星海．譽宴 (鱷魚恤中心) (已結業)

Happy Friday! 今晚收工去食好野，地點係觀塘嘅譽宴 • 星海。星期五晚飯時段黎到，人山人海，好彩有訂位。廢事諗，叫左個餐，包好多野食，分別有脆皮燒乳鴿一隻，黑蒜螺頭燉雞湯兩盅，杭州香醋一口骨，黑椒金薯牛仔粒，乾隆石鍋炒飯，同精選甜品。每位$328另加一，茶芥已包。脆皮燒乳鴿脆皮燒乳鴿一隻開邊，上枱嘅時候見到隻乳鴿出哂煙，果然係新鮮熱辣燒起。乳鴿皮脆而肉汁豐富，唔洗點另上嘅喼汁都夠味，我特別欣賞佢唔過鹹。黑蒜螺頭燉雞湯黑蒜螺頭燉雞湯原盅上，熱辣辣，要擺一陣先飲得。先飲一啖湯，超香濃黑蒜味，甜甜哋好正。湯料足，黑蒜㷛到稔哂，又有螺頭同好幾舊豬肉同雞肉，我清哂全部湯料。杭州香醋一口骨(例)杭州香醋一口骨份量好多，眼見嘅都係骨冇配菜，全部食得，啲骨有大有細，都係一口食得哂。個皮係脆嘅，而入面有軟骨有硬骨，細軟骨都食得，肉嫩而味道甜甜酸酸，好好味。骨上面仲撒上果皮絲，伴碟仲有鮮花，賣相不俗。黑椒金薯牛仔粒 (例)牛仔粒都好多，食落嫩口又有牛味。其他配料就有三色燈籠椒，洋蔥，爽又稔嘅菇粒，蔥，同軟稔薯仔粒。呢味餸黑椒味極重但唔過鹹，又有多重口感。乾隆石鍋炒飯 (例)乾隆石鍋炒飯果然成個石鍋上枱，足足有5至6大碗飯。飯粒分明，食落煙煙韌韌，配料有唔少帶子，完全唔韌，仲有翠玉瓜粒，蛋花，瑤柱絲，蔥花，食落好香帶子同香蔥味。鍋邊仲有少少飯焦。精選甜品精選甜品係桂花豆沙糕。桂花同豆沙呢個組合好似好少見，但係原來食落都幾夾。桂花糕冰凉清香，中和左中間嗰一層豆沙餡嘅甜味。招牌白胡椒蟹 $298 另加一另外叫左我地最愛既招牌白胡椒蟹，晚市震撼價$298，真係好震撼，見到隻蟹仲震撼，比我之前喺度食過嘅仲大隻。首先好大個蟹蓋，蟹鉗同蟹腳都勁多肉，而啲肉係非常鮮甜多汁又嫩口，都有蟹膏食。個白胡椒汁調得非常好，服務員上左隻蟹之後先淋碗汁上個鐵板，即刻就聽到吱吱聲同出哂煙，胡椒味唔過濃而又可以適當咁帶出蟹嘅鮮味。呢味招牌白胡椒蟹真心大推，我見好多人都有叫，識食。紅豆沙食完仲有糖水送。紅豆沙超熱，㷛到起哂沙而仲有粒粒紅豆食吓，甜度適中，為呢餐劃上圓滿句號。今餐所有餸都好食，特別係招牌白胡椒蟹，兩個人食到好飽，捧住個肚返歸。…查看更多

同個客食中式午餐，當然要豐富啲，點心小菜炒飯就唔失禮。燒味拼盤有脆皮燒腩仔，海蜇，叉燒，燒肉，燒肉個皮認真卜卜脆，海蜇又爽又香有麻油味。脆皮咕嚕肉配菜用上鮮甜菠蘿，焦糖脆皮咕嚕肉加上啖啖肉，咬落有豬油香同焦糖香但唔會有肥膩感。呢個餐仲包有埋點心拼盤，蝦餃、燒賣、菜苗餃、白糖糕，蝦餃同燒賣呢啲貴價點心做得幾好，蝦鮮而且大隻，每樣點心有2粒，夠哂過點心癮。咬落無渣夠嫩口嘅欖菜肉鬆四季豆，咸香好味，唔油有少少鍋氣，唔錯。乾隆石鍋炒飯可以自己炒到鍾意嘅乾濕度，有帶子、瑤柱、蝦粒、脆肉瓜粒，有海鮮味有石鍋焦香味，好得體。…查看更多

阿媽話同阿姨食過呢度海鮮好新鮮好味，請我同老豆黎食海鮮喎，嘩！果然晚飯水準幾唔錯，尤其係海鮮。阿媽話滋補湯水正，叫左黑蒜螺頭燉雞湯，超濃黑蒜味呀！未飲過呢種湯，真係飲完成個人滾起來😂。酒樓食海鮮必叫，登登登登！上湯澳洲龍蝦伊麵！目測不只半斤重，油泡過龍蝦肉質更香更爽口，師傅仲爆好哂d殼，好易食，差不多全部都唔洗自己再鉗開，伊麵底滲入哂龍蝦同上湯所以鮮味十足好好食。阿爸最like呢個杭州香醋一口骨，每一口都有醋香，外層脆脆又甜蜜嘅味道，嫩肉口感，開胃又好味。熱辣辣石鍋上檯乾隆石鍋炒飯，炒兩炒令飯更香更乾身。裡面有帶子、瑤柱、蝦等等，我地專登擺耐d先食，食埋鍋飯帶鮮味嘅飯焦。黑椒金薯牛仔粒除左有金薯仲有菇，全部切細差不多size一粒粒，黑椒味同少少蜜糖味包住薯仔粒同惹味牛仔肉粒，好好餸飯。為食嘅我忍唔住再叫隻脆皮燒乳鴿，香噴噴又惹味，飯後食埋紅豆沙，正！…查看更多

呢間酒樓主攻中西式婚宴市場👰所以食物定價為中上水平。今次悲傷小姐就揀咗$318/位嘅午市行政套餐，既可以每樣試到少少，又可以慳番時間諗食咩😁💗點心拼盤4款點心包括：🦐蝦餃嘅水晶皮都算薄，裡面啖啖蝦肉，配上爽脆筍粒，食落彈牙鮮甜。🍄燒賣包咗偏瘦嘅豬肉，冇咁肥淋淋，仲有彈牙嘅蝦仁同冬菇粒，咬落爽口鮮滑。🥟潮州粉果內餡有豬肉碎、蝦米、沙葛、菜脯等，非常有口感，而外皮亦口感煙韌🍰穀麥糕口感有d似白糖糕，軟糯得嚟好有彈性，食落帶微微白糖嘅清甜，但燕麥味就較淡。💗燒味拼盤🥓明爐叉燒肥瘦適中，入口軟腍，食落肉味香濃，帶蜜汁香甜。🐷燒腩仔，外皮香脆，三層肉肥瘦分明，唔會肥膩，味道鹹香d就更好。🌶涼拌海蜇，口感夠哂爽口彈牙， 帶淡淡嘅麻油同香辣。💗豐料老火湯猴頭菇雪耳紅蘿蔔豬骨湯🍲性平味甘，有健脾養胃功效，適合所有人士飲。湯料非常充足，所以飲落特別清甜唔燥熱，完全冇味精，而且清澈唔油，連湯渣都好好食🥕💗杭州香醋一口骨排骨炸至外皮香脆，內裡肉質少油脂但唔會硬，鮮嫩肉味濃🍖掛上濃稠嘅香醋汁，拉起有拔絲嘅感覺，香醋汁唔會過份嗆口，帶醇香嘅甘味，酸甜比例平均，食落非常開胃，仲伴有炸薑絲減低油膩感😋💗乾隆石鍋炒飯以石鍋上枱，除咗保持熱辣辣外，底下仲結成飯焦，食落焦香同脆卜卜。炒飯夠哂火喉同鑊氣，飯粒分明入口，乾爽唔油膩。加上非常足料嘅帶子粒、瑤柱絲、翠肉瓜粒同蔥花🥒令到整個飯富有口感同鮮味 。醬汁均衡入味，香口惹味🍚💗精選甜品陳皮紅豆沙煲至濃稠，搞到底都唔會變水。紅豆大大粒好圓潤，預先浸得夠透，食落好綿滑。湯水重紅豆味，帶微微果皮香，中和整體香甜度🥣…查看更多

同媽咪去飲茶，呢個午市套餐包哂茶芥，點心小菜炒飯老火湯甜品乜都有，媽咪好鍾意，Yeah!環境舒服，天氣涼d坐室外好開揚，一定好正。燒味拼盤有半肥瘦叉燒、脆皮燒腩仔、彈牙海蜇，水準幾高。豐料老火湯，乜東東湯呢？有藥材味，好多湯料，似媽媽靚湯，媽咪都話好飲。點心拼盤有蝦餃、燒賣、粉果、燕麥糕，料足，尤其是蝦餃，好大隻蝦，燕麥糕味道似似地白糖糕，煙韌口感，好味！乾隆石鍋炒飯，材料有乾瑤柱、貝柱、脆肉瓜等等，石鍋保溫之餘，令到炒飯乾身又有少少飯焦，唔錯。不可錯過呢味杭州香醋一口骨，外皮脆糖口感包圍住排骨肉香，size適中，上碟精美，超級勁飽又好味。及後先醒起唔記得叫人上甜品就埋單走左，佢d甜品好精緻架，蝕哂😭！…查看更多

疫情轉趨穩定，想去環境好一點的餐廳慶祝一下，第一時間想起這裡大廳有一道50 呎海洋生態水族長廊，配合型格時尚的設計，營造一股海洋主題的獨特氣氛甫坐下侍應便放下一盤新的熱水和夾子讓我們為食具消毒！更難得的是每一道菜也為我們分好每人一份，防止交叉感染前菜燒味拼盤有叉燒、腩仔及海蜇！腩仔燒得香脆！海蜇惹味！當中最好吃的是甜甜的半肥瘦蜜汁叉燒黑蒜螺頭燉雞湯味道濃郁、甜中帶清！能增強免疫力、滋陰補腎杭州香醋一口骨每一口都酸甜鬆軟有醋香，更伴有薑絲減少油膩感黑椒金薯牛仔粒的牛柳微辣、薯仔粒外脆內軟，口感不錯乾隆石鍋炒飯粒粒分明、 軟硬適中 ，加上貝柱， 十分鮮味飯後甜品陳皮紅豆沙軟腍起沙，清甜帶陳皮香值得一提的是露台有一個小清新庭園，食客可隨時呼吸到新鮮空氣…查看更多

疫情期間去酒樓食，其實都令人安心的，因為每木台之間的距離好大。今次同客人來官塘譽宴，兩個人坐了在台前的2人枱，真係好好的安排。午餐時間都唔少食客，不過空間足夠，所以空氣流通而且坐得舒服。午市套餐$318/位全包，見都幾多野食，就費時傷腦筋了~先來一個點心拼盤，都幾精緻，而且都有四個款式。熱騰騰都好好食，特別蝦餃做得唔錯，皮薄蝦好爽。之後來個燒味拼盤，好似西餐咁分了兩份，有燒腩仔、海哲及叉燒，我最愛燒腩仔，個皮好脆。而且唔太肥，好食。再來一個豐料老火湯，哇有花旗參味呢，另外有大雪耳，好滑而且湯又唔油，午餐有個湯飲，即刻升格左好多。杭州香醋一口骨，酸酸的好好送飯，排骨香脆可口，而且味道好開胃，配上乾隆石鍋炒飯，令人好滿足呢~呢個就是乾隆石鍋炒飯，好大鍋~而且都好多料，炒得好干身，飯好爽口，而且元貝又多又甜，高質的炒飯~!實在太大份，為免浪費我地打包了~~~甜點有椰汁糕，輕輕的剛好中和了之前食的炒飯。捧住肚子，呢到好坐食物質素都高，是午餐宴客好地方。…查看更多

之前吃過銅鑼灣的譽宴，很是喜歡他們的食物。這次來到觀塘這家，感覺裝潢沒那麼堂皇但有室外空間很舒適呢！我們點了套餐，食物都分開上的，比較衛生！點心拼盤點心拼盤適合兩位，有時分開叫三件四件試不了太多。燕麥糕、蝦餃、潮州粉果及蟹籽燒賣皇各兩件。第一次吃燕麥糕原來有點煙韌，微甜。另外幾款都夠足料，不錯。 燒味拼盤海蜇微辣，爽脆，好開胃！腩仔皮夠脆，肉質夠嫩夠厚身。叉燒蜜糖味香，夠腍身。豐料老火湯一份例牌湯份量也不少，大概有七碗。猴頭菇及雪耳滋潤，較清淡，不錯。杭州香醋一口骨一口骨夠脆，香醋入味酸酸的，很香口，又不會太多骨，不錯！乾隆石鍋炒飯炒飯夠粒粒分明，味道不錯，還有很多貝柱。放在石鍋內真的吃到最後也是暖暖的呢！椰汁糕最後再來椰汁糕，上面的啫喱夠彈牙，甜甜的，完美！…查看更多

呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。乾隆石鍋炒飯🍚，我完全估唔到個飯係一人一個石鍋囉‼️，一個石鍋已經分到每人兩個碗仔...，所以我哋打包咗一個走🙈。除咗份量夠之外，個飯真係滿分之作，因為飯粒炒到好乾身，粒粒分明，連呀媽都讚不絕口。再者，飯入面有勁多粒一口帶子仔同瑤柱絲，一啲都唔孤寒。最後，精選甜品係紅豆沙，呢個就正正常常啦，夠多豆。我哋食埋甜品，非常滿足😊。除咗食物同環境外，呢到嘅店員全部都好好禮貌，服務好好；特別有位短頭髮呀姐，真係好細心，好熱情👍。總括嚟講，依餐飲宴般嘅午市套餐真係不得了，最緊要係呀媽鍾意，食得開心❤️。下次我會同佢嚟食點心，價錢幾相宜。另外，餐廳仲有做啲晚市六人／十二人餐，好似都唔錯。我哋離開餐廳時，再望下室內個環境確係幾靚，相信係一個宴會嘅好場地啊！…查看更多

辛苦工作了一個星期，終於捱到Happy Friday啦 ，為咗慰勞自己，今餐食好（豪）啲，同家姐去了裝修華麗，又近地鐵站嘅譽宴·星海觀塘店，門面幾高檔，室內有大型水晶燈飾，瑰麗奪目，仲有一個露天花園，作為婚宴場景都幾靚。$468套餐（每位），包茶芥，免+1服務費，包括燒味拼盤、燉湯、鮑魚盅、蛋白蝦球、炒飯和糖水，超豐富。燒味拼盤包括叉燒、腩仔和海蜇，叉燒醃得好夠味，蜜汁甜甜哋，很好食，燒腩仔皮都算脆，海蜇幾爽口。黑蒜螺頭燉雞湯，抗疫時後食黑蒜最適合不過，可增強免疫力，加埋螺頭燉雞，滋補又養生，湯味道很濃，黑蒜沒有大蒜的濃烈氣味，比較容易接受，我一向不吃大蒜，都不抗拒這味道。玉環鮑魚盅，鮑魚咬開，慢慢細嚼，散發著鮑魚香味，餘香令人回味。西施蛋白蝦球，賣相很精緻，蝦球爽口彈牙，蛋白滑溜十分好食。乾隆石鍋炒飯，用石鍋盛載，炒飯更加熱騰騰，帶子、瓜粒，加上蔥粒，炒得很有鑊氣，而且不油不乾 ，香氣撲鼻，食落很惹味。紅豆沙糖水，有微微的陳皮香味，水準不錯。環境、衛生、服務和食物質素都很好，而且價錢比預計中更抵食，不妨試試。…查看更多

在疫情之下都要返工見客， 見客的地方就選擇我們經常到的觀塘譽宴 • 星海， 因為老闆 對這裏印像很好， 喜歡酒樓環境舒適， 食物質素好，店員服務周到。 今次仲比我發現這裏的防疫措施做得好足， 首先排隊搭電梯上鱷魚卹中心的時候已經有體溫檢測， 到酒樓門口再做多一次體溫檢測， 感覺安全很多。 坐低不久店員就為我們送上一盤消毒專用水， 令到客人更加安心在這裏用膳。 今次因為見客所以都是點商務套餐 （燒味拼盤（叉燒，燒腩仔，海蜇），花膠元貝燉螺頭，西蘭花炒帶子蝦仁，西施龍躉球，乾隆石鍋炒飯和精選甜品。 ），大約價錢$468一位， 已包括茶芥和加一。 ❇️燒味拼盤 🤩～蜜汁叉燒肥瘦適中，燒腩仔外皮脆脆的， 海蜇惹味爽口。✳️😋 ❇️花膠元貝燉螺頭😍～ 足料靚湯， 材料有 肥厚的花膠，瘦肉，雞肉，螺頭，元貝，紅棗和杞子， 滋陰補健有益健康。 ✳️ ❇️西蘭花炒帶子蝦仁～ 爽甜的蝦仁和鮮味的帶子鮮甜，正。 ✳️ ❇️西施龍躉球～ 肉嫩鮮味的龍躉，還有燉蛋白非常滑。✳️😋 ❇️乾隆石鍋炒飯🍚～ 香噴噴的石鍋炒飯， 鍋底還有脆卜卜的飯焦，超好吃的。 ✳️ ❇️精選甜品～ 陳皮紅豆沙甜度適中， 令今餐畫上一個完美的句號。✳️ 其實之前已經寫過譽宴的食評， 就是因為看見這裏的防疫措施做得很好， 真是值得一讚再讚！ 在疫情之下個個都鬱在屋企， 難得可以出街鬆一鬆又擔心餐廳衛生方面的問題， 見到譽宴細心地做足安全措施， 怪不得在這逆境之下還有這麼多客人光顧啊！💯…查看更多

呢晚同媽咪落觀塘撐枱腳，媽咪想食中餐，我之前同朋友食過譽宴覺得好好食！呢晚就帶埋媽咪試試。最近大家都好努力抗疫，呢到暫時係我食過為抗疫做得最好準備嘅食肆。入門前量度體溫呢啲基本嘢當然有做，而且安排座位細心，每枱客隔一張枱，好有空間，另外仲煲定一大盤滾水俾我哋消毒餐具，真係好貼心，令人食得好安心。🌪招牌白胡椒蟹呢個白胡椒蟹真係好正！一上菜已經聞到好香！好有鑊氣！隻蟹大大隻，好多肉，特別係隻蟹鉗食落啖啖肉，仲有肉汁，而且佢哋嘅白胡椒香氣十足，好惹味！下次絕對要再返嚟食過！🌪燒味拼盤(叉燒/腩仔/海蜇)叉燒肉味香濃，好juicy😋腩仔外皮超鬆脆；而且腩肉肥瘦比例適中，油脂甘香又會唔會膩；海蜇爽脆彈牙，少少辣好開胃。🌪花膠元貝燉螺頭燉湯味道濃郁，非常足料，每啖都係精華所在！湯底清，冇咩油份。花膠元貝夠腍夠入味！有埋螺頭，唔怪得啖湯寧舍清甜！🌪西蘭花炒帶子蝦仁賣相擺盤都唔錯，帶子蝦仁鮮味十足！帶子嫩滑，蝦仁彈牙！西蘭花爽脆夠味。🌪西施龍躉球龍躉蒸蛋白，睇到都覺得好有骨膠原。龍躉肉質結實，口感嫩滑，而龍躉下嘅蒸蛋白，吸收哂龍躉嘅鮮味同肉汁，滑溜之餘好有鮮味。🌪乾隆石鍋炒飯炒飯炒得乾身香口，配埋熱辣辣嘅石鍋，真係好啱冬天食。炒飯用料豐富，鍋底仲有啲脆脆飯焦！好正！🌪紅豆沙好有陳皮香氣，甜度適中，啲紅豆仲起哂沙，媽咪都食得好滿意，係咁大讚👍🏻…查看更多

平時去譽宴係公開場合晚宴多，原來朋友聚會都唔錯啊，因為質素高，地點又方便。花膠元貝燉螺頭湯🥣 十分濃郁，肉味好出，花膠同螺頭都剛好火候，既不會爛也不會硬。仲有乾瑤柱、雞、豬、紅棗、杞子，足料濃湯。❤️西施龍躉球🐟龍躉肉鮮味結實，底下蛋白似賽螃蟹，配上香菇同露荀，口感豐富！ 西蘭花炒帶子蝦仁🍤最愛海鮮，帶子超滑！而且新鮮清甜，大大隻。蝦🦐就彈牙，水準偏上。配菜燈籠椒，草菇、西蘭花🥦，色彩鮮豔，賣相吸引。乾隆石鍋炒飯每人一大石鍋碗，仲係常滿！份量俾滿分💯！ 我第一次食帶子蝦仁炒飯係可以有成十幾廿粒帶子同蝦！ 😳😳😳 勁👏🏻 爆趣仲有條生菜🥬舖底，防燶底同吸油👍🏻👍🏻 高招！ …查看更多

之前見客的時候到觀塘譽宴吃午餐， 對這裏印像很好， 喜歡酒樓環境舒適， 食物質素好，店員服務周到，所以今次帶屋企人來吃聖誕節晚餐。他們想試我上次吃的套餐 （燒味拼盤（叉燒，燒腩仔，海蜇），花膠元貝燉螺頭，西蘭花炒帶子蝦仁，西施龍躉球，乾隆石鍋炒飯和精選甜品。 ），大約價錢$468一位， 已包括茶芥和加一， 其實都幾抵食，所以唔使諗再食過。 上次我都有留意這裏有一個超大魚缸， 令到環境充滿活力， 屋企人見到也覺得好靚。❇️燒味拼盤 🤩～有叉燒，燒腩仔和海蜇， 蜜汁叉燒肥瘦適中，帶甜甜的蜜汁味。燒腩仔皮脆肉嫩， 海蜇惹味爽口， 三款味道都很好。✳️😋 ❇️花膠元貝燉螺頭😍～ 超級足料的燉湯，裏面有花膠，元貝，瘦肉，雞肉，螺頭，紅棗和杞子， 真材實料， 滋陰補健， 有益又健康。 ✳️❇️西蘭花炒帶子蝦仁～ 帶子鮮甜和蝦仁爽口大粒， 兩者都很新鮮。 ✳️❇️西施龍躉球～ 龍躉頭厚切肉嫩鮮味， 底層還有燉蛋白非常滑口。✳️😋 ❇️乾隆石鍋炒飯🍚～ 熱辣辣又香噴噴的石鍋炒飯， 我差不多一個人食曬一鍋， 超好吃的。 ✳️❇️陳皮紅豆沙 ～紅豆沙甜度適中， 紅豆沙煮到有起沙口感， 配上很香的陳皮味道，正！✳️譽宴的食物質素和服務態度很有水準， 今次屋企人咁鍾意，肯定好快會變成我們的飯堂了！😊💯…查看更多

一向愛吃日菜和西餐的我，今晚跟長輩吃飯，她多數要吃中菜，結果……今晚也不例外。對於去邊吃中菜，我真的沒有特別的建議，還是聽從長輩的安排。酒樓以紫藍色為主調，裝潢高貴優雅，一邊牆身是一個長長的水族箱，很美！主廳設有多張四人圓枱，地方位闊落，坐得舒適。翻閱餐簿，設計清晰。菜式分別有風味小食、滋養湯水、環球海鮮、海產推介、名廚推介、健康田園蔬、天作之合、石鍋飯粉麵系列、精選飲品、套餐和秋冬時令推介等。不知長輩想吃什麼？左翻右翻，也拿不定主意，部長就推介二人精選套餐（$468/位），已包茶芥和免收服務費，不錯的選擇!******************************長輩點了一壺普洱，茶色相當濃，她大讚味道香濃，很滿足！大家就喝杯茶，吃着香脆可口的花生等各菜式上枱。******************************先上燒味拼盤，有叉燒和燒腩仔各四件，還有一些海蜇。每件燒腩均有紅卜卜的燒腩皮，咬下去又脆又鬆，皮下肥膏和腩肉相隔，比例合宜。兩層油潤的肥膏夾雜嫩肉，最後便是鹹香的瘦肉，吃時蘸些芥末醬，更加滋味。輪到色澤紅潤的叉燒，邊位帶些焦燶。瘦肉比肥膏多，並不肥膩，正合我心意, 有肉香亦有咬口，不錯! 最喜歡是海蜇，每條厚度適中，口感不錯，挺爽彈，啖啖芝麻的甘香之餘，還帶點香辣，挺惹味，好吃!************************嘩! 熱辣辣的花膠元貝燉螺頭上枱啦! 以一個相當厚身的燉盅盛載上枱，保暖度佳，喝至尾聲也熱的，正！湯身清澈見底，並沒有泛光油，味道鮮香，入口順喉。究竟用了什麼食材能令這盅燉湯如此鮮香？數數看，有爽滑的花膠、鮮香的瑤柱和瘦肉、嫩滑的雞肉等等，落足料，滋補養生。當然不少得有燉至半腍身的螺頭，用料矜貴，味道鮮香美味，我倆都讚不絕口。**********************接着是西蘭花炒帶子蝦仁。西蘭花翠綠爽脆，味道清新；大大隻的蝦仁挺爽彈，而帶子就很嫩口。整體少油少鹽，相當合我倆口味。**********************期待已久的西施龍𧄌球終於出場。蒸蛋白上有件厚厚的龍𧄌球，淋上芡汁，配上翠綠爽嫩的蘆荀和爽口的菇片作點綴，賣相挺吸引。潔白的龍𧄌球挺厚身，啖啖肉，肉質嫩滑帶微爽，味道鮮味，最喜歡是那塊厚厚的魚皮，油潤兼富膠質，極討我歡喜，如果來多一件就好啦……龍𧄌球美味，西施亦同樣出色，即是蒸蛋白，滑嘟嘟之餘，亦嚐到啖啖蛋白香，伴上芡汁，味道剛好。**********************最後是熱度十足的乾隆石鍋炒飯，以一個厚身的石鍋盛載上枱，真的要小心燙手呀! 米飯炒得乾身，粒粒分明，並不油膩，讚！配了雞蛋、蔥花、翠肉瓜粒等，還有大量的瑤柱和元貝仔，用料豐富，滿滿一大鍋，好飽呀!******************************壓軸當然是精選甜品，今晚是補血健脾的紅豆沙，正是我的喜愛，是中式糖水中的好選擇。熱度十足，煲至起沙，內有不少腍身粉綿的紅豆，啖啖紅豆的香甜，若然減甜就更理想。-------------------------雖然我較偏愛吃日本菜或西餐，但其實只要餐店的菜式質素好，什麼菜我也喜歡，所以今晚這頓中菜也令我吃得很滿意。…查看更多