【5月生日優惠】海景BBQ送乳豬全隻 免費食酒店級日式放題
2020-05-05

一個疫情,提醒我哋重視健康之餘亦更珍惜身邊人,原來家人、伴侶、朋友喺身邊已經係一件幸福事。疫情下嘅生日當然想同身邊人一齊過,所以今次特別搵嚟戶外BBQ 生日優惠,喺戶外慶祝生日就更安心啦!如果想坐得舒服,仲有米芝蓮推介嘅日本料理、黎巴嫩菜等生日優惠㗎,睇落去就知。

龍鼓灘海邊BBQ 生日客人免入場費+氣球佈置

「龍鼓灘海邊BBQ」係自助燒烤,提供40 幾款美食任燒,好啱同朋友家人玩足一晚。除咗出名靚海景,同場亦有各種玩樂設施;黃昏時段可以睇日落;夜晚亮燈後仲好有氣氛𠻹。最近大家都留喺屋企努力防疫,難得慶祝生日去海邊BBQ 呼吸吓新鮮空氣啦。

圖:eddiechan81

圖:loveeatghostKent-CEO

生日優惠:生日客人出示生日證明,於生日當天或7天前都可享以下優惠,包括生日客人免燒烤入場費、提供1套氣球裝飾佈置、贈送生日卡1張、即影即有拍攝1次、生日歌曲點播等。優惠不可轉讓,最新詳情可致電店家查詢喔!


白石燒烤  送金牌乳豬一隻

同樣出名靚海景嘅「白石燒烤」係根據人數Order 套餐,雖然唔係任食但食品相當高質,推薦畀情侶、閨蜜慢食享受氣氛,畢竟呢度可以由馬鞍山烏溪沙眺望吐露港海景,遠離繁囂好舒暢。因應疫情關係暫時只有2人海鮮餐同4人海鮮餐,之前提供嘅獨立屋套餐暫停,想喺獨立屋打麻將、打機、BBQ就Mark 低先,暫時乖乖哋喺戶外慶祝生日啦~

左圖:LionbDining

圖:祖記小寶ckykaren

生日優惠:免費登記成為會員,於生日月份與同行親友消費滿HK$1,500 即送堂食金牌乳豬一隻。留意返,非會員想享生日優惠,需於生日月份前一個月成為會員,所以5月後生日嘅壽星都快手登記為會員先喇。


九龍海逸君綽酒店炉端燒 生日客人免費食放題

鍾意坐得舒舒服服,仲有酒店級日式放題優惠!喺紅磡嘅九龍海逸君綽酒店「炉端燒」連續3年獲《米芝蓮推介》,係有保證嘅正宗日式料理。環境簡約和式,招牌爐端燒有北海道鱈場蟹、飛驒牛、神户牛等。生日優惠亦好抵,生日客人可以免費食午市日式放題,暫時無得去日本旅行,食餐日本菜都可以滿足吓。

圖:vinnyyu技巧樹熊

圖:apple4_8

生日優惠:凡4位惠顧「相撲手日式午市放題」,生日客人即享免費 (最多2位小朋友同行)。優惠需於2天前於酒店官網預訂,並輸入生日日期連同優惠碼「birthday」即可。


Shahrazad Lebanese Dining Lounge & Bar 7折飲香檳、紅白酒等

生日想試啲新嘢,黎巴嫩菜你又食過未?餐廳由黎巴嫩人開設,口味地道,喺香港甚少機會食到㗎!必試超大份量烤肉拼盤,有齊炭香牛肉、羊架、雞肉~當然仲有黎巴嫩地道菜Mezze,有冷、熱、乳酪、香辣等多款口味揀,好似去咗一場快閃中東之旅。店內環境開揚,特大窗戶遠望中環街道同大館,仲有露台座位揀,空氣流通,係難得鬧市中嘅悠閒地方。



生日優惠:酒水消費滿HK$300,其後香檳、紅白酒及其他酒精飲品享7折優惠。

生日飯局
好友生日飯局的環境、食物質素、驚喜等因素都很重要,開飯仔集合各類最適合慶生的餐廳,方便飯局搞手。
本月熱門
【隨時更新】零食速報 每周新款零食、酒品點評
2020-06-26
食豪啲啲 城中5間海鮮+肉扒父親節自助餐
2020-06-10
5月份好評餐廳十強
2020-06-05
至甜初夏 6月下午茶推介
2020-06-15
灣仔新扒房只賣$298黑安格斯牛扒套餐 任食薯條+超鬆軟肉桂牛油餐包
2020-06-11