芝加哥串燒酒場 (太和中心)

其實間唔中都會黎芝加哥食野，但係就一直都無寫過食評。最近仲慶祝中環新分店準備開張，每人送一杯啤酒（大家見到呢篇食評嘅時候唔知優惠完左未）。串燒黎講都無咩特別野想講，今次叫左以下呢堆野（唔知有無漏，應該差唔多）： 1 招牌茄子燒2 韮菜燒3 鹽燒雞翼4 燒新疆羊臉肉串5 煙燻和牛牛舌6 日本一口番薯仔燒7 日本博多雞心串8 安格斯牛肉蔥串9 燒德國牛肉腸10 培根車厘茄卷 味道就不過不失啦，唔算好出色，不過幾抵食，所以我間中都會黎食野嘅。只係唔知幾時開始變左全部（或者有時太多就都會分兩三次嘅）燒好之後一大堆咁樣上枱。無話好唔好嘅，如果可以控制到全部串燒都係熱住拎出黎上枱的話。可能一次過拎出黎曬冷打卡震撼啲掛（應該好多人都覺得係咁），但係我就寧願食熱辣辣要吹幾下先食到嘅串燒喇。想視覺上震撼，打卡靚啲係可以嘅，但係味道始終都係餐廳嘅根本。態度決定高度，上枱嘅溫度亦都決定味道。 🍺題外話，其實啤酒款式已經唔算多（好意思叫自己酒場？），點指兵兵之下就總係無我想試嗰隻。如果命運真係能選擇，我都想試下黎到唔係又飲麒麟。 今次見到有款同名啤酒(Chicago Logo Beer)，店員話有菠蘿味。嗯，真係有嘅，不過如果飲開啤酒嘅朋友可能會覺得佢唔似啤酒，係咁嘅話可以skip。…查看更多

呢間餐廳主打即叫即製串燒，肉類、新鮮海鮮、蔬菜應有盡有🍢超過100款即調雞尾酒，同場仲有紅白酒、啤酒、威士忌、清酒等🍻店内更有足球比賽直播⚽️💗燒和牛胸爽串 ($32)牛胸爽口感韌脆，入口油脂香四溢🐮💗炭燒法國鵝肝($82/ 串) 厚切鵝肝肥美甘香，油脂齒頰留香🦆💗蜜糖雞翼($24/ 2只) 雞翼皮脆肉嫩，表面塗上甜絲絲蜜糖🍯💗安格斯牛肉露筍串 ($38)薄切牛肉包住清甜爽脆嘅蘆筍，中和油膩感🎍💗燒韓式牛肋條串 ($39)牛肋條軟嫩鬆化，但無乜牛肉味🐂💗炭燒豬頸肉($22 /串) 豬頸肉爽脆嫩滑，充滿油脂香🐖💗鹽燒牛舌心($33) 牛舌心脆嫩有彈性，油花豐富👅💗風味燒雞腎串 ($19)雞腎爽口脆彈，口感十足🤎💗雞肉軟骨棒 ($28/ 串) 免治雞肉棒口感軟綿，同時帶軟骨脆脆口感，蘸上生蛋黃食🍳💗燒貴妃蚌($98/ 份)貴妃蚌爽嫩鮮甜，加入蔥花同炸蒜調味🐚💗香蔥燒半殼扇貝($55/ 2隻)帆立貝肉厚鮮嫩，同樣加入蔥花同炸蒜調味🦪💗烤黑松露蝦串($32)爽口嘅烤蝦仁加入黑松露醬一齊燒非常惹味🦐💗粟米燒 ($33/ 條)牛油燒粟米味道清脆甘甜🌽💗燒芝士年糕($32/ 2件)年糕燒至外脆內軟糯，一咬滿滿流心芝士🧀💗韭菜燒($16 /串) 韭菜滿滿孜然粉香，口感爽脆🥬💗Godiva chocolate ($98）以Godiva chocolate、朱古力利口酒、牛奶調配而成，表面再唧上忌廉，入口先係朱古力奶味，再滲出濃烈酒味🍫💗Little Creatures Pale Ale ($49)手工啤酒飲落帶清爽獨特嘅苦味，但聞落超香果🍺…查看更多

上次去咗🔥芝加哥串燒酒場元朗店💛今晚再戰大埔店🐸呢度感覺更貼地，好有街坊聚腳酒吧feel🍻有室外位，方便喜歡呼吸嘅人士今次試cocktails🍸（因為上次見佢啲非酒精飲品賣相都好靚仔，cocktails都應該唔會令人失望）呢度有超過6️⃣0️⃣款cocktails😱真係每日試一杯都要試足兩個月，價錢約8、90蚊，同啤酒差唔多。大大杯，絕對唔係兩啖飲哂嗰隻。唔知係真係太足料定自己酒量差咗☺飲咗杯🍑Peach Mojito同🍍Pina Colada已經醉醉哋，返到屋企即刻😴😴😴食物方面就encore咗上次覺得好食嘅黑啤腸、白鱔🐟等等又試吓新嘢。燒鵝肝比平時食嘅煎鵝肝外皮脆十倍以上，令人驚喜嘅口感🤩外表喺咖喱角但其實係炸蝦角🦐蝦膠彈牙卜卜脆送酒一流🍺🥜有趣係呢度嘅花生竟然有榴槤味🤣🎵今日playlist係側田同五月天，nice🥰…查看更多

————————————————————————芝加哥串燒酒場大埔大埔太和路15號太和中心地下37號舖(元朗也有分店)大埔氣氛酒場，超過100款即調cocktail，串燒超級惹味，氣氛十足～🟠推薦食物 Recommended 🔹Cuba Lime: 清新怡人的酸甜味道，讓人一試難忘,更能提升口感層次🔸Pineapple Mojito🍍:爽口的菠蘿與薄荷香氣完美結合，清新怡人的口感，薄荷份量很足🔹燒黑松露帶子珍珠飯⚫️🍚：珍珠米飯粒粒飽滿，搭配鮮嫩帶子和香氣濃郁的黑松露，口感豐富，美味可口，必試🔸炭燒豬頸肉🐷：炭火烤製的豬頸肉，外皮微焦香脆，內裡肉質鮮嫩多汁，口感極佳🔹車厘茄雞髀肉串🍢🍅：鮮嫩多汁的雞髀肉，搭配爽脆甜美的車厘茄，口感豐富，美味可口🔸茄子燒（原個）🍆：茄子經過炭火烤製，外皮微焦香脆，內裡軟嫩多汁，口感豐富，調味料份量略多🔹鹽燒鮮白鱔串🐟：鱔魚經過特殊醃製後，串燒至金黃酥脆，口感鮮美，味道十足，超美味🔸燒牛油帆立貝🔥🦪🧈：新鮮的帆立貝經炭火烤製，淋上香濃的牛油醬汁，口感豐富，鮮香可口🔹 炸拉絲水牛芝士條🧀：水牛芝士裹上酥脆的麵衣，炸至金黃色，口感香脆，內裡芝士拉絲，美味可口🟡不推薦食物 Not Recommended 🔹無 No🟠員工 WaitersNice🟡環境 Environment 比較昏暗，看menu比較吃力，但氣氛很好🟠總評分Overall (8/10）💰$300/person#ezukokofood #ezukokotaipo #ezukoko大埔#ezukokowestern#foodiehk #foodie #hkfood #美食 #食好西 #隱世美食 #大埔餐廳 …查看更多

娘娘同兵仔都住大埔，之前世界盃個期行過見到呢間bar好多人飲住酒嗌串燒食，氣氛好好！所以打算揾晚去試一試。💂🏻‍♀️《古早鹹豬肉轉湯烏冬》$108呢個烏冬係會令我再次encore呢個餐廳的原因🥰好surprised ，佢嘅鹹豬肉係用五花腩，厚薄啱啱好，煎到外脆又充滿肉汁，超juicy👍🏻👍🏻配埋個豬骨湯烏冬真係match到爆💯評分: 95/100💂🏻‍♀️《香草芝士焗雜菌》$45用錫紙包住焗，熱辣辣咁上碟真係好正😋有好多唔同種類的菇，仲有好多芝士和香草係上面，非常惹味。評分: 85/100💂🏻‍♀️《吞拿魚玉子燒》$38呢個玉子燒表面燒到焦香，仲有啲甜甜地，中間仲夾住吞拿魚🥰拎黎做小食都得👍🏻評分: 85/100💂🏻‍♀️《各款串燒》$19-$38孜然午餐肉 $19 -燒完嘅午餐肉係特別好食，燒到脆面，一放入口真係好驚喜🥰黑毛豬腩串 $25 -又係燒到好juicy，肥瘦啱啱好👍🏻放入口即溶的感覺。燒土匪雞翼 $25 - 燒到好似譚仔的土匪咁😍😍好好味燒牛油帆立貝 $38- 嗌串燒點都要叫啲海鮮食下嘅👍🏻呢個帆立貝唔會笑到好鞋，仲好有鮮味，值得一試。燒雞皮餃子 $26-呢個好特別，個餃子皮好薄好脆，食完忍唔住再食。評分: 80/100💂🏻‍♀️《Little Greatures啤酒》$49兩支啤酒都比較清甜，女仔都好啱飲👍🏻 嗌支酒配串燒，真係好有feel…評分: 80/100總結：成個環境好舒服，好啱同朋友食下串燒傾下計。而且餐廳可以睇波，成間餐廳一齊喺度嗌好有氣氛。頒發軍階：上將🎖🎖🎖🎖…查看更多

見到有個app 呢間餐廳做緊平日下午5:30 主餐牌食物75折，又好耐冇食過串燒，所以二話不說就卜左。去到果度，原來係酒吧 cross over 串燒，吧枱位置仲有部電視，絕對適合一眾波友邊睇球賽邊食串燒啤啤佢。我地叫左以下食物：🍶金紋純米吟釀食串燒點可以唔飲酒，呢隻清酒幾易入口，唔會太嗆喉，女仔都啱飲。🍹咸柑桔檸蜜太多咸柑桔，落晒杯蜜糖都好咸。🍢一口和牛串有筋，唔似和牛，不過$29串，差不多啦。🍢鹽燒雞翼燒得有啲over左，所以少少乾。🍢鹽燒雞皮一樣燒得over左，燶嘅位置直情有啲苦。🦑燒原隻魷魚串燒呢個ok，香口得黎唔會靭。🍡燒牛油帆立貝帆立貝燒得剛剛好，內裡依然保留肉汁，唔錯。🐙炸大八爪魚足八爪魚有份量得黎唔會炸到老晒，好彈牙，炸漿亦唔會一咬就跌晒出黎，加埋個酸甜醬，要黎送酒一流，好食！🍢薄牛京葱串個薄牛都係燒到有啲燶同苦，而且太薄，京葱就幾新鮮多汁。🥖炸拉絲水牛芝士條炸到金黃色好靚，但水牛芝士唔係好香濃，有啲遜色。🍛燒黑松露帶子珍珠飯有四粒都幾大粒嘅帶子，而且煮到半熟所以好嫩滑，個飯如果多啲汁會更好食。食物黎講一般，但坐得尚算舒服，環境都乾淨，又唔會黑蚊蚊，而且啲哥哥都好有禮貌，見未多客就俾多張枱我地擺野，又會定時定候收左啲空碟，酒吧黎講呢個服務非常不錯。…查看更多

又到左星期一啦，又要返工。我要反客為主踢走Blue Monday，早啲收工去飲啤酒🍻、食串燒❗️估唔到一杯啤酒就對冧咗我🙊，係我太攰定太耐無飲酒量差左呢🤔。八點🕗前係HH價，每杯平$10！之前試過青瓜味🥒麒麟啤，今次試下正常啲sweet啲，西瓜味同蜜瓜味KIRIN Frozen Beer。麒麟啤味道幾清唔會太苦，西瓜🍉/蜜瓜🍈味淡淡地唔會假，容易入口啱曬女仔飲。未食飯就黎飲酒，梗係要叫啲野黎墊下肚，望落好少但係竟然食飽左🤭，以bar 黎講呢個質素算唔錯，當中八爪魚鬚最啱送酒～怕唔飽特登叫左燒雞翅包飯，叫做有啖飯（真係得一啖咁多）落下肚。如果你真係好肚餓，其實呢度都有主食可以叫，唔一定要食完飯先過黎飲野～另外偷聽到隔離枱話燒茄子係必食嘅，我miss 左呀😭！下次再黎食過！🌗一口和牛串 $29 ：肉質ok 唔會好韌🌗鹽燒牛舌心 $33 ：質地尚可，未去到午餐肉嘅質地同味道🌖鹽燒燒白鱔串 $58 ：表皮香脆，魚肉彈牙🌗香蔥燒牛油扇貝（兩隻） $42：牛油味唔算重，少少overcooked🌗烤黑松露蝦🦐（兩串） $28：蝦肉爽脆但松露味唔夠香🌗鹽燒多春魚（一份三串）$28 ：夠乾身又多春🌗燒羊架 $39 ：生熟適中，肉質唔會太老；味道上唔算太羶，有我至鍾意嘅薄荷啫喱，加曬分～～～🌗燒雞翅包飯 $19 ：雞翼漲卜卜，內裡飯嘅質地較黏，似係糯米飯，但因為得一口，所以唔會覺得滯🌖炸大八爪魚足🐙 $58 ：即叫即炸熱辣辣上枱！八爪魚腳啲有咬口，有啲就軟稔身，你又鍾意邊種口感？自問真係一杯起兩杯止，但如果你係飲得之人，可以考慮下「酒精放題」😮，$388 一位，包生啤、手工啤、紅白酒🍷🥂；加多$99仲可以飲埋Whisky🥃 同 Cocktail🍸🍹。我就舉定白旗🏳️投降先勒🙈。…查看更多

朋友係短短一年拎左新工既新人獎，我地決定黎慶祝一下。我地一人點左一杯酒，再點左半打生蠔、泰式生蝦，仲有一定唔少得既串燒。打卡一流既背景生蠔幾新鮮，味道好creamy同milky，唔點檸檬汁就咁食都好鮮甜。泰式生蝦，點個汁一齊食，辣得黎幾刺激味蕾朋友點既cocktail我就點左生啤，呢種清清地岩曬我我點既生啤係Samuel Adams $67 平靚正仲有其他果味揀朋友點既cocktail 係呢度揀既我地點左幾款串燒，有炭燒豬頸肉，燒鵝肝，燒羊鞍。個人比較喜歡個炭燒豬頸肉，夠香口有燒烤味又唔會乾身。朋友對鵝肝既味道大讚。燒帆立貝有香蔥同埋黑松露兩款，各有千秋。我地encore 左多份羊鞍…查看更多

今日一早起身食完早餐，朋友打來想約出嚟吹吹水，咁.......不如飲返杯麒麟一番榨啤酒🍻 3:7黃金比例，麥味又夠香有靚啤酒，當然要配番幾串小食至過癮-生燒鴨舌大大條有肉食-陳年花雕酒黑豚肉腸夠juice -炸雞翅包飯唔會乾爭爭，內裡鋪滿飯-鹽燒牛舌心好爽口-鹽燒雞翼細心地將他𠝹開一半，等雞翼容易熟，少少咸好好食，還唧少少檸檬汁，令味道提升了不少健力士黑啤豬肉腸$25香草芝士焗雜菌好香濃芝士包圍住雜菌，用錫紙焗還可以保存熱度的芝士黑松露玉子燒，好香濃的黑松露味簡直無得輸都係要叫份燒露筍為呢餐作結尾有大電視可以睇波…查看更多

住咗大埔咁耐，第一次同妹妹去呢度食嘢。原本只係想搵地方吹吹水，無咩要求，但係點知會有驚喜。先說位置，對大埔人來講，呢度真心方便。太和出又得，市中心那幾大數字商場出又得，得咗！再說食物，哇！最愛燒牛扒。自己煎有時都會乾身，但呢度真係燒得好好味，有汁有牛味。今次無心理準備，下次一定會叫和牛扒。另外，又點少得烤牛舌、烤蠔、烤雞皮呢啲指定菜式，真係啖啖有驚喜！老實說，我會Echo。因為還有很多款食物未試。嘻！而且，我眼見好多家長帶小朋友來吃串燒，誰說這裏不適合小朋友？大人細佬都啱啊！…查看更多

最近朋友搵左半年工終於搵到，我都覺得值得慶祝一下。我決定同朋友黎呢間食開既酒吧食餐飯開心一下。估唔到我朋友咁飲得日頭就點左呢杯cocktailPeach Mojito $88賣相都幾吸引我就乖乖地叫左生啤飲呢度既串燒會一齊上，我地叫左唔同款既一款一件食。生蠔就叫兩隻一人一隻。都幾大份個燒帆立貝幾香:)朋友鍾意食秋葵，我第一次食，感覺唔錯個雞串個人都幾鍾意，雞肉軟身又好食。朋友就話個燒魷魚夠香同入味仲有燒菠蘿都幾甜夠水份、燒生蠔就好有風味，我地食得好開心。個大啡菇同煙肉都幾唔錯。燒生蠔打卡好岩…查看更多

上次食已經係好耐之前，今日去大埔搵朋友食飯，再encore 呢間餐廳。今次呢位朋友唔係太飲得酒，問左職員建議之後，我地點左Kirin 啤 （Kirin Ichiban Draught) ，聽講比較無咁易醉。Kirin Ichiban Draught (左：水蜜桃；右：櫻花）由於Frozen 機無開，我地就揀左Draught。我叫個杯係水蜜桃味，甜甜地，比櫻花味個杯麥味重少少。櫻花個杯係朋友點既，我試飲左幾啖，味道比較清新。餐廳背景顏色偏藍色系，打卡一流。串燒放係同一塊木板上菜傾心事好時機 我地兩個總共點左十種串燒，或烤物。一面食串燒，一面飲啤酒，同朋友一齊傾計，好治癒。串燒食物（拼圖）特別推介 燒芝士年糕，味道同口感好軟軟的，芝士入口即溶，好好味。玉子燒 $32 （四件）味道偏甜，岩曬好甜食既朋友。韮菜燒 $15 （1串）烤汁好入味，令韮菜又香又惹味。燒汁牛仔骨$45香濃而肉質鮮嫩，烤完又好味。日光日白搵到個打卡一流又有酒飲既地方，岩曬至潮既你你你，黎呢到同朋友傾下心事，同埋食餐開心既飯。…查看更多