日本人氣大阪燒登陸旺角!席前炮製足料大阪燒+廣島燒(有片)
2018-08-30

被譽為去到大阪道頓堀必食嘅千房大阪燒,最近嚟到旺角開香港首間分店!Menu大部分同日本本店相近,招牌千房燒、豚玉燒、廣島燒,部分口味仲係海外限定㗎。加上新增嘅鐵板燒同一品料理,選擇豐富實滿足到鍾意食日本菜嘅你。
 



1973年創業,大阪燒名店千房嘅香港首店坐落旺角新商場T.O.P,可以坐吧檯位睇足廚師席前製作各種料理,或者舒舒服服坐喺卡位,用枱上嘅鐵板保溫。唔少食材例如雞蛋同肉類都由日本空運,小麥麵粉同調味醬汁甚至係品牌自己調配好再運過嚟香港。日本師傅會駐場兩個星期,訓練員工同確保食物質素,保證大家食到同日本店一樣嘅味道。
 


千房燒($108)

千房燒即係品牌招牌大阪燒,正宗大阪風味配上豬肉、牛肉、帶子同原隻黑虎蝦!蝦肉做餡料,蝦頭同煎好嘅蝦腳就做埋裝飾,賣相霸氣十足!
 


食落係經典大阪燒嘅鬆軟口感,香脆嘅蝦腳同薄身嘅鰹魚片增加口感層次。秘製醬汁加上蛋黃醬非常惹味,不過食唔慣嘅話可能會覺得比較鹹。
 


特盛蔬菜大阪燒($78)

海外限定口味,重點係加入大量芫荽!其他配料包括豬肉、牛筋魔芋、茄子、蕃茄同芝士。最後再加少少咖喱辣粉同蒜片調味。
 


食落芫荽香最明顯,加上調味料嘅辣味,係比想象中更加「重口味」嘅一款,如果唔鍾意芫荽嘅朋友建議揀其他口味!
 

更多【新店直擊】:
1. 葵廣職安真漢子主題店 超麻辣牛柏葉牛肚串
2. 今晚食雞 西營盤新開濃味手撕雞外賣店
3. 兩位台灣媽媽返嚟啦!吃什麼中環新店直擊

 

芝味廣島燒($88)

廣島燒同大阪燒唔同嘅地方在於麵糊比較扁,然後加入大量菜絲、炒麵同煎蛋。而呢款海外限定嘅芝味廣島燒顧名思義會再加芝士,半融芝士加上海苔粉鋪面相當誘人。
 


食落口感層次豐富,特別一條條有少少燶邊嘅炒麵同爽口嘅菜絲對比明顯。略嫌調味偏鹹,加埋芝士相信比較難一個人食哂成個,特別係女孩子們建議搵朋友Share食好啲。
 


香脆鐵板餃子($50)

同樣係海外限定嘅鐵板餃子,比平時食開嘅日式餃子扁得多,因為主要想做出同大阪燒或廣島燒完全唔同嘅香脆口感。煎完記得趁熱食,裡面嘅菜肉餡同餃子皮口感對比先夠明顯。
 


全熟桃味梳打($35)

雖然新店開咗無耐,但已經唔少人打電話嚟Book枱,建議大家都最好訂定枱先。大阪燒同廣島燒分量都唔細,記得唔好眼闊肚窄嗌太多變大嘥鬼呀。
 




千房
旺角彌敦道700號T.O.P This is Our Place4樓409A-409B號舖




文、相、片:Cathy

關鍵字
旺角
大阪燒
廣島燒
餃子
日本菜
T.O.P
千房
新店直擊
走在最前線,為大家搜羅及報道有關新開餐廳的資訊。
餐廳資料
本月熱門
兩位台灣媽媽返嚟啦!吃什麼中環新店直擊(有片)
2018-08-25
8月份好評餐廳十強
2018-09-06
逐gram計錢! Meter主理日式鐵板熟成牛扒
2018-08-21
4cm厚班戟+招牌刨冰抵港!京都人氣甜品銅鑼灣店直擊(有片)
2018-09-12
日本人氣大阪燒登陸旺角!席前炮製足料大阪燒+廣島燒(有片)
2018-08-30