驚安燒肉商店

營業中

休息中

幾年前嚟過尖沙咀呢間主打燒肉嘅「驚安燒肉商店」, 今晚同朋友重臨用餐, 果然冇令我失望, 質素keep得住高質!! 店員有禮, 係香港實屬罕見。店內以紅色同黑色做主調, 環境光猛, 地方整潔企理, 座位夠哂寬敞。午市同埋晚市九點後入座, 可享59折‼ 堅抵!! 不過今晚放工已經太肚餓, 冇等到咁夜就直接入座。【上.九宮格】HK$388集合九款牛嘅不同部位, 每款牛均為新鮮嫩紅, 除一口和牛, 每款為兩片份量, 兩個人share食剛剛好。附有對應九宮格嘅部位名稱, 令食客更清楚知道每款牛嘅部位。其中兩款為醃製過, 分別係韓式護心肉同埋壺瀆牛肋肉, 兩款都醃得入味, 甜甜地, 唔需要再額外調味已經好正。一口和牛: 每粒都好厚切, 咀嚼時有少少牛脂滲透, 肉味濃郁。厚切牛舌芯: 爽口彈牙和牛三角腩: 牛脂最豐富, 烤後迫出少量牛脂, 入口軟嫩, 油香味重。和牛赤身: 帶有筋絡, 有口感但唔會難咬開, 脂香味濃郁另有和牛五花、極黑和牛同埋和牛三筋。【原條手切牛舌(半條)】HK$115嫩紅厚切牛舌切成網狀, 賣相好打卡able!! 店員協助烤, 烤得金黃, 內裡嫩口爽彈, 配上汁醬, 味道更提升

天寒地凍，最好食肉，朋友介紹「驚安燒肉商店」，聽個名都覺得專業同埋抵食。是一間日式和韓式混合的燒肉店，主打和牛，亦有韓燒風格的五花腩及米飯，店內風格配合，環境寬敞，每一張枱都有個烤爐在中央。和牛壽喜燒 $98真好，有服務員代勞，因為是薄切牛肉片，用火槍燒比較適合。火光熊熊，誘人食慾，一會兒已全塊轉了顏色，即是表面熟了，服務員把牛肉片卷軸之後，再塗上蘸豉油生蛋汁，然後鋪上飯面，大功告成有得食。客人可以依照自己口味再蘸多些生蛋豉油汁，我覺得當然愈多愈好味，牛肉入口即化，蛋香配上甜豉油汁，美味無比！原條牛舌 $115(半條)原來原條係咁長嘅？未試過成條食，半條都有咁多，兩個人非常足夠。真開心，又係有專人代燒。口感爽脆香嫩，好吃，心水推薦！接下來要自己動手烤：上．九宮格 $388五款驚安盛盒，我們的「上．九宮格」有這九款：和牛三角腩和牛五花和牛赤身極黑和牛和牛三筋一口和牛厚切牛舌芯韓式護心肉壼漬牛筋肉我們依照以上次序吃，目的在分辨，口感上冇乜所謂。三角腩的油脂最豐富、與極黑和牛及三筋明顯肉質比較軟熟，而和牛赤身及五花更有牛肉口感；一口和牛因為厚粒，口感滿足。厚切牛舌芯，有些煙韌；韓式的護心肉及