條軟硬適中 就算加左湯黎食 個麵本身撈左鹹鹹地既醬汁味道慢慢滲入口 想像到唔加湯就咁乾食都好惹味😋 (太衝動落湯 其實應該落湯之前先試啖麵) 個紅燒湯同就咁飲相比亦有另一番風味然後友人係我食完走左冇幾耐之後係冇夾過之下黎呢度食左個白雪雪清澈d既牛骨濃湯 佢話仲正過紅燒牛肉湯 只差一點點我就可以順便偷飲啖試下🤣…查看更多

二悅。真係唔知這間小店有什麼魔力，晚市一到，六時正立刻排隊，結果花了足足兩個小時，七時五十五分才可入座，而且在未到八時，已經截龍。這店子小小，約只有十個座位。裝修簡潔的現代風格，空間狹小，有點兒肩並肩坐的感覺。二悅供應就只是牛肉麵，分別有紅燒或濃湯麵、肉燥乾拌麵同蔥油乾拌麵，價錢由$58-$62. 除牛肉麵外，還設有十款簡單小吃,有花枝丸、肉燥青菜、茄子同雞翼等等，全是台式風味。二悅紅燒牛肉麵$68這個牛肉麵賣相吸引，麵上有大大件的牛腱及牛肚，湯以茶壼盛着，分開上。這樣的安排，可按個人口味吃拌麵或把麵放湯，一麵兩吃。牛𦟌厚度十足，帶肉香，炆得軟腍入味；牛肚也唔差，帶一點咬感又唔會韌。麵條是幼身的，口感軟滑又帶點醬油味，其實乾拌麵條的味道已經唔錯。這個紅燒牛湯味道濃香，用上兩小時熬製，牛骨味濃，帶一點豆辧醬的辛香，又唔油膩，配上麵條，十分惹味可口。二悅濃湯牛肉麵$68相對紅燒牛肉麵，這個濃湯有點兒比下去。牛𦟌沒有紅燒汁的調味，顯然清淡。牛肚本身有調味，帶一點嚼勁。清湯味道清淡，帶點牛骨的鮮同蔬菜的甜味。若是單飲，味道唔錯，但當拌麵遇上清湯，味道就淡淡然的，沒有紅燒湯咁惹味。手工肉燥燙青菜$22這靑菜都幾嫩份量唔多，手工肉燥沒有味精，味道天然。整體感覺良好，牛肉軟稔，紅燒湯頭濃香，味道和六両三差不多，水準中上，加上價錢實惠，又沒有加一，支持小店，值得一訪。…查看更多