莆田 (荷里活廣場)

之前都來過這食店，覺得唔錯，前幾日（18/4/2024）又翻食。三個人，點了6個餸九轉小腸，見好多食評都介紹，平時少食內臟，都想要試下。豬腸清洗得好乾淨，無異味，咬落好有口感。莆田茘枝肉，啫喱肉配上茘枝肉食，無咁油膩，茘枝肉只有2件，多些更好。蟶子促銷，選了蒜蓉蒸海蟶及椒鹽哆頭蟶，兩款食法都好味，其他口味都試過，還是好喜歡食這兩款蟶子食法。黃金荷葉包（片），包好脆口，配上洋蔥肉絲，加上包面的芝麻，入口有多層味覺，好味。芋香鴨，鴨肉唔結實，好散，又少，芋泥唔香，麻麻。…查看更多

又到Happy Friday, 今晚丫媽話要做無飯主婦唔煮飯, 齊齊出街食飯, 原來佢知道莆田又推出一年一度海蠣節限定款式, 往年食過, 一直回味至今, 今晚一家人又再去開餐!餐廳環境闊落開揚, 坐得舒服, 平日晚人流都好旺, 晚飯時段全場爆滿。海蠣節供應六種款式, 除了單叫, 仲有雙併價, 滿足海蠣迷。我地另外亦叫咗幾款人氣菜式share食。 【莆田扁肉湯】HK$28/位呢款湯很有特色, 皮係以豬後腿肉手工打成, 超薄滑, 每粒包成細細粒, 正好一啖一粒, 餡料帶有豬肉鮮香, 但稍嫌紫菜湯偏鹹。【蝦苗頭水紫菜】HK$48一束束新鮮紫菜口感爽, 凍食酸尾尾好開胃, 加咗幾隻蝦苗做點驟。 【九轉小腸】HK$98豬腸卷得札實, 口感好爽彈, 鹵水醃得入味, 又唔會太重口味, 有小火興住, 暖暖地。 【莆田荔枝肉】HK$88即係咕嚕肉, 每粒咕嚕肉表面平均包住甜甜醬汁, 炸皮索咗個汁偏林, 肉質有彈性同富有肉香。 【福建海蠣煎】HK$119蛋餅煎得好薄, 突顯到海蠣份量, 每啖入口都有海蠣, 口感偏林身, 加入咗大量香蔥, 更為香口。 【莆田地道燜豆腐】HK$68豆腐冇加入石膏粉打磨, 食得健康; 豆腐混入了雞蛋、粉絲、洋蔥、蝦苗, 好林嘅花生, 豆腐口感唔係香滑果種, 味道帶有陣陣煙燻味。  【福建紅菇海鮮鹵麵】HK$118食材相當豐富, 湯底比較杰身, 鹵麵麵條索咗個湯底更入味軟身, 由於加咗紅菇煮, 整個麵偏粉紅色, 食材亦很豐富, 包括有兩隻爽口蝦、蟶子仔、豬肉片、豆卜仔、娃娃菜等, 足料豐富又飽肚。…查看更多

莆田喺新加坡過江龍，主打閩南菜，我哋一般好少食。是日經過，睇到餐廳堆出季節限定跳跳魚，因為從來未食過，所以就決定一試。坐落侍應先擺底茶芥，一碟醃蘿蔔同埋一碟酸菜，食落幾開胃。因為平時少食福建菜，所以花咗少少時間研究餐單，盡量選擇冇食過的菜式。九轉小腸 $98尼個豬腸好爽口，洗得乾淨，亦醃得入味，喺個好頭盤。蝦苗伴頭水紫菜 $48尼個喺個冷菜，味道微酸，紫菜入口即散開，都幾特別。香酥椒鹽跳跳魚 $138跳跳魚又叫彈塗魚，以前只喺電視上見過。餐廳有幾種唔同煮法選擇，我地就揀咗椒鹽。坦白講我對於魚嘅敏感度唔高，所以講唔出有乜嘢特別。但係可以講嘅喺師傅炸得好，條魚炸到外面酥脆而內面鮮嫩，唔油膩，而且咸度適中，幾乎可以原條就咁食哂落肚。白切羊肉 $138家人都喺羊癡，有羊肉必要嗌。尼碟羊肉味道鮮美，雖然俾咗蘸料，但喺就咁食能更加食到佢嘅原汁原味。香煎海蠣餅 $88尼碟喺個香口餸，選擇嘅喺小海蠣，肉質鮮甜，雖是香煎，卻不油腻，每口都能夠食到海蠣。砂鍋黃花魚湯 $138黃花魚喺餐廳嘅主打之一，幾乎枱枱都會嗌，因為已經要咗跳跳魚，所以我哋決定嗌黃花魚湯。睇到煲湯白色嘅湯底就知道係正，黃花魚嘅鮮味入哂湯內，一啲腥味都冇，啲湯俾我哋飲都一滴都冇得剩。瑤柱燴絲瓜 $78尼個餸喺個家常菜，絲瓜脆口，用瑤柱燴帶出佢嘅清甜，好好味。福建紅菇海鮮滷麵 $118從來未食過咁嘅滷麵，真係有啲驚喜。首先，佢有好多配料，有紅菇、蝦、白菜、青菜、花甲等，滷嘅汁稠密，唔咸，面身比較淋，喺我嗰杯茶👍今餐食咗千零蚊，以晚餐來講，咁嘅質素唔可以講佢係太貴。不過佢啲碟頭比較細，所以如果食量大的人就未必覺得佢係物有所值。…查看更多

屋企人請食飯 今次就嚟到莆田試下佢嘅新加坡菜今次係午餐時候入座 唔洗等位就有得坐我哋三個人揀咗個四人餐再加一份豬蹄凍($398+59)蝦苗拌頭水紫菜賣相已經加晒分 好多紫菜 清淡得嚟又爽口又精緻九轉小腸好好味 本身就好中意食豬腸嘅我一見到佢就充滿了期待 每一舊都好有咬感好有層次豬蹄凍同賣相一樣咁好味嘅豬蹄凍 爽口好味酥炒芋芯炒得好香 連唔中意食芋頭嘅我都要食返幾舊 因為每一舊熱辣辣嘅芋頭外層都薄薄的包住一層微脆嘅皮 口感非常好 先脆後就是芋頭肉 好掂大白菜燉軟豆腐好大煲嘅湯 三個人完全飲唔晒剁椒蒸黃花魚估唔到魚有两條魚肉好滑 做得好入味莆田滷麵又係份量超大 ok好味道餐跟芋圓花生湯好清甜 好濃嘅花生味 用芋圓花生湯做甜品好特別 好有新鮮感其實三個人完全食唔晒平均每人$150左右 有咁多靚小菜 本人覺得物超所值…查看更多

一年一度到鑽石山墳場掃墓，以往就會晌返附近搵食，今次就同家人落咗荷里活廣場食晏。認識福建菜、福建嘅食材，都喺始於「莆田」，其實，晌香港賣福建菜嘅餐廳都屬小眾，唔似得京川滬呢幾個菜系。故此，帶佢哋試試咩喺福建菜，不經不覺，佢已經喺米芝蓮一星餐廳。呢家分店幾年前都有幫襯過，店內環境骨子古雅，餐廳源自新加坡，故又有點點馬來懷舊風。因為我哋都嚟得早，出面大堂位差唔多坐滿人，而裡面陸續先開始慢慢有客。無論鋪面，還是枱上，都有介紹福建產嘅蟶子，比慣常食海鮮所見嘅蟶子短啲，但就肥啲，既然喺推廣緊，都點咗一客試試。不過好搞笑，餐牌印有8款食法，但點菜時店員話只得冰爽酒糟蟶子及薑蔥炒蟶子兩款，真喺有少少理解唔到。原本我哋嘅心水喺鐵板鹽焗蟶子，唯有退二求其次，揀咗薑蔥炒蟶子。九轉小腸 $79呢道前菜喺「莆田10醉」之一，喺頗有特色嘅心機菜嚟，點解？將啲豬腸去晒內壁肥膏，一圈又一圈捲成，正所謂九轉之意喇。故此，食落有少少爽爽哋嘅感覺，加上滷得入味，就算喺大腸，都絕不邪惡。薑蔥炒蟶子 $99以薑蔥炒都喺處理海鮮嘅好做法，一碟望落去好似唔喺好多，但都已有十多隻，且勝在啲蟶子肉真喺頗肥美，有肉地，亦都挺鮮甜，帶有薑蔥嘅香味。酥炒芋芯 $89芋頭嘢一向喺老婆嘅至愛，所以，點一客嚐嚐。唔似賣相似似哋潮州菜嘅反沙芋，就連味道都有啲似添。據介紹，雖然叫炒芋頭，但做法卻喺先煎，再炸，然後以沙糖再兜炒，故此，入口外層有份香脆感，而內裡芋香酥化，怪唔之得咁似。馬來風光 $78加多道蔬菜平衡吓，講特色嘅呢道「馬來風光」名就夠特別，其實就喺炒通菜，不過用上馬來西亞嘅參巴醬，所以，啲菜食落鹹香而微辣，非常惹味。仲有，食剩啲醬唔好嘥，等陣用嚟撈米粉都正。興化炒米粉 $78興化炒米粉喺店家另一道招牌菜，特別在於米粉超幼細，所以，專登點嚟俾家人試。再食，都保持到水準，啲米粉幼細得比天使麵仲要幼，頗似「超力」嘅銀絲米粉，粉內混有蝦仁、蜆肉、紫菜、花生、西芹等等，食材豐富，撈埋上面啲參巴醬，好食。餐廳嘅環境本身都幾舒服，招呼唔錯，茶錢$9位（好香嘅菊花茶），小食$9（酥炸頭水紫菜），價位都OK，重點喺有啲特色菜俾到大家試吓嘛！…查看更多

蝦苗拌頭水紫菜做頭盤，冷吃，酸酸甜甜很開胃。九轉小腸，份量不多，很入味，多吃幾粒都不會膩口，下次都要再點😋糖醋皮蛋，普通至極。酥炸馬鮫魚雖然香口，但沒什麼魚味，勝在啖啖肉。酥炒芋芯，誠意推介👍🏽糖霜包著芋頭蓉來煎，甜度恰到好處，手工菜。大白菜燉軟豆腐，普通，湯下了很多味噌。乾炸荔枝肉是哥哥仔的誠意推介，外貌平實到不得了，咬下去有些汁，不俗。不是潮州那款高溫炸的蠔餅，這個是煎的，蠔很多，每一口都有，沒有炸的膩口感覺，喜歡👍🏽金銀蛋菜咁上下，其實味道不錯，但菜太老所以扣分。興化米粉，外貌很麻麻，但推介🤭這個綠豆蒸粿甜點很香綠豆味，老人家大愛。黃金京粿，用糖霜包著粿，似乎用糖霜是這裡的慣常做法🤔上面那粒是提子乾。順帶一提，有位哥哥仔叫Ben服務態度很好，謝謝。有問題及需要幫忙只有他幫到手。其他嬸嬸們答完同沒答一樣👍🏽有個更直接說：「我去廁所，唔得閒」，不得了🙊🙊…查看更多

是日同媽咪級長老一起晚飯，第一次試福建菜，原來福建菜是咁的....同廣東菜差不多所以都岩口胃。must食黃金荷葉包，佢好似山東肉夾膜咁既夾餅。先係外脆內軟的包（有啲似炸饅頭），再自己切開放肉絲入去，其實唔放都已經好好食，難怪要$26個。記住一定要襯熱食！福建滷面此面浸於濃濃的漁湯中，個湯杰來唔會黏口，啲料都好多，有蝦有蜆有肉有🍄，係好足料既，唔食飯都一定要食。九轉小腸雖然唔明係咩9轉，睇腸入面真係好多轉既。個腸唔蘇又乾淨，親戚用脆來形容，係既，佢唔係外面車仔面果種淋。事實上佢無咩味，咁先食到佢既原味。仲係怕既朋友就可以加少少辣醬，包你話好味！仲有個好似加左荔枝去整既咕嚕肉，不過不失無特別！…查看更多

好耐之前食過一次，覺得幾好食，今次見佢有紫菜Menu，所以去試下。頭盤先黎個冰鎮南日鮑！口感真係一流，煙煙韌韌咁，又唔會咬極都咬唔開。加少少青檸汁，成會鮮味出既黎！雖然價錢就高左d，不過咁高汁，值呀！咦個上次食完之後返尋味，一坐就第一時間落左先！每啖咬落去都有一層一層被分開既感覺，真係從來未咬d點咁彈既小腸嫁！成碟野冇乜花巧嘅調味，但就因為咁，保留住腸嘅香味係入面！每一啖都好似食緊小腸嘅精華咁。而且係癖走異味方面亦落左唔少功夫，所以完全冇餲味或內臟嘅異味！味覺又調和得岩岩嫁，加埋少少酸辣汁，真低世界級！從來未試過食到紫菜好感係咁好嘅！每一啖放入到口都會散開，好似慢慢咁樣溶化，而且有好有咬口！唔知有得食魚蛋粉嗰啲cheap雞紫菜咁，佢係非常嫩口同順滑。仲要撈咗少少蝦苗落去增加口感！調味上酸中帶甜，雖然食到少少芫荽味，不過就算好怕西味嘅我都接受到！強烈建議大家試一試！特別係食其他嘢前，真係開胃到飯都扒多兩碗。咦個又係食過番尋味既！外面層炸皮非常薄，但係仍然好脆，內層嘅肉亦非常嫩非常鬆軟！傳說中外脆內軟就係咦啲！可能平時食嘅咕嚕肉都係cheap雞野，所以佢算係我食過最好食嘅咕嚕肉！醬汁除左係咕嚕肉嘅酸甜味外，仲會滲出淡淡嘅荔枝香味。同肉嘅味道同酸甜味非常配合，外層嘅脆皮亦成功鎖住內層嘅肉汁而且唔會比酸甜醬搶晒所有味！食到連汁都食得乾乾淨淨！…查看更多

莆田~👅都有幾個月無嚟食過，水準一樣。食物：❤❤❤魚湯，豆腐，淆肉九轉腸，湯麵，椒鹽豬手南瓜紫薯，燉雪梨，薄荷枇杷膏。味道依舊，最推介係魚湯，之後湯麵，九轉腸，椒鹽豬手，不過食完都仲係好口乾。甜品都正常但唔算特別好食。份量：❤❤每樣都好細，4人還可以，多人真係唔多掂。環境：❤❤❤好多卡位，坐得幾舒服。抵食：❤❤❤計番每人200左右，都合理。服務：❤❤❤可以，但啲野真係嚟得好慢，個九轉腸係啲野嚟齊晒再叫甜品個陣吹佢哋先到。…查看更多

認識莆田，是因爲在地鐵站看見大幅跨牆廣告上一句與別不同的宣傳標語「莆田哆頭蟶  食蟶新地標」，那蟶子是有很多個頭的嗎？而兩句重覆用蟶字，我這文字控看來又份外礙眼；加上廣告標榜蟶子有好幾種煮法，一直想大吃一頓蟶子，所以即使尖沙嘴店客滿，也訂到鑽石山店來。仗著新加坡店是去年米芝蓮一星，星期六晚自是人滿為患，就算訂了位也要稍等。這裏的菜式很有趣，是新加坡人開的閩菜，既有福建本色，又有些東南亞菜的影子，再添了幾道創新的菜式，很多餐點我也想試。其中一位飯友突然吃素，故此除了人氣的九轉小腸、椒鹽豬手和興化米粉，我們還點了蝦苗拌頭水紫菜、冰浸苦瓜和酥炸芋芯。至於主角蟶子，我們選了最能保留原味的煮法：花雕蒸。蟶子菜式只在盛夏供應，原來哆頭村是福建莆田市一個盛產蟶子的地方，真是孤陋寡聞。九轉小腸由一個小火爐暖著以免油脂凝固，小腸一層套一層令柔靱豐腴的鮮香加倍，功夫十足，值得一試，不過吃久了還是會有一點膩，最好與多些人分甘同味。冰浸苦瓜擺盤富心思，附上一些蜜糖蘸著吃剛好。據説每年首輪收割的紫菜才能稱爲頭水紫菜，一年只有七天收割期，蝦苗拌頭水紫菜帶一點酸，是不錯的開胃菜。椒鹽豬手雖然香口，但纍纍的皮與骨只夾著一點點肉，吃著吃著相當膩，也顧不得要補充骨膠原了。興化原來是莆田的史稱，興化米粉要趁熱吃，不然面上的紫菜瞬間濕掉變軟影響口感。花雕蟶子盛在燉盅裏，雖然廣告標榜大隻，但與港式大排檔用的大小還有一段距離，一客有十多隻，酒香混和蟶子的鮮甜，乾淨無沙，性價比高。酥炸芋芯外脆内軟，火侯掌握得很好。飯友都愛榴槤，於是點了一人一客貓山王榴槤甜點，不過賣相好看有餘實料不足，同伴說不如乾脆吃一大塊榴槤算了。我的香茅凍不過不失，香茅味只一丁點，是下午已吃過甜點後的清爽選擇。因爲主食點得不夠，吃不太飽。還有不少餐點想試，有機會再光顧。…查看更多

這餐不是在我預期這麼好食，我覺得最好食的是：精美四小拼、香拌海蟄頭、上湯時蔬、竹笙海參羮、興化米粉及百秒黃花魚。精美四小拼最欣賞是九轉小腸，一層層很有心機，又沒有肥膏，可以放心食；香拌海蟄頭完全比我在其他食肆食更入味，由外到內都醃得時間足夠；上湯時蔬是金銀蛋莧菜，咸蛋黃完全溶了，每一口很有咸蛋黃香味；竹海參羹不會太多獻汁，有很多竹笙及海參，但有點不足的是胡椒花味太重；興化米粉用了很幼的米粉炒，不會覺得沒有味道，再配上食肆的醬汁，不是出面食到的炒米粉，還有是沒有油淋淋的口感；百秒黃花魚是必選的菜式，肉質鮮嫩、有甜甜地的味道、新鮮的黃花魚，不錯不錯。至於其他呢：辣汁啦啦我覺得沒有辣味，如果比我們平時食開的豉椒炒蜆，我會揀豉椒炒蜆；莆田荔枝肉其實我都唔知是什麼肉，因吃不出是什麼肉味，粉漿又太厚了；脆皮蒜香雞沒有蒜香味，與出面食的差不多；莆田滷麵及媽祖麵線，為何會一併寫，因佢地有共同嘅共通點，配料一樣，有蝦、肉絲、冬菇、小棠菜、魚湯，其實叫了三個粉都有蝦、肉絲、冬菇、小棠菜，沒有了什麼驚喜，另湯麵的麵質太淋了，沒有彈牙感，兩款湯麵的湯都食到麵的麵粉滲入湯裡，不是太好食。總括，部份的食物是唔錯的，但亦有部份的食物不是做得太好，相差太大了。味道當然是清淡，少油，是很健康的，但希望部份的食物能夠改善一下，食完後開頭是開心的，後尾是覺得一般咁啦:(！…查看更多

諗住帶baba mama食下新野，原本book左枱，星期六去到都因為太多人要再等多20分鐘入到去，其實佢啲阿姐好好人又有禮貌，前線人員都好盡心服務，不過個位類似女經理同男經理就冇咩禮貌落單時吹我講快d,叫佢又好似唔多想彩你咁囉嗦可能星期六太多人掛，不過這裡的魚湯就真的好好味。…查看更多

一直都想試呢間米芝蓮餐廳，而上個星期終於有機會星期五晚去，都幾多人，全場爆滿。即使book左位，都要等一陣。餐廳內大多數係圓枱設計，坐落比較逼。由於人好多既關係，好快就落單怕要等好耐😆今次三個人去，一共叫左五樣野食。九轉小腸呢度既小腸比出面食更實，口感特別椒鹽豬手椒鹽豬手好似係呢度特色菜，豬皮炸得好香脆，味道咸中帶辣，頗為惹味！而脆皮的入面更有溶化左既效果，口感一流！另外，仲叫左個酥鴨、包子同米粉。前兩者同出面食既差不多，所以重點介紹下好有驚喜既米粉！！米粉賣相並唔係好特別，但食落非常好味！！佢用既米粉唔係普通出面既款，而係更幼細！調味亦非常出色！！係全餐飯最驚喜既一道菜！全餐飯整體黎講都唔錯，會為個米粉而再黎！…查看更多

年三十晚，與家人來到位於鑽石山荷里活廣場的『莆田』吃團年飯。『莆田』是一間來自新加坡的米芝蓮餐廳，顧名思義主打福建莆田菜。由於店面不算很大，加上是三十晚，即使早已預訂，到達後也要等20分鐘左右才可入坐。還好座位寬敞，坐得蠻舒服。「蝦苗拌頭水紫菜」的水紫菜味道鮮甜，作為開胃菜一流。不過份量實在太少了，幾個人每人一小啖就吃完……「九轉小腸」用傳統的九摺式穿套方法滷製，賣相精緻，吃起來爽口彈牙，也無油膩感，值得一試。「媽祖麵線」又叫長壽麵，麵線口感類似米粉，不過較爽口彈牙。麵線加入了香菇、蝦、花生等食材，口感豐富，配上鮮甜湯汁，效果不錯。「瑤柱燴絲瓜」以雞湯和瑤柱燴製，但醬汁的雞和瑤柱味不太明顯，瑤柱粒份量也太少。跟其他菜色相比，這一道驚喜不大。「傳統海蠣煎」即是香港人愛吃的蠔餅，香脆可口，沾上餐廳秘製的辣汁非常惹味，不過蠔仔數量多一點的話會更好。「阿元香草雞」的味道有點像醉雞，另多了陣陣香草味；雞肉選用了雞腿部分，吃起來夠鮮嫩。「砂鍋魚湯」魚味香濃，魚肉也很嫩，由於加了杞子和胡淑，完全沒有魚腥味，令人飲完一碗又一碗～菜色份量雖少，但均是有特色的手工菜，吃得出用心製作。若不介意價錢較高，又想一嘗福建的傳統美味，這兒是不錯的選擇啊。------------------------------By alvahana…查看更多

口感 9.5/10小腸嘅口感真係一銀流😱彈牙得黎唔會韌，非常有口感！彈到可以用黎打乒乓波😍食到個個停唔到味道 8.5/10成碟野冇乜花巧嘅調味，但就因為咁，保留住腸嘅香味係入面！每一啖都好似食緊小腸嘅精華而且係癖走異味方面亦落左唔少功夫，所以完全冇餲味或內臟嘅異味！抵食 7/10啲份量真係少得可憐隻碟就大到Hihi，但係啲腸就得十舊到一人幾舊冇晒！想食多舊都唔得😭仲要咁岩之前👅食過啲十蚊串嘅豬大腸搞到相比之下真係好貴！不過真係幾好食，所以值嘅☺️口感 9.5/10外面層炸皮非常薄，但係仍然好內層嘅肉亦非常嫩非常鬆軟！傳說中外脆內軟就係咦啲☺️可能平時食嘅咕嚕肉都係cheap雞野，所以佢算係👅食過最好食嘅咕嚕肉😋味道 9/10醬汁除左係咕嚕肉嘅酸甜味外，仲會滲出淡淡嘅荔枝香味😍同肉嘅味道同酸甜味非常配外層嘅脆皮亦成功鎖住內層嘅肉汁而且唔會比酸甜醬搶晒所有味！完成度真係幾高😋抵食 6.5/10雖然真係幾好食，不過價錢真係...加上又係份量唔係好多，所以要抱住一個重質不重量貴精不貴多嘅心態去食😅…查看更多