喜煌點心牛肉世家

營業中

休息中

📍 喜煌點心牛肉世家呢間點心舖專做手作點心，日日新鮮即製㗎！佢哋家族四代傳承，堅守品質：太爺係廣東開設肉檔販售牛肉起家；爺爺將事業遷至香港，立志將呢份供應新鮮牛肉既祖業發揚光大，更將新鮮牛肉既特色融入香港點心之中。🌹一個人的浪漫 $67獨食九宮格點心盒，一次過歎齊8款人氣精選！有鮮蝦餃、鮮蝦腐皮卷、叉燒包、鮮肉灌湯小龍包、芥末沙汁三文魚春卷、瑤柱杞子燒賣皇、竹炭熔岩奶皇包、蜂巢黑糖糕，款款都係心機之作！▶️個人推介個鮮肉灌湯小龍包🔥 熱辣辣上枱，一啖咬落去爆曬湯汁，唔錯！👍🏻🐤雞翼蔥油撈麵配湯 $34三隻雞翼炸得香脆，唔會油淋淋～個撈麵份量好足，蔥油夠香，撈勻啲粗麵食落夠曬飽🤣跟碗老火例湯，成個set夠暖胃～份量有啲多，女仔黎講未必食得曬💫特價點心-白灼生菜-京城蜜汁叉燒包-海苔香煎蘿蔔糕-芥未沙汁三文魚春卷 （必試🤩）-XO醬炒腸粉 （必試🤩）▶️個人食得比較重味，所以大推芥未沙汁三文魚春卷同XO醬炒腸粉～春卷外皮超脆！咬落先食到三文魚，之後芥末沙汁微微攻鼻～ 嗆辣好過癮又唔膩口；而XO醬炒腸粉炒到金黃微焦，鑊氣十足！自家製XO醬鹹香惹味，啖啖都掛滿蝦乾同瑤柱絲，香口唔油膩～📌餐廳優惠

🍱一個人的浪漫配細湯（$73）如果想一次過試哂多款點心，我推薦呢道一個人的浪漫，用9宮格裝住8款點心，有鮮味足料嘅瑤柱杞子燒賣、皮薄餡靚嘅鮮蝦餃、熱辣辣流心嘅竹炭熔岩奶黃包、酥脆嘅鮮蝦腐皮卷、芥末沙汁三文魚春卷、蜜汁叉燒包，皮薄多汁嘅鮮肉灌湯小籠包同黑糖蜂巢糕🍜雞翼蔥油撈麵配湯（$34）雞翼炸得皮香肉嫩，撈麵食落有滿滿嘅蔥香同麻油香味之餘仲唔油膩，呢道菜仲要係晚市重點推介；湯係紅菜頭粟米煲豬骨，好足料而且味道甘濃🥧古法馬拉糕（$20）馬拉糕鬆軟濕潤唔會乾硬，甜度適中，而且係即叫即蒸，上枱熱辣辣🥢XO醬炒腸粉（$20）腸粉好滑，加上香辣惹味嘅XO醬，好味到唔停口🫔芥末沙汁三文魚春卷（$19）春卷好脆，包左滿滿嘅三文魚同青瓜做餡，汁係用左日式芥末同三文魚好夾之餘無平時咁攻鼻刺激🖤黑糖蜂巢糕（$18）蜂巢糕有好香甜嘅黑糖味，食落煙韌唔痴牙🍈蜜瓜炸鮮奶（$18）炸鮮奶嘅炸漿好薄身，好滑，食落口帶有淡淡嘅蜜瓜味🍇巨峰提子特飲（$22）🍋凍檸茶（$19）🫖茶位（$8）🎥餐廳有兩層，下層用咗懷舊戲院設計，貼有舊時港產片嘅海報，仲寫有嘅餐廳嘅故事：「我們四代也是被生養大的」原來系二十世紀初，老闆嘅太爺