最近有多間餐廳推出抵食外賣自取優惠，最平低至全單8折，有經典川菜、餃子專門店、手打烏冬同燒味等，總有一間啱你心水！
烏蠅館 (將軍澳、尖沙咀) 全單85折
一間做川菜好有水準嘅餐廳，啱晒鍾意重口味、辣得夠爽嘅朋友。必試嘅有川式芹菜牛肉紅油水餃，芹菜清香配上牛肉鮮味，紅油一淋即刻升級。川式魚香茄子配白飯就係穩陣之選，拌飯一流。外婆麻辣滷豬手飯亦好出色，豬手滷到入味又帶微辣，好滿足。餐廳仲提供好多經典川菜，例如水煮牛肉、酸菜魚，亦有干鍋系列、冒菜、串燒同自家特飲，真心多選擇！
餃里 (全線分店) 全單85折
主打手工餃子嘅小店，外賣自取選擇都夠晒彈性。最人氣係田園四拼，可以一次過試到韭菜、椰菜、白菜同香荽4種餡，每款2隻。鍾意揀款嘅就可以試6隻雙拼自由，6款餃任選2款，各3隻，簡單滿足。餃子煮法有香口煎餃/暖笠笠湯餃選擇，湯底包括冬瓜瑤柱肉碎湯、無花果栗子素湯同番茄薯仔肉碎湯，好有家常味。澱粉控仲可以揀煎餃加撈麵 或 撈米線套餐，配埋飲品好抵食。
鰹烏冬 (全線分店) 全單85折
人氣烏冬專門店，清爽同濃郁口味都有得揀。清爽啲嘅有招牌竹簾冷烏冬（原味）、清香嘅鰹魚清湯烏冬，冬天想食濃啲就有香辣暖胃嘅鰹魚湯咖哩烏冬，同埋creamy啲嘅魚湯豆乳烏冬。可以加配天婦羅、廣島牡蠣、金菇牛肉卷、骨付雞、味噌焗鯖魚、流心蛋等小食，加配一兩款已經好滿足，CP值幾高。
博士燒味 (中環) 全單8折
主打港式燒味嘅外賣店，最Hit梗係佢哋嘅雙拼燒味飯，可以自選叉燒、貴妃雞、脆皮燒腩仔或醬王燒鴨，點2款拼埋一齊食更過癮，無論想食香口叉燒定嫩滑貴妃雞都得。同場仲有古早味滷肉飯同麻辣貴妃雞等等，送飯一流呀～而且食物種類多，出餐又快，啱晒時間唔多嘅上班族！
Asian Lab (紅磡) 全單85折
呢間東南亞小店主打馬來同越南風味，選擇多到唔怕無嘢食。人氣之選有海鮮馬來喇沙摻摻，湯底濃郁又幾足料，有蝦、青口、魷魚。想清爽啲就有豬扒撈檬，爽口開胃。呢度仲有越南法包三文治食，推薦啖啖肉嘅香茅豬肉越南街頭法包三文治。小食方面都有驚喜，例如椰香咖央多士、扎肉蟹肉蝦米豬肉碎蒸粉包等等，無論主食定小食都相當有睇頭，好啱外賣返屋企慢慢嘆。
忠記義 (天后) 全單85折
主打港式小菜同家常粉麵嘅小店，味道俐落唔花巧。推介無骨香辣口水雞配油飯，雞肉嫩滑，醬汁係香辣得嚟帶少少麻，最啱用嚟撈飯。和風芥末汁香煎北海道帶子稻庭冷烏冬就清爽啲，帶子煎到微微焦香，配冷烏冬同和風汁好開胃。櫻花蝦金銀元貝拉絲炒蛋配白飯炒蛋夠晒滑，帶淡淡海鮮香～仲有避風塘、馬來咖喱、炒意粉同海鮮系列，選擇超多元化！
broThai (石硤尾) 全單85折
位於石硤尾嘅泰國菜小店，主打多款泰式風味炒飯同小食，非常適合想試新嘢嘅你。推介包括香氣十足嘅泰式雞肉炒金邊粉、惹味嘅泰式烤豬頸肉炒飯同送飯一流嘅香葉肉碎煎蛋飯，每款都味道突出，份量十足。小食亦唔馬虎，有泰式酸辣鳳爪、泰式芒果糯米飯同凍泰式奶茶，同樣咁高質素。無論係獨自享用定同朋友分享，都係一個高質又抵食嘅外賣之選。
CHICKEN EGG BOY (上環) 指定食品75折
主打創意口味雞蛋仔，非常適合甜品控～Hershey’s朱古力味雞蛋仔一打開已經有淡淡可可香，朱古力味濃但唔會死甜。自選三拼雞蛋仔就好玩，可以揀雞蛋、香腸、餐肉、咸牛肉、火腿等做餡料，鹹香同雞蛋仔嘅甜味好夾。最吸睛嘅一定係Q版菠蘿包口味雞蛋仔，外皮有微微菠蘿皮嘅香甜脆感，味道好貼地又充滿童年回憶，配埋杯港式飲品就更加到位！
滾餃 (觀塘) 全單85折
手工餃子專門店，每一款餃子都餡料滿滿誠意十足。傳統同創意口味都有，包括蒜芯鮮蝦豬肉餃，蝦肉鮮甜搭配蒜芯夠晒爽口；黑松露芝士豬肉煎餃煎至金黃，芝士微微溶化，一咬就爆汁！香菇粟米豬肉餃就清爽啲，香菇味好香濃，配埋香甜粟米同juicy豬肉餡，入口超滿足～小食方面亦有涼拌香麻皮蛋同雞絲粉皮，清爽開胃。
星·韓式小館 (鰂魚涌) 全單85折
鰂魚涌呢間韓式小館真係抵食之選，午市套餐選擇多價錢又親民。烤L.A.牛肋骨肉香十足，燒到微焦帶肉汁，配住白飯好滿足。辣泡菜豬腩肉煲就係惹味代表，湯底酸辣得啱啱好，豬腩肉入味又唔會過肥。鍾意清爽少少可以揀韓式炒粉絲，有牛肉香又唔會太heavy。仲有每日限量嘅炆豬手飯，最重要係晚市都一樣有折，放工過嚟食都好抵！
OpenRice 26歲生日當然要同大家一齊食住慶祝！精選餐廳低至75折，仲有全單85折優惠等緊你！即日起至2025年11月27，朝早11:00起落單滿$60以優惠碼「HBD10」更可享額外減$10折扣！
仲等？按此立即落單
HBD10: https://www.openrice.com/info/takeaway/tc-HBD10.html
