香港特色韓國餐廳
2019-10-11
近年韓流襲港,香港越開越多韓國餐廳,每次想食韓國菜都唔知去邊間好? 以下幾間不同類型嘅韓國餐廳,無論您想食邊款韓國菜,都總會有間滿足到您嘅韓味體驗!

The Joomak (尖沙咀)      
The Joomak韓國總店開幕至今已吸引超過1百萬城中食客及遊客品嚐,海外分店遍佈東南亞。2015年The Joomak集團決定進軍香港的飲食界,以「朝鮮酒幕」自居,為香港人帶來全新的韓國飲食文化。餐廳主要以時令健康食材為主,以風靡韓國「酒幕文化」美食為主 菜,加上韓籍大廚的熟練刀法及烹飪技巧,定能為每位客人炮製出垂涎三尺的韓食。

板燒未來豬肉漢堡扒生菜包
未來豬肉漢堡扒較真豬肉鬆綿軟腍,仲加入咗菇菌碎增添嚼勁!食時可裹上芝麻葉、生菜,再沾點柚子豉油增加風味!

牛油果開心果炸雞(素)
先以牛油果同開心果拌成特製醬料,再加入青檸汁,入口溫潤清新 !素炸雞配上鮮綠牛油果醬,灑上麻藥粉,芝香四溢!

韓式烤美洲巨鰻扒
新鮮鰻魚經過韓式炙烤,比日本蒲燒鰻彈牙爽脆,焦香亦更明顯。大廚事先將鰻魚均勻蘸滿鹹甜兼備嘅烤鰻醬,以燒烤之熱力逼其入味,再以生菜及韓國常見的芝麻葉包裹同食,解膩提鮮,可口到令食唔停口!

青蘋菠蘿羽衣甘藍煎餅

大廚係蛋奶五辛素粉漿中拌入羽衣甘藍碎,不但可以呈現天然翠綠色,更可消除羽衣甘藍原有嘅苦澀味道,又靚又好味!新鮮羽衣甘藍嘿紅皮蘿蔔清甜爽脆,伴上開胃菠蘿乾同特製青蘋果醬,美味非常!

韓蔘蜂蜜奶凍
繽紛奪目嘅香滑奇異籽奶凍系列,用上蜂蜜、韓國人蔘、奇異籽、無動物性明膠等材料,健康又好食,入口滑溜又香甜,值得一試! 

伽倻韓國餐廳 (銅鑼灣)
由韓國人主理嘅韓國烤肉餐廳,主打網燒烤肉,亦有不少傳統韓國料理,口味地道,更提供高CP值傳統韓料理午市套餐,主菜、白飯、前菜小碟、湯及飲品只需約百多元,係該區嘅午飯好選擇!

韓式前菜
餐廳無論午市定晚市都供應多長韓式前菜,包括自家製泡菜、韓式辣豆腐等,款款味道都同喺韓國食嘅一樣咁地道,餐廳負責人更表示韓式小銀魚,非常受香港人歡迎,記得唔好錯過啦!  

皇帝牛肋肉 (Double-size Marinaged Beef Short Ribs)
超大塊嘅牛肋骨以加入咗生果嘅秘製醬汁醃過夜,保證入味!燒完熱辣辣食,連骨邊嘅肉都分外軟脆多汁又帶肉甜味,可以包埋附送嘅生菜、青瓜、蒜頭片同辣椒等一齊食減輕肉膩感!


手打鮮牛肉鍋麵 (Beef & Homemade noodle hot pot)
湯底由7-8cm嘅韓國鯷魚、海帶等熬製而成,加入新鮮蔬菜同店內自家製韓式麵,滋味十足!另外仲可以根據自己嘅喜好加入蒜頭辣椒芝麻黑椒等為湯底調味,鍾意食海鮮嘅朋友仲可以選擇唔食牛肉揀海鮮鍋麵! 



心動不如行動!有興趣就快啲約埋三五知己去嘆下美食啦!快啲bookmark定啦!

*以上圖片只供參考,所有食品以實物為準. 食品供應因餐廳而異

相、文:Tiffany


關鍵字
韓國餐廳
韓國菜
烤肉
韓燒
銅鑼灣
沙律
居酒屋
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【隨時更新】零食速報 每周新款零食、酒品點評
2020-06-26
食豪啲啲 城中5間海鮮+肉扒父親節自助餐
2020-06-10
至甜初夏 6月下午茶推介
2020-06-15
灣仔新扒房只賣$298黑安格斯牛扒套餐 任食薯條+超鬆軟肉桂牛油餐包
2020-06-11
甜蜜蜜暑假 7月下午茶推介
4天前