小野人 (MONTEREY Place)

營業中

休息中

將軍澳。惹味串燒店今次喺朋友屋企附近揀咗呢間串燒店，裝修有小清新風格，都幾啱打卡，而且坐得幾舒服☺️。Koka 濃厚芝士撈一丁個面煮得剛剛好，唔會好腍仲保留少少咬口，芝士真係好濃厚，仲有少少燒過嘅味道，撈埋食真係好食呀，推介😙。蒜蓉金針菇每次去食串燒都會叫呢個，牛油味好香濃😋。森林元氣水果茶呢個飲品真係好大杯，拎起都要用啲力氣，配埋串燒都幾解膩😌。串燒串燒可以自選辣唔辣，最啱鍾意食辣嘅我，好惹味😚咁多串燒嚟講，我最鍾意食燒菠蘿，好Juicy仲有蜜糖汁。而且燒方包都唔錯，上面有砂糖可以自己再燒吓先好食❤️整體嚟講，呢間餐廳都唔錯，坐得舒服之餘，食物都有水準😋😋😋

星期六晚，同朋友到附近逛逛，唸住行到邊間食邊間。donki再往海邊行，有好多食店都冇開門，見到呢間客人都幾多但唔使等位就入去試吓。呢間主打串燒，似台式，但香料又有啲似川菜，辣椒干同孜然粉，但唔算太辣，如果想走辣，order時要註明。串燒試吓小牛排，五花肉，朋友鍾意食燒尖椒，試咗之後再echo。臭豆腐都唔錯，如果有辣醬可以更好食。海鮮試咗蒜蓉燒生蠔，清酒煮蜆都，都幾鮮味，肉質都唔錯。另外一提燒豬手，細細隻，不過唔硬，皮為主，QQ彈彈，滿滿骨膠原。仲有差不多每枱都會叫嘅特調果茶，大大杯，好似個花樽咁大杯。不過就淡味咗啲，叫姐姐另外加糖水都係冇乜味。

將軍澳難得一見有間串燒店，所以好多人黎食，我都黎試下。落order後，串燒送到黎，放喺個燒熱緊既鐵板上面保温，非常好，所以食到尾啲串燒依然熱辣辣，唔會凍晒唔好食。餐牌有好多種類選擇，我地叫左烤生蠔，烤豬五花肉，烤雞脆骨，蘆筍五花牛捲，烤海蝦串，炸翠玉瓜，烤娃娃菜等等。食物全部均已用孜然調味，很香也唔會太咸。因為份量太細小，而且價錢唔係特別平，所以覺得有啲唔抵食，不過我覺得幾味。張枱好細張，叫得多野真係無咩位放，令我覺得食得唔夠relex。不過餐廳無油煙味，環境亦乾淨。

將軍澳南一向都係全將軍澳區最 chill 最多好食餐廳地方，各式美食不乏，估唔到今晚遇到一間算唔錯嘅串燒店「KOKA」😍。外邊望入去一點都唔似串燒店，仲以為係台式或韓式之類食店，見到中文名叫「小野人」好得意，再睇清楚原來係食串燒，既然喺將南未見過呢類餐廳，就入去一試😉坐低後侍應會俾張QR CODE紙你自己落單，然後就喺每張枱面都預先放好嘅爐裡面點火，原來串燒係廚房裏便幫你燒好後，再送去你枱及放上暖爐上面，咁確串燒唔會凍，幾細心👍食串燒前點左啲小食，每樣都有點驚喜，例如👇🔻酸辣粉比我想像更酸辣，第一口食落去即時咳出黎（可能我渣😂），再食就習慣了，好刺激好好食😋🔻蒜蓉金針菇一上枱蒜蓉味已經聞到，不需多形容大家都想像到，好食👍🔻蒜蓉芝士撈丁呢個直情邪惡，厚厚蒜蓉芝士舖喺面，一撈起啲麺條條都占滿芝士，勁好味😙🔻串燒牛、羊、腎、黃花魚、雞軟骨、韮菜、茄子…今晚點左好多肉，相片只係其中一少部份，每樣味道都不過不失，一燒好就熱辣辣攞出嚟，全部放喺火爐上面暖住，慢慢食都唔怕會凍👍🔻麻辣鴨血麻辣味尚算可以，鴨血切成薄片，完全入哂味，如果個麻辣醬汁再濃啲的話，相信會更好味😂我自己心目中理想嘅串燒店，一係就