小胖台灣便當 (德立大廈)

營業中

休息中

平時去尖沙咀都會去厚福街覓食，但今次同朋友亂行見到「小胖台灣便當」被餐單吸引下，就走上樓梯看過究竟。起初以為係買外賣食品的地方，原來有堂食位置。環境感覺像快餐店，不過有職員送上用餐。我同朋友點咗三杯蜜汁燒雞扒便當同台灣鐵路大排骨便當，同埋大家都叫咗杯熱飲柑橘檸檬。仲下載咗佢哋嘅Apps領取迎新小食，換領咗懷念鹽酥雞。整體感覺性價比超高，因為覺得食物好味道，特別係鹽酥雞、便當入邊入味嘅粉絲同埋烤雞扒，我連雞皮都食埋。因為啲皮比較薄。同埋便當嘅份量比較多，連我平時胃口嘅朋友都食唔晒。因為便當入邊有菜、粉絲、粟米同半隻蛋。最後，每份便當都跟一杯飲品，冇諗過熱飲都比較大杯，飲埋杯嘢飲已經超級飽。有機會經開尖沙咀，我都想嚟試多次試吓其他嘅產品。#DiscoverMore in TST

最鍾意食嘅台灣便當一定係呢間小肥台灣便當，因為佢有晒大家最鍾意嘅食物配搭😍 仲可以做會員，又有迎新優惠亦都有積分儲，食得越多就有越多積分儲，每次充值仲有額外積分添，仲有好多優惠券添，真係超抵呀😛懷念鹽酥雞 🐤小食梗係要叫台式最出名嘅鹽酥雞啦，炸得好脆口，好開胃🤤台灣鐵路大排骨便當 🍱鐵路便當呢個稱號係源自於以前台灣長途火車提供嘅便當，排骨係大家最鍾意嘅選擇🤭 因為佢整得好入味，亦都好有肉質，唔覺唔覺會食唒成碗🤣 三杯蜜汁烤雞扒便當 🐣 呢個雞扒都超高質 💯 好香蜜汁味 🍯 配菜仲有滷水蛋添 🥚 份量啱啱好👍金萱烏龍茶 🫖 台式飲品除咗珍珠奶茶之外仲有佢嘅冷泡茶，甘醇順口，飲落清涼解渴，啱晒食完台式便當😆熱金橘檸檬茶 🍋 最近天氣比較凍，熱飲方面可以揀呢個暖胃嘅金橘檸檬茶，飲完個胃即刻好溫暖，亦都好潤喉😌

鍾意食台式便當嘅主要原因係除咗主食同埋肉食之外仲有好多配菜，營養比較均衡💪🏻食過幾次呢間台式便當都覺得大件夾抵食嘅，而且仲好好味😋 三杯蜜汁烤雞扒甜甜地咁，肉質鮮嫩🤤而且啲米係用咗珍珠米，幾煙靭再加埋有好多配菜，例如粟米、炒粉絲、炒雜菜、煎蛋角成件事好豐富，而且份量好夠飽🤣所有午餐都會配埋嘢飲，有冷泡茶同熱飲可以揀因為最近天氣比較凍，所以揀咗熱柑橘檸檬茶雖然飲得出係用現成糖漿沖出嚟，但成杯嘢好夠味，真係冇孤寒👍🏻 菜式：- 三杯蜜汁烤雞扒便當+熱柑橘檸檬茶（lunch set):$62 味道：🤤🤤🤤🤤🤤/5性價比：🤤🤤🤤🤤🤤/5

20:45😢最近成日忙到好夜先食飯，好彩尖沙咀啲食店叫做開得晏啲先仲有得食。就好似依間店咁，就21:30先last order!!!!其實次次行完The One都會比小胖台灣便當2/F嘅大大隻招牌吸引，但一直未有機會試，終於係機緣巧合之下同男朋友試到佢。店面唔算好大，相信平時食飯時間都會幾逼人。我同男朋友一人嗌咗一個便當，包兩杯野飲，再加多個小食，總數$174。便當會跟粟米、粉絲、兩條大白菜、炒雜菜、紅色一條條同一片簿簿嘅雞蛋，所有配菜味道都唔錯，全部都有味。男朋友嗌咗個期間限定嘅逢甲香烤豬軟骨便當，豬軟骨好淋好入味，啲骨位唔會有脆或硬嘅感覺，美中不足嘅係啲肉有啲啲韌。我就嗌咗個三杯蜜汁烤雞便當，雞扒肉質好滑，而且唔乾，味道就冇乜驚喜，似係蜜糖雞扒嘅味道。而全店最大驚喜就係個炸大腸！！！！首先個炸大腸一定係即叫即炸，因為上枱個時係熱辣辣嘅，啲炸大腸炸到好脆，但又唔會太乾身，食落口感極佳！而炸大腸表面有啲平時食鹽酥雞上面嘅粉，所以帶有咸香咸香嘅感覺，但又保留到大腸嘅味道。我同男朋友都表示可以為咗依個大腸encore食依間野（因為宜家炸大腸好難搵到好食😢）。而所有便當都會免費跟熱飲或冷泡茶

外勤工作,lunch係尖沙咀覓食, 無咩頭緒之下係加連威老道個十字路口,望高頭見到個好得意嘅logo 公仔同埋大大個字寫住小胖台灣便當,好啦,唔諗咁多就行上去試吓！ 樓上餐廳面積空間非常闊落, 座位寛敞,裝修親民簡單。店家以台灣便當和台灣小食做主打,款式十分多,午市套餐,一個主食+一個小食+一款飲品,都係$78, 價錢都幾親民呀！ 🔮麻辣鴨血肉燥寬粉舖上台就聞到陣陣的麻辣香,鴨血每片都頗大塊,又滑lulu, 我點咗微辣的麻辣湯底,味道剛剛好,啱哂我呢d唔係好食到辣嘢的朋友 ,寬粉Q彈有嚼口,而且份量都真係好多呀！ 🔮三杯蜜汁烤雞扒便當塊雞扒大到佔咗整個碗面,醃得入味之餘,即使厚切一樣超級juicy , 先煎後烤, 微辣帶甜又香口, 秘製三杯蜜汁又好下飯,伴菜餐還有香甜粟米粒,紅蘿蔔,木耳和青菜,真係淨食餸都飽呀！ 🔮懷念鹽酥雞大大粒,好有台灣家鄉味！ 雞腿肉嫩清彈牙又juicy, 外脆內嫩！還有九層塔脆片伴碟,更加香口！🔮五味拌醬茄子拌醬嘅味道十分惹味, 酸酸咸咸又帶甜,都幾醒胃呀！