世界盃將於6月14日正式開鑼，到時喺街會見到一群開心熱鬧嘅波友，以及一班狂呻無男友陪嘅怨婦！男友們、老公們，唔想晚晚歸家都被扭耳仔、被埋怨，就主動識做啲！一於帶佢哋品嚐較為少見嘅俄羅斯菜餐廳，可安撫女友之餘，亦都叫「應下節」啦！
今朝有酒齊齊醉 Dacha Restaurant & Bar
喺中環蘇豪區，有呢間主打俄羅斯及烏克蘭菜式嘅餐廳，有俄羅斯正宗羅宋湯、Olivier Salad、俄國餃子、蜜糖蛋糕等。
俄國餃子、Olivier Salad 圖：elfelf6767、餐廳
羅宋湯、蜜糖蛋糕
除咗俄羅斯各款菜式，俄羅斯伏特加vodka亦相當有名，因為俄羅斯有一個悠長嘅超低溫寒冬，當地人經常飲酒精度高嘅vodka保溫，所以來到點都要品嚐一下vodka先得！
圖：食之肥仔
平民價歎俄菜 麥田廚房
唔好以為食俄國菜一定好貴，位於銅鑼灣嘅呢間樓上cafe同樣主打俄羅斯菜，不過價錢親民，而且老闆更是父子檔拍住上，父親亦曾於俄羅斯餐廳擔任30幾年嘅餐廳總廚，實力非凡。
Cafe牆上寫咗一句聖經金句，解釋cafe店名嘅由來。圖：pekying
基輔雞卷、帶子沙律 圖：joyjoywai
更多【飲食潮流】： |
享受俄國情調 Ivan The Kozak
如果想氹番充滿怒火嘅另一半，呢間餐廳最work。點解？因為餐廳擺設、裝潢、桌椅均充滿東歐色彩，加埋昏暗燈光，好romantic！大廚來自俄羅斯、烏克蘭，所以煮法、味道都好正宗，菜式有羅宋湯、芝士牛脷、火焰豬肋骨、俄國宮廷煙鹿肉、家常椰菜卷等等，加番一小杯東歐直送嘅美酒、vodka，另一半肯定下火啦！
圖：
芝士牛脷 圖：yemenikwan
圖：文：Joy