一日一咖啡吧

一週末一早餐，我認為周六日有兩天假期先來一份豐富的早餐是個好開始，如常出外找新去處，今日的收穫是位於上環的 「一日一咖啡吧」，想到改這個店名真有意思，人人咁做，生意興隆！ 巴馬火腿班尼迪蛋 $78賣相簡單，但都吸引，未吃已知班尼迪蛋香滑，因為蛋漿慾滴之形態，喜歡免頭灑上香草粉，紅紅綠綠添色彩，配我喜歡的英式鬆餅。 總結來說，美味，合意。  手沖咖啡 $75Ethiopia Guji Shakiso Trafe GG G1現在只可飲咖啡因較低的淺焙，所以手沖較合適，這一款充滿花香、菊花、厘子、蔗糖的餘韻，甘甜可口。 望住街，慢慢品嚐更有意思。所以選址單邊，並設置大窗可望街，是個非常好主意。  一日一早餐 $118同伴吃早餐，符合期望中豐富，煎香肥大腸仔、亦有煎過的香茄、蘑菇、煙肉、炒蛋、茄汁豆、沙律菜及牛角包，材料唔錯。 Long Black早晨包括咖啡，簡單的 long black，深焙的咖啡更香，可惜我只能嗅，無緣品嚐。  平均分數: 3.5…ดูเพิ่มเติม

星期日起身散步行咗去上環嗰邊🏃‍♀️，非工作天嘅日子呢區真係好寧靜，就連食肆都無幾多間係開嘅。不過正正因為咁，俾我留意到休憩處隔離轉角位開咗間新嘅Coffee Shop✨，名叫「一日一咖啡吧LOL CAFE BAR」。我哋見餐廳環境幾寫意，就一於入去試吓☺️。呢度有兩邊都係面向街景，感覺開揚，而且能夠望到綠色嘅樹讓人好放鬆🌳。由於現時天氣轉涼，店舖開窗，唔使開冷氣，都一樣咁舒服。一日一早餐LOL Signature Breakfast($118)，早餐內容幾豐富，包括豬肉腸、煙肉、蘑菇、茄汁豆、蕃茄、沙律菜、炒蛋同牛角包🥐，份量好多，食完飽足成個晏晝。雖然味道稱唔上好驚艷，但每樣食材都處理得唔錯，例如煙肉唔會太鹹或太乾🥓，蛋又炒得幾滑。如果佢可以加埋薯餅、牛油果同煙三文魚就更正，好貪心的我😝。自家製蕃茄肉丸意粉Homemade Meatball Linguine($88)，意粉幾有驚喜🍝，無論肉丸、醬汁定麵條都係水準之上。扁意粉質感彈牙，每條麵都掛滿醬汁，蕃茄醬味道香濃🍅，用上新鮮茄肉，酸酸哋幾開胃，而且亦不乏芝士同香草作伴。肉丸有四大粒，佢哋用豬肉加牛肉搓成，肉味相當濃郁，食落富有嚼勁。飲品方面，我哋要咗凍黑咖啡Iced Long Black同凍抹茶拿鐵Iced Matcha Latte(+$15)。☕️前者隨餐奉送，咖啡豆味唔會太酸或太苦，適合大眾。至於拿鐵，店員建議攪勻後先飲用🍵。小店採用山政小山園嘅抹茶粉沖泡，味道香醇，再加上落咗好多奶，口感非常細滑。流心巴斯克芝士蛋糕Burnt Basque Cheesecake($38)，小店嘅甜品選擇都幾多，出品來自@hygge_botd。🧀芝士蛋糕質感軟滑，所以食落唔會太膩，而且亦係低糖版。如果追求流心效果嘅話，喺室溫放一陣先食會比較好，但佢就唔算好濕嗰種。總括嚟講，小店整體表現幾好👍，食物同飲品質素不俗，環境又舒適。定價方面，我認為其實都算OK，首先佢有提供套餐，第二就係佢唔收加一服務費✌🏻。如果經過上環又想食得輕盈啲，不妨可以考慮呢度！…ดูเพิ่มเติม