聖誕節就到啦！仲未諗同朋友開party食咩嘅呢度幫到你～唔少餐廳都推出派對套餐優惠，抵食又方便！
Outback Steakhouse (全線分店) 12月18日前早鳥優惠72｜12月19日至１月４日74折
主打大分量西餐，啱晒一家大細或者朋友聚餐。自選多人套餐可以自由配搭頭盤、沙律、主菜同甜品，例如香辣炸雞槌、爆谷蝦、凱撒沙律、意粉同燒烤主菜等，選擇夠多又實在。主菜方面必提招牌燒加拿大帶骨黑毛豬扒，肉質軟腍入味；另外澳洲法式燒羊扒分量十足，肉汁豐富。除咗套餐，仲有多款單點菜式可以揀，想簡單加多幾款燒肋骨或者扒類都好方便， 12月18日或之前經OpenRice外賣自取落單可享早鳥優惠，12月19日至1月4日派對套餐都有74折，冬天喺屋企慢慢嘆熱辣辣西餐，輕鬆又滿足。
PHI Coffee & Pancake (全線分店) 派對套餐9折
走溫暖甜系路線嘅冬日套餐，特別啱情侶或者小家庭輕鬆share。冬日套餐可以揀前菜、兩款主食，再加一款梳乎厘同特色飲品，配搭好豐富。主食入面冬日蘋果脆皮聖誕烤雞腿好有節日感，雞皮香脆、肉質嫩滑；香辣蒜香青口意粉同樣受歡迎，蒜香濃郁又夠惹味。甜品一定要揀招牌梳乎厘，好似焦糖蘋果玉桂口味，鬆軟又暖笠笠，拎返屋企食都好有幸福感。飲品選擇多，咖啡、朱古力同水果梳打都有，整體感覺輕鬆又治癒，冬天喺屋企慢慢嘆都幾寫意。
Pizza King (大角咀、荃灣) 派對套餐9折
想喺屋企輕鬆開餐又唔想煮，揀佢哋嘅Combo就最方便。二人或四人套餐已經包薄餅、意粉同小食，夠晒豐富又易share。薄餅款式選擇多，經典瑪嘉麗塔同芝士五重奏都好穩陣，鍾意濃味嘅可以揀烤肉至尊或者黑松露雜菌薄餅；意粉方面卡邦尼煙肉忌廉同黑松露雜菌忌廉都幾受歡迎，creamy得嚟夠暖胃。小食一定要加埋雞翼，無論原味定鹹蛋黃都好香口，啱晒冬天邊睇戲邊食。整體分量足、選擇彈性高，朋友聚會或者一家人外賣一齊食都幾適合。
阿元來了 (觀塘) 派對套餐9折
呢間台式小食店今個冬天都推出外賣自取優惠，派對套餐有唔同size，由5–8人到22–25人都有。細份嘅台灣特色套餐走夜市風，炸物拼盤可以揀鹽酥雞、甜不辣、花枝丸、地瓜球等，全部都係超人氣台式小吃，配埋珍珠奶茶、冬瓜茶、仙草奶茶等飲品，真係一打開盒就好似飛咗去台灣咁。再大少少嘅10–12人同15–18人套餐更加豐富，除咗炸物、小吃，仲會有滷味拼盤、蛋餅拼盤，主食可以揀招牌魯肉飯、三杯雞飯或者雞肉飯，一大盤夠晒抵食又飽肚。最大嘅米芝蓮派對餐更誇張，炸物一次過四大盤，滷味三盤，加埋手撕雞、蒜泥白肉等熱門台式冷盤，款式勁多，飲品仲可以揀台啤，完全係大型聚會嘅救星。
湊湊火鍋•茶憩 / 湊湊甄選 (全線分店) 派對套餐低至7折
想冬天喺屋企開個暖笠笠火鍋聚會，呢個套餐真係啱到不得了！有2人同4人節日套餐，無論細食定大食都啱用。兩款套餐都可以自選鍋底，由濃郁嘅竹笙蟹粉魚湯、滋補嘅紅顏花膠雞到酸香嘅酸菜白肉鍋都有，完全照顧到唔同口味。最注目嘅一定係佳節限定嘅鹿兒島A4和牛三拼肉肉聖誕樹，油花靚到好似雪花；鍾意海鮮嘅可以揀六珍海鮮匯或華麗海鮮拼盤。丸滑類仲有超可愛嘅「企鵝堆雪球」、黑松露蝦滑同人氣蝦滑，一定超滿足。炸物方面有四川小酥肉、紅糖糍粑、台南鹽酥雞等，正宗又香口；主食仲可以升級大閘蟹麵配蟹粉醬，濃香得嚟好過癮。飲品就更加貼心，珍珠奶茶、奶綠、大紅袍奶茶等任揀，暖住個胃再返屋企慢慢嘆。
茜廊餐廳 (全線分店) 早鳥優惠6折【12月18日前落單】
超方便嘅15-20人派對套餐，啱晒辦公室聚會或者屋企開 party。一大盤鮮蝦煙三文魚芒果沙律清爽開胃，芝士焗煙三文魚菠菜煙斗粉又香又濃郁，另外仲有沙爹串燒雞、醬燒豬肋骨、黑松露鮮蝦炒飯、椰汁千層糕等等，款式多又夠大份。而家仲做緊早鳥6折優惠，單點items亦有7折，21/12結束，想食記得早啲訂呀～
CHIMAC (指定分店) 早鳥優惠75折【12月18日前落單】
想過一個韓風聖誕？呢間韓國菜推出一系列派對歡聚美食，受歡迎嘅一定係洋蔥奶酪芝士炸雞派對版，香濃芝士加上酥脆炸雞，好邪惡但又停唔到口；韓式炸雞六重奏一次過食到六款口味，勁適合一班人大分享。仲有韓式牛肉豚肉炒粉絲、韓式地道小吃大合奏同韓式料理二重奏等多款選擇，熱辣辣送到手，非常惹味。早鳥優惠做到12月18日，全線派對菜式75折，之後12月19日至1月4日仍然有85折，即日預訂都得，想慳住食韓式派對餐就要把握時間啦！
HABITŪ (尖沙咀) 早鳥優惠83折 【12月18日前落單】
主打輕西餐嘅人氣 café，派對套餐由6–8人小聚到8–10人豪華版都有，選擇相當靈活。其中豪華派對套餐最吸睛，蜜糖香烤三文魚配蜂蜜橘子汁酸甜清新，美國肉眼牛扒香嫩多汁，仲有慢煮牛臉頰意大利飯、香草蒜蓉牛油焗蝦、大蝦蟹肉意粉等多款選擇，豐富又夠體面。12月18日前訂都有早鳥83折優惠，之後亦有85折～
California Pizza Kitchen (全線分店) 早鳥優惠85折 【12月17日前落單】
主打美式薄餅同意粉，最近推出嘅派對套餐就更加啱晒一大班朋友喺屋企開局。六至八人用嘅派對套餐 A 包括頭盤、沙律、意粉同薄餅等多項選擇，例如韓國風味甜辣雞膇酥香惹味，牛油果醬配墨西哥脆片清爽又停唔到口；薄餅款式仲可以揀原味燒烤雞肉薄餅、意大利辣肉腸薄餅等熱門口味。早鳥優惠套餐由原價$998減到$848，B、C 套餐都同樣有折，提早三日預訂就可以享用，早鳥做到12月17日，記得趁早落單啦！
碧士文 (上環) 早鳥優惠85折 【12月18日前落單】
區內相當受歡迎嘅多國菜餐廳，推出嘅派對套餐更加啱晒節日聚會！前菜可選煙三文魚沙律，小食方面有炸小食拼盤、金手指豬扒條同手打豬肉丸等，全部都係聚會必備嘅開心小吃。主菜可選招牌 BBQ 香茅豬扒或蝦醬鮮魷炒翠玉瓜，香口又醒胃；主食更加多款，三重芝士煙肉通粉、越式咖哩雞扒意粉、芝士蘋果焗豬扒飯同迷你豬肉芝士漢堡都相當受歡迎。貼心嘅係套餐有齊大細分量，由10人到30人都有，供應至12月31日，早鳥優惠做到12月18日，提前三日預訂即可。
即刻去 OpenRice 預訂派對食物啦！即日到12月23日，輸入優惠碼「EB50」，消費滿$300可以額外減$50。2025年12月18日或者之前落單，仲可以享受低至6折嘅派對早鳥優惠！買開外賣嘅可用呢個外賣自取聖誕優惠，輸入優惠碼「ENJOY」，消費滿$50，額外減$10。另有聖誕除夕優惠碼「XMAS」，消費滿$200，額外減$30。
仲等？按此立即落單
ENJOY：https://www.openrice.com/info/takeaway/tc-ENJOY.html
EB50：https://www.openrice.com/info/takeaway/tc-EB50.html
