全城減鹽減糖!三間餐廳素食菜式推介
2020-10-28

近年香港興起一陣素食熱潮,愈來愈多以素食為主打嘅餐廳開業,亦有唔少餐廳特意推出素食菜式迎合客人,所以唔少香港人對「素」都頗熟悉。不過其實素食都唔一定健康,因為食材選擇少咗嘅關係,有部份餐廳會盡量將素食烹調到偏向葷食口味,調味方面相對就會較重。

有見及此,我們便着意找一些素食餐廳,堅持奉行少鹽少糖,向大家推介。今次推介三間參加咗少鹽少糖食店計劃嘅素食餐廳或有供應素菜嘅餐廳,打破大家對素食嘅傳統印象,就算素食都無需濃油赤醬,健康得來又不失味美。


素食自助餐 綠色素食分子

餐廳由一班擁有多年餐飲業經驗嘅經營者創立,希望塑造「食素的人不但不老套還很潮」嘅形象。菜式包括來自佛堂提供嘅素菜食譜,大學中醫教授嘅素菜食療等,堅持不使用味精、嚴選無公害蔬菜、利用芥花籽油同「逆滲透」淨化水作烹調。除咗單點及套餐,更設有午市及晚市自助餐。

就算唔放肉嘅薄餅都可以好滋味!田園素 Pizza加入三色椒及比較低鈉的芝士兩片,三色椒包含多種營養,味道新鮮,而這些芝士「芝」味一樣香濃,令成個薄餅生色不少。


黑松露炒淮山嘅食材包括淮山、唐芹及自家制黑松露醬。淮山口感爽脆,只以少許鹽及黑松露醬作簡單調味,一入口會先食到黑松露香氣,再慢慢感受到淮山本身嘅鮮甜味道,菜式比以往落少咗1/3嘅鹽分。

呢味素肉鬆涼伴豆腐完全無加鹽及糖,只用比傳統版少43%鹽分嘅減鹽醬油及加少量素肉鬆調味,豆香突出,豆腐口感嫩滑。而且以涼拌方法處理豆腐,清新開胃,既簡單健康又好味。

素食新體驗 聰嫂原素

講到「聰嫂」大家一定諗起糖水。不過原來聰嫂幾個月前已經悄悄地開咗同名素食品牌「聰嫂‧原素」,為大家帶嚟素食新體驗!開一間素食健康餐廳原來係聰嫂多年來嘅願望,餐廳主要供應素食版港式茶餐廳美食,包括炒粉麵飯、常餐、燉湯及港式小菜等,打破舊有素食就等於乏味色淡嘅刻板印象。


泰式香茅咖喱煲加入素肉球、茄子、蕃茄及草菇等,比一般用少30%鹽分。素肉球口感與真肉相似。咖喱椰香味重,唔會太辣,好有泰式風味,絕對係送飯之選!  


鍾意黑松露嘅朋友,不妨試試呢道黑松露九層塔彩椒豆腐雜菌煲,彩椒及豆腐營養價值都好高,而且全部食材都吸收晒黑松露味道,一咬落去成個口腔都充滿黑松露香氣。


至於口味偏向清淡啲嘅朋友,呢度都有供應清炒菜式,如以蓮藕片、茄子、蕃茄、芹菜及淮山清炒的菜式,在烹調此菜式時,餐廳較平時用少30%鹽,同樣係希望食客可以食返材料原味,而且菜式採用唔同顏色的食材搭配,好味又吸引!


特色土耳其菜 Turkuaz

正宗土耳其菜喺香港選擇唔多,而有供應少鹽少糖菜式選擇嘅可謂少之又少。想食得健康又體驗到地中海美食,呢間土耳其菜Turkuaz餐廳就啱晒大家,餐廳主要供應正宗地中海飲食,以大量橄欖油、豆科植物及蔬菜作為主打,健康又好味!而且餐廳天花掛滿土耳其特色燈,充滿土耳其風味。


想一次過試勻多款菜式,可以試吓呢個Five Set Meze Platter (前菜拼盤)。五款前菜包括經典豆泥、茄子乳酪、土耳其香辣碎番茄、香烤茄子及奧兒茄子,零鹽分而香料味又唔會太重,食得出食材嘅原味,非常值得推介的前菜。


Halloumi Salad (哈羅米芝士沙律) 加入西生菜、番茄、紅蘿蔔、哈羅米芝士、橄欖油及檸檬汁,味道清新開胃。而哈羅米芝士經燒香後,芝士味更香濃。無須加鹽加糖或沙律醬,都已經相當美味。


主菜方面白汁闊條麵亦有素食版本,主要材料有紅椒、青椒、蘑菇、 羅勒、忌廉及蒜頭,意粉吸收晒食材香氣,呢道菜比平時用少 2.5 克鹽,而且白汁意粉配上蔬菜吃落就無咁易膩,反而因爲用少了鹽,意粉內各種食材的味道都可以品嚐到,很有田園氣色。


*資料由客戶提供 


關鍵字
少鹽少糖
素威
健康
客戶專訊
餐廳資料
本月熱門
【隨時更新】零食速報 每周新款零食、酒品點評
4天前
【2021生日優惠】持續更新!7月壽星半價嘆和牛燒肉套餐
2021-07-09
榴槤Buffet真的很興奮~ 九龍區酒店7、8月限定榴槤盛宴
2021-06-30
尖沙咀新開燒肉Omakase 專人燒日本A5和牛+特級寶盒鑽石肉
2021-06-28
投奔盛夏 7-8月份下午茶推介
2021-07-08