金子半之助 (東薈城名店倉)

週末在東涌玩完，在東薈城吃晚飯，找到這間專門吃天婦羅的日式餐廳，便和家人一起試試。我們點了一份江戶前天丼和一份上天丼，上面的天婦羅芳香撲鼻及色澤較一般天婦羅深，這是因為採用了日本特製高級胡麻油所致。家人奇怪為什麼沒有醬汁提供，其實傳統做法的天丼會把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。因為天丼的天婦羅追求的不是脆口，而是每件天婦羅都能適量沾有醬汁。據店員所講，金子半之助使用古早秘傳醬汁，目的是重現江戶時代風味。江戶前天丼有比筷子還要長的星鰻天婦羅，雖然在上枱前見到大廚淋上醬汁，但是天婦羅口感仍然外脆內滑。丼碗是運用了源自江戶時代的陶瓷工藝，佐賀有田燒來製作，碗底部份特意做成空心設計，為更能保持碗中食物的溫度，由外觀賣相到實用性，都是一絕的江戶前味道！兒童餐可以選擇烏冬或飯，孩子選了烏冬，一上枱便急不及待地把整碗稻庭烏冬吃掉，看來十分好味😂…查看更多

今日又去了東薈城shopping…行完街又係時候要搵野食啦今日黎左食呢間日本過江龍，日本橋既天婦羅飯。睇見門面都已經充滿日系，好正。一入餐廳，以木為主，乾淨又光猛，座位舒適。呢間主要以天婦羅丼為賣點，有幾款唔同既天婦羅丼，配上唔同既天婦羅，總有岩自己口味的。除了飯丼外，仲可以配上稻庭烏冬，又或者食個迷你丼飯再配烏冬，大把唔同配搭。呢款江戶前天丼，超吸引，長長既穴子，外脆內軟，啖啖魚香，好好味。仲有海老、小柱魷魚、溫泉蛋、海苔，好多唔同配料，好正。另一款是上天丼，主要以白身魚、海老、小柱、溫泉蛋、海苔為主。食材跟另一款江戶前天丼差唔多，但呢款是白身魚。今次我呢碗上天丼upgrade了兩隻車海老。$38可upgrade兩隻。嘩，完全沒有後悔。因為upgrade了的車海老又長又大，肉質更爽口更彈牙，真係好好味，啖啖肉好正。呢一張相就可睇到海老跟車海老既分別。因朋友個碗沒有upgrade..所以我們一人一隻交換了，這樣又可試到海老又可試到車海老。呢張相左邊的就是海老蝦，其實海老都好好味，都好鮮好肉厚。只是右邊的車海老更長身更大更彈，好滋味。好正。呢間餐廳既天婦羅好正，仲有天婦羅蛋，都超好味。個飯食到咁上下再吉穿隻蛋，蛋汁滲透飯粒，令成碗飯更滋味更juicy….本身個丼飯既天婦羅汁都好正，好惹味。天婦羅又好香脆，又惹味，另外飯料又甜又香，成個配搭都好好味。呢間天婦羅飯一流。…查看更多

早排去東涌outlet 睇衫 見到呢間日本過江龍的天丼飯 🤩 之前食過天丼覺得好乾身 味道一般但呢間 真係充滿驚喜 超好味😋😋 🤩🤩🤩🍤🍤🍤 我地叫左兩個飯 超足料 堆到成座山咁🤤兩個飯同樣 配上 漬物及麵豉湯 😆 -🐟江戶前天丼 $138 炸物有穴子 海老 魷魚 莢豌豆 海苔 溫泉蛋 *穴子：即係 野生星鰻 -🍤上天丼 $118白身魚 海老 魷魚 莢豌豆 海苔 溫泉蛋 -飯上的炸物 全部都係即叫即炸 （如果趕時間嘅人要留意）外脆內軟 仍保留到肉汁 鮮美 ☺️☺️🥰 炸鰻魚真係第一次食 肉質偏實身鮮甜🤤 炸白身魚 則肉質較白滑😝 炸物上 放了少量柚子皮 食落一啲都油膩最意想不到係連溫泉蛋都炸埋 😂😆 炸物 連同 餐廳秘製的醬汁 真係超級好食 味道甜甜地又咸咸地😋秘製醬汁完全為炸物 提昇至另一境界☺️😋 食到一半 將溫泉蛋戥破 讓蛋汁流入白飯之中撈勻飯 再食 飯完全吸收了蛋汁及醬汁 令丼飯更加鮮甜美味 充滿蛋香🥰🥰🤤🤤 -👍🏻👍🏻👍🏻👍🏻另外特別一讚 餐廳設有黑豆茶 👍🏻👍🏻🤩 黑豆茶功效多多 有禆益止汗 滋補腎臟 仲可以去除油膩感 …查看更多

唔係住喺東涌，但偏偏山長水遠去到東涌，事出必有因。數數手指，已有超過一年半沒有離港同小女兒出外旅遊，決定入去迪士尼 staycation。入去前先到最近迪士尼、兼最多食肆選擇的東涌醫肚，揀了「金子半之助」。上一次光顧是利東街分店，小編一貫習慣，同一間餐廳即使是不同分店，除非情況特殊，基本上不會寫下第二篇食評。今次正因為試了同上一次不同的出品，才落筆記下來。東涌店位於商場內，感覺上只是一間普通餐廳，及不上利東街分店的特色 ⋯⋯ 後者更似一間日本街舖天丼小店。為了吸引客人，刻意安排廚房在靠近店舖門口位置，並設置透明大玻璃，客人可看見廚師炮製天丼的過程。東涌分店主力客源是附近居民，週一至週五更肯定缺少區外人生意；所以做蓋印卡優惠推廣，但只限於東涌分店。即使星期日中午午飯時段，也只有幾個客人。刻意挑選吧枱座位，以為好似日本的天丼店一樣，可以見到廚師炮製天丼的整個過程；但開放式廚房的設計較遜色，缺少了日本當地所見的佈局。炸鍋設在開放式廚房後端，並非面向吧枱座位，客人不能近距離欣賞廚師炮製天丼過程；只能見到廚師將炸好的食材鋪陳成一碗天丼的最後程序，有點失望。天婦羅講究食材新鮮、席前即炸。既有豪華版及選用高級食材的 omakase 天婦羅料理、也有中價檔次的天婦羅老店、及親民的天丼店。平民天丼連鎖餐廳集團可以便宜至幾百円就有一碗；即使是百年以上歷史的天丼老店，人均消費也只是2000～3000円左右，已有一大碗舖滿海鮮食材的豪華版天丼。歷史緣故，東京的天丼老店全部位於庶民聚居的下町地區，尤其集中在淺草一帶；當然也有後起之秀在其他地區創業，「金子半之助」就是其中之一。總店位於東京日本橋，創業歷史只有10年左右，兩年前將海外市場拓展至香港，現時共有三間分店。天丼起源於江戶年代（1830年代）的東京新橋及淺草一帶，食法沒有天婦羅講究，沒有蘿蔔蓉配天婦羅汁、海鹽/綠茶鹽等等調味；只是簡單地將油炸完的食材鋪在一大碗白飯表面，然後再淋上小店的自家秘制醬汁。由於是碗飯，既方便進食、又可飽肚，加上油炸食材香脆可口、刺激食慾，是當時的庶民美食。醬汁源自創店人爺爺金子半之助老先生的秘方，標榜正宗江戶時代嘅天丼風味；所以，餐廳也以老先生名字為名，並曾連續5屆榮獲日本《全国丼連盟》天丼部門金賞。不祇醬汁來自日本總店，香港店用嘅穴子、蝦等食材同樣來自與日本店相同嘅供應商，香港員工亦遠赴日本研習；力求盡量做到味道同日本總店一模一樣。曾經努力上網翻查資料，只找到日本店嘅介紹，但就找不到金子半之助老先生嘅資料，有點懷疑所謂可以追溯至江戶時代嘅天丼醬汁秘方是否宣傳伎倆？除了醬汁及食材之外，美味天丼的其他靈魂天婦羅小麥粉（混和雞蛋及清水之後，調制成天婦羅脆衣粉漿）及日本產胡麻油（用作油炸天婦羅）同樣由日本總店進口，採用相同材料。難怪香港分店定價貴過日本，以江戶前天丼為例，東京日本橋總本店只賣980円（不含味噌湯），香港店就要$138，另外還有加一服務費。典型日式料理店，講究專門單一。餐牌選擇也少，只有五款天丼，沒有花巧。長時間只做幾款菜式，確保精益求精、質素穩定。五款天丼中，有冷、熱稻庭烏冬各一，及三款不同食材的天丼：天丼（$98）、上天丼（$118）及江戶前天丼（$138）。今次揀上天丼（$118），食材包括白身魚、蝦、小柱魷魚天婦羅餅、紫菜、小豌豆及溫泉玉子。除天丼外，還有一小份漬物（醋漬蘿蔔及酸薑片）及味噌湯。日式紫菜作為小吃，原本已經香脆；加上油炸處理，口感更加鬆化，入口即化成碎片。蝦天婦羅就等同天婦羅的代名詞，所以，天丼不可缺少蝦。只要食過較高級的天婦羅，不難發現同天丼的脆衣有所不同。席前逐件即炸奉客的天婦羅料理，脆衣顔色較淺、較薄、更接近金黃色；又由於通常蘸鹽、或只蘸小許蘿蔔蓉天婦羅汁，加上即炸即食，每件天婦羅的脆衣皆保持鬆脆。至於天丼，始終源自庶民料理，脆衣賣相較粗糙、顏色較深、亦較厚身；而且淋上醬汁，加上熱飯的蒸汽，除了第一、二件天婦羅可保持鬆脆外衣，往後的就失去了鬆脆口感。天丼共有兩隻蝦，挾起蝦天婦羅，外層脆衣仍算鬆脆，脆衣包裏下的蝦肉鮮甜，但今次出品未夠爽口；勝在有帶甜的天婦羅醬汁，仍然好食。之後再食白身魚。口感竟然較印象中的穴子更鬆脆（上次在利東街分店食江戶前天丼的食材）。魚油含量較穴子低，肉質也較穴子結實，味道就較為輕口味，不喜歡穴子油脂重口味的最佳選擇；兩者各有各的美味。吃了一半食材，就要品嚐白飯。每啖白飯皆沾有秘製醬汁，味道香甜。食到一半，將半熟溫泉蛋戳穿 ⋯⋯ 今次的玉子炸得有點過火，蛋黃未夠流心。將僅有的蛋黃液與白飯拌勻一齊進食，增添了一份蛋黃香；雖然唔夠濃厚，但仍然美味。另外試了迷你天丼及稻庭烏冬(凍)($118)。迷你天丼的食材包括菇菌、蝦、紫菜、南瓜、小豌豆及溫泉玉子。雖然話係迷你，但食材同樣豐富，只不過以蔬菜為主，更加健康。幼身的凍稻庭烏冬賣相地道，入口軟身、滑溜，又有少少彈性，質感正宗；只略嫌有少少黏身，部份烏冬纏繞在一起。兩款天丼的食材一樣豐富，很飽肚；加上價錢合理、味道中上，值得追捧。今次終於記得影低黑豆茶的真身，原來只是在每個茶杯放入兩粒黑豆，然後自己斟茶沖泡。餐牌介紹黑豆味甘性溫和，又有消膩解渴、除濕提神、化痰消水腫等多種功效，但只係沖泡就有此效用？抑或沖泡黑豆的茶已加入黑豆煮沸？…查看更多

久久無外出走走， 幸得皇上又放假， 決定去「行商場」😂， 行到攰， 好想食下天婦羅， 又見無人排隊， 當然要試下啦， 雖然選擇唔多， 但每款都做得好精緻⋯⋯ 一試難忘👏🏻上天丼鱚魚， 海老， 小柱魷魚天婦羅， 溫泉蛋， 海苔， 莢碗豆， 味噌湯， 漬物。💋無想過入口即溶。 無油益味， 亦都唔油膩。 份量都夠滿足皇上🤪，店員亦都簡單介紹如何食的先後次序， 要先食一半飯， 次後才用溫泉蛋破開， 😋令餘下的飯有沾有蛋醬。 還有配上黑豆茶，亦比較特別。 😃 天丼菇菌， 海老， 小柱魷魚天婦羅， 溫泉蛋， 海苔， 莢碗豆， 味噌湯， 漬物這個相對比較清一些， 因為是菇菌。 但味道同樣是好好味食的次序…查看更多

岩岩個星期六去左東涌行outlet,搵好西食時發現呢間日本過江龍店，佢仲有日本第一天丼嘅美譽！我地都算晏食飯，2-3點去嘅時候依然仲有幾張枱等緊，但本身分店唔多，一心想試，都決定等下啦餐牌選擇唔多，但每款都各有特色，我地最後分別揀左江戶前天丼、上天丼，再追加一個菇菌。江戶前天丼每個餐都會有開胃前菜同湯，欣賞佢個湯好夠熱👍🏻👍🏻穴子好大條好吸睛，另外有比較少會食到嘅炸凡立貝，都好好食，炸完都唔老；上天丼特色就係配有鱚魚，含有豐富蛋白質，同埋肉質鮮嫩；炸完都係好嫩肉👍🏻差d唔記得講重點！每個丼飯都會配有一隻炸溫泉蛋，食食下天婦羅時吉穿隻蛋，d蛋汁流出黎配埋飯咁食，勁正！追加嘅菇菌都好好食，好重菇味，juice!唔好睇佢地份量平平無奇，食落都幾飽下，最後我同老公都食唔哂，要淨返少少飯.整體黎講我覺得呢個天丼有驚喜，係誠意之作，以日本第一天丼之稱黎講我覺得價錢真係十分抵食同值得一試！另外佢地都有做外賣套餐…查看更多

🍤🍤🍤🍚哈哈冇錯，個份量真係咁多！餸飯三比一到，抵食😌一坐低就有真。黑豆茶，解膩 😁 裝修靚，姐姐服務態度超好。江戶前天丼 $138穴子（鰻魚）、海老（蝦）、小柱魷魚天婦羅餅、溫泉蛋、海苔、莢豌豆✨鰻魚天婦羅好特別😍 係第一次食！✨新鮮，炸漿都有調味，咸咸地，加埋啲天婦羅汁勁好送飯。✨魷魚天婦羅餅好有咬口，成塊都好有鮮味，炸漿包住唔係一件，而係粒粒魷魚🦑都幾特別 ✨海苔天婦羅香脆，咁薄都唔會炸到好厚粉 😎上天丼 $118鱚魚、海老（蝦）、小柱魷魚天婦羅餅、溫泉蛋、海苔、莢豌豆原來鱚魚日文係kisu 同kiss發音相似所以被認為同愛情有關😌 同男朋友來不錯哦，浪漫套餐有味噌湯同漬物漬物有牛蒡同蘿蔔，酸酸地好開胃。Suntory beer $28食日本嘢當然唔少得日本啤酒。Suntory有Premium malt beer ，日本啤黎講，味道甘醇又唔苦，男女都岩飲 😋…查看更多

已經bookmark左呢間日本過江龍天婦羅好耐喇～之前一直聽人講要排隊，所以一直都冇的起心肝去試🤣今次咁岩嚟到東涌，見到冇咩人排隊，終於有機會嚟朝聖啦🤩menu好簡單只有三款唔同嘅天婦羅丼飯，有一種餐廳係想好專注做好食物，所以先冇咁多選擇嘅感覺～最欣賞呢度係開放式廚房，可以望到師傅嘅製作過程。而入到去店員又會用日文歡迎你，真係好似去咗日本食嘢咁，勁有feel✨整體來講，食完你就會明白點解呢度嘅天婦羅係日本第一天丼🤩.bookmarked this japanese tempura place for ages now 🤤 a very simple menu with 3 different tempura dons 😋 loved the fact that its an open kitchen so you can see the entire cooking process 😊 after trying their don, i understand why it has won so many different awards 🤩 definitely a must try!.^_^《江戶前天丼》$138 😋😋😋《上天丼》$118 😋😋😋炸到金黃色嘅天婦羅非常之吸引，食落口感好特別，食得出天婦羅嘅粉漿同平時嘅唔一樣，唔需要點醬汁味道都好夠，但又唔會話太油膩。兩款唔同嘅丼飯都會有海老、小柱魷魚天婦羅餅、溫泉蛋、海苔同埋筴碗豆，而最大分別就係魚；江戶前天丼會有一條特長嘅穴子星鰻，而上天丼就會有鱚魚。比起平時食開肥美嘅鰻魚，星鰻嘅脂肪比較少，口感會緊實啲，食起嚟感覺上健康啲～鱚魚肉質鮮嫩，蛋白質豐富！兩種都係平時比較少機會試到嘅魚，好特別啊😍咁多款天婦羅之中最surprise到我嘅係魷魚餅！！魷魚食落非常之新鮮，又有多重口感，好好食！溫泉蛋亦都做得相當之出色，店員有建議用蛋汁撈飯，超惹味👅一定要讚下呢度嘅米飯，珍珠米粒粒分明，撈埋秘製嘅醬油，完全食唔停口！.金子半之助 @hannosuke.hk📍#BELLYwongs_wanchai #BELLYwongs_tungchung #BELLYwongs_kwaifong.#BELLYwongs_japanese 🙂…查看更多

成間餐廳其實得3款食物揀🤣🤣江户前天丼有穴子，海老，小柱魷魚🦑天婦羅餅，溫泉蛋，海苔，碗豆穴子啫係星鰻，鰻魚既一種，佢既口感比起普通鰻魚既質感林啲，但係成條都好長，以價錢$138黎講, cp值好高，最推介食尼個其實除咗第一個餸，其他配菜都一樣，而連溫泉蛋同海苔都係炸既，其實全部天婦羅🍤都好好食，但係海苔俾到好大驚喜我，個口感超好食。天丼既主菜係菇菌，因為我個人幾中意菇，所以覺得幾多，但就Cp值就冇其他個2個咁高所有丼飯都配有一碗麵豉湯同小菜，有酸薑同白蘿蔔，咁樣cp值更加高，好推介大家食最後有個好貼心既位係，因為全部都係炸物，所以佢地準備左黑豆茶，話可以解膩…查看更多

新年試新嘢！開張無耐嘅呢間天丼，連續5屆獲日本全國天丼金賞，間唔時都傳出陣陣香味！今日一於嚟試吓。晏晝3點幾嚟，人唔算多，店入面都幾多位，空間感充足，不過店入面始終難免有少少油益味。與友人分別叫咗上天丼同天丼。樣子不錯哦～店員端上食物時亦都有細心解釋食法。 我就覺得天婦羅加醬汁，比想像中好味。而以不愛好天婦羅而言，係水平之上嘅！不過愛好天婦羅嘅友人就嫌有醬汁令天婦羅唔夠乾身。上天丼多咗鱚魚，我覺得有少許腥。整體嚟講，溫泉蛋有輕微煎過外皮，香口！小柱魷魚天婦羅餅同海老都好味，一口咬上去唔覺得油淋淋。店員建議食到一半，督穿溫泉蛋，將蛋汁混飯一齊食！茶加入黑豆，個人不喜歡豆類，覺得麻麻。3點至6點有雙倍印花，儲夠8個就有碗天丼（價值$98）送！…查看更多

「香港篇 - 東涌」“金子半之助 🍤” 🌟🌟🌟🌟/5對係小樽食過既天婦羅念念不忘🤤係香港見到依間日本過江龍就好想試🤤🔻江戶前天丼 🎏 ($138) 🌟🌟🌟🌟包括左穴子、海老、小柱魷魚天婦羅餅、溫泉🥚、海苔、莢碗豆穴子即係星鰻 比鰻魚少d油脂 換來結實魚肉🥰炸粉唔厚 鋪滿麵包糠 即點即炸 好脆口🤤不過始終唔夠日本既好食 麵包糠粗糙食到好un口😳小柱魷魚餅幾得意 由好多切粒魷魚組成😛唔太似餅 我想像係墨魚餅之類😂食落口感柔軟🥰食到咁上下拮穿隻🥚隻🥚流心連埋天婦羅汁撈飯好好味😋可惜汁少到撈唔到飯😭😭😭🔻上天丼 🍤 ($118) 🌟🌟🌟🌟同江戶前天丼唔同既就係穴子換左做鱚魚🐟鱚魚感覺有d似九肚魚 細細條但唔多骨😚魚肉相對油香較重 自己覺得食上天丼已好滿足🥰炸海老🍤食落蝦肉唔彈牙 🦐又細細隻🥺炸海苔都幾得意 考功力😎好似食薯片咁🤪始終都係小樽好😭💁🏻‍♀️唔係唔好食 只係比較下我覺得日本好食太多🙈海鮮唔夠新鮮大隻 炸皮又唔夠薄😕…查看更多

昨日在東涌行山到九點半東薈城很多食肆也關門了有的就不接待客人了幸好這間還願意接待，拯救一班饑民當然不虧待自己，要叫最貴最豐富的獎勵自己豐盛華麗之江戶前天丼 - $138穴子、海老、帆立貝魷魚天婦羅餅、溫泉蛋、海苔、莢碗豆不愧是專業做天婦羅的，天婦羅一點也不油膩，炸粉亦不多平常出面的比較熱及多油，它屬微溫主角穴子足足有30CM餐牌解釋穴子星鰻的肉質纖細且脂肪較少，口感緊實，吃起來更加健康無負擔朋友點的用料上乘必點之「上天丼」 - $118鱚魚、海老、帆立貝魷魚天婦羅餅、溫泉蛋、海苔、莢碗豆鱚魚特質是肉質鮮嫩，含豐富蛋白質店員會對每枱客人說明兩次頭一次是說明杯中的黑豆有助開胃、解滯第二次是丼飯來的時候，解釋吃法，可以自行加入七味粉，以及吃到一半時，弄破溫泉蛋再進食其實三款丼飯的分別只在於一款材料而丼飯的器皿只得一半容量，飯會比較少，但絕對夠飽…查看更多