銅鑼灣高級粵菜食府 海味+招牌菜組合3款名貴套餐
6天前

想食中菜又帶點新意嘅話,嚟呢間中菜日化、同時為花膠專門店嘅高級粤菜食府就幫到你喇。餐廳裝潢典雅富氣派,以高質食材炮製多款經典粤菜,啱晒同親朋好友聚餐或招待商務客戶。

而家經OpenRice訂座預付指定嘅1人份套餐(2人起計),輸入限量優惠碼「FDSTORY60」滿$600即減$60(適用日期:即日至2022年7月31日)。其中2款全日供應,1款則為午市餐點,每款套餐更包括唔同嘅招牌菜,以及用海味、海鮮製作嘅菜餚,即睇邊款配搭啱你口味啦~


矜貴粵式美饌天下第一豬豐盛套餐 (全日供應)
價格:每位$925【1位用,2位起】
(原價:每位$1,088)

呢個套餐有8道菜,當中最特別為即燒無花果天下第一豬,係餐廳嘅首選招牌菜式,另外主要以海鮮同海味炮製多道菜餚。

首先有招牌之一嘅灌湯豚肉爆汁鍋貼, 鍋貼有15摺以上,每隻1兩重;慢火煎至底部焦脆香,可以先咬一口品嚐鮮味嘅肉汁,然後再蘸自家調校鎮江醋。

其次係皮脆香口嘅即燒無花果天下第一豬!餐廳選用60日大嘅越南走地豬,每隻重約60斤,肥瘦比例啱啱好,並且用200度高溫即叫即烤,以保持最佳口感。

然後飲盅每日唔同款嘅無味精靚湯(圖左),就可以享用接住落嚟選用海鮮同海味入饌嘅菜式喇。好似經典款式鮑魚海參天白菇菜膽(圖右),清香而鮮味。

上湯煎焗虎蝦鍋巴選用蝦膏濃郁嘅澳洲虎蝦,本身先煎後焗已經好香口,蘸上湯配埋鍋巴一齊食,一啖有齊爽、脆兩種口感。

另外魚湯鮮竹浸津白(圖左)松子花膠肉末炒飯(圖右),增加飽肚感之餘亦好健康。


 最後配上養顏嘅萬壽果銀耳桃膠收尾,冰涼清潤又唔太甜。

 

經典粵式栗子豬叉燒精選套餐(全日供應)
價格:每位$585【1位用,2位起】
(原價:每位$688)

另一款全日供應嘅套餐都係8道菜餚,並以水晶花膠凍同西班牙栗子豬叉燒兩道招牌菜開啟味蕾。

花最少10個鐘製作嘅水晶花膠凍,配上黑醋啫喱辟除腥味;而果凍其實係自家製濃湯,同花膠相間入模、冷藏而成,帶濃厚嘅鮮味。

而3分肥7份瘦嘅西班牙栗子豬叉燒,串起後用特製烤爐燒90分鐘,再喺叉燒外層搽上蜜汁。食嘅時候配埋魚子醬,可以中和油膩感。

接著上嘅蟹肉甘粟羹(圖左)同羊肚菌本菇泡帶子(圖右),分別以粟米、燈籠椒等蔬菜為唔同海鮮注入清甜味,令味道層次更豐富。

另外製作繁複嘅海參天白菇扒柚皮選用澳洲海參,入口爽滑軟腍;柚皮則來自台灣、濃郁清香嘅文旦,需重覆榨水超過100次以去除澀味。

濃湯竹笙浸翡翠(圖左)欖菜蝦仁炒飯(圖右),都用上正氣嘅菜心,後者更以爽彈嘅蝦仁增加口感。


呢個套餐以杏仁蛋白露收尾,杏汁香甜,蛋白滑溜。


嚐味粵式鮑魚撈麵午市套餐
價格:每位$330【1位用,2位起】
(原價:每位$388)

午市套餐則有6道菜,主菜係原隻鮑魚薑蔥撈麵,配搭精緻又得體。

呢度嘅灌湯小籠包都係招牌美食,外皮薄至2mm,每隻20摺以上,每隻約8錢重;餡料則用上鹿兒島黑豚肉,湯汁豐富又充滿肉香。

飲盅無味精靚湯暖胃後,就有灑滿蝦籽粉嘅蝦子海參炒蝦球(圖左)、同輕盈爽口嘅野菌鮮竹浸津白(圖右)


原隻鮑魚薑蔥撈麵嘅蠔皇鮑魚,口感軟糯又厚肉,幼麵彈牙亦唔重鹼水味;最後配上美白養顏嘅杏仁蛋白露都好豐富。


OpenRice訂座推介 | OpenRice x The Food Story
於2022年6月1日至7月31日為你獨家呈獻Signature Menus,首200名會員於推廣期內,經OpenRice網上訂座The Food Story旗下餐廳時輸入優惠碼FDSTORY60購買訂座預付套餐滿$600再減$60。
推廣期內累積最高消費金額的首3名會員,可獲The Food Story高級餐飲體驗及現金券(總值$9,140)。
活動詳情:(按此


麒藝館    
地址: 銅鑼灣勿地臣街1號時代廣場10樓1001A號舖


客戶專訊
餐廳資料
本月熱門
【2022生日優惠】持續更新!6月壽星免費嘆生蠔/清酒
2022-05-31
【隨時更新】最後倒數!2022即將結業嘅人氣餐廳
2022-05-30
5月份好評餐廳十強
2022-06-06
酒店新出「北歐神話」下午茶 10款鹹甜點色彩繽紛 多款海鮮入饌
2022-06-10
香港4大Crêpe推介!M9和牛可麗餅、蘋果金寶奶油醬口味
2022-05-31