沾仔記麵食

呢間傳統麵家應該都食咗十年啦 真係由細食到大😙呢度叫嘢食好簡單 主要係鯪魚球 雲吞 同埋鮮牛肉有單拼 雙拼 三拼任君選擇～我哋就梗係全都要啦！上湯鯪魚球一啲唔輸炸鯪魚球㗎每一粒都大大粒成粒乒乓波咁 咬落彈牙煙韌香蔥同陳皮嘅香氣都有 層次口感都幾豐富鍾意佢哋嘅雲吞 大約7成比例都係鮮蝦 只有少少肥豬肉口感彈牙得嚟唔油膩 有蝦肉鮮甜又有豬肉嘅甜味 平衡得好好重點係皮薄餡靚🥳最後嘅鮮牛肉片都幾厚切 而且唔會好多筋牛肉無特別調味或者腌過所以食到原汁原味👏🏻base係傳統嘅大地魚湯底 湯底清甜 飲落唔味精 都幾順口舒服配搭米粉索哂啲湯底好好味！…查看更多

下午茶時間又到啦，最好就係嘆碗鮮蝦雲吞麵。去開佐敦就揀咗沾仔記，係門口見到有好多米芝蓮推介，即刻入去試一試先。餐牌內有湯麵、撈麵、油菜、小食、飲品、外賣生料等，款款吸引。三拼  (+$12 轉蝦籽撈麵 )   $59依碗係轉左蝦籽撈麵，蝦籽鮮味十足，鹹鹹香香，每條麵都沾滿蝦籽，麵條有韌性夠彈牙，完全無鹼水味，食起嚟好順滑，充滿麵香。大大粒鮮蝦雲吞，皮薄餡靚，裡面全部都係蝦，蝦肉好新鮮爽口。牛肉係選用優質，牛肉煮到啱啱熟，入口新鮮嫩滑，牛味香濃。鯪魚球都好大件，爽口鮮味，食落口感軟綿綿。另外三拼連埋高湯，湯底用咗豬骨、蝦籽、大地魚乾等材料熬煮嘅上湯，味道非常清甜。單拼 (+$12 轉蝦籽撈麵)   $47   另一碗都係轉蝦籽撈麵，麵條幼身，有蛋香味，口感煙韌彈牙，與蝦籽拌勻一齊食，口裏嘅鹹鮮味散發出來，主食點左牛肉，嫩滑有咬口，係新鮮牛肉，牛味香濃，撈麵嘅湯底係分開，湯用左多種材料熬製而成，飮落味道好鮮甜。淨鮮蝦雲呑    $35      剛剛食完粒雲吞覺得好味，立即加單點碗淨鮮蝦雲吞。鮮蝦雲吞皮薄餡多，入面起碼有3隻大蝦，份量十足，蝦肉彈牙，食起嚟好爽脆，湯底清甜順口。時令油菜    $18  時令油菜要生菜，翠綠鮮蔬，加埋腐乳醬汁，鹹香味與生菜很配，份量好多，足夠二人食有餘。無糖可樂 及 低糖豆漿 各$8，豆味香濃，少少甜，兩款都凍凍地，清爽解渴。…查看更多

餐廳：沾仔記麵食地點：佐敦廟街菜式：麵餐牌：湯麵（麵，河，米），輕食，飲品，外賣生料，火鍋配料三拼 $47三拼有鮮蝦雲吞兩隻，鮮鯪魚球兩大隻同新鮮牛肉6，7片。鮮蝦雲吞皮薄餡料爽脆，見到唔少蝦肉。鮮鯪魚球好鮮味而口感滑溜彈牙，絕對係啖啖肉。新鮮牛肉都係好彈牙同啖啖肉。三樣材料都好食！加有韭黃段。拼菜 $6拼菜有生菜，通菜同菜心揀。通菜份量好多，差唔多有一碗。轉蝦籽撈麵 $12麵係幼身，有蛋香又有咬口，質感較乾身，我鍾意加湯一齊食。附上兩條嫩到爆菜心苗。甜酸炸雲吞 大 $45甜酸炸雲吞一客五隻，炸到金黃色，整得皮脆肉爽，配有甜酸醬，味道更好。蜆蚧鯪魚球 大 $45蜆蚧鯪魚球都係一客五隻，炸到金黃色，皮脆肉彈牙，啖啖肉！蜆蚧鹹香十足，有兩大隻蜆。時令油菜 $26時令油菜叫左豆苗，翠綠嫩口，加左少少蠔油就夠味。份量足有一碗。低糖豆漿  $8低糖豆漿係瓶裝，夠凍，仲附上膠飲管。食物質素唔錯，餐廳地方乾淨，裝修光猛，唔怪之得平日午餐時間都好滿。…查看更多

阿囡從英國回來渡假，最想食雲吞和壽司。帶她去從前食開，現在搬到新舖的沾仔記麵食。小店風采依舊，食物味道和人情味轉變不大。.麵食只有三款（雲吞、鮮牛肉、鯪魚球），小食只有兩款（炸雲吞、炸鯪魚球），專注就是好。.阿囡要了🏅雲吞河單拼（$36），我貪心些叫了🏅三拼麵（$46）。雲吞大如雞蛋，內有鮮蝦三隻，隻隻都爽彈無腸，真是皮薄餡靚。鮮牛肉軟滑有牛肉味。鯪魚球爽滑有彈性，阿囡說吃到骨絲，我則沒有。湯底有鮮味，清淡得來好飲，飲完不會口渴。幼麵爽口彈牙，梘水味不重。🏅炸雲吞、🏅炸鯪魚球（$45／5粒）兩款小食都炸得酥脆，炸雲吞配甜酸醬，炸鯪魚球配蜆介醬。話說我第一次在蜆介醬中見到如此肥美的泥蜆，鹹鮮有酒香。🏅油菜（$16）現在已少見到廿元以下的油菜，而且份量不算少，咁抵食，一於叫兩碟。…查看更多

所謂見微知著好吃的不一定是大魚大肉諸如雲吞麵這些平民食物要煮一碗好的其實也不容易沾仔記店面在佐敦附近有無數的麵家在競爭這麼激烈下仍然這麼受歡迎它的麵可想而知有多好吃了餐牌非常精簡，價錢是公道的點了一個三拼（雲吞、牛肉、鯪魚球）麵是靈魂好的壞的吃一口便知有蛋香、彈牙、熟度剛好牛肉非常的滑溜他的口感像是滑牛咬下去卻有打邊爐肥牛的油脂感非常好吃鯪魚球也是非常的有彈性完全沒有小骨刺調味剛好不會過鹹也完全沒有腥味至於雲吞我還特別咬開拍張照乒乓球的大小裏面整整有兩隻蝦很有份量老闆和員工們也是非常的親切很有禮貌畢竟有些餐廳做久了人客多了員工會容易顯得不耐煩這家麵家和附近很有名的麵家還有一個很大的分別就是份量超級足好大一碗配上支裝可樂真的是人間美味…查看更多