暑假就嚟完結，但食好啲係要繼續嘅～今期有泰國菜、港式餐廳、日本菜、上海菜及川菜，啱晒鍾意亞洲菜嘅你！
味道 (上環) 指定食品半價/8折
多國菜粉麵小店，提供包括日韓台泰越等多國風味，深得上班族歡迎。推薦日式咖喱雞髀飯，咖喱香味濃郁，雞髀juicy滿足感高，配飯一流；泰式炭燒豬肉串肉質嫩滑、帶炭燒香，外層塗有甜甜醬汁好開胃；咖喱牛肉撈稻庭烏冬嘅咖喱香帶出濃郁牛味，烏冬煙韌滑溜～飲品方面青檸梳打同韓國菠蘿柚子蜜都酸爽解渴，啱晒炎炎夏日。
新東園 (尖沙咀) 指定食品半價/8折
平民港式熟食檔，賣嘅係純粹懷舊茶餐廳味，多款傳統港式常餐、三文治、湯粉麵、米線套餐、招牌咖喱套餐、特色秘製蔥油套餐同埋椒鹽套餐，款式選擇超多，咁午餐唔使煩惱啦～必試佢嘅椒鹽豬扒飯，豬扒炸得香脆入味；蔥油雞扒蛋飯嘅雞扒滑嫩，蔥油香氣撲鼻；花生醬西多士屬下午茶心水必點，外脆內香，蛋香混合花生醬，好有童年味道～
二十道 (北角) 指定食品半價/8折
供應多款特色創意日本料理，主打多款丼飯、拉麵同小食，選擇多到可以滿足唔同口味嘅朋友。牛舌拉麵(雞濃湯底)雞湯濃郁香滑，飲落有層次，唔會太膩；牛舌厚切得嚟仲保持嫩口彈牙，食落帶少少煙燻香，非常惹味；三文魚刺身丼鋪滿厚切三文魚刺身，新鮮有油香，配上微甜醋飯，每啖都好滿足。章魚小丸子外層香脆，咬開係煙韌嘅麵糊同鮮甜章魚粒，加埋醬汁同木魚絲，香氣十足。
夏麵館 (沙田、鑽石山、將軍澳、太子、樂富) 指定食品半價/8折
主打滬菜嘅上海粉麵館，供應嘅菜式選擇幾齊全，包括開胃涼菜、滋味湯羹、蟹粉系列、滬式小菜、人氣點心等，樣樣都好有心思。人氣必食推介老上海炒麵，麵條香口彈牙，有種懷舊上海小店嘅親切感；接住仲有老上海炒飯，粒粒飯吸滿香氣，每啖都好滿足；最後記住唔好錯過夏伯伯涼拌茄子，茄子冰冰涼涼、加入蒜蓉亦唔會過鹹，開胃又爽口。
知味川菜 (大角咀) 指定食品半價/8折
主打經典川菜，選擇多元化，價格亦親民，好啱鍾意地道川味嘅你。招牌菜包括酸香濃郁嘅老壇酸菜魚，魚片鮮嫩，配上酸菜湯底非常開胃；香氣十足嘅農家小炒肉，用豬肉快炒至惹味入味，送飯一流；仲有爽脆清新嘅涼拌土豆絲，簡單卻令人回味。除此之外，餐廳亦提供多款特色冷盤，包括麻香微辣嘅川式口水雞、帶微辛香嘅青椒皮蛋，以及酸辣開胃嘅涼拌魚皮，非常適合同朋友一齊分享，齊齊嘆正宗川菜滋味。
大小姐冰室 (北角) 指定食品半價/8折
一間充滿懷舊氣息嘅港式冰室，餐牌主打傳統港式茶記美食，價錢親民，分量十足，唔少街坊都話佢係平靚正嘅好選擇。星洲炒米炒到乾身夠鑊氣，咖喱粉香味撲鼻，配料又有蝦仁、叉燒、蛋絲等好豐富；鍾意鑊氣重嘅朋友，仲可以試埋佢哋嘅乾炒牛河，牛肉嫩滑唔嚡口，河粉炒到微焦帶香，鹹香惹味。脆脆奶油豬仔包，抹上厚厚牛油再灑上砂糖，焗到外脆內鬆，甜鹹交融，係下午茶必食之選；另外仲有可以自由配搭餡料嘅自選雙拼三文治，鹹牛肉、火腿、芝士、番茄、煙肉、雞蛋任你砌，無論早餐定下午茶都啱食。
九運米線王 (銅鑼灣) 指定食品半價/8折
主打川味風格嘅創新米線，用料足夠豪邁，湯底夠晒重口味，辣得過癮，酸得開胃，係附近返工族同學生嘅外賣恩物。招牌珍寶雞翼米線雞翼大大隻，金黃色澤真係超吸睛，而且炸得外脆內嫩，肉汁豐富；炸豬頸肉米線厚切多汁，脂香撲鼻，炸到微焦又唔乾，食落啖啖油香。湯底有招牌金湯酸辣、麻酸辣、野菌雞湯、魔鬼辣同清湯，鍾意清淡同香濃都有得揀～小食都有驚喜！炸日本頂級生蠔外層炸得金黃酥脆，一咬爆汁，鮮味十足，絕對值得加單。
溢品鮮湯麵 (長沙灣) 指定食品半價/8折
位於長沙灣嘅「溢品鮮湯麵」係一間結合東北家常味道同川味香辣風格嘅街坊小店，主打足料湯麵同惹味飯類。推介鮮肉餐B，一碗入面就有齊鮮豬肉、雲吞、黑木耳同金針菇，啱晒打工仔想食得豐富又唔爆budget。麵底方面可以自選，推介試吓福建麵線或者湖頭米粉，特別有口感，掛湯又入味～另外川辣系列飯類都唔錯，好似川辣花菜炒肉飯同川辣茄子肉碎飯，辣得惹味又夠鑊氣，辣味滲晒入餸料同飯粒，每啖都香辣開胃。小食必試蜜汁烤蝦餅，外層微脆，蝦香撲鼻，蜜汁味帶甜香。
尚蓮越泰餐廳 (東涌) 指定食品半價/78折
主打泰國同越南菜，佢哋嘅鳳梨軟殼蟹海鮮炒飯絕對係必試！炒飯用上泰式香料炒得夠鑊氣，粒粒分明又有鹹香，加埋鮮甜多汁嘅菠蘿粒平衡炒飯嘅惹味，配上酥炸軟殼蟹咬落好滿足；火車頭湯河有生牛肉、牛腩、牛筋、牛丸、牛柏葉，湯底用香料同牛骨熬成，牛味濃郁又有層次。最後唔可以唔提嘅係炭燒厚切香茅豬扒，豬扒厚身多肉，炭燒香味十足，香茅味滲晒入肉，微焦又唔乾柴，配飯食一流。
食好啲 (灣仔) 指定食品半價/8折
主打平價又有質素嘅意粉、飯類同小食，好多返工族都會專登嚟買做lunch！茄蓉蜆肉長通粉用上鮮甜蜆肉加埋香濃茄蓉醬，唔會太酸，仲帶少少蒜香，長通粉煮得啱啱好，煙韌掛汁，每啖都食到蜆肉鮮味，清爽又開胃；日式軟滑漢堡飯嘅漢堡扒厚身多肉，煎到外層微焦，裡面仍然保持嫩滑多汁，淋上特製醬汁，帶少少甜味，好有日式風格。小食方面就推介脆炸雞塊，外皮炸到金黃香脆，唔會太厚粉，雞肉仍然保持嫩滑，咬落有肉汁，食完意粉或飯之後再加一份小食就啱晒。
OpenRice外賣自取幫你用超抵價滿足味蕾！過百間人氣餐廳帶嚟至少8折，每星期都有半價優惠！即日起至2025年8月27日，朝早11:00起落單滿$50以優惠碼「SALE」更可享額外減$10折扣！
仲等？按此立即落單
SALE: https://www.openrice.com/info/takeaway/tc-SALE.html
