富山麵家

角落生物粉絲必去的拉麵店，特別適合帶小朋友享。這家期間限定主題拉麵店到處充滿角落小夥伴的身影，是打卡的好地方！快把握最後一個月的機會！🍜特製牛奶拉麵 $95這碗拉麵配有奶白色的豚骨牛奶湯底，濃郁綿密，彈牙的拉麵搭配鹹香叉燒，還有可愛的企鵝魚片點綴，讓整碗麵更添趣味。🥗特製冷麵 $85 （可選配胡麻醬或冷麵汁）魚板圖案是5個非常可愛的角落生物製成，讓人捨不得吃。配上胡麻醬的冷麵，口感細滑且清新，搭配雞絲、爽彈大蝦、蟹柳、玉子和車厘茄，層次豐富，開胃又美味。配料充足，分量剛好，讓每一口都令人滿足！🍠栗子紫薯餅 $28栗子紫薯餅外脆內軟，裡面包著濃濃的紫薯餡，香甜可口。薯餅還有可愛的角落生物炸蝦造型，十分打卡。🐔串燒雞軟骨 $38即叫即炸的雞軟骨外香脆，內保留嚼勁，搭配惹味椒鹽，風味一流。作為前菜或下酒小食，絕對開胃！🍨特製芭菲 $48打卡必點的甜品，以角落小夥伴造型呈現，層次豐富、甜而不膩。上層有雪糕、脆米和水果，搭配日本獨特的年輪蛋糕，風味獨特。底層則是香甜滑溜的士多啤梨牛奶奶凍，帶來大滿足！🥤特製荔枝椰果梳打 $35🥤特製青蘋果椰果梳打 $35結合水果汁和椰果氣泡梳打，清新又酸甜，適合夏天消暑。上面加上厚厚的棉滑忌廉和可愛的角落生物棉花糖，超吸睛又美味。椰果增添口感，讓每一口都清新又爽口！#富山麵家 #銅鑼灣美食 #角落生物 #拉麵 #期間限定 #最後衝刺 #SumikkoGurashi #mic2eat #hkfood…查看更多

最近去銅鑼灣富山麵家 (Ramen Iroha HK) 食飯，佢哋同角落生物 (Sumikko Gurashi) 聯乘推出限定Set，簡直係可愛同美味嘅完美組合！店內裝潢滿滿可愛元素，一入門就心情大好。Set內每樣食物都用角落生物造型，視覺上萌爆，味道都冇失望，性價比高，食完勁飽足。呢個係期間限定，只剩一個月左右，最後衝刺機會，鍾意可愛風格或拉麵嘅朋友快啲去！環境乾淨舒適，服務員親切，下次仲想再嚟試其他野。強烈推介～特製牛奶拉麵：湯頭用牛奶做基底，奶香濃郁但唔會膩口，感覺好似創新奶茶拉麵，暖笠笠舒舒服服。自製麵條彈牙有咬頭，配埋蛋、玉米等配菜，鮮甜平衡，每啖都讓人想再食，鍾意奶味嘅朋友一定中意。特製白鹽蝦拉麵：湯底清清爽爽，用白鹽調味，蝦味勁鮮美突出，蝦肉新鮮彈嫩冇腥味。麵條吸晒湯汁口感一流，層次豐富，感覺係海鮮迷嘅天堂，食落輕盈唔負擔。串燒雞軟骨：烤得勁完美，外脆內嫩，雞軟骨脆卜卜好有咬勁，醬汁鹹甜啱啱好，感覺配拉麵食超夾，增添燒烤煙燻味，讓成個餐點更豐富。栗子紫薯餅：鬆鬆軟軟綿密，栗子堅果香同紫薯甜味混埋，濃郁但唔甜膩。感覺好似精緻日式糕點，外脆內軟，食完主菜嚟一口解膩，超滿足。特製荔枝梳打：飲料清新，荔枝果香勁濃郁，氣泡足夠唔刺激，感覺好似熱帶水果夏日版，飲落開胃解渴，配餐時加分不少。特製青蘋果梳打：酸甜平衡，青蘋果清脆風味主導，氣泡輕盈唔會過甜，感覺新鮮健康。作為餐中飲品，幫手消化，讓食飯過程更暢快。特製芭菲：底層係士多啤梨牛奶奶奶凍，凍凍哋滑溜溜超解膩，上面有雪糕、脆米同埋水果，層次勁多，脆米脆脆哋加埋水果新鮮甜美，感覺甜度啱啱好，造型可愛到捨唔得食，視覺味覺都大滿足，完美結束呢頓飯。點SG特製拉麵Follow富山麵家仲送A4 Folder～…查看更多

喜歡角落生物的小夥伴們注意了，銅鑼灣的富山麵家正在推出角落生物主題限定。不論是店外還是店內裝潢，充滿了角落生物的可愛元素。連拉麵、甜點、飲品也融入角色設計，每一樣都必須先打卡才捨得下口。店還有提供角落生物公仔可以借用來拍照，連紙杯、筷子套的細節也超有心思。特製牛奶拉麵 (HKD 95) 湯底能喝到濃郁的豚骨風味，再加上淡淡的奶香，喝起來會有種順滑感又不會膩。麵條幾有嚼勁，不會煮到很軟爛，亦能很好地吸附湯汁。而且配料都幾豐富，有入口軟嫩的叉燒、蟹柳、半熟蛋、星星型玉子蛋等，當然還有重點的角落生物魚板，企鵝很可愛耶！特製黑醬油拉麵 (HKD 90)入口時帶有濃厚的醬香味道，湯底顏色也很深邃。喝起來有種厚實感，但不是死鹹。這碗的角落生物魚板是炸豬扒。小食點了兩款，特製栗子紫薯餅 (HKD 28) 是用角落生物主題紙盒裝著。還有炸蝦尾樣子的玉子燒，打卡感十足。外層很脆口，內裡則是綿密香甜的紫薯和有顆粒感的栗子。串燒雞軟骨 (HKD 38) 炸得很香脆，灑上調味粉後更添鹹香的味道。飲品方面，用的也是角落生物主題紙杯，還有角落生物的棉花糖，光是外觀已經加分。特製荔枝椰果梳打 (HKD 35) & 特製白桃烏龍奶茶 (HKD 35)前者入口清爽帶有氣泡感，搭配Q彈的椰果，讓飲品多了咀嚼樂趣。後者是是茶香與果香的結合，喝起很滑順。最後還有 特製芭菲 (HKD 48) 這個甜品。在雪糕上灑上棉花糖，亦插了炸蝦尾的牌子，可愛度up。芭菲還有年糕蛋糕塊、藍莓、草莓，底下的慕絲加上草莓醬，是不錯的結尾呢。若是吃完拉麵仍然覺得意猶未盡，可以考慮買期間限定環保袋和拉麵碗回家。買任何產品後，更會送一個角落生物鎖匙扣。另外只要追蹤社交平台、Like & Share Post 就會送角落生物的A4文件套。…查看更多

銅鑼灣希雲街有一間隱世的人氣拉麵店，一向喜歡拉麵的我，當然不會錯過啦🤭就等我介紹一下今晚食咗啲咩好嘢啦✌🏻美食推介：👍🏻💛特製雙拼蟹膏沾麵🍜：麵質彈牙，沾麵湯汁選了熱牛乳湯，配料有沖繩豬軟骨、日式叉燒、蟹柳、粟米及糖心蛋，牛乳湯底非常香濃，我放了粟米和湯一起食的時候，就似在喝粟米忌廉湯的感覺🤭拉麵跟蟹膏及配料一起沾上湯汁非常好食😋口感非常豐富，十分回味😋💛富山灣白鹽蝦拉麵：拉麵湯底配上白鹽蝦能帶出特別的鮮味，日式叉燒很肉嫩，拉麵亦是很彈牙，整個配搭很完美👍🏻💛串燒雞軟骨：雞軟骨烤得非常香口，勁鍾意食雞軟骨，真係好好食呀！💛富山雞翼：香香脆脆的雞翼，外表沾上了甜甜的醬汁及芝麻，好出色的好食小食👍🏻⭐️推介大家去品嘗一間用心製作的拉麵小店👍🏻餐廳📍富山麵家 (銅鑼灣)📍銅鑼灣希雲街7號地下…查看更多

適逢呢間拉麵店同20周年嘅人氣卡通人物Cinnamoroll聯乘推出咗唔少嘅食品☺️ 鍾意肉桂狗嘅朋友一定唔可以錯過 今日係閒日 都有好多人嚟朝聖😮特製黑醬油拉麵湯底唔會過鹹 拉麵咬落口都幾有口感 好怕食拉麵好腍🍜 面頭嘅材料有沖繩豬軟骨 日式叉燒同埋新鮮魚片 個人幾鍾意佢嘅豬軟骨 因為真係煮得好入味 啲肉又唔會太韌🐷Cinnamoroll特製沾麵呢個沾麵有三款醬汁可以選擇 我哋就揀咗胡麻醬 材料同樣係沖繩豬軟骨 日式叉燒同埋新鮮魚片🐟 由於沾麵係凍嘅 所以拉麵嘅麵質更加挺身 如果兩個相比我就覺得呢個感覺比較新鮮啲玉子章魚燒有個Cinnamoroll造型嘅玉子燒😙 玉子燒味道甜甜地 而章魚丸有五粒 外層都炸得好香脆串燒雞軟骨呢個雞軟骨相當有驚喜😉 雞軟骨唔會炸得太乾身 而且調味啱啱好 特製橙味梳打呢個淨係影相已經好靚 因為層次分明🍊 呢個橙味梳打甜甜地 加埋入面有啲特製嘅啫喱 口感十足特製波子汽水波子汽水嘅藍色同Cinnamoroll真係好襯🥰 味道相對比橙味梳打更加淡 但係我就鍾意呢杯多啲啦本來仲想試埋佢個甜品 可惜今日已經賣晒啦🥲 同樣有肉桂狗喺上面真係好啱打卡㗎 唯有下次再早少少嚟啦…查看更多

玉桂狗Cinnamoroll 2️⃣0️⃣週年喇❣️銅鑼灣拉麵店富山麵家，聯乘Sanrio Cinnamoroll舉辦20周年祭，等一眾粉絲可以朝聖打卡～淨係見到淺藍配白嘅店面設計同玉桂狗裝飾，已經少女心爆發💙🤍Menu仲新推出一系列玉桂狗造型嘅美食同飲品，相當可愛呀😍🍼特製牛奶拉麵 ($98)有好可愛嘅玉桂狗魚蛋🥰湯底飲到豚骨的味道帶有香濃牛奶味，拉麵彈牙、叉燒肥瘦適中、豬軟骨淋身，配埋流心蛋食好滋味呀！🍜特製沾麵配魚介醬油湯 ($108)溏心蛋印咗玉桂狗上去，仲用魚蛋砌咗兩隻耳仔勁得意😍沾麵最講求嘅就係湯汁，魚介醬油湯做得唔錯，唔會太死鹹或太過濃味搞到好口渴，反而帶有少許甜味😋浸一浸湯汁再食沾麵，幾爽口彈牙🙈仲有兩塊大腩肉同豐富配料例如蟹柳、青瓜、粟米、白蘿蔔，夾埋沾麵一齊食，食完都幾滿足架☺️🐙玉子章魚燒 ($48)章魚燒幾大粒，炸得好香脆又唔重粉，配埋紫菜同木魚食落幾香口😋玉子係玉桂狗個樣嚟，側邊仲有切成雲朵嘅白蘿蔔☁️好cutecute呀唔捨得食😍🍡串燒雞軟骨 ($42)雞軟骨好脆口，食落好爽🤣唧埋檸檬汁一齊食，小小椒鹽味得黎又有啲fresh嘅感覺☺️🍊特製橙味梳打 ($38)🫧特製波子汽水 ($38)兩款飲品都好夢幻好啱打卡🦄表面鋪滿忌廉同七彩珠珠，仲有一粒印有玉桂狗圖案嘅棉花糖添🥰飲落甜甜地幾解渴，仲有啫喱咬下，口感不錯幾飽肚🙈總結：食物好多細緻位都有Cinamoroll好有心思，食飽仲可以加購Cinamoroll限定紀念品，有拉麵碗、筷子、環保袋，一於帶晒佢哋返屋企啦💙今次活動會舉辦至12月31日，玉桂狗fans千祈唔好錯過呀！…查看更多

位於銅鑼灣希雲街這間日式拉麵店，周不時會與不同卡通人物合作，把麵店化身色彩繽紛的打卡熱點！拉麵店曾於日本東京拉麵秀奪得5年冠軍，食物質素有所保證🙌🏻🍜黃金蟹糕牛奶沾麵 Crabmeal Milk Tsukemen ($95)蟹很吸引吧🤤 雖然蟹糕份量較少，但吃得出濃郁的蟹鮮味，每口加一點點都很足夠了！而沾麵亦有別於一般的沾麵，是湯拉麵的湯底，所以味道不會過鹹～ 🍜北海道牛奶拉麵 Hokkaido Milk Flavor Ramen ($90)以往未吃過牛奶味湯底，淡淡的牛奶味慢慢地滲出來，很特別！拉麵軟硬度適中，叉燒亦不肥，份量剛剛好🙌🏻🥟肉汁滿滿餃子 Iroha Gyoza ($42)菜式名稱沒有改錯，餃子絕對是肉汁滿滿的，煎出來熱辣辣很好吃🤤🍗串燒雞軟骨 Grilled Chicken Cartilage ($38)骨串共有4串，每串經椒鹽、七味粉等香料調味，香氣十足，但偏重口味一點🤣🍓凍鮮泡蜂蜜綠茶 Iced Honey Green Tea ($15)最喜歡不甜的飲品🙌🏻 這杯綠茶味道正合我口味～✨整體感覺：餐牌上的選擇較多，食物水準中上，若經過可考慮一試～…查看更多

【銅鑼灣玉桂狗主題拉麵店🍜富山麵家】-小編朋友係玉桂狗粉絲黎😝佢一知道🍜富山麵家🍜同Cinnamoroll有聯乘😂即刻捉咗我去食🥴拉麵味道都唔錯😜重點係佈置相當用心🤩鍾意肉桂狗嘅朋友千祈唔好錯過‼️-拉麵店位於銅鑼灣希雲街😗都開咗好多年上網睇佢仲係東京拉麵show⑤年冠軍添🏆味道實有保證🥳富山麵家依家做緊Cinnamorl 二十週年期間限定活動💠由即日起去到今年12月31日💠想去嘅朋友仔要留意番個時間啦～餐廳佈置十分有心思👍🏻由外到內都好靚😝一啲都唔馬虎😤絕對值得黎打卡！一嚟到餐廳就俾佢藍色嘅玉桂狗門面吸引住😝門口地氈同埋布簾都有玉桂狗公仔💙入到拉麵店🤍完全被玉桂狗包圍住🥰無論係餐枱、餐具定係牆壁都會有肉桂狗嘅蹤影🫶🏻就連店員都着住肉桂狗嘅T恤👕真係可愛爆棚🥴朋友開心到係咁周圍打卡📸💁🏻‍♀️想帶埋玉桂狗返屋企？呢到有得買珍藏餐具套裝😜價值$216，包括：🔹精美拉麵碗🥣🔹可摺式購物袋🛄🔹不銹鋼筷子🥢-💠小編嗌晒期間限定玉桂狗主題食物💙打卡一流💠😋Cinnamoroll特製牛奶拉麵 $98賣相我比100分🥳淺藍色的玉桂狗拉麵碗加埋一片玉桂狗圖案嘅魚片🫶🏻真係太可愛了吧～試啖牛乳湯先😝飲落似牛奶忌廉雞湯，味道好香濃🥰朋友好鍾意佢嘅沖繩豬軟骨🥴好入味👍🏻味道偏甜煮得夠腍😙至於叉燒就肥瘦適中啦～溏心蛋呈半熟狀態🥰蛋白嫩滑🍳蛋黃綿潤，蛋香十足麵條掛汁能力一流😜帶點麥香😗不過小編覺得可以硬啲同有咬口啲😙整體相當唔錯推介！好味指數：🌕🌕🌕🌕🌗-😋Cinnamoroll 特製沾麵🍜 $108💁🏻‍♀️沾麵多咗青瓜絲同蟹柳，可選以下三種湯底：🔹熱牛乳湯🥛🔹魚介醬油湯🐟🔹胡麻醬小編揀咗招牌魚介醬油湯😜聽聞豚骨、雞骨、雜菜及魚醬熬製而成😝而個醬油係自家研製的魚醬，難怪味道咁香醇😍濃中帶鮮今次玉桂狗化身做一隻糖心蛋超級可愛🤪佢嘅耳朵係魚片😙食落爽口😋好味指數：🌕🌕🌕🌕🌘-😋玉子章魚燒 $48今次玉桂狗變咗『玉子』仲插着左一支旗仔🇺🇳白蘿蔔被設成雲朵形狀☁️食落清甜爽口章魚燒熱辣辣😌外脆內軟味道唔錯好味指數：🌕🌕🌕🌕🌑-😋串燒雞軟骨 $42呢碟幾好食😉雞軟骨脆卜卜🤩好香口食唔停口好味指數：🌕🌕🌕🌕🌘-😋特製波子汽水 $38賣相好吸引😍忌廉上有印有肉桂狗嘅棉花糖面頭仲灑上淺藍色的星星糖果🍬味道有啲似忌廉溝鮮奶😗好味指數：🌕🌕🌕🌖🌑-😋小丸子白桃雪葩 $58雪葩係水蜜桃口味🍑幾香甜肉桂狗果凍有啲椰子味😗底下仲有啲粉紅色嘅水蜜桃啫喱珠以及煙韌有咬口嘅丸子🍡甜品味道正常😙可以嗌黎打卡好味指數：🌕🌕🌕🌖🌑-📍富山麵家 (銅鑼灣)銅鑼灣希雲街7號地下💸人均消費：$196…查看更多

有幸早少少黎到富山麵家食拉麵即時有位坐唔洗等，因為坐低無耐已經全場滿座。店舖雖小，但都可以坐到廿人。黃金蟹糕牛奶沾麵 （標準$95）蟹糕！我的最愛！有一舊蟹糕放左喺麵上，又香又好味。仲有兩塊叉燒，一條蟹柳，半隻唐心蛋，一堆粟米粒，我將呢啲款料放晒入牛奶沾湯裡面，浸住食好好味，每一啖都充滿牛奶味。冠軍黑醬油拉麵（標準$85）呢個應該就係大名鼎鼎攞到5次冠軍既拉麵，見到在座唔少人都選擇食佢。兩塊叉燒，半隻唐心蛋，一塊紫菜，幾條筍，一堆蔥，再加上拉麵同埋呢個黑醬油湯底，就成為左大家都覺得好好味既冠軍拉麵。串燒雞軟骨$38每次餐廳有雞軟骨食我一定會要，4條雞軟骨串燒燒得非常香口，熱辣辣食好正！富山雞翼$485隻雞翼都大大隻，甜甜地，上面撒上芝麻，幾好食。凍鮮泡蜂蜜綠茶$15用左可愛既士多啤梨杯裝住，見到有個茶包喺杯入面，唔會好甜，幾清新。P. S. 餐廳用品用上my melody幾可愛…查看更多

銅鑼灣較為無咁旺嘅位置，坐落左一間拉麵小店❤️有種日本嘅感覺，止下番鄉下嘅渴先😆呢間富山麵家仲係得獎麵店，值得一試，當然麻甩專員都唔會執輸去食下啦！😍。凍鮮泡蜂蜜綠茶 $15賣相好吸引😍😍😍裏面有個茶包係鮮製茶 所以茶味好出都好清新不過就略略甜左少少。冠軍黑醬油拉麵 $85 👑經典醬油口味‼️醬油湯底濃得黎唔會好咸有種喺日本食拉面嘅feel🥺🥺溏心蛋做到半熟效果唔太咸拉麵煮得岩岩好，好適中唔硬唔淋👍。黃金蟹糕牛奶沾麵 $95沾麵湯濃郁 牛奶味好香好濃🧈 配埋蟹糕味道都唔漏 好鮮味🤤 蟹柳好濃蟹味 唔係假野😆驚喜位之一叉燒其實偏乾無乜味道無乜油脂。串燒雞軟骨 $38有四串雞軟骨燒得剛好，加埋椒鹽惹味無得輸。富山手羽 $48雞翼有五隻雞翼皮脆脆地，有少少醬汁喺面，醬汁唔係太鹹，個人覺得醬汁可以淋得均勻啲會再好食啲總結小建議：*沾麵湯略嫌稀左少少，唔係沾面汁果種濃郁杰身，唔夠掛汁🍜*店家選用嘅拉麵比較粗身，好岩鐘意食口感嘅朋友食👍*坐嘅位置比較迫，但都唔會唔舒服*整體係好食嘅有返左日本嘅感覺🥰🤣麻甩專員評分區📊👨🏻店內環境: 8/10食物外觀: 8/10食物味道: 8/10整體分數: 8/10翻食指數: 8/10…查看更多

最近思鄉情懷濃厚🇯🇵，勁掛住日本嘅拉麵🥲係時候要發掘一下質素好嘅拉麵店🍜響銅鑼灣有一間由日籍廚師主理，來自富山縣嘅《富山麵家》(麺家いろは, Ramen Iroha)，曾經五年榮獲「東京拉麵秀」嘅冠軍🏆！咁把炮😌 一定要去試吓！走進希雲街，遠處已經睇到有一支隨風飄揚嘅旗仔寫住《富山ブラック》，大門外掛滿日式燈籠🏮，店內裝修感覺亦同日本拉麵店相近，甚有日本風味🥰大概食到7:30pm左右，全店已經座無虛席。想試嘅朋友記得早少少嚟攞位。掙扎咗好耐揀乜嘢口味嘅拉麵🥹 富山拉麵最著名嘅就係黑醬油湯底，可是店內亦有另一個唔係周圍可以食到嘅北海道牛奶拉麵 / 黃金蟹糕牛奶沾麵，最後我都係揀咗北海道牛奶拉麵🫣值得一提嘅係，呢度嘅拉麵有兩個份量選擇，「標準」130g 或「大滿足」195g，價錢只係爭10蚊左右，細食嘅朋友唔使怕嘥嘢😌北海道牛奶拉麵（標準）$90牛奶湯底嘅奶味無想像中咁重，不過湯頭就好香滑。 呢度嘅拉麵比較粗身，掛湯能力都較強，麵嘅質地適中。 叉燒有兩片，都算厚身，係半肥瘦嘅五花腩🤤 入口半溶好好味，充滿脂香👍🏻 對食肉獸嚟講兩片唔係好夠喉😂 下次可以叫「大胃王拉麵」，睇Menu有5片叉燒🙈🙈🙈🥚半熟蛋亦做得不錯🥰激辛味噌拉麵（標準）$95有三個辣度：微辣、中辣或重辣可以選擇。無辣不歡嘅朋友一定要揀呢個，惹味嘅味噌湯底配搭辛辣味非常之match。朋友揀咗中辣，辣得過癮！串燒雞軟骨 $38一份有4串，抵食😉 燒得香脆唔乾，好味😋 合格👍🏻熟芥末章魚 $38Wasabi味嘅凍食章魚粒～食日本菜必叫嘅開胃前菜😌日本蜜瓜碳酸飲料 $18去到日本一定會成日試唔同嘅汽水，呢罐密瓜味嘅碳酸飲料又可以一解思鄉情懷😌 注意味道比較甜。凍鮮泡蜂蜜綠茶 $15店員推薦唔想飲汽水嘅話可以試吓呢杯蜂蜜綠茶，個杯係士多啤梨🍓好可愛🥰 呢間拉麵店對我嚟講回頭率好高😋 我會想再嚟試吓佢哋嘅鎮店之寶「冠軍黑醬油拉麵」同埋「黃金蟹糕牛奶沾麵」😌 大家都值一得可以去一試🫰🏻…查看更多

“北海道牛奶拉麵”湯底幾香但又唔會好漏最後差啲飲哂😋，麵底偏粗少少所以食到最後啲麵都唔會淋哂。幾鐘意個糖心蛋好入味👍🏻。“黃金蟹糕牛奶沾麵” 大滿足份量大滿足份量啱哂男士，呢個份量對男友黎講濕濕碎😆。上菜嘅時候，店員有細心提醒要將叉燒過一過湯就會好食啲。呢個麵啲重點就係個蟹糕，大叔一食個蟹糕就話好香喎！個湯因為係沾麵湯嘅關係會比大嬸個個鹹少少，但係都好香。“肉汁滿滿餃子”味道有啲似大阪王將嘅餃子，煎得幾脆又唔會好油。“串燒雞軟骨”熱辣辣加埋面頭嘅椒鹽，不敗嘅配搭。“凍鮮泡蜂蜜綠茶”唔會太甜，仲飲到有啲桃香，原來係個茶包入面有桃肉，估唔到又幾夾。原來而家二人同行嗌兩碗麵就會有每人一客沖繩豬軟骨或者布甸，四個人就會兩樣都有🤩。因為之前做過Melody主題，所以啲碗碟都有Melody幾可愛。…查看更多

銅鑼灣希雲街美食雲集🚏講到最有特色👀不得不提呢間曾經以My Melody🎀蠟筆小新👦🏻同加菲貓🐱等卡通人物為期間限定主題嘅「富山麵家」🙋🏻‍♀️一間看似平凡嘅小店🍽其實已曾試過連續 5 年獲得由東京電視台📺舉辦嘅東京拉麵秀冠軍🏆主打菜式包括：肉汁滿滿餃子🥟富山雞翼🐔冠軍黑醬油拉麵🍜凍鮮泡蜂蜜綠茶等🍹可謂麻雀雖小🐤五藏俱全👏🏻🔸北海道牛奶拉麵（$100/大滿足）拉麵份量相當豐富💗以沖繩入口嘅豬軟骨作配料🐷秘製豬軟骨燜得軟腍入味🤤入口即化💋同時可補充骨膠原🦴令人回味無窮💥而湯底則加入北海道3.6牛乳🐄香濃味道相當突出🤩再配搭埋新鮮清甜嘅粟米粒🌽簡直係完美絕配💯P.S.呢款拉麵奉送嘅紫菜非常別緻🙌🏻上面有可愛嘅My Melody圖案🐰粉絲們見到一定好着迷😸🔸黃金蟹膏牛奶沾麵（$105/大滿足）餐廳嘅沾麵可以咁有名氣🏅皆因貨源每日都由日本空運到港🇯🇵眼見好多食客專程嚟都係為咗一嘗名物👉🏻黃金蟹膏牛奶沾麵🧡沾麵湯底一直保持滾燙溫度📛令牛奶味道更為濃郁🍼每啖亦都充滿牛油香氣🧈麵條選用粗條麵🥢掛湯度十足且爽口彈牙💃🏼口感一流🫶🏻蟹肉鮮甜味美🦀叉燒肥瘦適中🐽後者經炙燒後油脂部份更係入口即溶😳encore必選項目☄️🔸串燒雞軟骨（$38)雞軟骨表面呈金黃色🍡以惹味孜然粉調味🎊香味獨特吸引😗相當唔錯嘅小食💁🏻‍♀️🔸富山雞翼（$48）即叫即製嘅雞翼皮脆多汁💦可口美味而不膩😋搽喺上面薄薄嘅一層蜜汁🍯更能帶出雞肉嘅鮮香🐓誠意推介✅🔸Oreo抹茶布甸（$18）布甸以香濃抹茶💟配搭經典Oreo餅碎🍪入口即散發出濃郁嘅抹茶茶香🏵脆脆餅碎亦為香滑嘅布甸增添口感層次👄創出嶄新味覺享受😍🔹凍鮮泡蜂蜜綠茶（$15）蜂蜜綠茶清熱潤燥🧃而且有助心血管健康同血脂調節💪🏻天氣轉涼時飲用最適合不過🙆🏻‍♀️🔹熱白桃綠茶（$12）飲品由日本白桃花🌸同綠茶按比例配製而成🍵有效加快脂肪代謝😽同時促進腸胃消化👍🏻…查看更多

My Melody 主題拉麵館🍜某日碌社交平台見到銅鑼灣依間全粉紅色，以My Melody為主題嘅拉麵店🤤唔理佢好唔好食，咁可愛見到都想食啦💕今次食咗佢嘅期間限定拉麵，仲嗌咗幾個小食😆整體來講價錢唔貴，食物質素都唔錯😚❤️My Melody 特製沾麵❤️ $98沾麵可以揀牛乳濃湯或麻醬，今次揀咗🥛湯，沾完會食到除咗有奶香味，仲有牛油香味呀🧈麵條有火龍果麵條同埋拉麵🍜火龍果麵條好特別，偏幼身口感亦較彈🥰配料有My Melody樣嘅日式魚板、青瓜絲、蟹柳絲、粟米、糖心蛋、沖繩豬軟骨、棉花糖！第一次食拉麵有棉花糖🤣賣相可愛味道又甜，好得意！💛黃金蟹膏牛奶拉麵💛 $98連紫菜都係My Melody，真係好可愛💕湯底係奶白色嘅牛奶湯，加埋黃金蟹膏，味道豐富😳拉麵嘅份量都幾多，一個人食絕對足夠😚呢度選用沖繩豬軟骨，經店舖調味後好入味，口感軟腍，食完會想再食多嚿啊🤤🧡富山雞翼🧡 $48一共有五隻雞翼，香脆嘅外皮淋上甜蜜蜜嘅蜜糖，好sweet sweet🐥🤍肉汁滿滿餃子🤍 $42最推薦嘅小食莫過於依個餃子🥟餃子如其名，真係肉汁滿滿！💛串燒雞軟骨💛 $38雞軟骨香脆，椒鹽味惹味，作為餐前小食就最啱啦🤩💚凍鮮泡蜂蜜綠茶💚 $15士多啤梨造型嘅容器真係好可愛🍓蜂蜜綠茶清甜🍯食完小食再飲番啖，解一解膩😙享受完一餐充滿少女心嘅拉麵都未夠？可以喺呢度買返個My Melody陶瓷碗($138)，拎返屋企收藏呀🤪呢個期間限定去到2022年1月31號咋，快啲把握機會嚟啦😏📍 富山麵家 📍 銅鑼灣希雲街7號地下-…查看更多

依間拉麵店周不時都有唔同嘅卡通主題 今次竟然係用Melody做主題😳 店面同店內都好用心咁佈滿pink pink melody 連張枱都係～～ 鐘意既話要把握時間去打卡🙈 仲專登設計左個限定拉麵碗比大家收藏～ .▫️黃金蟹膏牛奶拉麵🍜 $98好似真係未食過牛奶湯底 幾特別飲落帶淡淡奶香味 同拉麵異常地夾😚 黃金蟹膏呈金黃色 食落都略帶蟹味 提味一流😛～～ 另外仲有粟米粒蟹柳絲做配料 糖心蛋幾好食😚 最靚一定係!! melody紫菜同魚蛋片😍 q到唔捨得食!!.▫️my melody特製沾麵 $98另一款限定係沾麵 有得揀牛奶湯或者胡麻醬 我地揀左後者 直接落左胡麻醬落去撈 所以好似冷麵😂 仲要有埋青瓜絲同粟米粒🤭 小店仲用左沖繩豬軟骨做拉麵配料 食落都入口 同肉感軟硬適中 仲要有幾粒棉花糖點綴～.▫️串燒雞軟骨 $38仲有四款小食可以揀 雞軟骨脆卜卜幾好食 灑左胡椒更香口😛.▫️肉汁滿滿餃子 $42連小食都用左melody 兜裝 餃子煎至微焦 食落略帶油香.總結，鐘意melody既真係要去打卡 每個角度就連張枱都係佢🤭 仲要飲品杯都係士多啤梨🍓造型 真係好用心 同埋牛奶湯底都特別 原來一啲都唔突兀😚…查看更多