正宗上海生煎皇

其實好耐之前食過一次，但可能個次係夜晚7點，d生煎包去得快d新鮮d。今次係夜晚9點幾食，不過就唔洗等位，上菜都快既。兩個人嗌左：上海生煎包（2個、$18）、雞絲拌麵（$42）同川麻雞中翼菜飯（$44）。個生煎似放得耐左、有d老🤔🤔😂雖然都夠汁既，但就唔夠熱辣辣🙈🙈🙈雞絲拌麵其實係正常發揮，不過嫌唔夠多醬，食到最後開始乾。雞中翼菜飯都ok啦，因為唔係share食，只係試左啖雞翼係夠香既。…查看更多

跑完步，想食少少野，第一時間想食酸酸辣辣既野解下心口悶(最近天氣又焗返..），好彩有間上海野在身邊。由於我地只係口痕痕，所以只係少食多滋味。1) 灌湯小籠包(4個) 👉$32剛出籠既小籠包一定要趁熱跟薑絲仲有醋快快送入口(不過小心熱啊)，皮薄餡靚汁多啊!!我連食兩個，如果唔係宵夜，我應該自已食一籠。2)川味無骨鳳爪👉$29份量比想像中細碟，味道亦無想像中濃味，只有淡淡辣香油味，不過食到最尾，點住啲汁食味道濃郁好多(下次要撈下再食!)，而鳳爪彈牙唔腍身，加埋啲青爪絲食，帶出左開胃既咪道，如果可以再凍啲會好更好食。3)酸辣湯麵👉$38嗅落味道唔錯，食落辣味比較重而酸味比較淡，湯底較稠身，麵既硬度岩岩好，配料多多而且份量十足，整體唔錯。(建議：麵到即撈一撈下，咁麵就唔會稠成一團)食到最尾，點埋個生煎包食。食生煎包係有技巧的，鋪頭好細心張貼左*生煎包四步曲*教你點食~4)上海生煎包(2個)👉$16生煎包一點好快就到，時間快到肥妹仔我以為係放左好耐，點知驚喜出現👉包係熱辣辣，而且底部煎到脆皮金黃色，皮薄而底較厚(因為厚底煎果陣可保留肉汁)，咬落淡淡肉香味，而且肉汁唔小啖啖均有。值得再點再食。肥妹仔成十點到達，都有人食緊，而且期間，斷斷續續都有人黎。落單最後時間係11:30除左收現金，仲可以比八達通仲有仲有唔收加一架…查看更多

上次經過見到門口有很多人排隊沒來試，今晚來到，只等了五分鐘便有位了。由於本身吃了點東西，故在不十分肚餓的情況下，只點了三個食物。雞絲粉皮，竟然沒有青瓜絲，而且雞絲教「鞋」，粉皮的質地也不好吃，不會再試第二款食物立刻挽回我的心皮不厚，湯很多，會令人想吃多幾粒的味道。看相片也看見湯也不少最後是上海生煎包，皇牌系列，上桌時，真的很熱，建議大家根據它店舖的建議食法享用：先咬一小口，吹涼一點再吃。生煎包的底部經煎過，是有點脆的，但又不是太硬的感覺，很好味下次會再來嘗嘗其他的食品…查看更多

上海生煎皇喺旺角好耐兼喺深水埗開埋分店，但一路都無幫襯過，喺ig見過佢地下海小籠包嘅海報，印象幾深刻，決定去深水埗一試。週日客人都多，全店30 個位左右，不過上菜快，翻桌相對都快。座位之間空間唔多，尤其張枱較小，除非叫兩三款食物，否則好似我地咁叫的話…其實唔係好放得落涼拌青瓜海蜇 $27前菜點左兩款，份量比較少，涼拌青瓜只帶好少辣，不過加入大量蒜蓉，味道唔錯，幾醒胃。青瓜爽口，感覺新鮮！醉雞中翼 $26/3隻 醉雞翼酒味香而不濃烈，雖然浸過酒，但雞翼肉都不至於死實，不錯吃。上海生煎包 $30/4個先咬開包頂，試試溫度，飲湯 最後食餡基本上生煎包都夠熱辣辣，小心燙口~雖然肉餡都算多，但肉汁唔係爆射，皮底脆口，但比起祥興嘅爆汁生煎包，仲有多少差異。灌湯小籠包 $31/4個點最基本嘅灌湯款式 另有芝士鮮肉餡、蟹粉小籠包小籠包相對失色，皮厚，相信好難會發生一夾就穿嘅情況湯汁唔多，一般嘅上海食店都做得更出色，唔特別推介~上海炸排骨湯麵 $42上海炸排骨即係炸豬扒，都算厚身，冇炸到過哂龍~肉質保持稔身，味道唔錯、帶甜，有少少似叉燒清湯上海麵可以話係冇味…只適合清淡口味人士但由於我呢排食辣食到上腦，所以都要加豆瓣醬先食。整體而言，成餐晏仔兩個人埋單百六蚊，唔貴但唔算好有驚喜。搵日要去食祥興生煎包先得喇~…查看更多